ما هو الحل؟؟؟

الكاتب : Handasa | المشاهدات : 1,272 | الردود : 13 | ‏15 فبراير 2011
  1. Handasa

    Handasa بـترولـي جـديـد

    5
    0
    0
    السلام عليكم يا اخوان... عندي جم سؤال واللي عنده إجابة لا يبخل علينا

    ما هو الحل مع:
    1. الشركات العالمية اللي ماخذة عقود مع شركة نفط الكويت وموظفه كويتيين ومو قاعدة تعطيهم شغل بتاتا وكل همهم يغطون نسبة التكويت فقط لا غير؟
    2. الكويتيين اللي متوظفين في الشركات العالمية ونايمين ببيوتهم وقاعد ينزل لهم معاش كامل نهاية الشهر؟
    3. لجنة التكويت اللي بشركة نفط الكويت اللي يرأسها يحيى المتروك وكل شغله توظيف بالواسطة؟

    وفي الختام سلام :)
     
  2. sales_eng

    sales_eng بـترولـي نشيط جدا

    238
    0
    0
    ماكو حل .. تدري ليش لأنه الناس الي يشتغلون (الكويتين ) أهما إلي يبون جذي ..
    الكويتي لو يبي يقدر يداوم ويتعلم ومحد يقوله لأ
    90 % نايمين
    10 % إلي يحللون معاشهم
    أنا بيني وبينك ما ألوم لا ال Koc ولا الشركات العالمية ..
     
  3. Handasa

    Handasa بـترولـي جـديـد

    5
    0
    0
    أخوي شنو ردك على اللي متوظف بأحد هذي الشركات وكل يوم قاعد يداوم 8 ساعات والشركة مو معبرته؟؟؟ معاه شهادة هندسة ومن يوم توظف عندهم ما اشتغل شغلة هندسة!!! وعبر عن استياءه من هالوضع وكلم الشركة العالمية والمستشار وشركة نفط الكويت وكلهم عمك أصمخ!!!
     
  4. أبو خالد 112

    أبو خالد 112 بـترولـي نشيط

    105
    0
    0
    أخوي شنو أسم هذي الشركة العالمية
    شركة عالمية و جذي شغلها مع المهندسين لا شغل و لا تدريب
    عطنى أسمها أخوي بارك الله فيك خل الكل يعرف أمر هل شركات ألا ما أعتقد عالمية
    و دامنك مكلم المسأولين و محد أتخذ قرار أكتب التفاصيل أهني
    المهندسسسسس بدون خبرررررررة و دورااااااااات و أحتكاك بالعمل و أخطاء و تصحيح ماااااااااا تسوى شي شهااااادة
    لازم الاخوان في التكوت يعرفون هل نقطة زييييين
     
  5. kuwait779

    kuwait779 بـترولـي نشيط

    79
    0
    0
    أفا أخوي ماتوقعت يطلع منك هالحجي صرت في صف ربع koc لا لالا لا موصحيح سلامتك

    زين شرايك باللي قاعد يداوم ويقعد يقابل مسؤله المباشر اللي قعد هو يدوره من مكتب لي مكتب وقعدت وجابلته ورحت معاه الموقع ورديت معاه وصرت علج لازق فيه ماخليته والهدف تعرف شنو

    كنت بتعلم تعرف شنو سوا فيني خلاني أروح مع المهندسين الثانيين الأجانب وهم بعد هذول ضايقوني

    وصاحبنا هذاك قال هذا الظاهر جاسوس كويتي ومدري شنو لاتعطونه شئ خلوه عالراحه

    وطبقوا معاي سياسه التطفيش.

    رحت للمدير العود عندنا بالشركه وعطانياها كااااااااااااااااااااااااااااااااااااااااااااااااااااااااش

    قال أزيدك بس أقعد بالبيت شنو لك بعوار الراس

    ( قال تكويت قال ) ياخرطي .

    رحت للمسؤول عن المشروع الكويتي وهم عطاني الحجي الستع


    لأ أبشر وشلون جذي لأ مايصير راح أسوي وأسوي وأسوي.
    وقالي أصبر علي شوي.

    وعليها من ذيك السالفه لليوم .

    شنو قاعد تقول أخوي والله والله هم اللي يحبطونك لا من شركه ولا من كويتيين .

    نعم أعترف في ناس داشه بالعقد بس جذي وفي ناس لأ ودها تتعلم وأنا واحد منهم.

    أنا حاليا أتعلم شبه يوميا عند صاحبي في تخصصي هندسه الميكانيك عنده بقسم في شركه نفط الكويت والحمدلله ماشي خطوه بخطوه .

    شسوي بعد وأعور راسي ليش .

    مدير مشروعنا تدوره يا مسافر ولا أجتماع ولا أنشاء الله أنشاءالله وحجي بحجي والله العظيم لحد يقط اللوم علينا.

    وأنا بصراحه متخذ القرار وخالص بس ناطر هالكادر ينزل وبعدها سلام .
     
  6. توكلنا علي الله

    توكلنا علي الله بـترولـي جـديـد

    44
    0
    0
    يا جماعه نادر هالشركات لان في شركات تضلم الكويتي ومحد يكلمها ولا يتابعها


    ولا شرايكم بواحد عقده 8 ساعات باليوم ويشتغل اكثر من 12 سااعه ويدورون عليه الزله ويراقبونه ومكافئات ماليه للي يكرف الكويتي اكثر وكل ماوضفو دفعه فصلو اللي قبلها عشان الكويتي ما يترقا ويوصل وياخذ مكانهم وقبل لا يوقعون عقودهم مع الموضفين الجدد يطفشونهم زياده يغيرون الاكل عليهم ويشيلون المكاريويف ويحولونهم من سنير الي جنير


    ابي حل لهم شنو بيدي اسوي معاهم مقابل اللي يسوونه معانا
     
  7. Handasa

    Handasa بـترولـي جـديـد

    5
    0
    0
    يا جماعة الخير... الكلام هني عن الشركات العالمية اللي ماخذه عقود مع نفط الكويت ورئيس لجنة التكويت يحيى المتروك... السؤال شنو اهمه الشركات أقولكم (اس كيه – بتروفاك – هيونداي – سايبيم... الخ)...

    الأخ sales_eng يا خوي أصابع إيدك مو سوا ... تدري إن الشركة العالمية اهي اللي قالت حق الكويتيين قعدوا ببيوتكم وانزل لكم معاش كامل نهاية الشهر!!! وللأسف الكويتيين ما جذبوا خبر كل واحد نايم ابيته ويستلم معاشه كامل نهاية الشهر!!! يا خوي مثل ما في ناس ما تبي تشتغل في ناس ثانية حابة الشغل وتبي تشتغل وتتعلم وتنتج بس مو معطينهم فرصة... أخوي هالنوع من الشركات بس تبي تغطي نسبة التكويت عشان ما يحطون عليهم غرامات... يعني بالآخر تكويت وهمي وللأسف نفط الكويت عندها علم بهالشي وساكته... وسكوتها معناته رضاها عن اللي قاعد يصير

    أخوي أبو خالد 112 كلامك يا خوي صح "المهندس بدون خبرة ودورات واحتكاك بالعمل وأخطاء وتصحيح" ما تسوى شهادته بيزة

    أخوي kuwait779 سبحان الله كل الكلام اللي قلته صحيح 100% وصاير عندنا شي شبيه فيه بالشركة (عن تجربة شخصية) وعلى قولتك لا من شركة ولا من كويتيين وأنا أزيد عليها ولا من مستشار ولا من نفط الكويت كلهم صاكينها بويهنا

    الأخ توكلنا على الله... والله مادري شقولك يا خوي لازم يكون في قانون يحمينا...

    يا جماعة والله حايشنا الاحباط ومحنا عارفين شنسوي... وأنا شخصيا لو عندي الحل جان ما حطيت هالأسئلة بالمنتدى لأني استنفذت كل الطرق كلمت الشركة وكلمت المستشار وكلمت نفط الكويت بعد منو بقى؟؟؟ بس والله كلمة الحق تنقال وما ينزعل منها الكويتيين عيال ديرتنا أهمه اللي خاذلينا سواء اللي بالشركة أو اللي عند المستشار أو اللي بنفط الكويت

    أرجع وأقول اللي عنده حل لا يبخل علينا :)
     
  8. kuwait779

    kuwait779 بـترولـي نشيط

    79
    0
    0
    الحل عندي

    روح طلع تصريحك

    وروح داوم شوف مكانك وين ودش داوم

    وأقعد جابل مسؤولك المباشر وجه بوجه وألزق فيه أذا طلع الموقع

    وأسئل وسجل وأسأل


    وأذا في شغله بادر أنك تأخذها وتعلم

    وأطلع مع زملائك الثانيين بالشركه ومالك شغل في مضايقاتهم لك

    وتوكل على الله

    الديره ديرتنا والبترول بترولنا وحنا أحق من هالأجانب اللي ينعمون بخيراتنا

    موحاسدهم بس حنا أولي في التعليم وأخذ الخبره

    وبالنسبه لمديرك في المشروع بشركه نفط الكويت بصراحه بصراحه

    لازم تضبطه وتعزمه وتخلي علاقتك زينه معاه


    وهذا الحل ...


    وأذا سكروها بوجهك

    هددهم بأنك شكاي عند مكتب الشيخه شذي الصباح بابها مبطل للجميع وهي تسنعك

    بس خل الشيخه شذي أخر حل لك .

    وسلامتك وبالتوفيق
     
  9. توكلنا علي الله

    توكلنا علي الله بـترولـي جـديـد

    44
    0
    0
    شلون اعرف منو مدير المشروع بشركة الكويت وانا من طبيت الريق صارلي 5 شهور وانا ما شفت كويتي زارنا حتي الكومبني مان مو مسويلنا شي


    في مره رفع السماعه الكومبني مان طلب النايت بوشر رد عليه قاله مشغوا وسده بوجه راح الكومبني مان فصله وانا في مساعد حفار دازني وطاردني من غرفة الحفار ويقولي هذي غرفة السونير لا ادشها رحت كلمت الكومبني مان ماسواله شي توهقت مدري عند منو اطالب عن حقي لان الاماكن تعددت

    وفوق هذا جايبين اخو التول بوشر قبل كم شهر مساعد حفار والحين ترقا حفار وجابو ولد اخو التول بوشر عمره عشرين سنه مساعد حفار متدرب واحنا الترقيه يذلونا ويمنون علينا فيها من قبل لا يرقونا

    ماقول غير الله ما ينسي عبيده وحسبي الله علي الكويتيين بشركة
    نفط الكويت اللي ضالميني وماكلين حقوقني

    قال رسول الله مابني علي سحت فالنار اولي به
     
  10. سالم bj

    سالم bj بـترولـي مميز

    805
    1
    0
    مدير العلاقات العامة
    الكويت
    الكويت للكويتين


    اولا نحن نرفض هذا الكلام وهو غير صحيح وانا اعمل فى شركه عالميه مثل ماتقول والكل يعمل عندنا وغير ذلك اعرف اقلب الشركات العالميه والكل يعمل ومافيه احد نايم بيتهم ..

    ثانيا نسبه التكويت الان هى 25% وراح تزيد هذى النسبه الى 30% قريبا

    ثالثا رئيس فريق عمل التكويت فى شركه نفط الكويت هو محمد جعفر

    رابعا نتمنى منك ومن غيرك تغير هذى النظره على الكويتين وهذا مايسوق له اكثر الشركات العامله فى القطاع النفطى الذى يهمهم فى الدرجه الاولى الربح الكثير ولا يهمهم الموظف الكويتى ..

    اخى العزيز لنعمل جميعا لتغير هذا الفكر وانا اعلم جيدا ان هناك شباب كويتى يعمل بجد اكثر من الاجنبى
    وامس كنت مع مدير كويتى يعمل مع شركه اجنبيه وهو عنده نفس الفكره مالتك بس مع الكلام بينلى انهم ان هم الشركه هو جنى الارباح وان الموظف الكويتى تكلفته عاليه للشركه يعنى الاجنبى عادى ياخذ 4000 دينار وسكن ب 1000 وسياره وتلفون بس الكويتى حرام ياخذ 1000 وعنده دعم عماله وبدل اجار من الحكومه 150 دينار

    المشكله مو فى الكويتى اللى يعمل المشكله فى الشركات اللى ماتبى اصلا كويتى يعمل معاها وجايه الكويت على شان تأخذ الفلوس وترووح الى دوله ثانيه ارجو انك فهمت كلامى زين وشكرا

    كلمه اخيره : الرازق فى السماء والحاسد فى الارض
     
  11. سالم bj

    سالم bj بـترولـي مميز

    805
    1
    0
    مدير العلاقات العامة
    الكويت


    اذا امكن تقدر تكلمنى ياصاحب الموضوع او ترسل رقمك على الخاص

    ويمكن نقدر نحل مشكلتك وترى عندك نقابه وهى مسؤوليتها حل مشاكل الكويتين وشكرا لك
     
  12. Handasa

    Handasa بـترولـي جـديـد

    5
    0
    0
    أخوي سالم bj
    أنا مو قاعد أدعي أو أتبلى بالكلام اللي كتبته وكل كلمة كتبتها صحيحة وهذا من تجربتي... أخوي أنا أرجع وأكرر كلامي عن الشركات العالمية اللي ماخذه عقود مع شركة نفط الكويت (اس كيه – بتروفاك – هيونداي – سايبيم... الخ ) ورئيس التكويت اسمه يحيى المتروك يداوم في مبنى التعمير... وانا أشتغل في احدى هذي الشركات... أنصحك تتأكد من كلامي قبل لا تبدي رايك فيه... وانا في هاللحظة بالشركة ومافي ولا كويتي مداوم

    يا خوي انا لو مو حاز في خاطري هالشي اللي قاعد يصير فينا يا الكويتيين جان ما كتبته...

    لا حول ولا قوة إلا بالله...
     
  13. Handasa

    Handasa بـترولـي جـديـد

    5
    0
    0

    أخوي سالم bj
    أنا مو قاعد أدعي أو أتبلى بالكلام اللي كتبته وكل كلمة كتبتها صحيحة وهذا من تجربتي... أخوي أنا أرجع وأكرر كلامي عن الشركات العالمية اللي ماخذه عقود مع شركة نفط الكويت (اس كيه – بتروفاك – هيونداي – سايبيم... الخ ) ورئيس التكويت اسمه يحيى المتروك يداوم في مبنى التعمير... وانا أشتغل في احدى هذي الشركات... أنصحك تتأكد من كلامي قبل لا تبدي رايك فيه... وانا في هاللحظة بالشركة ومافي ولا كويتي مداوم

    يا خوي انا لو مو حاز في خاطري هالشي اللي قاعد يصير فينا يا الكويتيين جان ما كتبته...

    لا حول ولا قوة إلا بالله...
     
  14. سالم bj

    سالم bj بـترولـي مميز

    805
    1
    0
    مدير العلاقات العامة
    الكويت

    اذا انا غلطان سامحنى

    انا بعد يمكن فهمت الموضوع غلط لانه اشوف امور ماتعجبنى مثل بعض الكويتين اللى يشتغلون مدراء فى الشركات النفطيه الخاصه ضد الموظفين الكويتين ف عندى حساسيه من هذا الموضوع بالذات ..

    اخوى هندسه انا اعمل مدير الموارد البشريه فى شركة بى جى وانا اعلم ماذا يحدث فى هذى الشركات الخاصه

    واعرف جيدا كيف ينظرون الى الكويتى فى القطاع الخاص
    وايضا اعرف (بعض) الكويتين الذين يعملون بمثل وظيفتى فى الشركات الخاصه واعلم انهم هم من يحارب الكويتين حتى يحصل على رضى معازيبه واقصد اصحاب الشركات واقصد التجار واللى مايخافون الله وهمهم الوحيد هو الربح السريع على حساب هذا الكويتى ..
    كلمه اخيره اريد ان اتواصل معاك وارجو ان يتم بيننا اتصال فى القريب العاجل وشكرا لك .

    اخوك سالم العجمى
     

مشاركة هذه الصفحة