انا مهندس ابي اصير فني..ماكو مجال؟

الكاتب : مهندس صريح | المشاهدات : 2,370 | الردود : 27 | ‏19 فبراير 2011
حالة الموضوع:
مغلق
  1. مهندس صريح

    مهندس صريح بـترولـي نشيط

    61
    0
    0
    بسم الله الرحمن الرحيم

    جماعه بما ان سياسة القطاع النفطي زياده عامه لجميع الموظفين وماتستثني احد من الزياده انا مهندس قريد 12ماكو مجال انقل للسناتر وخل ينزلونلي قريد يعني قريد 11. او قريد 10 بعد هم راضي.انا راضي لاني ادري جم معاشاتهم...وانا مهندس متزوج ينزلي كل شهر 1200 وخرده...بصراحه صدمه حتى ربعي بالوزارات معاشهم 1350 غير بدل الاجار 150 دينار يعني 1500...يعني انا قاعد بأسوء مكان بالكويت بالنسبه لشهادتي!!!!!!!!! وين القطاع النفطي اللي يقولون عنه ومعاشاتهم قويه؟ تكفون فهموني
     
  2. Mr.Ahmad

    Mr.Ahmad بـترولـي مميز

    الله يعينك حبيب ألبي

    انا لو مكانك .. ماراح اتحلطم واكثر حجي

    اقدم استقالتي وأروح عند ربعي بالوزارات D:
     
  3. مهندس صريح

    مهندس صريح بـترولـي نشيط

    61
    0
    0
    لا اخوي اصير فني بالسناتر احسن من وظيفتي الصباحيه واحسن من معاشي حتى احسن من معاش المهندسين اللي بالوزاره...يعني اصير فني احسن واذا ما صار...انتقل للوزاره...نصبر على الهم اللي صابرين عليه من زمان...وقاصين علينا مستقبل ومستقبل.

    نبي نشوف الاداره تسوي لنا هالخدمه او لا حتى هذي ماتقدر عليها...انا عن نفسي موافق وبدون شروط لا ومستعد اتنازل عن قريدين مو قريد على شان انتقل هناك..
     
  4. Kuwaite

    Kuwaite بـترولـي نشيط جدا

    344
    0
    16
    Production Operation
    Kuwait
    مالت على هيك مهندسين

    سهله افا عليك

    بما ان شهادتك ماتعبت عليها ومن الشهادات ام طقه وجبتها من الخارج بالغش .. عادي اقرب عضو وحول نفسك الانتاج عسى الله يرزقك ويفكك من الحسد وتتعلم مع اخوانا بالانتاج الكرم والطيب واحترام الناس وعدم الحسد .. وبعدين بالعطلات سوو لك غرفة تجارب وحاول تصنع لنا شي بهندستك الفذه ( مهندس حتى قاري مايعرف يسوي ) وان شاءالله مع الايام ( كان في مهندس يحلم انه يصير - بالحسد عندو مال كتير كتير )

    وشكرا
     
  5. Kuwaite

    Kuwaite بـترولـي نشيط جدا

    344
    0
    16
    Production Operation
    Kuwait
    اعوذ بالله لالالا مانبيك انت تبث عندنا الحسد والفتنه ( ارحل .. نستحق الافضل ) :D
     
  6. مهندس صريح

    مهندس صريح بـترولـي نشيط

    61
    0
    0
    اخوي انت تعرف شنو معناة الحسد؟ الحسد ان الواحد يتمنى زوال النعمه عن غيره. انت لا انت راضي يزيدون المهندسين ولا انت راضي ان المهندسين يصيرون زملاء لك ويتخلون عن شهاداتهم...شي غريب صراحه...الحسد انك ما تتمنالي الخير مثل ما تتمناه لنفسك...انا اغبطكم وابي اصير مثلكم ولا ابي ان الله يبعد عنكم هالنعمه...بس الحسد اللي مايبي احد يصير مثله.

    اخوي على ايدك وين هالعضو اللي ينقلني؟


    اخر ما توقعته ان المهندس يتمنى يصير فني بس بالبترول خليتوني اتمنى اروح للسناتر اللي طايحينله نوم وسهاله ولا مسؤوليه ولا شي وقعده ماكو احلى منها...ومعاشهم اكثر من المهندسين...شهالقطاع الفاشل اللي ماعنده لا دراسه ولا احساس
     
  7. Kuwaite

    Kuwaite بـترولـي نشيط جدا

    344
    0
    16
    Production Operation
    Kuwait
    منو إلي قالك ما نتمنى لكم الزيادة بالعكس والله اتمنى الزيادة لكم!!!!!!!!!!!

    عسى الله يزيدكم قول امين

    وان شاءالله الحكومه تقر لكم الزيادة

    وان شاءالله نشوفك كبير المهندسين

    وان شاءالله اشوفك على يوم مافيك من الحسد ولا نقل الكلام الي عيب ينقال في منتدى عن اخوانك الانتاج .

    وان شاءالله اشوفك قريد 20

    قول امين

    افا عليك منو يحسدك انت ؟؟؟ انت ملك الحسد فديتك :)
     
  8. Mr.Ahmad

    Mr.Ahmad بـترولـي مميز

    انا لو مهندس جان حلفت عليك نستقيل ونركض الوزارة D:
     
  9. مهندس صريح

    مهندس صريح بـترولـي نشيط

    61
    0
    0
    اخوي انا موضوعي واضح وطلبي واضح ليش تغلط علي وتتهمني بهالكلام؟ بس على شان ما اطلع معاك عن صلب الموضوع بخليك تتكلم على كيفك حتى لا يشطب الموضوع.
     
  10. VERSACE

    VERSACE بـترولـي نشيط جدا

    حجي الفني يتعب شفتات العطله يداوم الجمعه يداوم العيد يداوم لا وفوق هذا 12 ساعه حر برد غبار موجود هذا غير اذا صار تسرب وما تبي معاشه يصير اقل منك يكفي ان اهوا قريده يوقف وانت قريدك ما يوقف حبيبي انت قريد 12 يعني انت موظف يديد بعد سنتين او ثلاث معاشك راح يفرق عن الحكومه اذا انت مستعيل روح حكومه ولا تقولي قلبك علي الشركة ما راح تطلع
     
  11. مهندس صريح

    مهندس صريح بـترولـي نشيط

    61
    0
    0
    اخوي انا راضي ...ابي انتقل...خل يفتحون لنا المجال...تقولي شفتات...ياحلوها من شفتات عندهم إسألني
     
  12. برميل نفطي

    برميل نفطي بـترولـي نشيط

    55
    0
    0
    طيب أخوي مهندس صريح ....... المهندسين بالسناتر جم معاشاتهم ؟؟؟؟؟ وهل هي أقل من الفنيين ؟؟؟؟؟؟ وهل في فرق بين معاشات المهندسين بالسناتر ومعاشك ؟؟؟؟؟ يا ليت نسمع جوابك .
     
  13. برميل نفطي

    برميل نفطي بـترولـي نشيط

    55
    0
    0
    أخوي يا ليت ترد على سؤالي ؟؟؟؟
     
  14. بلبل عنقريزي

    بلبل عنقريزي بـترولـي خـاص

    2,187
    0
    0
    انت مهندس جديد وتضرب يمين ويسار توك عصفور بسم الله اصبر شوي ويتحسن المعاش
    بس اللي الاهم من المعاش حب لغيرك ماتحب لنفسك على شان الله يقط البركه بمعاشك وفيك
    لان وضعك ومشاركاتك مزريه طعن بخوانك وطلبات غريبه هذا وانت تو كتكوت لو توصل شراح تسوي

    الله يكون بالعون
     
  15. مهندس صريح

    مهندس صريح بـترولـي نشيط

    61
    0
    0
    المهندسين بالسناتر معاشهم حاله حال الفنيين اللي من نفس القريد...واي نعم في فرق شاسع بين راتب 1200 لقريد 12 متزوج وبين راتب السناتر وعلى شان ماتقول قاعد اشير والا اجذب.....نبي واحد من اللي بالسناتر يقول لنا جم معاشه الشهري......ما نبي شهادة الراتب نبي اللي ينزل مقطوع وخالص كل شهر جم....اقل معاش يستلمه بالسنه شرط انه يطوفني وبمراحل بعد...اخوي انا ابي نقل ما ابي مناقشه ابي يفتحون لنا المجال...لان الصراحه نقدت على المعاشات بالقطاع النفطي بالنسبه للمهندسين,,,والعيب فينا اذا استمرينا بالقطاع
     
  16. Lee MG

    Lee MG بـترولـي جـديـد

    23
    0
    0
    يابلبل هذا الكتكوت كبر وقعد ينافخ بدال مايحمد الله على النعمه انت يامهندس مو صريح اذا مو عاجبك معاش اللشركه قدم استقالتك وروح للحكومه معاشها اقوى ودوام خفيف واللي يطيح من النجوم اخف للسما بس لاتردد وخلك قد كلمتك ولاتشوفك عيني بالانتاج
     
  17. k64484

    k64484 بـترولـي جـديـد

    29
    0
    0
    INSTRUMENT ENGINEER
    KUWAIT
    السلام عليكم اخوي الصبر جميل اخوانه اللي بالسناتر اله يعطيكم الف عافية تستاهلون كل خير انشالله اخوي انت مهندس بعد سنتين توقع 13 يتحسن معاشك واح تكون مسؤول اخوانك الي بالسناتر الصبر حلو وانا اخوك انا مهندس درجتي 15 خدمة 9 سنين معاشي 2100 في برقان الحمد لله واخواني اللي معاي نفس الراتب تقريبا اصبر وانجز يعطيك الرزاق الحمد لله ويعطيكم العافية.
     
  18. Lag

    Lag بـترولـي نشيط

    94
    0
    0
    الحين بعد كل هالهوشه ما عرفنا من وين شهادتك ومن اي جامعه وشنو التخصص
    وهل تم تعيينك كمهندس مستجد ولا معدل وضعك
     
  19. DarkSector

    DarkSector بـترولـي جـديـد

    14
    0
    0
    السلام عليكم

    اخوي مهندس صريح شعلاقة موقفك وكلامك اللي تقوله بالزياده العامة للعاملين؟ يالحبيب هذي زياد عامة يعني الكل بيزيد باذن الله تقوم تكتب هالحجي ..يعني ستل المهندس بيكون اعلى من الفني مو فاهمك الصراحة ليش تقول جذي .. اذا علا معاشك الحالي ترى كلنا كنا جذي اول ماتوظفنا! اذا انت 1200 انا اول ماتوظفت قريد 12 ترا كنت 900 دينار ولا بالوفرة بعد! بس عمري مافكرت تفكيرك هذا الصراحة لان مهما كان اليوم ولا باجر بتشوف انه في قيمة لشهادتك تفرقك عن غيرك من غير هالحجي اللي ماله داعي .. انا الحين وزملائي اللي معاي ولله الحمد كلنا جريد 14 خلال 3 سنوات تقريبا وانا عزابي واستلم حاليا تقريبا 1700 يالحبيب اصبر شوي وطول بالك شنو تبي كلشي مرة وحدة والفنيين ترا يتعبون وحتا لو استلمو اكثر منك شغل المهندسين مايتقارن ويا مسؤولياتهم الكثيرة والمتعبة والموضوع بالاخير مو بس فلوس وخلاص واسف علا الاطالة شكرا
     
  20. بترولي عاقل

    بترولي عاقل بـترولـي نشيط جدا

    230
    20
    18
    اخي مهندس صريح
    اولا : خبرك قديم شنو 1500 اقل واحد تعدي 2000 دينار
    ثانيا : اشوف دائما في المنتدي ليش ماعندك شغل خابر المهندسين قبل مايقدر يحك راسة من كثر الشغل لاتكون مهندس ابو طقة وغير معتمد عليك
     
جاري تحميل الصفحة...
مواضيع مشابهة
  1. KNPC_FUTURE
    الردود:
    6
    المشاهدات:
    766
  2. كلمة الحق
    الردود:
    0
    المشاهدات:
    296
  3. المحرر النفطي
    الردود:
    0
    المشاهدات:
    4,588
  4. المحرر النفطي
    الردود:
    0
    المشاهدات:
    1,214
  5. المحرر النفطي
    الردود:
    3
    المشاهدات:
    8,733
حالة الموضوع:
مغلق

مشاركة هذه الصفحة