دكتور الواسطات

الكاتب : غيوم | المشاهدات : 2,902 | الردود : 25 | ‏10 فبراير 2011
  1. غيوم

    غيوم بـترولـي خـاص أعضاء الشرف

    7,298
    1
    0
    السلام عليكم و رحمة الله و بركاته


    بصراحة سمعت هالقصه من موظف بشركة نفط الكويت و استغربت وايد من الموضوع و قلت ماكو غير المنتدي علشان اطرح معانات هالموظف


    هالموظف يعني بعيب خلقي بعيونه و قبل ست سنين راجع مستشفي الشركة للفحص و من فحص لفحص و من دكتور لدكتور قلت له دكتور أجنبيه بقسم ( العيون ) لأزم تسافر برا الكويت اتسوي العملية لأن المستشفي ما تسوي مثل هالعمليات ( زراعة قرنية ) .... المهم سوي الموظف أوراقه و توكل على الله و سواها بلندن و قاله الدكتور الخيط لأزم يظل بعيونك لمدة سنة و تراجعني علشان اشيل الخياط ... رجع الموظف و خلصت السنة و راجع (قسم العيون) علشان يرجع لندن يشيل الخياط طبعا ماطلوا و ( دكتوره الكبير ) قال ليش احنا انشيله لك المهم شالوه .. بس من شطارتهم نسوا قطعه صغيرة من الخيط بعيونه و سببت له التهابات و زيادة بضغط العين ... و بعد سنه ثانية راجع ( قسم العيون) علشان يسافر يسويه عيونه الثانية سفره و رجع بالسلامة بعد شهر و بعد سنة لازم يشيل الخيط هم ( قسم العيون) شالوا الخياط .... و بعد سنه ثانية حس الموظف بألام بعيونه راجع ( قسم العيون ) و بعد الفحص قالت له الدكتورة الأجنبية ( و هي الفاهمة الوحيدة بهذا القسم بشاهدة الجميع ) إن عيون الموظف عليها ( ماي ) بس بمنطقة ( القرنية ) و هذه منطقة صعبه و نصحته إن يراجع دكتوره بلندن علشان يشيله بس لأزم يمر على (رئيس الأطباء) و ما أدراك ما ( رئيس الأطباء ) ... المهم راجع الموظف رئيسهم و شف التقارير و قال أنا أسويها لك و لا تسافر قال له الموظف أوكي و سوي أوراقه لدخول المستشفي بعد أسبوع من كلام رئيس الأطباء ... و بعد ساعه دقت عليه سكرتيرة الرئيس و قالت له الدكتور يبي يشوفك راح الموظف و قال له رئيس الأطباء لا ما أقدر اسويه لك لأنه عمليه صعبة و ما أضمن النتايج سوي أوراقك علشان تسافر ... و راح الموظف علشان يسوي أوراق السفر ... و بعد يومين دقت عليه السكرتيرة قالت راجع ( قسم العيون ) راح الموظف و ساف ( رئيس الأطباء ) و قاله طلبك فرفوض طيب ليش قاله في دكتور بيوصل من أسبانيا خلينا نعرضك عليه و نشوف شنو يقول .... احتار الموظف قال أوكي مو مشكلة أنطر و بعد أسبوعين راجع الدكتور الاسباني و شاف التقارير و شاف عين الموظف قال لأزم يسوي العملية و خليه يراجعني بأسبانيا أنا ما أسوي عمليات بالكويت .... قال الموظف ( لرئيس الأطباء ) خلاص سفرني لندن عند دكتوري أحسن بدل لأ اسافر اسبانية .

    رد عليه ( رئيس الأطباء) لأ أنا أسويها لك ... رد عليه الموظف أشلون و أنت قلت لي ما تقدر أتسويه علشان أنت مو ضامن النتيجة ... و إذا انعميت منو المسؤول ... عصب الموظف و طلع من مكتبه و هالموظف سمع من الدكاتره و طاقم الطبي بقسم ( العيون ) إن هالدكتور يموت على شي اسمه ( واسطه ) ... بعد يوم دقت عليه سكرتيرة (رئيس الأطباء) و قالت إن الدكتور يبي ما يمشي إلا ( بواسطه ) علشان يسفرك قالها الموظف عطيني رقم موبايله و أنا أجيب له (واسطه) بس أسوي العمليه ... المهم الموظف دبر له ( واسطه) ... و ( الواسطه ) دقت على ( رئيس الأطباء) رد و كلمه بموضوع الموظف ... رد عليه ( رئيس الأطباء ) أوكي مو مشكلة راح أوقع له الأوراق هالحجي أمس ... و قال ( رئيس الأطباء ) ( للواسطه ) يا ريت باجر الصبح تدق علي تذكرني بموضوع مره ثانية علشان اخلص له الأوراق.

    و هالموظف ناطر اليوم يبي يشوف اخرتها مع هالدكتور.



    أظن عرفتوا منو هو (رئيس الأطباء) .... هو ألي قبل جم سنه عطوا الجنسية الكويتية لأعمال جليله ... هو ألي يعامل المرضه بنفسيه كأنهم جاين يشحتون منه ... هو ألي ما يمشي أي معامله للعلاج بالخارج إلا بواسطه ( يمكن علشان يسوي لنفس شخصيه و إنه مهم في المجتمع )

    لمتى هذا التسيب في إدارة مستشفي شركة نفط الكويت ؟؟؟
     
  2. يقوي قلبك

    يقوي قلبك بـترولـي جـديـد

    26
    0
    0
    على حسب علمي وتعاملي مع الدكتور رئيس الاطباء في أكثر من مناسبه
    كان جدا مؤدب ومحترم إلى أبعد الحدود ولم أتلمس منه أي تكبر أو غرور أو طلب للواسطه
    بحكم أنه حاصل على الجنسيه الكويتيه مؤخرا هذه شهادتي وراح أسأل عنها يوم القيامه

    أما بخصوص صاحب الشكوى الله يشافيه ويعافيه كان من الافضل أن يذهب إلى مدير المستشفى
    ويقدم شكوى و إن شاء الله سوف يأخذ حقه ويسافر بدون واسطه
     
  3. عزرائيل

    عزرائيل بـترولـي نشيط جدا

    212
    0
    0
    افضح اسمة علشان يكون عبرة لغيره
     
  4. مزااجي

    مزااجي بـترولـي نشيط

    64
    0
    0
    مايحتاج يفضح اسمه معروف
     
  5. البندري

    البندري بـترولـي نشيط

    115
    0
    0
    عزيزتي غيوم

    إنتي سمعتي

    يعني المفترض مع اهتمامج بالموضوع تسمعين الطرف الثاني و هو الدكتور


    غير جذي تتطلعين على الأوراق الطبية للمريض

    احنا نسمع اشياء كثيرة

    بس السمع غير الشوف

    الله يشافيه و يعافيه
     
  6. عزرائيل

    عزرائيل بـترولـي نشيط جدا

    212
    0
    0
    الله لا يعافي الدكتور
    حسبي الله والنعم الوكيل فيه
     
  7. غيوم

    غيوم بـترولـي خـاص أعضاء الشرف

    7,298
    1
    0
    ما يحتاج أني أفضح أسمه لأنه معروف


    عزيزتي " البندري "
    ما يحتاج إني أطلع على الأوراق الطبيه للمريض و لا أسمع الطرف الثاني

    لأن المريض ( أخوي ) و أعرف حالته المرضيه عدل و شايفه أشكثر يعاني من عيونه

    و حالته النفسيه ألي يعاني منها ... ما أظن الواحد منا مستغني عن عيونه علشان حضرت الدكتور يبي يسوي العمليه و هو بروحه مو ضامن نجاحها و لا ليش قال بالاول بيسويها و بعدين تراجع مره ثانية ... لو هو دكتور شاطر و يعرف مقدرته جان قال انا اسويها لك


    ليش انكابر و نعطيه أكبر من حجمه ... و في قسمه دكاترة اكفاء و أشطر منه ... و الدكتورة الي فحصة المريض قالت له ... عمليتك ما يسونها بالمستشفي الشركة و لا تخليهم يسونها لك اهني لأنها وايد صعبه و في مكان خطير

    بس هو الظاهر يبي يسوي له سمعه و شخصية و يكون له علاقات مع الشخصيات المرموقه بالديرة ما يدري اشلون
     
  8. عزيزتي غيوم الله يشافي أخوج

    ماذبحنا غير الواسطات وإلى على قد حالهم من وين يطرونها ..... يحمد ربه إنهم جنسوه حسافة إنه تجنس
     
  9. ALQAYSER

    ALQAYSER بـترولـي نشيط جدا

    189
    0
    16
    أختي غيوم الله يكون بعون أخوج وبعونكم شنو يحسب عيون الناس لعبه بيده وحقل تجارب لا وعشان يسوي له سمعه وشخصية على حساب اخوج او غيرة اللي مانعرفهم مااقول ألا حسبي الله ونعمه الوكيل مع هيك ناس , المشكله الديره ماشيه جذي تبين الصج من امن العقوبه أساء الأدب والله قهر حتى المواطن مو متنهني بخير هالديره .....لك يوم ياظالم
     
  10. عزرائيل

    عزرائيل بـترولـي نشيط جدا

    212
    0
    0
    ****** هذا النوع من الدكاترة اللي يجازفون بالبشر
     
  11. 123456789

    123456789 بـترولـي نشيط

    83
    0
    0
    لا حول ولا قوة الى بالله العلي العظيم ( الله يشافي مريضكوم ) الصبر مفتاح الفرج و انا أخوج
     
  12. البندري

    البندري بـترولـي نشيط

    115
    0
    0

    أولا أحب أعتذر لج لأني ما قصدت أي شيء سوى التأكيد على الموضوع

    لأنج عزيزتي قلتي إنج سمعتي ما قلتي لنا إن المريض عسى الله يشافيه أخوج

    ثانيا فيه طرق قانونية تاخذون حقكم فيها

    أكرر اعتذاري لأن الموضوع كان بدايته سمعت و نهايته شفت :(

    سامحيني و ربي يشافيه لكم

    ما تشوفون شر

    البندري
     
  13. غيوم

    غيوم بـترولـي خـاص أعضاء الشرف

    7,298
    1
    0
    حبيبتي البندري

    عزيزه و غاليه

    و ليش تتأسفين ما صار إلا الخير

    و مشكورة يا قلبي
     
  14. بلبل عنقريزي

    بلبل عنقريزي بـترولـي خـاص

    2,187
    0
    0
    لاحول ولا قوة الا بالله العلي العظيم

    مايشوف شر يارب
     
  15. غيوم

    غيوم بـترولـي خـاص أعضاء الشرف

    7,298
    1
    0
    أشكر جميع الأعضاء لمرورهم الطيب

    و عسى الله يشافي مرضانا و مرضاكم و مرض المسلمين


    آمين يا رب العالمين
     
  16. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    مدير مستشفى الأحمدي سبق وان امتدحنا تعامله الراقي في اكثر من موضوع وانتقدناه في أكثر من موضوع لاجل المصلحة العامه ولكن يبدوا اننا ننفخ في قربه مشقوقه .

    مدير مستشفى عمري مادشيت مكتب العلاج في الخارج الا القاه هناك الظاهر يتنطر الواسطات .. وكذلك رئيس قسم العيون مادري كبير الاطباء واللي هو معني بالموضوع هذا .

    هذه النوعية من الاطباء التي تجزع من اي موضوع ينكتب عنها في المنتدى وفي المقابل مو قاعدين يؤدون مهام عملهم على اكمل وجه .

    وهذي معاناتي انا شخصيا معاه قبل كم سنه على هذا الرابط
    وللعلم ماقابلته للحين ورحت الخاص ولا انطره

    http://www.q8ow.com/vb/showthread.php?t=7572

    وهذا موضوع اخر لي انا ايضا

    http://www.q8ow.com/vb/showthread.php?t=34264

    وهذا موضوع اخر

    http://www.q8ow.com/vb/showthread.php?t=34266

    ولو تبحثون في المنتدى الطبي بيتشوفون العجب

    انا بس حطيت بعض مواضيعي انا شخصيا
     
  17. غيوم

    غيوم بـترولـي خـاص أعضاء الشرف

    7,298
    1
    0
    أخوي بو عبد الله قريت مواضيعك

    و بصراحة هذا معانات أكثر الموظفين بالمستشفي غير الأخطاء الطبيه

    و غير نقص بالأطباء


    يعني الحين مستشفي اشكبرها ... ما فيها دكتور متخصص بالكليه
     
  18. Safety First

    Safety First بـترولـي خـاص أعضاء الشرف

    ماتشوفون شر اخت غيوم والله يشافي اخوج

    الى متى هذا الاهمال يامستشفى الاحمدي ؟

    الى متى ارواح البشر رخيصة عندكم ؟

    الى متى هذه المحسوبية ونظام نفعني وانفعك؟

    الى متى هذا التخبط ولامبالاه يادكاتره ياكرام ؟

    الى متى ......الخ؟

    سؤال الى كل من مدير المستشفى ورئيس اطباء العيون,, هل لوكان لهذا الشخص المريض واسطة كانت هذه حالته ؟

    مانقول الا حسبي الله ونعم الوكيل ,, ولودامت لغيرك ما أتصلت اليك ونتمتى الا تدومون طويلا في هذا المنصب.
     
  19. brilliant

    brilliant المـراقب الـعـام

    8,477
    0
    0
    Engineer
    Kuwait
    اولا الله يشفيه من كل مكروه

    استغرب اصرار الدكتور في انه هو الي يسوي العمليه برغم ان الجميع اتفق انه يسويها برا لصعوبتها

    يبي ياخذ خبره علي حساب غيره ؟ لهالدرجه ماينظر للبشر شي ؟


    حسبي الله ونعم الوكيل اذا كان الهدف التجارب او كسب الواسطات علي حساب خلق الله
     
  20. فهد شموه

    فهد شموه المـراقب الـعـام

    2,712
    24
    38
    ذكر
    Production Engineering Mechanics
    ☀Q8 دار الفخــر والعــز☀
    السلام عليكم ورحمة الله وبركاته

    عسى الله يشافي أخوكم المريض أختي العزيزة "غيوم" :confused:

    ولا تعليق أكثر من ذلك :cool:
     
جاري تحميل الصفحة...

مشاركة هذه الصفحة