بشرا ساره لجميع القطاعات النفطيه هام جدا

الكاتب : حزب الكويت | المشاهدات : 1,715 | الردود : 8 | ‏13 فبراير 2011
  1. حزب الكويت

    حزب الكويت بـترولـي جـديـد

    29
    0
    0
    السلام عليكم

    اخواني واخواتي في القطاع النفطي الحكومي والخاص

    ازف لكم بشرا ساره تم بحمدلله تعالي افتتاح مقر للدورات التي يعاني الكثير في الحصول عليها خارج دولة الكويت

    والان اصبحت متوفره لكم في دولتنا الكويت الحبيبه ولا داعي للسفر خارج دولة الكويت حيث ان الشركة الخاصه

    للدورات معتمده من قبل الجهات الحكوميه والخاصه داخل وخارج دولة الكويت وهناك الكثير من الشركات بدءت بالتعاقد

    مع هذى الشركة وتم ارسال موظفيهم لاخذ دورات ولله الحمد اجتاح موظيفهم بنجاح باهر وتم تسليمهم شهاداتهم

    ومنهم من تم ترقيته في مقر عمله بفضل الدوره التي اجتاحها بنجاح ولكم بعض من اسماء الدورات وهي : -

    * Iwcf
    * Well Control
    * Rig Pass
    * H2s Protection
    * Fire Fighting
    * Scba Self- Containned Apparatus
    * Lockout Tagout
    * Manual Handling

    اخي اختي الموظف والموظفه وفر عناء السفر وتكاليف تذاكر واقامه ومواصلات ووجبات وتكاليف الدوره خارج دولة

    الكويت الحبيبه ... الان اصبح كل شئ لديكم في دولة الكويت وبسهوله وباسعار مناسبة ...

    هناك الكثير الكثير من الدورات التي تناسب عملك وتؤهلك الي ترقيه ومستوى اعلى في عملك

    قم بالاتصال بالسيد / سالم الفضلي ابويوسف مدير المعهد
    علي هاتف رقم / 60300322 من طرف حزب الكويت

    واشكر اخواني القائمين علي ادارة المنتدى بنشر الموضوع وتثبيته في جميع المنتديات لتعم الفايده علي اخوانهم

    واخواتهم في القطاع النفطي جعلها الله في ميزان اعمالهم باذن الله تعالي


    اخوكم / حزب الكويت
     
  2. حزب الكويت

    حزب الكويت بـترولـي جـديـد

    29
    0
    0
    ملاحظه :- للعلم انا دخلت دورتين عندهم عن طريق الشركه اللي اعمل فيها في مجال حفر ابار النفط اخذت دورتين خلال شهر والحمدلله جتني ترقيه بعدها زياده علي راتبي 650 دينار والحمدلله
     
  3. sales_eng

    sales_eng بـترولـي نشيط جدا

    238
    0
    0
    موضوعك كأنه دعاية أكثر مما هو بشارة
    لكن مشكور للمعلومه
     
  4. حزب الكويت

    حزب الكويت بـترولـي جـديـد

    29
    0
    0
    شكرا اخوى علي مرورك الكريم

    بس لا والله لا دعايه ولا شئ ولا داش جيبي فلس ولا لي اى مصلحه مع شركة الدورات

    بس مثل ما تمنيت الخير لي تمنيته لكم لاخواني واخواتي العاملين في القطاع النفطي

    ليش اخليهم يدوخون بره الكويت علي هالدورات واكثر الاحيان يتم النصب عليهم وفي الكثير من اخواتنا في القطاع النفطي

    ما يقدرون يسافرون لاخذ دوره تمهدها لترقيه في عملها ومو بس البنات هناك الكثير من الشباب اللي وده بدوره ويصير عنده شهاده علشان يترقى سبحان الله الحين اللي يسوى خير لكم ويبي يساعد الناس مثا ما انا كنت في يوم من الايام محتاج هالدورات وادورها من ديره لي ديره وكل من هب ودب ينصب علي الحين تصير بعيونكم دعايه سبحان الله
    علي العموم مشكور اخوى علي مرورك الكريم واذا الاخوه الافاضل القائمين علي المنتدى يرون الموضوع مجرد دعايه يحذفون الموضوع كله ماراح ازعل ولو لي مصلحه بنظرك جان نزلت اعلان في الجريده ليش المنتدى صح ولا انا غلطان
     
  5. أبو خالد 112

    أبو خالد 112 بـترولـي نشيط

    105
    0
    0
    لالالالالالا أبدااااااااا
    مو دعاية بس يمكن العنوان غلط !!
     
  6. kuwait779

    kuwait779 بـترولـي نشيط

    79
    0
    0
    شلون الدوره عن طريق الشركه

    ولا بالمجان ولا شلون
     
  7. Mechanical Engineer

    Mechanical Engineer بـترولـي نشيط جدا

    359
    0
    0
    اخوي بما انك قلت انه ليست دعايه


    باعتقادي الشخصي ان هل دورات عاديه ولا تزيد من الراتب شي لانك ما تقدر تقارنها
    Pmp
    Cba
    Cfa
    Pe
    Fe
    Fs

    و غيرها من الشهادات

    الي تدرس دراسه و امتحانات و بالغصب تنجح و اذا نجحت فيها بعد اسمك و بعد مسماك الوظيفي او الدراسي الاكاديمي
    يعطونك اسم

    مثل ال
    Pmp
    يكون مسماك الاضافي مدير مشاريع محترف

    Pe
    مهندس محترف


    و لهم اشتراكات سنويه
    وعلى فكره بعض الجامعات حق الي بكمل ماجستير ياخذون هل شهادات بعين الاعتبار للجامعات القويه

    ناهيك عن القطاع الخاص
    يفضل هل شهادات اكثر من الماستر نفسه
     
  8. حزب الكويت

    حزب الكويت بـترولـي جـديـد

    29
    0
    0
    السلام عليكم جميعااااا

    شكرا لكم علي مروركم الكريم

    احب ارد علي كويت 779 تقدر تاخذ اى دوره علي حسابك الخاص اذا انت محتاجها ضرورى وترقيتك واقفه علي هالشهاده

    وتقدر تاخذ الدوره عن طريق الشركه اللي تشتغل فيها اهما يدفعون عنك يعني تطلع عليك بالمجان

    اما لباقي الاخوان انا اتكلم بالدورات اللي تخص اكثر الشباب في حفر ابار النفط علي مثال اذا اهوا كان درك مان يحتاج دوره ولكاب علشان يترقى الي مساعد حفار وهذا نظام شركه نفط الكويت وطبعا لما تاخذ الشهاده وتترقى طبعا راح يفرق معاك الراتب مو اقل من 250 الي 300 دينار علي حسب الشركه اللي تشتغل فيها وينطبق النظام هذا بعد علي مساعد الحفار اذا انتهة الشهاده بعد سنتين
    وجتله ترقيه الي حفار هم لازم يجدد الشهاده بدخوله دوره وكم يفرق بين راتب مساعد الحفار الي حفار مو اقل من 500 دينار وفي بعض الشركات اكثر وينطبق علي الحفار اذا جتله ترقيه الي نايت بوشر والي اخره الخ الخ الخ ............

    عدل ولا انا غلطان ...... اما بالنسبه للاخ ابوخالد ليش ما تعتبر عنوان الموضوع بشرا ساره يعني لازم نفسر كلمة بشرا ساره يعني وراها ترقيات ولا فلوس ببلاش نعتبرها بشرا ساره للناس اللي مو عارفه من وين تاخذ دوره وشهاده ومصير ترقياتهم واقف ومتعلق علي هالشهادات واللي محتاج هالدورات حياه الله واللي ما يبي الله معاه محد مجبور علي شئ ....

    (( من لايشكر الناس لا يشكر الله ))

    وبسنا استهزاء في بعض هذا اللي الله قدركم عليه الله الهادى
     
  9. PARADISEY

    PARADISEY بـترولـي نشيط

    142
    0
    0
    Guesse
    Kuwait
    الله يعطيك العافية وبالنسبة للي ماله شغل بالحفر (بالإدارة) ويبي ياخذ دورات على حسابة علشان يشتغل بمكان يعني فيه راتب قوي عادي يقدر يسجل فيها ؟؟ وچم اسعارهم؟؟

    وشاكرلك
     
جاري تحميل الصفحة...

مشاركة هذه الصفحة