الى سالم العجمي واعضاء المنتدى هام

الكاتب : انيرجي | المشاهدات : 661 | الردود : 7 | ‏13 فبراير 2011
  1. انيرجي

    انيرجي بـترولـي نشيط

    61
    0
    0
    اول شي نقول الف مبروك حق اخونا سالم العجمي وتستاهل كل خير وانشاءالله تكون قدها وقدود

    وثاني شي حبيت اسال اخوانا سالم العجمي ويشرحلي انا واخواني الي معلوماتنا على قدنا


    هل الكويتي الموظف في قطاع الخاص؟ يتعامل معاملة غير كويتي نشوف غيرنا يزيدونهم ويحترمونهم واحنا يطالعونا بنظره تقلل من احترامنا ( كعامل غير كويتي مع الاسف)


    ليمن نداوم كل يوم وتتاخر رواتبنا كل واحد يقطنا على الثاني من مسؤولين ؟ يرضيك يا سالم الهاجري احنا كويتين يصير فينا جذي ومع الاسف يقولون هده خل يتحدى واحنا هدونا وتبهذلنا


    وليمن بنقول شي نبي زياده يقولون لنا حمدو ربكم تستلمون 400 مع دعم العمالة بشهادة ثانويه؟ الحمدالله بس هم انا صارلي 4 سنين ومعاشي ماتغير جنه دافعين من جيبهم لا ويقولي روح شوف الثانويه بره جم ياخذون انا بقطاع نفطي لا تقارني بره قارني بقطاع النفطي اقرب مثال مشغلين حقل اول ما يتوظفين 1000 وشي وغير الزيادات والمسميات والوظيفيه الله يهنيهم بس هم احنا ترى كويتيين لنا حق


    لدرجه وصلت بنروح نسلم عليهم يحسسونا احنا مو بشر بنظرتهم لنا وينادونا يا مقاول يا مقاول؟ بنغالي مثلا؟ مو كويتي هل مقاول؟ اقل شي جاملني قول زميل عمل يقولك لا انت مقاول واحنا بترول نقول كلمة زميل حق الي مثلي مو مثلك؟ عنصريه ابعد الحدود؟

    هذا الي قاعد اذكره جزء بسيط من الي شفناه واتمنى الكل يرد علي اذا انا غلطان والسموحه اخواني بس كلمة الحق ماينزعل منها وانا رجل الي بقلبي على لساني .
     
  2. سالم bj

    سالم bj بـترولـي مميز

    805
    1
    0
    مدير العلاقات العامة
    الكويت

    كلامك صحيح وللاسف هذى النظره موجوده وانا احس فيها شخصيا لكن اوعدك ان يطبق القانون النفطى واللذى يساوى بين الموظف فى القطاع النفطى الحكومى والخاص فى القريب العاجل بإذن الله ..
    ودور النقابه هو تحقيق هذى المساواة بين الجميع وهذا هدفنا جميعا فنحن كويتين ويوجد فرق بيننا وهذا فى دستور الكويت وايضا فى القانون النفطى رقم 28/1969 وهو المساواة بين العاملين بالقطاع النفطى سواء حكومى او خاص وتقدر تقراء هذا القانون وتتأكد بنفسك وابشرك انا متفائل فى سنه 2011 وهى سنه القانون النفطى الذى كان راح يطبق من 1969 اى اكثر من 40 سنه وابشرك راح يطبق فى القريب العاجل وشكرا لك وحياك الله اخوى انريجى معانا فى المنتدى النفطى ...

    اخوك سالم العجمى
     
  3. انيرجي

    انيرجي بـترولـي نشيط

    61
    0
    0
    الله يسمع منك اخ سالم بس في واحد باط جبدي الي نكه كويتي اولى الي قال انهم رفضوا القرار وانت ساكت ياخي ليش الناس ما تتفائل خير وانا ما اعتقد انه موظف قطاع خاص هذا مدزوز ومايخاف الله لانه لو كويتي مع الاسف المفروض يتمنى الخير لاهل ديرته ويوقف ويساند مو يقول اتحداكم ماراح يوافقون او يقبلون او يرفضون وانشاءالله يطلع كلامك صح يا اخ سالم لانه احنا سمعنا وشبعنا كلام من مسؤولينا طول هالفتره وماشفنا شي والي مايعرفك مايثمنك يا اخوي سالم وانشاءالله تكون قد هالثقه وكلنا معاك قول امين وننتظر اخبارك واقول حق كل اخواني لو شنو تسمعون من كلام صبروا شويه صبرنا وايد ويقولكم الصبر مفتاح الفرج وكل تأخيره فيها خيره باذن الله وانشاءالله كل شخص مايخاف ربه ويرضى يشوف عيال ديرته شيصير فيهم ويسكت عن حقهم وينام وجنه مو صاير يشوف اقوله ربك يمهل ولا يهمل
     
  4. سالم bj

    سالم bj بـترولـي مميز

    805
    1
    0
    مدير العلاقات العامة
    الكويت
    نبيها نفطى

    للعلم اخوى انيرجى المدعو كويتى اولى او موهند او جمعيه عموميه كلهم لشخص واحد وهو من طرف الرئيس السابق ولا يهمك القانون موجود وراح يطبق وهذا وعد منى امامك وامام الاخوان فى القطاع النفطى الخاص وانا متأكد من الكلام اللى اقوله بإذن الله وراح يكون شعارنا نبيها نفطى وراح تكون نفطى بجهودكم جميعا ووقفتكم معانا وشكرا لك اخى العزيز...
     
  5. ابو ريتاج

    ابو ريتاج بـترولـي نشيط جدا

    190
    0
    0
    موفق يابو هادى -----الامل فيك كبير بعد الله ----
     
  6. انيرجي

    انيرجي بـترولـي نشيط

    61
    0
    0
    يا ريئس نقابتنا سالم العجمي حبيت استفسر احنا سمعنا انهم بيطبقون القرار في العقود اليديد ومو القديمه وسمعت انه ماراح يعاملونا معاملة القطاع النفطي الحكومي لا سمعنا راح يعدلون من حالتنا فقط يعني مثال في شي اسمه زيادات سنويه واذا الحكومه ياخذون تذاكر سفر حقهم وحق حريمهم وعيالهم احنا بس ناخذ حقنا ماكو حق عيالنا واخر نقطه مايشملنا العلاج الطبي ولا اوفر تايم بس الي انذكر بعقودنا اليديده راح تكون في زيادات وشويه الاوضاع احسن لا اكثر ولا اقل والمعامله كما اهيا ومن سابع المستحيلات نتعامل كمعامله الحكومه البترول اي صج وماكو بدلات اثاث وزوجيه مثلهم وبدل خطر وبدل طريق هالسوالف ماتشملنا واي زياده تحوشهم هم ماتمشلنا للاسف حاشني احباط يمكن انا مافهمت منه عدل واتمنى الشرح يالغالي ورئيس نقابتنا وافادتنا شويه مع توضيح
     
  7. توكلنا علي الله

    توكلنا علي الله بـترولـي جـديـد

    44
    0
    0
    لازم يخلونا عقود نفطيه وما نقبل بغيره لان شبعنا من الكلام الفاضي وما نبي نرضا احد يسكتنا بزياده بسيطه لان كله من الكي او سي مو من الشركه يعني الشركه ما راح تخسر شي لان الشركه تعطينا مثل عمالهم والباقي من الكي او سي نبيهم بس يحركون نفسهم ويضغطون عليهم مو خسرانين شي واللي نبيه عشان تعبنا مو من جيوبهم
     
  8. انيرجي

    انيرجي بـترولـي نشيط

    61
    0
    0
    عليك نور اخوي توكلنا علي الله انا معاك بكل الي تقوله طبعا انا بالكي ان بي سي والمهم مشاكل قطاع النفطي تشملنا كلنا احنا ومانبي زياده بسيطه يسكتونا نبي حالنا حالهم مسميات الوظيفيه وزياداتهم وبدلاتهم وكادرهم وكلللللل شي لانه ماكو فرق بينا وبينهم اهما يداومون احنا نداوم اهما معرضين للخطر حتى احنا معرضين للخطر اهما يدقون درب طويل من بيوتهم واحنا بعد ... ماقول الا الله كريم وانشاءالله نقابتنا تاخذ حقنا
     
جاري تحميل الصفحة...

مشاركة هذه الصفحة