A-8 ??!!!

الكاتب : السـور الخـامس | المشاهدات : 3,208 | الردود : 39 | ‏10 فبراير 2011
  1. السـور الخـامس

    السـور الخـامس بـترولـي نشيط

    65
    0
    0
    والله اليوم حاب أتخبط بالمواضيع اللي من كثرها الواحد مايدري بشنو يبدأ فيه لكن أخليها عشوائية أحسن عشان تبين للقارئ مدى عشوائيتي التي اكتسبتها من إدارة دائرتنا.


    قسم التصدير اللي هو عصب اقتصاد الكويت. لازال طرق حساب التصدير منذ 1945م

    مع العلم منذ 2005م مع افتتاح رصيف الزيت الجديد الذي هو احدث رصيف علي مستوى العالم

    لازال يحسب التصدير فيه عن طريق ( DIP ) مع العلم العدادات الحديثة الموجودة فيه لم تستخدم .


    أنا ماراح أسال ليش لان ديوان المحاسبة سبقني في السؤال ولا اعلم رد الإدارة إلي الان , بس

    الواضح أمامي مناقصة جديدة تمت في الدائرة, ألا وهي:


    توجة نحو جعل التصدير عن طريق عدادات حديثة...........كلام جميل ...بس ودي سأل عن

    التدريب ..... أشلون ?

    هل عن طريق :-

    أن تخفي قسم ( METERING ) القسم المسؤول عن جميع العدادات من صيانة وحساب

    كفاءته

    أو تدريب مشغلي غرف التحكم في يوم واحد ( ست ساعات أوفر تايم ) .

    يارجل العدادات حسبة دقيقة جدا تختلف من منتج إلي منتج آخر وأنت تعلم

    هذا الشيء , تبيني احلف ل كان هذه سرقة وانتم تساعدون المستفيد علي ذلك ,

    أو يدرج الموضوع هذا في احد ملفات نائب مجلس أمة ويقدمه سؤال إلي وزير النفط الذي بدوره

    يبحث عن إجابة وتكونون انتم الإجابة الصحيحة (كبش فداء).


    ملاحـــــــظة:

    ودي أسأل عن نظام القريدات في الدائرة الثامنة ... هل تغير النظام وأصبح أسمة (شرهه),

    ودي أفتح الملفات :-

    1- شخص عنده مرضيات عددها 355 يوم ,عشر ايام داومها في الاعياد وعنده أربع أيام غياب,

    يأخذ قريد12 ( انا حددته لك ) واشخاص عندهم 22 يوم مرضيه ماياخذ......ليش طايف ( ألميـت) مثلا..



    2-شخص يغطي غرفة تحكم بقريد 12 منذ سنة وانت كنت قايله اذا مر عليك سنه راح ادز قريدك وانت الاحق فيه

    وبعد سنة تروح وتعطي قريده حق واحد ثاني ماله حق فيه ( والطـــامه الكبــرى) يأخذ القريد واهو ماعنده(اكسبتدد)

    لايغرفة تحكم وتطلعه صباحي اربع شهور يتدرب بغرفة تحكم.



    3-شخص صارله سنتين تفرغ سكرتير مع عضو مجلس أمة أي بمعنى السنة الأولىأخذ في تقريرة حسب قوانين

    الشركة 2.5% والسنة الثانية 2.5% أي مجموعهم لايستحق قريد وأول مايباشر عمله يقدم اختبار وتدز قريده.




    يــــارجل خلاص الله يرحم والديك

    "ارحــــل يامبــــارك"
     
  2. X-Ray

    X-Ray بـترولـي جـديـد

    3
    0
    0
    أشكرك

    بصراحه اشكرك اخوي السور الخامس على هالموضوع الشيق
    ولك تحياتي .........
     
  3. السـور الخـامس

    السـور الخـامس بـترولـي نشيط

    65
    0
    0
    حياك الله اخوي اكس ري
     
  4. نيشان

    نيشان بـترولـي نشيط

    69
    4
    8
    وبعد ماعرضت معلوماتك الخطيره على قولتك ماذا حصل هل انحلت المشكله او الغايه تشويه صورة شخصا ما في بالك عطنا من الاخر كون صريح وجريء وقول الحقيقه ,طيب اذا تم اعطاءك بونص وقريد هل راح تفكر في حلال الشركه وين راح وين جاء ام راح تنسى الماضي وتبدأ صفحه جديده ​
     
  5. عزرائيل

    عزرائيل بـترولـي نشيط جدا

    212
    0
    0
    ليش اذا واحد تكلم وقال عن مشكلتة صار حرام علية
    انتوا تبون واحد يكتب على على كيفكم وعلى مزاجكم او اللى كتب عنه معطيك بونص وقريد وانت المستفيد الاكبر
    او يمكن انت المعني لانك زعلان مو راضي
     
  6. السـور الخـامس

    السـور الخـامس بـترولـي نشيط

    65
    0
    0
    حياك الله اخوي
    تأكد اني ماأسعي اني اشوه صورة احد ولاتحاول تفزع فزعة الجاهلية

    اما المشكلة انا عرضتها واللي راح يحلها مو انا في ناس اهل الصلاحيات ، واللي علي سويته والرسول صلي الله عليه وسلم قال ( من رأى منكم منكرا فليغيره بيده وان لم يستطع فبلسانه وان لم يستطع فبقلبه)

    وحنا بدولة مؤسسات ودولة ديمقراطيه والدليل ان في منتدي يعكس اصواتنا ( ومافي دخان بدون نار) وانا مااظلمت احد شي شفته بعيني
    وانشالله اننا نقدر نغيره

    اما بخصوص البونص والقريد
    موشرط تشوف الرجال بنفس نظرتك لنفسك

    حياك الله اخوي علي المرور;)
     
  7. السـور الخـامس

    السـور الخـامس بـترولـي نشيط

    65
    0
    0
    كبير ياعزرائيل

    تحياتي لك ياذيب ودعمك لنا في نقل اصوات الحق هو اللي يشجعنا
     
  8. عزرائيل

    عزرائيل بـترولـي نشيط جدا

    212
    0
    0
    حبيبي نتمى لك كل ولغيرك كل الخير وعسى الله يوفقك
     
  9. Ab.abood

    Ab.abood بـترولـي جـديـد

    5
    0
    0
    يالغالي
    نبي نسلم بتقاريرنا
    والاداره نايمه الحين ولاهيه بالترقيات
     
  10. راعي حق

    راعي حق بـترولـي جـديـد

    30
    0
    0
    السلام عليكم ورحمة الله


    اخوي السور الخامس انا عجبتني سالفة ابو 355 يوم طبيه وداوم بس بالهوليدي وعطوه قريده على قولتك 10 ايام صراحه هذا يبين مدى مصداقيتك بالموضوع واتمنى منك انك تقول اسم هالشخص واتمنى تكون عندك الشجاعه الكافيه وتقول بعد اسمك عشان مايصير الموضوع مبهم واتهامات باطله يعني اكتب اسمك واسم راعي المرضيات لان مصادرك موثوقه اكيد بما انك جبت الرقم اللي تدعيه وضفت عليه 4 ابسنت مدري احس انك بشؤون الموظفين

    والشخص الثاني اللي تدعي ان له سنتين مع عضو واختبر وخذا قريد هل انت متاكد من انها سنتين ولا من نفس المصدر اللي عطاك عدد الايام اللي قبل وانا اظن انها كلها من راسك



    اخوي السور الخامس احترم عقولنا

    السنه = 365 يوم
    الرجال على كلامك عنده 355 يوم طبيه
    وداوم 10 ايام
    وعنده اربع ايام غياب

    خل نحسبها

    365 - 355 - 10 - 4 = -4

    الناتج ماينس 4


    حسستني انه هالشخص هذا العضو المنتدب ولا ولد رئيس المؤسسه
    خذنا على قد عقولنا


    واستشهادك بحديث الرسول صلى الله عليه وسلم عجبني لان تبي تغير المنكر كلامك حلو وكلنا نبي نغير المنكر بس شلون تدعي على ناس وانت ماعندك معلوماتك غلط ( مع احترامي للعموم كذب بكذب ) وصراحه عجبتني بين قوسين انا حددته لك اذا تبي تحدد اكتب اسم عشان يقدر يرد عليك الشخص اللي افتريت عليه


    ياخي اتق الله في نفسك ولا تطعن في ذمم العالم

    اما الشخص الثالث اللي عطوا قريده لواحد ثاني على حسب ادعائك ليش ما اشتكى ولا لان عنده 22 يوم طبيه واذا ماكان لهم عليه ممسك حقه بياخذه لان فيه قانون ونقابه


    اخوي السور الخامس ارجوا منك تحري المصداقيه واذا حبيت تخلي الموضوع مصارحه ومن باب حرص على حقوق الناس واموال الدوله حط اسمك لان هذا موقف مشرف بس تاكد من معلوماتك

    فعلا ًً ناس تهرف بما لا تعرف


    السموووحه على الاطاله وكل الشكر للعموم
     
  11. راعي حق

    راعي حق بـترولـي جـديـد

    30
    0
    0




    ما احاول اشوه صورة احد وانا حددته لك فسرلي اياها


    انت الحين شوهت صورة رئيس القسم وصورة رئيس الفريق والشؤون الوظيفيه وادارة الشركه



    يا خي كلنا مع الحق بس اثبت كلامك مو بس يقولون نبي كلام اكيد لان اذا تكلمنا نحب كلامنا يكون مبني على حقائق مو بكرا يطلع كلامك سوالف مس رووم وعداوات شخصيه لان انت تقول شفت بعينك ومافي دخان بلا نار


    اخوي نبي حقائق مو كلام فاضي
     
  12. الساحوت

    الساحوت بـترولـي نشيط

    104
    2
    18
    اولا يعطيك العافيه على الموضوع
    لكن ياخي الكريم .. الكل يقدر يتظلم بامور واقعيه وبعضها من خياله
    انا استغرب سالفت 355 يوم مرضيه
    لكن اثبت صحة كلامك .. وحدث العاقل بما يعقل الله يجزاك خير
     
  13. السـور الخـامس

    السـور الخـامس بـترولـي نشيط

    65
    0
    0
    يامرحبا براعي الحق ماني قايل (والفزعه) اخاف تفهمها بقصد ثاني

    امس احترت بردك لي وخليتني (اكع ) بريك . وقعدت يومي كله احاول ارد عليك الين استسلمت.
    عاد امس في ندوة عند احمد السعدون عن تنقيح الدستور
    ورحت هناك للندوة وبدت النوه مع كلام الاعضاء فشدني كلام النائب مسلم البراك قال: 13مليون تكلفت هواية رئيس مجلس الوزراء من المال العام....الخ
    فطريت علي (راعي الحق) وطرا كلامك لي يوم قلت عطني دليل وخلك واضح وانت بينك وبين الاداره امور شخصيه
    والصراحه كبر كلامك فعيني وصغر كلام مسلم البراك بعيني اللي عنده حصانه
    المفروض امس النواب اللي تكلموا علي الحكومه يكون خلفهم وهم يتكلمون (بروجيكتر) يثبتون كلامه بشي رسمي عشان علي قولتك (لايستخفون بعقولنا) ويثبتون تجاوزات الحكومه بالدليل القاطع .
    ياخي عزالله ان ردك وطرحك طيب
    حاول تراسلني عالخاص ابي اضبطك مكان محامي رئيس مجلس الوزراء الي بس شغلته يرفع قضايا
     
  14. السـور الخـامس

    السـور الخـامس بـترولـي نشيط

    65
    0
    0

    ياالغالي
    انا يوم قلت 355يوم سك ( من باب المجازي) واقصد سكاته اوفر
    متعدي بشكل رهيب
    وانا استغرب من الردود كلها ماسكه علي الرقم وناس تطلع تفند ارقم وتحسب كانهم ماسكين شي
    هذا حادث بالمنطقه عندنا
    ومع احترامي لكم انا كاتب الموضوع لهدفين لان المنتدي مساحه لحرية الكتابه الصحيحه
    اما الاهداف هي
    اولا : تنفيس مايدور بخاطري وليس لاهداف شخصيه
    ثانيا: ان يصل الموضوع للجهات المسؤوله لفتح تحقيق

    اما بخصوص الاخوان اللي يقولون لاترمي التهم علي الاداره ويطلعلي واحد يبي يدافع عن التيم ليدر وغيره ويقولي عطنا اسمك
    كأنه ينطرني اقوله انت قول اسمك (عشان يبين للاداره ....شوفوني انا فلان ادافع عنكم) عيب عليكم ....اكبروا شوي

    ياجماعه هذا منتدي خاص لشركة البترول الوطنية يعني كلنا زملاء يعني اكيد لك معرفه في المنطقه الثامنه
    تقدر تسأل زملائك هناك عن اسماء الاشخاص اللي ذكرتهم وبيعلمونك صدقني
    وبالعكس انا اقبل اي انتقاد بناء
    اما الانتقادات الانبطاحيه سلمولي عليها
     
  15. راعي حق

    راعي حق بـترولـي جـديـد

    30
    0
    0









    يعجبني ردك بصراحه واستشهادك بالنائب مسلم البراك وانا ما ادافع عن الاداره لكن ما احب ارمي تهم على العالم وانا ماني متاكد وللاسف انت فاهم الحريه غلط الحريه مو انك تتهم اتهامات باطله وتقول رقم بعدين تقول طبياته واجد طيب الابسنت اللي عليه 4 ايام ولا تبي تبين ان عنده غياب بس




    مدري. مره تصرح بكل ثقه وتاكيد على معلوماتك ومره تقول لا انا ابي اطرح الموضوع للنقاش ؟؟؟



    ياخي انت اي واحد ينتقدك تحاول تحطه عميل ومدري احس انك عايش جو مؤامره

    والناس ماشالت همك بس انا اذا حبيت اتكلم احب يكون كلامي مبني على حقائق لان الرجال محسوب عليه كلامه واسلوبك مبين عليه انك تفتقد للمصداقيه



    عموما اللي بيراجع مواضيعك بيعرف معنى كلامي وبيدري انك انسان عندك عداوات مع الاغلبيه وتحب تطلع سوالف على الناس من وراء ظهورها


    ولو كلامك على حق الكل بيوقف معاك بس عليك انك تثبت كلامك ولا تكون ضعيف الحجه وصدرك يكون متسع للكل مو مره تقول اني افزع ومره تقول اني محامي للشركه والله العالم شنو بتقول بعد





    المهم بقولك كم معلومه تفيدك



    الحق ينتزع
    واللي له حق مايخليه لان مايضيع حق وله طلاب
    وحريتك تنتهي عندما تبدأ حرية الاخرين



    ولاتحاول تتهم من يناقشك لان المنتدى مساحه حره للعموم فلا توزع اتهامات على اللي ما يعجبك رده


    واذا انت رجال راعي حق وتخاف الله لا تتهم بدون دليل


    لان البيّنه على من ادعى
     
  16. عزرائيل

    عزرائيل بـترولـي نشيط جدا

    212
    0
    0
    الي الاخ السور الخامس المحترم
    اكتب اسم الشخص اللى عنده طبيات كثيره واخذ الدرجة
    فرضا اذا كان عنده واسطه او محسوب على شخص بس علشان تثبت للشباب ان هذا حصل بالمنطقة
    وحتى يكون عبرة لغيرة
     
  17. السـور الخـامس

    السـور الخـامس بـترولـي نشيط

    65
    0
    0
    راعي الحق
    كلامك كله هذا انا رديت عليه بالردود السابقه ومابي اعيده ثاني مره لانك الظاهر قاعد تدور علي نفسك
    الحقائق اللي قاعد تطلبها ماني عارف شنو تهمك فيه الا اذا:

    انت شخص مسؤول وحاب تتأكد بنفسك......حاضر راح ادزلك الاسامي برساله خاصه وتتأكد ويكون فيه اكشن من ناحيتك.

    اما اذا انت موظف عادي نفس حالاتي ......فبامكانك تسال الاشخاص الموجودين بالقسم عندي وتتأكد اذا هامتك الحقيقه

    بس تكون صادق مع نفسك

    اما بخصوص مواضيعي

    بالعكس انا احب الانتقاد الهادف

    اما الانتقادات الانبطاحيه والنتقادات الجاهليه(الفزعه العمياني)

    هذي ماأحبها تدري ليش .......لاني مابي اشد فيها وبعدين انفعل واقولك شسمك انت (وماتصدق خبر) تعطيني اسمك

    وتميلح عند الرجال واكون السبب في هذا

    ( الاشكال هذي ....واناخوك ماره علي واجد)

    ناطر ردك بشغف
    *
     
  18. راعي حق

    راعي حق بـترولـي جـديـد

    30
    0
    0
     
  19. السـور الخـامس

    السـور الخـامس بـترولـي نشيط

    65
    0
    0
    تسلم ياراعي الحق

    ماقصرت


    هذا واحد
    اصفط عاليمين
     
  20. راعي حق

    راعي حق بـترولـي جـديـد

    30
    0
    0


    ههههههههههههههههههههه


    حلوه اسفط على اليمين


    كذاب ووجهك قوي بس الفكره وصلت للعموم


    لان كل الثلاثه اللي انت كاتب عنهم معلوماتك كلها غلط بغلط والمشكله انك مسوي انك تعرف كل شي وانت تبي تسولف بس لانك تبي تسولف ولا ندوة مسلم شدخلها بالموضوع ذكرتني بجزأية التميلح

    واحلى منها انك كذاب و وجهك قوي

    كل داء له دواء الا الجهالة أعيت من يداويها
     

مشاركة هذه الصفحة