شركة Saipem ؟؟

الكاتب : Mechanical Engineer | المشاهدات : 7,843 | الردود : 26 | ‏10 فبراير 2011
  1. Mechanical Engineer

    Mechanical Engineer بـترولـي نشيط جدا

    359
    0
    0
    السلام عليكم

    شباب احد عنده معلومات عن شركة Saipem
    شلون تعاملهم مع الموظفين
    شلون رواتبهم مميزاتهم
    وضع الشركه مستقبلها
    مستقبلك مع الشركه
    شنو ماسكه من عقود مع الكي او سي

    هل عليها مشاكل تأخير في دفع الرواتب الخ


    هل اهي زينه مو زينه تنصحون فيها او لأ


    و ياريت يساعدنا الاخ سالم العجمي بالموضوع بحكم خبرته في النقابه و اكيد عنده معلومات اكثر
     
  2. سالم bj

    سالم bj بـترولـي مميز

    805
    1
    0
    مدير العلاقات العامة
    الكويت
    حياك الله اخوى لا والله ماعرف الشركه بس اذا تعرف عنوانهم دزه لى على الخاص وانا اتأكد لك عن الشركه وانا حاضر بالخدمه وشكرا
     
  3. Mechanical Engineer

    Mechanical Engineer بـترولـي نشيط جدا

    359
    0
    0
    تسلم والله ما تقصر
    هذا اول شي موقعهم على الانترنت
    http://www.saipem.com/site/Home.html


    اهي شركه ايطاليه

    هذي لمحه حصلتها على الويكي بيديا http://en.wikipedia.org/wiki/Saipem

    وهذا عنوانهم بالكويت اخذته من موقعهم

    KUWAIT
    SAIPEM S.p.A. Branch Office
    Shuwaikh F.T.Z.
    Future Area, Zone E, Building 62
    70652 Shuwaikh - KUWAIT
    Tel.: +965 22251830
    Fax: +965 22251826



    ابي اعرف شلونها و شلون تعاملهم مع الموظفين معلومات عنها اكثر شلون المستقبل معاهم و شنو قوة الشركه
    خصوصا اني كنت مراسلهم قبل 6 شهور و دقوا علي قبل ثلاث شهور يمكن قالولي راح نكلم الكي او سي عشان ناخذك و قبل يومين دزولي ايميل و كلموني بالتيلفون عشان ادزلهم اوراقي و دزيت لهم

    بس ابي اقدم على خطوه اشوي اكون مطمأن منها
    انا اطمح للافضل و بنفس الوقت ما ابي اخسر مكان عملي باختيار خاطئ
     
  4. الشكوىى لله

    الشكوىى لله بـترولـي مميز

    773
    0
    16
    القطاَع النفطي الخاص
    الكويت
    انا اطمح للافضل و بنفس الوقت ما ابي اخسر مكان عملي باختيار خاطئ

    ربي يوفقك :)
     
  5. Mechanical Engineer

    Mechanical Engineer بـترولـي نشيط جدا

    359
    0
    0
    تسلم ما تقصر والله , والله يوفق الجميع يارب

    بس هل قصدك الشركه اختيار خاطئ؟
    لانك حطيت عليها احمر و خط؟؟؟؟
     
  6. الشكوىى لله

    الشكوىى لله بـترولـي مميز

    773
    0
    16
    القطاَع النفطي الخاص
    الكويت
    لآ بالعكس عجبني تفكيرك .. لا أكثر :)
     
  7. kuwait779

    kuwait779 بـترولـي نشيط

    79
    0
    0
    والله هالشركات زينه وفيها فايده كبيره

    أذا كان هناك أداره صحيحيه 100%100 من جانب قطاع التكويت في شركه نفط الكويت.

    بس بصراحه هذول ناس ماسكين مناصب ورواتب وشغل عدل

    ومن هالناحيه الله يزيدهم ولا يغير عليهم موحسود لاتخافون.

    بس اللي أقصده هالشركات تأخذ عقود ضخمه وتجي لجنه التكويت التعيسه ولا توقف معاك ولا شئ بس شاطرين بالواسطات

    لاميزات لاشئ تصرفها الشركه اللي يايه تشتغل لك ولا حد درا عنك يعطونك راتب ويشحون عليك فيه ولا فيه سياره ولافي شغل ولا شئ ولا يارجل توجد أليه معينه أو خطه تدريب حق الكويتيين اللي بالهاالشركات .

    بس سكر نسبه العقد وروح نام في بيتك 3 أو 4 سنين والمعاش ماشي

    هذا غلط بغلط .

    وأعتقد الشركه تبع الأداره اللي فيها مازن السردي

    واللجنه عند ولد المتروك .
    وكلهم والله تحبيط بالشباب وماكوا دعم وأسم تكويت عالفاضي .

    وأنا أتمنا من الشيخه شذا الصباح وخنا سمعنا عنها كل خير وأنها ماترضي بالأسلوب هذا

    أتمني أنها تشوف حل مو من الشركات من ربعنا لازم تحمر العين عليهم

    بالحرف الواحد تقولهم اللي عالكرسي وبشتغل يشتغل واللي مايبي لايخرب على الشباب ويقتل طموحاتهم.

    وشركه سايبوم أعتقد من هالشركات اللي تخردك واتب أى شئ وروح نام .

    وحتي لو تشتغل ماراح تلقي قدام خطه ندريب أو شئ معين تمشي عليه.

    أستخير والله يوفقك
     
  8. Mechanical Engineer

    Mechanical Engineer بـترولـي نشيط جدا

    359
    0
    0


    يعني الشركه مو زينه؟ مافيها تدريب و دورات؟؟ و مافيه مناصب؟؟

    تكفه صارلي سنه اشتغل بالحكومه حتى دوره تعريفيه عن المكان الي اشتغل فيه مو معطيني!!
    و فوق هذا ماكو مكتب!!


    يعني مهنة الهندسه جذي احباط؟
     
  9. أبو خالد 112

    أبو خالد 112 بـترولـي نشيط

    105
    0
    0
    أخوي أمسك مكانك وقدم
    لا تطوف أعلان و أول شي قدم على نظام التكويت في KPC
    على الأقل تطلع من نظام الوزارات و تحتك في القطاع النفط و تطلع خبرة فية تالي تفلت من الوزارات
    و تكويت العقود ترى حلووووووو و هذي نصيحت مجرب أذا تبي خبرة و تكون لك قيمتك كمهندس و يكون لك مستقبل حل بأذن الله
    أما تبي الراحة و بعد عمرا طويل منصب و لي مسكتة تتوهق ماتدري شسالفة نفس ماهو صاير في قيادات الوزارات
    خلك في الحكومة
     
  10. Q8ia-Engineer

    Q8ia-Engineer بـترولـي نشيط

    57
    0
    0
    شركة Saipem

    مساء الخير أخوي .. بخصوص شركة سايبم أنا راح أذكرلك تجربتي معاهم و الحكم لك:
    في بداية سنة 2010 شركة سايبم نزلت اعلان ضخم بالجرايد تطلب مهندسين من جميع التخصصات للعمل في أحد عقودها مع ال كي او سي و هذه المشاريع تتميز بحجمها الضخم. المهم أنا قدمت على اعلانهم و اتصلوا فيني شهر 4 سنة 2010 و قالولي انهم طرشوا أوراقي حق ال كي او سي واهما الحين ناطرين الموافقة منهم أول ما توافق ال كي او سي علي راح يبلغوني عشان نكمل اجرءات التوظيف من مقابلات و غيرها. لكن للأسف شكلهم نسوا الموضوع فبادرت أنا و اتصلت فيهم نهاية شهر 5 سنة 2010 و كلمت الشخص اللي دق علي من قبل و استفسرت منه عن النتيجة فرد علي و قال للحين ما يانا أي خبر من ال كي او سي. أنا هني فقدت الأمل و قلت خيرها بغيرها. المهم في الاسبوع الثالث من شهر 9 سنة 2010 تفاجأت باتصال من شركة سايبم من موظفة في قسم HR و اسمها VIVIAN تبلغني أن يبون سيرتي الذاتية و أوراقي الثبوتية و طرشت لي ايميل بهذا الخصوص و أنا ما صدقت خبر على طول طرشت لها أوراقي كاملة و نفس الحالة ناموا على الموضوع و بادرت أنا و اتصلت عليهم في الاسبوع الثاني من شهر 10 سنة 2010 عشان استفسر عن الوضع فبلغتني الموظفة ان أوراقي طرشوها قسم المشاريع في سايبم و الحين الموضوع مو عندها لأن شغلها بس تنسيق فرجعت و فقدت الأمل للمرة الثانية. بعدها باسبوع اتصل علي موظف في سايبم اسمه S. Alagar samy و بلغني انهم حابين ااني اتوظف عندهم و يبي أوراقي الثبوتية أنا هني عصبت عليه و قلت له أنا كم مرة أطرش لكم أوراقي و لي متى أنطركم فرد علي و قال ان هذا عقد ثاني و مشروع يديد مع كي او سي توهم فايزين فيه فسألته عن المسمى الوظيفي فرد علي و قال: مهندس متدرب. أنا انصدمت و قلت له شلون مهندس متدرب و أنا عندي خبرة 6 سنوات؟؟؟ّ فقال ايه ال كي او سي طالبه خبرة 10 سنوات يعني اللي عنده خبرة 6 سنوات يعتبر مهندس متدرب. و سألته عن الراتب فرد علي و قال 760 دينار بالشهر أنا هني عصبت و قلت له شلون 760 و أنا الحين راتبي أكثر من جذي و رد علي و قال انتو الكويتيين ما تشتغلون يعني 760 دينار بالشهر يعتبر زين بالنسبة لكم تستلمونها و انتو قاعدين ببيوتكمّّّّّّ أنا هني تهاوشت معاه و قلت له إن عرضهم مرفوض و أنا ما اقبل أشتغل بشركة هذا رايها بالشباب الكويتي.... المهم بنفس هالفترة ياني عرض من شركة ثانية شبيهة ب سايبم و عرضوا علي راتب زين مش بطال و المسمى مهندس مشروع فقبلت عرضهم.. تالي انصدمت ان الشركة مافيها اي مميزات و هذا النوع من الشركات هدفهم تحقيق نسبة التكويت المفروضة عليهم من كي او سي لا أكثر و لا أقل.. و ما يعطون شغل بتاتا للكويتيين و الود ودهم ان نقعد بالبيت و ما نداوم و نستلم رواتبنا نهاية الشهر و بس. والحين أنا أدور أقرب فرصة عشان أطلع منهم.

    يا خوي نصيحة مني لا تورط نفسك مع هالشركات تراها بس بالاسم و ما فيها مميزات و لا تطوير وظيفي يعني التوظيف عندهم حبر على ورق.

    أنا عرضت عليك تجربتي وانت صاحب القرار و إذا عندك أي سؤال أنا بالخدمة.

    والله يوفقنا جميعا :)
     
  11. kuwait779

    kuwait779 بـترولـي نشيط

    79
    0
    0
    مساء الخير أخوي .. بخصوص شركة سايبم أنا راح أذكرلك تجربتي معاهم و الحكم لك:
    في بداية سنة 2010 شركة سايبم نزلت اعلان ضخم بالجرايد تطلب مهندسين من جميع التخصصات للعمل في أحد عقودها مع ال كي او سي و هذه المشاريع تتميز بحجمها الضخم. المهم أنا قدمت على اعلانهم و اتصلوا فيني شهر 4 سنة 2010 و قالولي انهم طرشوا أوراقي حق ال كي او سي واهما الحين ناطرين الموافقة منهم أول ما توافق ال كي او سي علي راح يبلغوني عشان نكمل اجرءات التوظيف من مقابلات و غيرها. لكن للأسف شكلهم نسوا الموضوع فبادرت أنا و اتصلت فيهم نهاية شهر 5 سنة 2010 و كلمت الشخص اللي دق علي من قبل و استفسرت منه عن النتيجة فرد علي و قال للحين ما يانا أي خبر من ال كي او سي. أنا هني فقدت الأمل و قلت خيرها بغيرها. المهم في الاسبوع الثالث من شهر 9 سنة 2010 تفاجأت باتصال من شركة سايبم من موظفة في قسم HR و اسمها VIVIAN تبلغني أن يبون سيرتي الذاتية و أوراقي الثبوتية و طرشت لي ايميل بهذا الخصوص و أنا ما صدقت خبر على طول طرشت لها أوراقي كاملة و نفس الحالة ناموا على الموضوع و بادرت أنا و اتصلت عليهم في الاسبوع الثاني من شهر 10 سنة 2010 عشان استفسر عن الوضع فبلغتني الموظفة ان أوراقي طرشوها قسم المشاريع في سايبم و الحين الموضوع مو عندها لأن شغلها بس تنسيق فرجعت و فقدت الأمل للمرة الثانية. بعدها باسبوع اتصل علي موظف في سايبم اسمه S. Alagar samy و بلغني انهم حابين ااني اتوظف عندهم و يبي أوراقي الثبوتية أنا هني عصبت عليه و قلت له أنا كم مرة أطرش لكم أوراقي و لي متى أنطركم فرد علي و قال ان هذا عقد ثاني و مشروع يديد مع كي او سي توهم فايزين فيه فسألته عن المسمى الوظيفي فرد علي و قال: مهندس متدرب. أنا انصدمت و قلت له شلون مهندس متدرب و أنا عندي خبرة 6 سنوات؟؟؟ّ فقال ايه ال كي او سي طالبه خبرة 10 سنوات يعني اللي عنده خبرة 6 سنوات يعتبر مهندس متدرب. و سألته عن الراتب فرد علي و قال 760 دينار بالشهر أنا هني عصبت و قلت له شلون 760 و أنا الحين راتبي أكثر من جذي و رد علي و قال انتو الكويتيين ما تشتغلون يعني 760 دينار بالشهر يعتبر زين بالنسبة لكم تستلمونها و انتو قاعدين ببيوتكمّّّّّّ أنا هني تهاوشت معاه و قلت له إن عرضهم مرفوض و أنا ما اقبل أشتغل بشركة هذا رايها بالشباب الكويتي.... المهم بنفس هالفترة ياني عرض من شركة ثانية شبيهة ب سايبم و عرضوا علي راتب زين مش بطال و المسمى مهندس مشروع فقبلت عرضهم.. تالي انصدمت ان الشركة مافيها اي مميزات و هذا النوع من الشركات هدفهم تحقيق نسبة التكويت المفروضة عليهم من كي او سي لا أكثر و لا أقل.. و ما يعطون شغل بتاتا للكويتيين و الود ودهم ان نقعد بالبيت و ما نداوم و نستلم رواتبنا نهاية الشهر و بس. والحين أنا أدور أقرب فرصة عشان أطلع منهم.

    يا خوي نصيحة مني لا تورط نفسك مع هالشركات تراها بس بالاسم و ما فيها مميزات و لا تطوير وظيفي يعني التوظيف عندهم حبر على ورق.

    أنا عرضت عليك تجربتي وانت صاحب القرار و إذا عندك أي سؤال أنا بالخدمة.



    والله يوفقنا جميعا












    كلام 100%100 عين العقل
     
  12. Mechanical Engineer

    Mechanical Engineer بـترولـي نشيط جدا

    359
    0
    0
    والله ياخوك انا قدمت على نظام العقود قبل سنه تقريبا و اقبلوني بشركة العربي!!!!!!
    الراتب كان 800 دينار!!

    بس شركة العربي صراحه مو ببالي
    انا ادور شركات لها اسمها عالميا
    و خنشوف الله كريم
     
  13. Mechanical Engineer

    Mechanical Engineer بـترولـي نشيط جدا

    359
    0
    0


    تسلم اخوي على الرد

    و صح الي كلمتني اسمها Vivian Paleguin تشتغل بالموارد البشريه و بصراحه انا للحين ما كلمتهم عن المعاش او المميزات
    بس اذا 760 حده اشويه وايد اشويه

    اما بالنسبه للحكومه انا اقولك تجربتي فيها
    ماكو دورات و بالغصب تحصلك دوره داخليه اما بالنسبه للدورات الخارجيه فتقريبا اغسل ايدك بدون واسطه لانه فيها مصروف يومي مو اقل من 120 دينار و طبعا حسسب الدوله و يعطونك اياه جيك قبل السفره بالمبلغ الكامل لعدد الايام

    و الشغل ماكو شغل
    و اذا حبيت تشتغل تنكرف
    و اذا مسكتلك عقد ما تقدر تحصل على مميزاته الا بكيف مسؤولك مثل سياره تيلفون من شركة المقاول

    بالضبط الحكومه بس يهتمون حق الحضور و الغياب و ماكو تطوير وظيفي
    و الكل حاط عينه على المناصب و اهم شي الاقديمه!!!
     
  14. nameIess

    nameIess بـترولـي جـديـد

    24
    0
    0
    هذا الكلام بالضبط صار معاي مع شركة بتروفاك قبل كم اسبوع، رفضت عقدهم ومشيت عنهم... الديره مليانه فرص وماله داعي اضيع وقتي مع ناس سخيفين نفسهم. شوفو saipem ماكله ت** الحين تدور لها مهندس HSE كل يوم اعلانات بالجرايد (بطلو يحطون اسمهم) واعلانات بالايميل ومواقع التوضيف.
     
  15. Mechanical Engineer

    Mechanical Engineer بـترولـي نشيط جدا

    359
    0
    0
    لتعم الفائده على الاخرين و تدعولنا انشالله

    شفتوا الموضوع قديم مو؟

    طبعا كل شهرين تقريبا يتقدمون بخطوه في مسألة الوظيفه

    اول شي قدمت بعدها اطلبوا اورقة التأمينات الاجتماعيه بعدها دز السي في مالك
    و اخر شي وصلتله قبل اسبوع و اشوي سوو معاي مقابله بمبنى التعمير التابع لل KOC
    و قبل اشوي بالضبط اقل من خمس دقايق اتصلوا علي انهم قابليني بس ناطرين الابروفال من الكي او سي!!


    اتصلت علي المدعوه بفيفان و قالتلي هل انت موافق على العمل معانا قلتلها اي موافق
    قلتلها جم الراتب؟
    قالت 874 دينااار!!! هل مبلغ طبعا من الشركه نفسها
    مشروعهم مدته سنه في حقول برقان!!!

    قلتلها اذا خلصت السنه؟ جان تقولي اذا خلصت السنه و المشروع ما انتهى راح تضل تشتغل معانا
    اذا المشروع انتهى خلاص ... قلتلها خلاص؟ يعني ادور على شغل مره ثانيه؟
    قالت كل شي ينتهي
    every thing finish and every body finish!!!!
    يا سلااااام

    قلتلها انزين في زياده سنويه؟ جان تقولي لأ!!!!
    قلتلها يعني حتى لو المشروع ما انتهى راح يضل راتبي ثابت جان تقول ايي!!!!!!

    قلتلها المواصلات هل في سياره تنقلني؟ باص؟ اسوق سيارتي و اسفط بالشركه و احد ياخذني لي مكان المشروع؟؟؟؟؟؟؟؟؟؟؟؟؟؟؟؟ جان تقولي هل شي نتفق عليه تالي يا سلااااااااااااااااااااااااااااااام!!!!!!!!!!!!!!!!!

    قلتلها في تذكرة سفر قالت لأ

    في تأمين صحي؟ قالت اذا انت كنت سليم راح يغطيك اذا كنت لأ فهو لأ


    اشرايكم يا جماعه

    والله صج قمت اقتنع ما احلى الوظيفه الحكوميه على الاقل رزق الانسان ما يحس انه بينقطع
     
  16. kuwait779

    kuwait779 بـترولـي نشيط

    79
    0
    0
    لقد أسمعت لو ناديت حيا
    ولكن لا حياة لمن تنادي




    ولو نار نفخت بها أضاءت
    ولكن أنت تنفخ في رماد
     
  17. nameIess

    nameIess بـترولـي جـديـد

    24
    0
    0
    زين عيل تبي تعرف انا شصارلي؟ (بحكم اني بعد كنت بنفس وضعك وسمعت نفس الكلام)...
    الحمدالله حصلت وظيفه في احد الجهات الدولة راتب 1400 دينار ولله الحمد، انشاء الله مواعدينا بالقسم بدورات وسفرات لحضور كم مؤتمر.. وعلى فكره، حق مشاوير الدوام سيارة الدوام سافطه عند الباب!! تبي تشتغل الشغل موجود وانشاء الله ربك بيرزقك قد ما تاعطي، ما تبي تشتغل لا تشتغل وبتضيع مع الطاولات والكراسي ومحد يدري عنك وانشاء الله المعاش اخر الشهر ماشي لين ماشاء الله:)

    ويقصون علينا يقولولنا تكويت! نكته.

    إلا عالطاري، محد لاحظ ان الكويت انترست ناس من اوروبا الشرقيه كل واحد راكبله سياره قيمتها فوق الاربعين الف دينار؟ شقصتهم؟ اشوف حقهم في وظايف وعشانا احنى ماكو!!
     
  18. الشكوىى لله

    الشكوىى لله بـترولـي مميز

    773
    0
    16
    القطاَع النفطي الخاص
    الكويت
    ويقصون علينا يقولولنا تكويت! نكته.

    لا تعليق :(

    إلا عالطاري، محد لاحظ ان الكويت انترست ناس من اوروبا الشرقيه كل واحد راكبله سياره قيمتها فوق الاربعين الف دينار؟ شقصتهم؟ اشوف حقهم في وظايف وعشانا احنى ماكو!!

    الي يدبل الجبـد هندي والا واحد مايسوى خآيس
    يركب له سيارة فخمه أخر موديل وبديرته وربي ماشم ريحتها
    وموظف بأحسن الشركات النفطيه طبعا وبراتب راهي أكيييد
    وهم حسـد وشايف نفسه والله شيء يقهر !!!!!!!!!!!!!!
     
  19. sarey

    sarey بـترولـي نشيط جدا

    194
    7
    18
    عقود الشركة هذي سنتين فقط وبعده يقولون لك باي باي .. لحد يوهق نفسه معاهم
     
  20. Mechanical Engineer

    Mechanical Engineer بـترولـي نشيط جدا

    359
    0
    0
    التوظيف بنظام العقود فاشل الى ابعد الحدووود
     
جاري تحميل الصفحة...

مشاركة هذه الصفحة