سياسة التكتم لمتى ؟؟؟؟

التكتم على تفاصيل الزيادة العامة ...
التكتم على تفاصيل الاجتماعات المتعلقة بالزيادة ...
التكتم على تفاصيل القضية المرفوعة بخصوص قرار كادر المهندسين لعام ٢٠٠٦ ...
التكتم على مادري شنو وشنو وشنو .....
انكتم نفسنا واحنا بانتظار إن شخص صادق وحكيم يعاملنا كبشر
أليس هناك من يحترم عقولنا ؟؟؟؟؟
ليش السريه ومعاملة العاملين بالقطاع النفطي كأطفال ؟؟؟
ليش هالتعامل اللا مقبول لنا كأننا أغبياء لا يجب إشراكهم بالتفاصيل
وكأننا وصلنا إلى حد البلاده بحيث تمنع عنا التفاصيل لأن ما يهمنا إلا الفلوس تنزل بالحساب
يحق لنا أن نعرف ما يحدث
يحق لنا أن يتم إطلاعنا على كل التفاصيل
حتى يكون لنا فرصه أن نحكم من البدايه
من كان معنا ومن ضدنا
من الذي باعنا واشترى مصلحته ومن الذي اشترانا
من اقترح العداله ومن حاول يقصقص ويفصل ويهضم الحقوق

 

يا جماعه
آنا للحين منكتم
إنكتم نفسي خلااااااص

 

بذمتكم انتوا تقرون الاخبار اللي اتيي بالمسجات والواتس اب من واحد من أعضاء النقابه يوقع بإسمه ؟؟؟
كل مره واحد من الربع يسويلي فوروورد اقرأ الخبر كذا مره أبي أفهم شنو الجديد فيه ما أقدر
لو إني أعرفه شخصيا جان قلتله عقب اول مسج :
((( حدث العاقل بما يعقل )))

 

نموذج لأحد المسجات :
اخبار الزيادة النفطية : عقدت اللجنة المالية التابعه للمجلس الاعلى للبترول اجتماعها اليوم الاربعاء 2-3-2011 بحضور الرئيس التنفيذي لمؤسسة البترول الكويتية والعضو المنتدب للشئون المالية والادارية وتم الاجابة عن جميع الاستفسارات المطروحه.. ومن المتوقع ان ترفع اللجنة تقريرها (التي اكملت اجتماعها حتى وقت متأخر عصر اليوم ) اليوم او غدا الخميس على ان يتم مناقشته في اجتماع عاجل وقريب جدا للمجلس الاعلى للبترول.

فيصل الكندري - نقابة نفط الكويت

شنو الخبر هني ؟؟؟
شنو الجديد ؟؟؟
وشاللي صار من تاريخ 2 / 3 ؟؟؟؟؟

يا نقابه
((( حدث العاقل بما يعقل )))

 

وترا وايد توصل من هالمسجات
شي مؤسف ان يتم نشر اخبار عنوانها غير محتواها
العنوان يخليك تطير
ولما تقرأ الخبر ترد تقراه وتقراه علشان تدور شنو اليديد
يا نقابه ...
((( حدث العاقل بما يعقل )))

 

ونعم برب العالمين
الله يشهد اني مو هامتني الزياده
لأن ربك يقسم الأرزاق
ونشكر جلاله على كل عطاياه
بس الطريقه اللي تعاملوا فيها معانا مهينه