رسالة الي رئيس النقابه المحترم وكل من يهمة الامر

الكاتب : rig | المشاهدات : 1,009 | الردود : 12 | ‏16 فبراير 2011
  1. rig

    rig بـترولـي نشيط جدا

    177
    2
    0






    بسم الله الرحمن الرحيم

    السلام عليكم ...

    اولا حاب ابارك حق الاخ الفاضل الي بصراحه يستحق هالمنصب الاخ سالم العجمي رئيس النقابه والله تستاهل يا استاذنا الفاضل وانت اهل لها انشاء الله


    هذي رسالة موجهه لرئيس نقابتنا المحترم وكل من يهمه لامر في هالموضوع

    انا طبعا اتكلم عني وعن كذا شخص معاي بالعمل محنا لاقين احد نقوله او عالاقل نبي نفضفض حق احد بس للاسف محنا لاقين سبل الا هالموقع الي ممكن نعبر فيه ونتكلم ونوصل صوتنا


    انا اعمل في شركة برقان لحفر الابار واعتقد الكل يعرفها وبصراحه زهقنا خلاص الامر ماقام يحتمل

    انا قريت للاخ سالم موضوع بعنوان خط احمر وتحذير لجميع الشركات النفطيه

    http://www.q8ow.com/vb/showthread.php?t=33870

    لكن نبي المسؤؤلين الي نايمين بالعسل يقرونه

    بقولكم عن مشكلتي انا وعدد من الاشخاص معاي

    يالنا تولبوشر كندي يديد وماهو عارف يفرق بين كويتي وغيره عموما هذا مو موضوعنا بس انه يغلط مانرضاها سواء ويتين ول اي جنسية اخري

    كل شوي يهددنا بالتفنيش وغير كلمه فك هذي مالتهم 24 ساعه لدرجة انا كنا نتهاوش وياه وكانت توصل لمشاده كبيرة وكان يخاف طبعا زلقنا تقارير وووووو ورحنا كلمنا الشركة قالولنا هذا اصلا اخر شهر له وماشي وللاسف صارت مشكلة مع بدليله وتاخر وهذا تقريبا قعد فوق الشهرين وماكو فايده كل ما نروح يسب ويشتم ويمنعنا نصلي يقفل المسجد وووو يعني بالعربي حاط ودوبه ودوب الكويتين رحنا مرا ثانية حق الشركه حق شخص اذا تبوني اذكر اسمه راح اذكره عادي وفهمناه للمرا الثانية وقلناله اذا سب مرا ثانية محنا داومين الا اذا مشا لانه مو من حقه يغلط قالنا لا عادي افا عليكم وانا بكلمه وو وفعلا ردينا الدوام ورد حق السب والشتم فمشينا وبقا منا بس شخص واحد عالعموم تقريبا ما داومنا 12 يوم الين لم مشا وانتها دوامنا معاه والمفاجئة خاصمين علي رواتبنا اكثر بكثير من 12 يوم معنا احنا مفهمينهم السالفه وعلاقل يخصمون الايام الي ما حضرنا فيهم


    انا بقولكم شغله بصراحه سكتنا عنهم وايد اولا معاشات تنزل متاخره جدا يعني تخيلو معاش شهر 11 ليلحين ما نزل واحنا في شهر 1 وطبعا كشف حساباتنا يثبت هالشي يعني فوق شهرين مانزلنا راتب لا وخاصمين علينا دون وجه حق ومو بس هالشهر لا دايما علي هالحالة وغير جذي البوق الي قاع يصير يارجل اقل مافيها نبيهم يوفرون لنا افرول وقلفز مثل الناس مو تلبسه اليوم ساعه الا ومخترب وتطر تشتري علي حسابك

    الشي الثاني لا بدلات ولا تامين صحي ولا معاملة زينه وفوق هذا كله احنا معاشتانا تنزل من الكي او سي الشركة تاخذ ربع المعاش ويعطونا الثلث تربع يعني فوق ما اهم مو ظفينا مستفيدين منا بعملية التكويت وهم ياخذون جزء من رواتبنا

    وطبعا ماكو لا بونص ولا غيره يعني ماكو شي بهالشركة نفس الناس ناهيك انك تقعد تجابلهم شهر وطول هالشهر خدمة سيئه سواء معاملة او اكل او غيره طبعا ياشباب انا تحجي عن الريق الي اشتغل فيه بس مادري عن باجي الارياق

    والله لو بتكلم عن المشاكل بهالشركة ماراح اخلص وانا مالي بالطوالة بس الي حاب اوصله وبالمختصر انا احنا ترا مظلومين

    وبصراحه اقول انه القطاع الخاص بالكويت فاشل وحقنا وكرامتنا ضاعت وانشاء لله استقالتي قربت بس قبل لا اطلع بحاول افيد الشباب المظلومين الي معاي


    والسلام عليكم ورحمة الله
     
  2. santafe

    santafe بـترولـي مميز

    717
    3
    18
    الاخ الفاضل ممكن تخاطب رئيس النقابة السيد سالم العجمي وتستطيع ان تحصل على رقمه الخاص في المنتدى وتشرح له الموضوع مع الشكر واعتقد سالفة ان يمنعكم من الصلاة هذا الشي ماينسكت عنه ولا حتى مدير الحفر السيد عياد الكندري
     
  3. كويتي وافتخر Q8

    كويتي وافتخر Q8 بـترولـي نشيط

    148
    2
    18
    هندسة الحياة
    وطن النهار
    شركة برقان .. ( أزبل ) شركة مرّت علي !

    ما احترامي لك اخوي الكريم.. لكن اللي اشوفه انها شركة نصب واحتيال .. وبوق ..وبالنهاية يقولك ما عندنا معاشات .. وما تقدر ندفع للشركات الثانية اللي تتعامل معاها .. !!

    للأسف للأسف انا أعتب على القائمين عليها .. لأنهم نايمين بالعسل وما يدرون اللي تحتهم شقاعد يسوون

    وحسبي الله ونعم الوكيل
     
  4. كويتي وافتخر Q8

    كويتي وافتخر Q8 بـترولـي نشيط

    148
    2
    18
    هندسة الحياة
    وطن النهار



    اخوي الغالي .. هذي إحدى مشاركات رئيس النقابة .. ..

    وبالتوفيق يارب .. وان شاء الله يردون لكم حقكم
     
  5. rig

    rig بـترولـي نشيط جدا

    177
    2
    0
    حياك الله اخوي منور

    انشاء الله قاعد انسق مع الشباب انروح مجموعه حق الاخ سالم والاتصالات شغاله وانشاء الله لنا لقاء معاه وانشاء الله ايب نتيجه

    اهو مو بس يمنعنا من دخول المسيد الحمد لله انصلي باي مكان مو مشكلة

    المشاكل بعطيك ياهم بالترتيب


    1. ماكو احترام حق الكويتي ابد
    2. ياخذون نسبة من المعاش الي تصرفه الكي او سي حق الكويتين يعني مستفيد انه موظفك تمشي معاملاته وياخذ منك راتب
    3. عمك اصمخ وين مانروح ومنو ما نكلم سواء بالشركة او الكي او سي محد يسمع لنا
    4. اقسم بالله العظيم يا شباب انه في بشر تنكسر ريولهم واياديهم يقولون لهم مالنا شغل فيكم ماتروحون المستشفي والله العظيم حشاكم جلب ندعم بالريق ودوه وعلي حساب نفس التولبشر الي ماودي الناس الطبيب وعالجوه فوق 400 دينار سوله عملية وادويه وو والبشر ما همهم
    5. الكي او سي تعطي بونص حق برقان عشان توزعه علي الموضفين عقب كل موف ومانجوف شي كله ببطون الحرامية الي بالشركة واحنا الي شغالين بهالبر بعاد عن اهالينا بعز البرد والحر مالنا شي

    6. يارجل اقل ما فيها نبي معاشاتنا ثابته تنزل بموعد معين اغلبنا متزوجين ومعيلين وعندنا اقساط وقروض وغيره تخيل مستحيل معاش الشهر ينزل نهاية الشهر يا ينزل عقب شهر او شهرين يعني انت اكيد استلمت معاش شهر 11 و12 وعقب جم يوم تستلم معاش هالشهر تخيل انا معاش شهر 11 ليلحين ما ستلمته

    خلها علي الله والله كل هذا شويه اكو بلاوي

    بس ماقول الشكوي لغير الله مذله ولازم والمفروض من الحكومة ما تهاون و طق بيد من حديد هالشركات الي ضالمه عيال البلد مثل ما انا مستفيد منه اهو هم مستفيد مني كوني موظف عنده وكوني ماتمشي معاملته الا وانا عنده ( التكويت )

    ومشكور مرا ثانية
     
  6. rig

    rig بـترولـي نشيط جدا

    177
    2
    0
    يزاك الله ياخوي والله جد تعبنا لي متي بنتم ساكتين

    عموما ماقصرت ولك مني اجمل واعطر تحية علي مشاركتك
     
  7. انيرجي

    انيرجي بـترولـي نشيط

    61
    0
    0
    اقولك شي اخوي؟ مع احترامي لكم انتو ماعندكم سالفه تكلمون فلان وعلان حبيبي صار عندكم نقابه ورئيس ومعترف فيها خلاص روحو النقابه مو شرط كل الشباب المهم واحد يروح يوصل الشكوى وبعدين تسجلون واحد ورا الثانيه لو بتجمعون كلكم واحد يقولك باجر والثاني تدق عليه مايرد والثالث والخ الخ واحد يروح ويخلص السالفه ويبشر ربعه بالدوام لازم الحين نسجل وانشاءالله باذن الله رئيس النقابه والنقابه مايقصرون وترى الاخ سالم العجمي يعاملنا مثل اخوانا واكثر فنصيحتي لك لا تخلي السالفه تبرد روح اليوم ساعه 5 ونص وانهي هالمصخره حشاك
     
  8. مفلح

    مفلح بـترولـي جـديـد

    26
    0
    0
    والله يا اخوان مامثل المظاهرات ادمر إلي نايمين على العسل
    والله مافينا خير ادا ماسوناه و الله يجماعة ان المظاهرات تحقق جميع حقوقنا من تنتظرون واحد يساعدنا كلنا رجال ليش متاخدون حكم بيديكم مومظلومين انتم قوموا خلونا نروح المؤسسة و انتظار منهو كويتي قطاع خاص تعرفون شنو كويتي يعني انتم اهل البلد لهادي الدرجة مافينا شجاع و الله تاخدونها بالقوة ملينا من الإسلوب المطاطي لهدرجة متعرفون هل اسلوب قوووووووووووووووووووووووووموا
     
  9. سالم bj

    سالم bj بـترولـي مميز

    805
    1
    0
    مدير العلاقات العامة
    الكويت
    ريق ارجو الاتصال للاهميه

    السلام عليكم اخوى ريق كلمنى لو سمحت ضرورى فى اى وقت ناطر اتصالك

    ولا تقدم استقالتك وموضوعك اعتبره خالص وهذا وعد منى حتى لو ماتشترك معانا فى النقابه وموضوع المسجد خطير وانا تعرضت لهذا الموقف سنه 2006 فى شركة سنتافى فى ريق 8 والشخص اللى سوى هذا الموضوع تم فصله من الشركه على العموم انا بنتظار تلفونك بأسرع وقت ممكن وشكرا لك

    اخوك سالم العجمى
     
  10. مشاري الدوسري

    مشاري الدوسري بـترولـي جـديـد

    6
    0
    0
    الى rig بترولي نشيط

    اخوي العزيز...
    منو اللي مسوي هذي المشاكل,و في اي rig اداوم وشنو مسماك الوظيفي
     
  11. rig

    rig بـترولـي نشيط جدا

    177
    2
    0

    بيض الله ويهك بالعود دايما راعي فزعات انا انشاء الله ناوي اجيك مع مجموعة من الشباب علشان تسمعنا كلنا احسن

    معن كل ماكلم واحد ماله خلق والي يوعدني ويكشت بس انشاء الله بجمع الي اقدر عليهم


    وبخصوص اني اقدم استقالتي والله تعبت ياخوي ووهقت من القطاع الخاص بكبره لا تلومني حقوقنا كلها ضايعه اقل مافيها نبي متبنا ينزل كل شهر بشهره تخيل الي يومك ما ستملت معاش شهر 11 يعني صارلي 4 تشهر مو مستلم شي مع العلم جميع موظفين الدولة استملو معاشات شهر 2 وانا ليلحين 11 ماسلتمه وامس جميع العمال كلمو الكومبني مان ووصلها للتيم ليدر وامر انه يسوي شت داون للريق وفعلا وقت الريق الي ان تنزل الرواتب وللاسف اتصل صاحب الشركة بنفسه علي التولبوشر وامر انه يفنش الشيفت كله لانه اشتكو واعترضو ومني ومناك وبطلعت الروح عدل عن قراره بشرط محد يطالب بحقوقه مره ثانية ولا يشتكي ووو

    فهل يعقل يفنش شفت كامل علشان يطالب برواتبه الناس زهقت بهالشركة والله الكل مو بس الكويتين

    وبخصوص الصلاة قبل كان هالتولبشر نفسه يقفل المسجد وبعد ما شتيكينا عليه فتحه ويخلينا نصلي لكن بشرط ما تصلي الا بالتي تايم ( وقت الراحه ) الي اهو ربع ساعه الساعه 3 والساعه 6 و 9

    ولك ربع ساعه راحه وتصلي واذا بتاكل وكله بهالربع ساعه وماتصلي صلاتك بوقتها ماتصلي الا بالتي تايم

    ومرا تفنش شحص باكستاني مجرد انه كان يصلي بعد وقت التي تايم بنص ساعه

    يارجل فيه كره غريب عجيب للمسلمين واحنا بدوله عربية ومسلمة

    والله العظيم وصلت المسئلة انه التولبوشر يروح حق العمالة الاسويه من الهنود والباكستانيين ووو ويقايضهم الترقيه مقابل ترك الاسلام

    عموما هالتولبوشر ومشاكله معانا ووعود الشركة انه ماراح يرجع توهم طاقين له اقامه وراح يرجع الشهر الياي عموما كل الي اقوله ماراح يرجع ديرته اذا ستمر علي فعايله لان جد وصلت حدها


    ومشكور
     
  12. rig

    rig بـترولـي نشيط جدا

    177
    2
    0
    الي مسوي هالمشاكل الشركة وتعاملها وسياستها مع الموظيف والتولبشر
    ريق 124
     
  13. سالم bj

    سالم bj بـترولـي مميز

    805
    1
    0
    مدير العلاقات العامة
    الكويت
    ولنا وقفه مع هذى الشركه بالقريب العاجل وهذا وعد منى
     
جاري تحميل الصفحة...

مشاركة هذه الصفحة