بحث عن وظيفة

الكاتب : الجهرمي | المشاهدات : 4,056 | الردود : 11 | ‏20 فبراير 2011
  1. الجهرمي

    الجهرمي بـترولـي جـديـد

    4
    0
    0
    السلام عليكم جميعا
    انا بصراحة توني متخرج من التكنولوجيا بشهادة دبلوم هندسة كيميائية تخصص تشغيل مصافي
    جنسيتي إيراني و أمي كويتية بس حدي محتار شسوي و الربع يقولولي الجهات الحكومية ما توظفك
    فما أدري والله وين أقدم وياليت تفيدوني و تنصحوني و توجهوني و مشكورين و يعطيكم ألف عافية
     
  2. كويتي وافتخر Q8

    كويتي وافتخر Q8 بـترولـي نشيط

    148
    2
    18
    هندسة الحياة
    وطن النهار
    وعليكم السلام ورحمة الله وبركاته

    أهلا بالطيّب //

    بالنسبة لتخصصك .. طالما انت خرّيج من كلية الداسات التكنولوجية .. فأقدر أقولك إن شاء الله انك مطلوب في أغلب الشركات النفطية الخاصة ( خصوصا شركات الخدمات النفطية + شركات البتروكيماويات + شركات الحفر )


    من شركات الخدمات النفطية

    شركة شلمبرجير ( Schlumberger )
    وهي شركة عالمية وكبيرة جداً .. وهي أشهر من نار على علم .. وقوية جداً

    والتقديم لهم عن طريق الموقع .

    وبما انك توك متخرج .. فهذا الرابط

    http://careers.slb.com/recentgraduates.aspx

    اول شي لازم تسوي أكاونت .. تالي روح حق Fieldwork

    واختار وظيفة field specialist

    وأكمل بياناتك .. وتالي ارفع السي في مالتك .. وراح يوصلك لك ايميل منهم انه تم وصول طلبك بنجاح .. وراح يتم الاتصال فيك بأقرب وقت بإذن الله

    شوف هالرابط عشان تتعرف على الشركة أكثر
    http://www.q8ow.com/vb/showthread.php?t=30423&page=3

    _______________________________________________________

    ايضا هناك شركة هاليبرتون ... شركة عالمية وقوية جداً .

    http://www.halliburton.com/

    _______________________________________________________


    اما بالنسبة للبتروكيماويات .. طبعا نمبر ون بالكويت تقدر تقول شركة إيكويت من ناحية المميزات والإنضباط في العمل

    www.equate.com

    وهذي صفحة الوظايف

    http://www.equate.com/careers_opportunities.php

    بالنسبة لتخصصك .. قدّم على وظيفة رقم 206 .. لأنهم يبون دبلوم هندسة كيميائية ...

    _______________________________________________________


    - شركة داو للبتروكيماويات
    http://www.dow.com/imea/

    وهذا عنوانهم بالكويت http://www.dow.com/middleeast/locations/
    انزل تحت تلقاه اخر شي ..

    _______________________________________________________



    وعسى الله يوفقك

    وبالنسبة للحفر .. منها شركات كثيرة على سبيل المثال شركة weatherford وهي شركة عالمية ويتفرع منها عدة شركات منها شركة حفر اسمها يونايتد بريزيشن او شي جذيه على ما أظن

    عسى الله يوفقك يالغالي .. وبشرنا عن أخبارك ..

     
  3. كويتي وافتخر Q8

    كويتي وافتخر Q8 بـترولـي نشيط

    148
    2
    18
    هندسة الحياة
    وطن النهار
    أضف إلى ذلك

    معهد الكويت للأبحاث العلمية - مركز أبحاث البترول

    ترى محتاجين مشغلّين .. عندهم نقص كبير ..

    وراح يحطونك بإذن الله في قسم الريفايننغ ( التكرير )

    وترى شغلهم حلو .. والدوام مريح .. ومكان حكومي .. وتكتسب خبرة قوية .. .. بس عيبهم شي واحد :

    المعاش مو قوي .. المعاش ( زوين )

    والتقديم لهم عن طريق قسم الموارد البشرية ( HR ) في المقر الرئيسي في الشويخ _ خلف جامعة الكويت .



    ___________________

    وبما انه امك كويتية .. فأنا أنصحك نصيحة لوجه الله .. إذا تقدر تكمّل على حساب التعليم العالي .. روح كمّل

    ترى عندهم برنامج اسمه ( أوفست ) من خلاله تقدر تكمّل دراستك على حساب الدولة

    http://www.mohe.edu.kw/MOHEWEB/news/displayNews.aspx?newsid=248

    التسجيل ينتهي بتاريخ 22-2 .. يعني باجر يصكر .. اهما يفتحونه مرتين بالسنة

    فأنصحك لو تروح التعليم العالي مبنى رقم 4 في المنطقة الحرة وتتأكد منهم إذا كان الاوفست يشملك أو لأ
    ( تكمل على الدبلوم ) يعني تدرس سنتين في بريطانيا وترجع مهندس كيميائي .. مو تدرس من أول وجديد .. هذا قصدي .


    لأنه بعثات التعليم العالي لحملة الدبلوم .. يشمل الكويتيين فقط ... بس الأوفست غير .. يشمل أبناء الكويتيات .

    الله يوفقك يالغالي .. وإن شاء الله تلاقي خير سواء بالوظيفة او إكمال الدراسة ..


     
  4. الجهرمي

    الجهرمي بـترولـي جـديـد

    4
    0
    0
    رسالة شكر و امتنان

    والله بصراحة أخوي مادري شلون أشكرك على التفاعل و المساعدة و جزاك الله ألف خير ...
    أنا إلى الآن والله بس قدمت على شركة شلمبرجير عن طريق النت و عن طريق التسليم اليدوي و مقرهم بالأحمدي
    خلف بنك التجاري و يكونون مفتوحين من الصبح لي بالليل حق اللي بيقدم يالربع و هذا رقمهم للاستفسار 23977777
    و انشالله الله كريم .. وراح أقدم انشالله على باجي الشركات اللي ذكرتهم و اللي الله كاتب في الخير بيصير انشالله
    و مشكور و ما قصرت مرة ثانية :)
     
  5. الجهرمي

    الجهرمي بـترولـي جـديـد

    4
    0
    0
    سوري بس نسيت أذكرلكم يا شباب إنه شركة شلمبرجير لما تقدم عليهم على طريقتين ( النت و التسليم اليدوي ) تزيد فرصة قبولك
    بالشركة و يكون أفضل و عسى الله يوفق الجميع انشالله
     
  6. كويتي وافتخر Q8

    كويتي وافتخر Q8 بـترولـي نشيط

    148
    2
    18
    هندسة الحياة
    وطن النهار
    لا شكر على وااجب يالحبيب ..

    وعسى الله يووفقك لكل خير ..

    لا تنسى تبشّرنا بالأخبار الطيبة ..
     
  7. استكشافي

    استكشافي بـترولـي جـديـد

    26
    0
    0

    الله يعطيك العافيه و عسى الله يعطيك على قد نيتك

    عندي سوال :

    انا دخلت موقع معهد الابحاث

    شروط التوظيف :

    ان يكون كويتي و معدل التخرج لا ينقص عن 3

    هل يتغافلون عن هذه الشروط في وظيفة مشغل

    اتمنى تزودني من معرفت

    نظرا انا خريج هندسة بترول للاستكشاف والتطوير بمعدل 2.76 من كلية الدراسات التكنولوجيه
    وغير كويتي

    اتمنى تفيدني
     
  8. كويتي وافتخر Q8

    كويتي وافتخر Q8 بـترولـي نشيط

    148
    2
    18
    هندسة الحياة
    وطن النهار
    الله يعافيك يااارب ..

    بالنسبة للشروط/ فعلاً .. شرط المعدل شرط إلزامي .. لازم المعدل يكون 3 نقاط وأكثر ..

    والتوظيف يكون إما بصفة مؤقتة أو بصفة دائمة ..

    علماً بأن التوظيف بصفة دائمة .. يكون للكويتي فقط .. اما غير الكويتي فتكون في بشروط صعبة منها وجود شهادة عالية كالدكتوراه مع وجود الخبرة العالية ( 15 سنة وأكثر على سبيل المثال ) بالإضافة إلى عدم وجود شخص كويتي يسد هذا المكان الشاغر فيضظرون إلى الإستعانة بالموظف المقيم >> هذه الساسية الجديدة بالنسبة للتوظيف لديهم

    وهذا الكلام أخذته من الدكتور عبدالحميد الهاشم مدير عام مركز أبحاث البترول بالأحمدي .. لأني سويت معاه مقابلة شخصياً .. وقالي هالكلام ..


    و وظيفة المشغل المطلوبة هي بالطبع تكون بصفة مؤقتة بالنسبة لـ غير الكويتيين .. وتكون على المشاريع .. لكن هناك مشاريع تستمر سنوات .. وبعد الإنتهاء منها يتم وضعك في مشروع آخر وهكذا .. فتظل مستمراً في العمل لديهم .. وإقامتك تكون بناءا على المادة 17 ( إقامة حكومية )

    اما ما يعيب العمل نوعاً ما هو الراتب .. ليس بذاك المرتب المغري .. ولكنه بطبيعة الحال جيّد لا بأس به نظراً للخبرة العالية التي ستكتسبها لديهم .. وتفيدك في خبرتك العملية مستقبلاً .

    بالنسبة للتقديم .. بإمكانك الذهاب إلى قسم الموارد البشرية ( شؤون الموظفين ) في الفرع الرئيسي في الشويخ
    وتقديم السيرة الذاتية مع تعبئة طلب التوظيف .. وبإذن الله سيتم الإتصال بك .. في أقرب وقت

    علماً بأن توظيفك سيكون في مركز أبحاث البترول في الأحمدي .. وقد يتم وضعك إما في المختبرات أو في الحقول
    حسب الحاجة ..

    كل التوفيق لك يالغالي ... وإن شاء الله نسمع عنك أخبار طيبة ..
     
  9. استكشافي

    استكشافي بـترولـي جـديـد

    26
    0
    0
    سلمت يداك

    الله يعطيك العافيه ..

    انا بكره بروح لهم وان شا الله بقدم اوراقي لهم .. وهذا على حسب وجهة نظرك بأنهم راح يستقبلون اوراقي
    دون النظر للمعدل


    شكراً .
     
  10. كويتي وافتخر Q8

    كويتي وافتخر Q8 بـترولـي نشيط

    148
    2
    18
    هندسة الحياة
    وطن النهار


    هلا بالحبيب

    لا يالغالي .. انا ماقلت .. ( دون النظر للمعدل ) قلت ان شرط المعدل إلزامي .. ..

    اما شرط الجنسية فليست إلزامية .. لأن توظيف الغير كويتي يكون على المشاريع وليس بالصفة الدائمة .. وهذه المشاريع قد تستمر لسنوات .. حتى ان الدكتور الهاشم قال .. هناك موظفين على المشاريع لهم عشر سنوات معنا على الرغم من صفة توظيفهم المؤقتة .. وذلك بسبب انتهاء المشروع ودخولهم في المشروع التالي .. وهكذا ..

    الله يوفقك يالغالي .. وبشرنا بأخبارك الطيبة ... انت روح وقدّم .. وإن شاء الله يقبلونك .. خصوصا انه عندهم نقص بالمشغلّين .. وإن شاء الله يمشّونك على شرط المعدل .. انت ابذل السبب وادعي ربك يسهلها .. وموفق يالحبيب ..

    وبنفس الوقت .. قدّم على الشركات اللي حطيت روابطهم فوق ^^

    كل التوفيق للجميع
     
  11. استكشافي

    استكشافي بـترولـي جـديـد

    26
    0
    0
    الله يستر عليك و يدخلك الجنه

    توني فهمت عليك

    بقدم والله المعين

    لك كل الشكر
     
  12. كويتي وافتخر Q8

    كويتي وافتخر Q8 بـترولـي نشيط

    148
    2
    18
    هندسة الحياة
    وطن النهار

    اللهم آآميين ... اجمعين ياارب

    الله يجزاك خير .. وبارك الله فيك .. \

    موفق بإذن الله ..
     
جاري تحميل الصفحة...

مشاركة هذه الصفحة