راتب مهندس البترول؟؟؟

الكاتب : grimreaper | المشاهدات : 52,661 | الردود : 11 | ‏16 فبراير 2011
  1. grimreaper

    grimreaper بـترولـي جـديـد

    7
    0
    0
    السلام عليكم اخواني وخواتي

    انا بدش بالموضوع سيده،

    الله يسلمكم انا حاليا ادرس هندسة بترول، وانشالله على السنه اليايه اكون مخلص الدراسه ومستلم شهادتي البكلريوس للهندسه،

    سؤالي هو،،،،،

    اذا توظفت بkoc كمهندس بترول باذن الله راح اكون على اي قريد؟؟
    وجم راتبي تقريبا؟؟

    لاني شفت الجدول ومافهمت، لاني مادري راح اكون على اي قريد!!

    وشنو يعني اول المربوط ومنتصف المربوط واخر المربوط؟؟؟


    ممكن مساعده لو سمحتو،،،

    عشان ودي اعرف لان قريب انشالله اتخرج،، وحاب أسأل واستفسر


    ومشكورين ويعطيكم العافيه،
     
  2. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    عليكم السلام
    راح تكون على أول مربوط درجة 12
    والراتب حسب مكانك واكيد أكثر من الموجود في الجدول اللي شفته

    اذا الله وفقك وانقبلت وجيت توقع العقد مع الشركة اسألهم عن المربوط من أوله إلى نهايته
    هالمربوط اكثر الناس يعرفون اوله ولايدرون عن آخره ولنا سنين طويلة ماشلنا همه ولافهمناه عدل
    اذا احد يتبرع ويسهب في توضيحه يكون مسوي خير

    في النهاية اذا قبلوك فانت محظوظ ومو كل واحد يبي الشركة وحاصلتله
    لاتفكر في التفاصيل إلا بعد القبول وموفق خير ان شاء الله
     
  3. grimreaper

    grimreaper بـترولـي جـديـد

    7
    0
    0
    شكرا اخوي oilkw على الرد الحلو

    ماشالله عليك شرحتلي الاشياء اللي ماكنت فاهمها،

    الحين عرفت اذا توظفت راح اكون على قريد 12، حلو ، وانشالله بعدين اسئلهم بالتفاصيل عن اول واخر المربوط،


    والسالفه سالفة حظ انشالله، حلو انك تستفسر وتعرف وين ودك تشتغل بعدين وتعرف مميزاتك بهالمجال،

    والله يوفق الجميع يارب

    وشكرا مره ثانيه على الرد ونورت الموضوع
     
  4. grimreaper

    grimreaper بـترولـي جـديـد

    7
    0
    0
    أخواني معقوله محد يعرف جم تقريبا راتب مهندس البترول أول مابتوظف؟

    المنتدى متروس مهندسين ماشالله،

    لان الحين فهمت ان الجدول مال الرواتب مو 100 صحيح،

    يعني ياليت لو احد يفيدنا يهالموضوع،

    والفايده تعم الكل ، لان في وايد غيري طلاب هندسه ويحبون يستفسرون عن هالموضوع انشالله لان قريب يتخرجون،



    واخر سؤال،،،،

    تقريبا جم سنه نحتاج عشان نترقى من قريد الى قريد أعلى؟؟

    هالسالفه سالفة حظ؟ او واسطه؟ او تقييم على المجهود وعلى الملف؟؟

    ومشكوووووووووووورين ويعطيكم الف عافيه
     
  5. Jalboot

    Jalboot بـترولـي جـديـد

    5
    0
    0
    في قسم تطيير العقول اقصد تطوير الحقول:D
    لحد يقص عليك و يدبسك فيه

    اذا حصللك روح الاستكشافات نوم في العسل و اضمنلك بتقزرها لى التقاعد:cool:
     
  6. API 18

    API 18 بـترولـي مميز

    513
    0
    0
    معاشك ما يوصل الالف قدم على وزارات احسنلك اللا اذا وافقو على الزياده لين اتخرج يصير خير. تعال عندنا الوفره محتاجين مهندسيين بترول تحت التدريب ويطلعلك بدل طريج زياده على معاشك. نفط الخليج طبعا مو الكي او سي قول حق ربعك بعد.
     
  7. q8expert

    q8expert بـترولـي نشيط

    55
    0
    0
    عليكم السلام و رحمة الله

    اخوي راح يكون معاشك الي ينزل بالبنك 987 دينار من دون العلاوات الخاصة بحسب الجهة الي تداوم فيها
     
  8. مهندسة على سن ورمح

    مهندسة على سن ورمح بـترولـي نشيط

    57
    0
    0
    الشين بمهندسين النفط انك اول ماتتعين يكون راتبك اقل من الحكومه بس بعد 5 سنوات تطوف اللي متوظف الحكومه باقل شي 300 دينار وتعوض النقص براتبك في اول 5 او 6 سنوات بالبونص ومشاركة النجاح وبسفرات او دورات خارجية والافضل منهم معهد الكويت للابحاث العلمية من اول تعيينك لايقل عن 1200 الى 1500 حسب البدلات واذا ريال حسب الاولاد اذا متزوج
     
  9. DHLDHL

    DHLDHL بـترولـي جـديـد

    14
    0
    0
    خل عنك الشركه و عوار الراس
    الوزارات ماكو احسن منها
     
  10. eng 87

    eng 87 بـترولـي نشيط

    54
    0
    0
    Drilling Engineer
    Kuwait
    المهندس يتوظف على قريد 12

    وبالنسبه للمعاش،، يفرق من قسم لي قسم ثاني لأنه البعض يشتغل بالعقود ومالهم بدل طبيعة عمل

    بس عندك مثلا بتطوير الحقول،، والحفر التطويري.. والاستكشاف... هالأقسام فيها 100 دينار بدل طبيعة عمل

    المعاش مع بدل طبيعة عمل يوصل حدود الـ 1078

    مسألة تحول من قريد لي قريد،، تاخذ تقريبا سنتين... هذا اللي أعرفه لأني لما الحين على قريد 12 :)

    يعني تتوظف على قريد 12 ،، عقب سنتين 13... وعقب سنتين 14 وجذي

    بالنسبه للمسميات بالبداية تتوظف على مسمى مهندس قيد التطوير (Engineer UD)

    وعلى حسب القسم يعني على سبيل المثال في الحفر Drilling Engineer UD

    او اذا بقسم تطوير الحقول ... المسمى Petroleum Engineer UD

    وفي أقسام أخرى توظفك على مسمى Reservoir Engineer UD

    ومثل ماقالت الاخت "مهندسة على سن ورمح" صج إنه المعاش أقل من الحكومه لكن مع السنين تطوفهم بالمعاش ان شاءالله وغير الخدمات اللي توفرها المؤسسه من مشاركة نجاح وتذاكر سفر وتأمين صحي وغيرها

    بالتوفيق
     
  11. k64484

    k64484 بـترولـي جـديـد

    29
    0
    0
    INSTRUMENT ENGINEER
    KUWAIT
    السلام عليكم اخوي الشركة اقسام ومواقع عمل ( احنا عندنا اربع مواقع عمل بالعمليات شمال الكويت وشرق الكويت وغرب الكويت وجنوب الكويت ) و اقسام موجوده بالاحمدي ماعليها بدل مواقع يعني معاشك بحدود لالف.
    بالنسبه حق المواقع الشرق والجنوب تاخذ نفس البدل بحدود 150 دينار بس الغرب راح تضرب 150 في 2 يطلعلك 300 دينار واذا رحت الشمال راح تضرب 150 في 4 يعني معاشك مو اقل من 1500 في اول تعيينك.
    هذا اخوي الكلام قبل الزياده انا اخوك مهندس خدمتي 9 سنوات وعندي 3 عيال ودرجتي 15 وموقعي شرق الكويت مع كل ابدلات 2150 دينار يوصلني البنك مع الخصومات.
    اتمنى اني ساعتك في طلتي اخوي.
     
  12. الكويت اولا

    الكويت اولا بـترولـي جـديـد

    6
    0
    0
    والله حرام مهندس كويتي و كل هالخبره و معاشك بس 2150. وينكم يالنقابات. ما اقول اللا الله كريم
     
جاري تحميل الصفحة...

مشاركة هذه الصفحة