النقابة على تويتر

مواكبة العصر في سبل التواصل

مواكبة العصر في سبل التواصل

خطوة طيبة من النقابة ممثلة بالأخ فيصل الكندري ونقوله عساك على القوة يا بوأحمد
وتحسب للأخوة الزملاء في النقابة ومواكبة العصر بأحدث وسائل التواصل مع العالم
وأيٍ كانت الطريقة عبر موقع النقابة الإلكتروني أو بالمنتدى النفطي أو الفيس بوك أو التويتر أو غيره
المهم هو التواصل

بادرة رائعة من الزملاء في نقابة العاملين بشركة نفط الكويت
شكراً لكم وإلى الأمام دائماً

والشكر موصول لناقل الخبر Olive-Garden

 

مشكور.على النقل ...يقدر من زمان التواصل مع الموضفين عن طريق الموقع....((اخاف يبي يوصل لرقم عالي لمتابعة اخباره لا اخبار النقابة))

 

بس لا تنسون الى ما عندة تويتر أحنا نعرف الرجال بالأفعال ليس بالكلام وبوأحمد كبير مهندسين فيصل الكندرى والله والنعم رايتة بيضة مايقصر وهذا الرجل صراح رجال أفعال تستاهل يا بوأحمد

 

**صوتك وصل الى الاخ فيصل الكندري....حبيت ابين للجميع انك في النقطه الثانيه قلت حساب شخصي ؟؟ ليش ينكتب في المنتدى ...!!! مو علشان يتواصل مع اعضاء الجمعيه العموميه..!!!....وصلت المعلومه..!!

والجدل اللي تقوله انه وحل مبيت من ردك ..؟؟!! والواحد يترفع وانا من وضع الوصوليه...والمصالح...
**وفيصل الكندري شخصيا انا ما اعرفه ..اسمع عنه كل خير....انا انتقادي لجميع اعضاء النقابه لعدم تواصلهم.!!!

 

الأخ فيصل والنعم فيه

وأعتقد هالموقع مع أحترامي الشديد له هو منتدى وليس موقع النقابة وأعضاء النقابة غير ملزمين بالرد على تساؤلات الموظفين او غيرهم عن طريق المنتدى أعتقد في موقع خاص للنقابة يقدر الواحد يستفسر عن طريق أرسال إيميل للنقابه وانا متأكد راح يجيه الرد.

انا سبق وأرسلت إيميلين إلى النقابة عن طريق موقعهم وجاني الرد سريع من النقابة وبالأخص الأخ فيصل الكندري جزاه الله خير.

لكن المثل يقول إرضاء الناس غايه لا تدرك

 

!!!.......!!!!

 

***اقرأ عنوان الموضوع...!!!!

 

ما شاء الله انا خصوصا اتابع اخبار الشركة عن طريق ما يصلني من التويتر
وهذا شيئ كبير يشكر عليه الاخ فيصل الكندري
والى الامام دائما

 

قريت العنوان ... شنو فيه بالضبط فهمني جزاك الله خير ممكن في شي بين السطور انا مافهمته ؟

 

**انت قرأت عنوان الموضوع..!! .......وتعليقك اللي بالاحمر..؟؟؟يقول غير ملزم بالرد..؟؟؟((والموضوع للنقابة على تويتر.؟؟))....ما دري تعليقك انه دفاع من غير معلومه ؟؟؟؟وتحياتي لك

 

أخي بوغدير انا فهمت الموضوع مثل ما انت فهمته بالضبط بس الفرق انت تنتقد وانا أشكر

انا قلت لك إن النقابة غير ملزمه بالرد على الأعضاء من خلال المنتدى وإن عندهم موقع يقدر يستفسر الواحد من خلاله.

وبما أن النقابة وضعت لها موقع على تويتر فهذا الشي تشكر عليه لأنها وسعت دائرة التواصل من خلال ما تراه هي مناسب (( وحسب ماعرفت إن التويتر يخص الأخ فيصل الكندري وليس النقابة .. انا مو متأكد من هالشي)).

إلا انك أخي الكريم أنتقدت النقابة والأخ فيصل لأنه حط هالموقع وطبعاً لمحت إنها للتمصلح وليس للمصلحه سؤال

لون إن الأخ فيصل الكندري حط أسمه في هالمنتدى وقاعد يرد على أستفسارات الموظفين شنو راح تكون نظرتك له ؟؟؟

 

**اخي المشاكس...انا مو ضد فيصل الكندري بشخصه..انا انتقد النقابة بعدم تواصلها مع الموظفين..!!ونظرتي لفيصل اذا قاعد يرد على المواضيع المطروحة..نشكره...((انت شخص قريب لفيصل ما الومك...انا قلت انا اسمع عن فيصل ذكر طيب.)) اهي مو شخصيه ......ارجوا ان تفهم قصدي....وتحياتي لك.

 

الأخ بوغدير

اول شي احب اقولك إنا لاني قريب من الأخ فيصل ولا أعرفه لا من بعيد ولا من قريب إلا من النقابة وعدد المرات ألي ألتقيت فيها بالأ خ فيصل لا تتجاوز أصابع اليد الواحده ومارأيت منه إلا الأخلاق العاليه بطريقة تعامله.

ثم إن هناك تناقض في كلامك مع الأسف أعتقد كان تعليقك أول مره عن الأخ فيصل وليس عن النقابة وهذا وانا اقتبست كلامك الأول ولم تتطرق نهائياً للنقابة.

 

**الله يهداك شلون تناقض!!؟ فيصل مو من النقابه ؟؟؟؟؟ !!!والموضوع مو عن النقابه..!!!! ومن كلامك انت دائما بالنقابه.!!!ووضحت الصوره ومشكور على التعليق........!

 

اخي الكلام متناقض ... صحيح إن فيصل بالنقابة بس أعتقد في فرق بين لما انتقد النقابة بشكل عام وبين لما انتقد شخص .. مثال

إذا أبي اتتقد النقابة أقول ... المفروض النقابة وينها من زمان النقابة ليش ماعملة النقابة

بس إذا بنتقد واحد اقول .. أخصه بالذكر وهذا الشي الي انت سويته تكلمت عن فيصل وقلت في النهاية اخاف يبي إلى رقم عالي .. وانت حاط كلامك بين قوسين.

وبخوص تواجدي بالنقابة تأكد أني مارحت النقابة بوجود القائمه الحالية إلا 3 مرات.

مره لما رحت اسجل حق العمره ومره لما رحت أستلم التذاكر ومره رحت سلمت عليهم أول ماستلمو النقابة في أول دورة لهم. طبعاً يستثنا منها وقت الأنتخابات

أما ألتقائي بالأخ فيصل الكندري.
مره في النقابة وقت الأنتخابات ومرتين في رحلة العمره ومره في الدوام.

بس حبيت أوضح لك هالنقاط علشان لاتوهم الناس او تبين لهم أني من ربع فيصل الكندري ولو أن لي الشرف أن يكون من ربعي إن حصل لعلو أخلاقه وليس لأنه عضو بالنقابة

 

بكل مكان هواش من قلة الفراغ والله

كنت أتابعه بتويتر وجزاه الله خير كل شي منه خير .

 

هالشهر كل احداثه غريبه وعجيبه .. وفيصل خلصت من الواتسب والحين دشيت بالتويتر


حتى مشاكس حابك بعد

​

 

النقابه تواكب التطور التكنلوجي