سؤال لو سمحتوا واللي يبرد جبدي بدعيله دعوه حلوه

الكاتب : wondreland | المشاهدات : 1,242 | الردود : 16 | ‏11 فبراير 2011
  1. wondreland

    wondreland بـترولـي جـديـد

    9
    0
    0
    هل شركات النفط توظف اللي متخرجين من علم نفس عام ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

    بليز ردوا
     
  2. reyathi

    reyathi بـترولـي نشيط

    76
    0
    0
    لا التخصص غير مطلوب
     
  3. MR.SAAAD

    MR.SAAAD بـترولـي نشيط جدا

    151
    0
    0
    والله اختي ما تدرين الاعلان الي فات اطلبوا تربية علوم يمكن يطلبون تخصصج الله اعلم واخي لا تنسين الدعاء تري انا مقدم علي النفط وناطر ادعي اني انقبل
     
  4. miss.media

    miss.media بـترولـي نشيط

    64
    0
    0
    بالتوفيق ان شاء الله
     
  5. wondreland

    wondreland بـترولـي جـديـد

    9
    0
    0
    يعلكم العافيه

    يلا قولولي ما تحتاجون كاونسلر بالدوام اتفظفظون من ضغط العمل ما تبون استشاريين نفسيين شكلكم نفسياتكم تعبانه اقترحوا على الشركات يحطون لكم قسم استشارات نفسيه ،،، دلعوا عمركم
     
  6. التيم ليدر

    التيم ليدر بـترولـي نشيط

    69
    0
    0
    شركه نفط الكويت
    الكويت
    حيااج الله اختي

    بالنسبه للتخصص فهو الان مطرووح لاقتراح توظيفه ولاكن لم يتم الخبر

    يعني راح يطول على ما يتم دراسته

    اتمنى لج التوفيق
     
  7. wondreland

    wondreland بـترولـي جـديـد

    9
    0
    0
    مشكور ما قصرت على البشاره الحلوه
     
  8. GenTLQ..8

    GenTLQ..8 بـترولـي جـديـد

    32
    0
    0
    قانوني
    بالتووووفيــــــق اختي ان شاء الله.....والحال من بعض...تخصصي قانون ماأحد طلب تخصص قانون وانتي علم نفس..ماطلبوا...


    لكن عندي سؤال لج الحين والواحد يكون محتار بين الوظيفه وتكميل دراسته..انتي قولي لي شنو الحل..في وضعه النفسي؟
     
  9. كويتي وافتخر Q8

    كويتي وافتخر Q8 بـترولـي نشيط

    148
    2
    18
    هندسة الحياة
    وطن النهار
    السلام عليكم

    اختنا الغالية .. انا أقترح عليج اقتراح .. واقتراحي ترى جدّي مو غشمرة ..

    انا اقترح عليج تفتحين لنا موضوع اهنيه بالمنتدى .. للتخلص من (sress) الدوام والبيت .. وكيفية التخلص منها ؟

    والله خوش اقتراح .. على الاقل حق منتدى الجميل هذا .. وتكون بدايتج من (منتدى القطاع النفطي )... وباجر تصيرين رسميا ( بالقطاع النفطي ) ! ..

    يعني خلي المنتدى أهو أول درجة لج بالسّلم الوظيفي .. صدقيني .. راح توصلين .. وراح تدعين لي .. بس اهم شي تكون بدايتج صحيحة .. .. حتى تكون الخطوات القادمة صحيحة أيضا ً .. وبالتوفيق لج يارب ..


    اتمنى أشوف لج موضوع بـ القسم العام .. أو أي قسم تشوفينه مناسب .. وتفتحين فيه باب الهموم والضغوطات النفسية وكيفية التغلب عليها .. : )


    ملاحظة / حقوق الإقتراح محفوظة لـ كويتي وافتخر Q8 ... وشكرا
     
  10. viva_elbarca

    viva_elbarca بـترولـي نشيط

    100
    0
    0
    أنا أقترح يحطون هالتخصص حق الي ما اجتازو اختبارات التعيين بالمؤسسة ومثل ماتفضل أخوي كويتي وأفتخر لو يحطون هالتخصص يشتغل بالمنتدى هني وايد زين منها المتقدمين مايتحبطون اذا انرفضو لان التوظيف صاير عندهم بالقطارة
     
  11. wondreland

    wondreland بـترولـي جـديـد

    9
    0
    0
    اذا لك خلق اتكمل لا والله كمل ماجستير ودكتوراه وتصير دكتور بالجامعه وايد احسن اعتقد معاشهم 4 الى 5 الاف ترا انا وايد ماديه
     
  12. wondreland

    wondreland بـترولـي جـديـد

    9
    0
    0
    شكرا اخوي على الرد ،،، من المواضيع اللي قعد اقراها يبيلكم كورسات :)
     
  13. كويتي وافتخر Q8

    كويتي وافتخر Q8 بـترولـي نشيط

    148
    2
    18
    هندسة الحياة
    وطن النهار

    أول شي للتصحيح .. توني أشوف بدليتي ( stress) **


    والله يااريت .. لو تسوين لج دكّان بآخر العاير .. يعني تطرحين لنا بعض الحلول البسيطة اللي من خلالها ممكن نحل بعض المشاكل المترتبة على الضغوطات النفسية التي يواجهها الإنسان الموظف .. وبالأحرى الموظف النفطي !

    وشكرا جزيلا على تلبية الطلب ..
     
  14. wondreland

    wondreland بـترولـي جـديـد

    9
    0
    0
    بالنسبه حق السترس اتمنى انك اتطبق هذا التمرين على الاقل مره بالاسبوع :
    1 تمدد على السرير او اي مكان مريح
    2 شهيق عميق من الانف مع كتم النفس لثانيتين ثم زفير بطيء من الفم طوال فتره التمرين وهي 3 دقائق او اكثر
    3 بين الشهيق والزفير حاول تشد اعضاء جسمك كل على حده مبتديء من القدمين ثم الساقين ثم الفخذين ثم البطن و الصدر

    تمرين وايد حلو للتخلص من الضغط النفسي ويساعد على النوم العميق
     
  15. كويتي وافتخر Q8

    كويتي وافتخر Q8 بـترولـي نشيط

    148
    2
    18
    هندسة الحياة
    وطن النهار


    شي جميييل جدا ..

    ومشكورة ويعطيج العافية على النصيحة الجميلة ..

    بحاول اسويها .. واذا ضبطت معاي بدعيلج ...

    تسلم الأيادي /
     
  16. fatma

    fatma بـترولـي نشيط

    107
    0
    16
    اختي ليش ما تسألين في مستشفى الأحمدي؟

    لأنه في دكتور نفساني زائر اسمه عبدالله غلوم بالتالي أعتقد يحتاجون هالتخصص بالمستشفى. بس بصراحه ما أعرف منو بالضبط تسألين بالمستشفى بس أنا حاولت أقربلك الصوره.

    بالتوفيق
     
  17. مهذب

    مهذب بـترولـي نشيط

    69
    0
    0
    علم نفس تخصص ممتاز اشدخله بالنفط ليش باب نفط تعبانه نفسيته معذرة يمكن اكون جاهل وليس لدي علم اذا البترول يحتاجون هالتخصص ولا لا اما طب النفسي وايد افضل حق هالتخصص يامن ناس انعرفهم دشو صاحيين اطلعو ميانين :)
     
جاري تحميل الصفحة...

مشاركة هذه الصفحة