الزواج من الاجنبيات ومدى تأثيره على المواطنات

الكاتب : ام سليمان | المشاهدات : 2,495 | الردود : 25 | ‏8 فبراير 2011
  1. ام سليمان

    ام سليمان بـترولـي جـديـد

    8
    0
    0
    اولا
    يسعدنى ان أنظم الى هذا المنتدى الطيب آملة ان تقبلونى بينكم اخت
    نسعى جميعا لرقى هذا المنتدى ونجتهد كلن حسب علمه وجهد فى السعى للنهوض بالمنتدى لارقى مستوى وحتى يعود بالنفع على جميع رواده من اعضاء او زوار


    موضوعى الذى أبتدأبه
    هو حساس لا شك فيه وقد يمتعض البعض من تناول مثل هذه المواضيع
    حينما نتناولها انما نتناولها من باب التنبيه لا من باب التمييز بس الناس


    الزاوج هو سنة الله فى ارضه لكى يتكاثر البشر وقد اوصى نبينا محمد صلى الله عليه وسلك بأن نتكاثر حتى يتباهى بنا بين الامم يوم القيامة

    لكن الجانب الذى اريد النقاش فيه

    الزواج من غير المواطنة



    مدى تأثيره على العادات
    والتقاليد
    والاعراف

    ومدى تأثيره فى ارتفاع نسبة العنوسة وبشكل مريب

    لكل مما تزوجوا من غير المواطنات له حجته وعذره

    لكن لا يخفى على احد انه نتج عن هذا الزواج واقع غير مرضى لدى بعض الناس
    لنتناقش سويا فى هذا الموضوع ونرى اين تكمن المشكلة


    انتظر آرائكم فى هذا الموضوع
     
  2. Bos3ayd

    Bos3ayd بـترولـي مميز

    523
    4
    18
    http://www.q8ow.com/vb/showthread.php?t=23384&page=10

    القصد مو احرق موضوعج اختي العزيزه ، لكن الموضوع حساس وتقدرين تشوفين شلون تغير اتجاه الموضوع باللنك الي حطيتلج اياه ^_^

    وبالتوفيق
     
  3. santafe

    santafe بـترولـي مميز

    717
    3
    18
    يا اختي الفاضلة يطيب لي ان اشكرك على هذا الموضوع حيث ان مشروع الزواج في الكويت مشروع فاشل من وجه نظري الشخصية لعدة اسباب منها القوانين الاحوال الشخصية التخبطية بعض الشيئ في الكويت ، وماخفي كان أعظم وعندج بعض الاحصاءات لدى وزارة العدل قسم تنظيم الاسرة ممكن يزودونج اذا كنتي تعملين بحث عن هذا الموضوع وحتى لا أظلم الجميع فهناك نساء كويتيات صالحات يحافظون على العشرة الزوجية ومافي شي كامل الكمال للخالق وحده مع أطيب التمنيات والتقدير
     
  4. الرحا

    الرحا بـترولـي نشيط جدا

    491
    0
    16
    جرت العاده والعرف ان من يتزوج بغير الكويتية
    إما من ذوي الاحتياجات الخاصه او شايب
    او من طرق الكثير من الابواب ولم يتم تزويجة لعيب واضح في شخصيتة او حياتة


    الغريب ماهو الدافع لزواج شاب في مقتبل العمر بغير الكويتية ؟
     
  5. ممــــيز

    ممــــيز بـترولـي نشيط جدا

    420
    0
    0
    انا اقول ياااازين البدوية والحضرية
    ياا لبيه يجننون
    خل منك الاجنبية لا هي من ثوبك ولا انت من ثوبهااا خلهاا تستريح
     
  6. LaRambla

    LaRambla بـترولـي خـاص أعضاء الشرف

    2,041
    3
    38
    صدق بوحنان يوم قال

    ما احب الا كويتية
     
  7. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    للأسف نسبة كبيرة جدا من بنات الكويت تعيش وكأنها سندريلا زمانها
    تبيه مزيون ،،، وعنده فلوس ،،،، ويشتري لها سيارة كشخة ،،
    وتبي بيت بروحها ،،،، وتبي عرسها يكون علي مستوى ملكي عشان رفيجاتها

    وهذا الشيئ سبب ردة فعل سلبية عند أغلبية الشباب فصرنا نشوف شباب وصل عمره بالثلاثينات و مازال عازب ،،، صرنا نشوف الكثيرات عوانس

    همسة في أذن كل بنت وسر مايعرفه معظم البنات

    الشباب يحب البنت البسيطة في كل امورها
     
  8. البندري

    البندري بـترولـي نشيط

    115
    0
    0
    :)

    كل شيء قسمة و نصيب

    بس حلوة صراحة هالسر :)

    :)
     
  9. الرحا

    الرحا بـترولـي نشيط جدا

    491
    0
    16
    ترا حتي ربعك يبونها مزيونة وناعمة ودلوعه وشقردية وطباخه ومربية وغنية وتسلف
    ويريدها لبوة شرسة بالفراش ومتدينة ناسكة وبدون حتي همس في نفس الوقت


    وفي الكويت تحديدا المادة لم تكن ابدا عائق للشاب من الزواج من كويتية

    من وصل الي الثلاثينات وهو عازب هذا برضاه وللحين ماشبع فسقة
    والعوانس نصيبهم وقسمتهم من الله والله يسعدهن


    انا اختلف معك واري العكس ....واري ان الآية انعكست في زماننا هذا
    فـ الشاب اصبح هو الدلوع وموووبي وموووعاجبني
    والبنت راعية بيت وتشيل اكثر من الشاب
     
  10. API 18

    API 18 بـترولـي مميز

    513
    0
    0
    اختي عندج نسبة زواج الكويتيين من الاجنبيات وطبعا نتكلم عن الزوجه الاولى والمتزوجيين الشباب علشان نعرف شنو حجم المشكله. لانه انا ماشفت من ربعي واهلي اي احد يتزوج اجنبيه
     
  11. عزرائيل

    عزرائيل بـترولـي نشيط جدا

    212
    0
    0
    اشحلات الاجنبيات ويا زينهم اشفيهم مو بشر
    وبعدين الزواج قسمة ونصيب
     
  12. Black shadow

    Black shadow بـترولـي نشيط

    اول شي شنو اللي يخلي الرجل يدور على اجنبيه ؟ :)

    يا اما انه فيه امور خلته ما ياخذ كويتيه او لظروف اخرى

    يعني يمكن الريال كان يدرس باحد الدول العربيه وشاف بنت من عايله كريمه متربيه احسن تربيه وخلوقه وعجبته وتزوجها ماشوف انه هالامر فيه عيب والا شي غريب

    او مرات لظروف صحيه الواحد بالديره ما صارله نصيب في بنت من البنات اللي خطبهم وانا اعرف واحد من الاهل معرفه شخصيه رجل اخلاق وصاحب شخصيه حلوه ورجل متحدث ولي قعد بالمكان تسمع كلامه الموزون وغيره من الصفات الطيبه اللي فيه بس باختصار ما ظل بيت الا وطق باب ومحد قبل فيه حتى اهله الا لانه فيه عيب خلقي من اهو صغيره طاح وتعور ظهره يمكن وقتها عمره كان اقل من سنه مثل ما نقول احنا بالمهاد وظلت هالانحناءه بظهره لييين كبر !!

    والريال كان مره مسافر مع ناس يعرفهم دوله عربيه وخطب عن طريق معارفه بين بيت من بيوت هالعوايل الزينه وتزوج والحمد لله الحين عنده 4 او 5 اطفال ماني ذاكر وعايش مرتاح مع بيته وزوجته وما يشتكي كلش

    وفيه اسباب عند الرجل مرات تخليه يدور اجنبيه وكل واحد ورايه والله سبحانه اعطاه هالحق والرسول عليه الصلاه والسلام قال تنكح المرأه لابع لمالها ولحسبها وجمالها ودينها فاظفر بذات الدين تربت يداك

    يعني المال والحسب والجمال والدين مو مرتبط في بنت الديره او الكويت تحديدا !!

    اما تاثير هالشي على المواطنات !! فانا اشوف مرات البنات هني بالديره اهم يكونون في بعض الاحيان سبب بهالشي
    كارتفاع المهور والطلبات في مواصفات العرس وليله الزفاف وبعدها السكن وشروطه وكل هالشغلات تثقل كاهل الشاب المقبل على الزواج وكونه توه في بدايه حياته وميزانيته على قده

    والحكومه الله يبارك فيها تدعم الشاب بمبلغ كمنحه للزواج وتساعده في فتح البيت وغيرها لكن قمنا نشوف الشاب يحط كل هالمنحه في مهر ويزيد فوقها تقريبا الدبل ولي عطى البنت هالاربع الاف قالوا شدعوا بس 4 !!

    وخل نتكلم بصراحه هالشي موجود والا لا ؟؟

    اللي الله مرهي عليها خل يعطي ان شاء الله 10 او 20 او اكثر ما يمنع هالشي والناس متفاوتين بالمقدره بس نتكلم على المستوى المتوسط اللي يتوظف وايمعله جم فلس وفوقهم منحه الحكومه ويبي يتزوج ما راح يقدر يتحمل هالتبعات وغير تبعات الزواج اللي بعدها

    وهالشي طبعا ما يعمم على الكل لكنه منتشر بالفتره الاخيره وماتوقع يخفى على احد

    اما من وجهه نظري الشخصيه بالزواج اذا توافرت الشروط اللي ذكرها عليه الصلاه والسلام باي بلد فما يمنع من الزواج وان كنت افضل انه ياخذ من بنات ديرته اللي تنطبق عليها المواصفات هذي

    وشكرا وسامحونا على الاطاله

     
  13. العووود

    العووود بـترولـي مميز

    616
    1
    18
    للأسف (ضحيه) بالقطاع النفطي الخاص
    الخليج العربي

    هالكلمه هذي كافيه ووافيه ,,
    يعني كويتيه ولا غيره ..... التوفيق من الله .



     
  14. PIANO

    PIANO بـترولـي مميز

    803
    0
    16
    عضو مجلس الشعب
    sweet KUWAIT
    الأكيد إن قسمه ونصيب .. والأكيد أن الغالبية العظمى من بنات هالوقت للأسف عقليتهم سلبيّه بشكل مستفزّ !! وتشوف الظاهر وتحب المادّه !! صاروا مادّيين !! حتى الرياييل فيهم عيوب ! بس مو هذا موضوعنا ..

    المهم انا قررت آخذلي كورّيه .. مجكنمه واقتصاديّه !!

    على سبيل الدّعابه لا أكثر !
     
  15. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    هلا أخت أم سليمان في المنتدى

    أم سليمان ، الزواج مثل ما ذكرتي سنة الله في الأرض

    و بخصوص الزواج من غير المواطنات ،

    فمن ناحية التأثير على المواطنات و البلاد كذلك أقول التالي :

    - سيتسبب ذلك في زيادة نسبة العنوسة في المجتمع

    - و تخفيف التركيبة السكانية الكويتية لتتحول تدريجيا إلى تركيبة بلا هوية قوية وطنية واضحة

    و تمسي إقليمية أكثر و الضحية البلد طبعا

    - زيادة الحسرة لدى المواطنات اللاتي عنسن إما بسبب التحجير لإبن العم أو لإبن الخال

    و إما بسبب غلاء المهور و الشروط التافهة من الأهل و البنت و إما بسبب إرادة الفتاة ( البعض طبعا )

    الحياة بطلاقة و حرية دون قيود من زوج و بلا دوخة راس كما تظن بعضهن،

    كثرة المشاكل الأسرية مما يعطي الإنطباع بالخوف من الزواج فيذهب الفتى للزواج من اجنبية و تبقى

    المواطنة في البيت مرمية !

    وجهة نظر شخصية لم أستطع التعبير عنها بدقة لكن أرجو اني أ وصلت الفكرة

    شكرا أم سليمان​
     
  16. جامعي مظلوم

    جامعي مظلوم بـترولـي جـديـد

    18
    0
    0
    صراحه موضوع الزواج بالكويت صار أزمه كله بسبة الحلول المقترحه خصوصا من الحكومه والحريم اللي من ورا قرارتها الأخيره .

    - ماكو شي اسمه عنوسه . لو الحكومه تسوي مسح على اللي أعمارهم 35 وطالع راح تلقى أنه عدد الريايل العزاب أكثر من الحريم . وعلى فكره اللي يحب كلمة العنوسه ترى فيه عنوسة ريايل وهذا اللي يجبرهم على الزواج من بره .

    -المطلقه اللي خذت فرصتها وفشلت ما يحق لها تصنف نفسها عانس . كا فيه مطلقين ينرفضون لما يتقدمون وما يقدرون يتزوجون بسبة مصاريف الطلاق فيضطرون ياخذون اجنبيه ليش الكيل بمكايلين ونكبر الدنيا لأنه الكويتيه تطلقت وما تقدر تتزوج مره ثانيه ؟ خل تاخذ أجنبي بس تروح تعيش معاه أو يكون مقتدر ماديا.

    -وعلى طاري الزواج من أجنبي وزارة العدل بدال لا تساعد اللي تصنفهم عوانس على الزواج بوضع برنامج حكومي للزواج التقليدي بين الكويتيين يدخله المواطنين بشكل اختياري . نشوفها تشجعهم على الزواج من أجنبي بقوانين غبيه تهدم البلد . مثل تجنيس أبناء الكويتيه ؛ منحها العلاوه الإجتماعيه وغيرها من القوانين اللي تخلينا نتسائل اهي مرأه ولا معيلة أسره ؟ وهذا الأجنبي اللي بتاخذه هل هو رجل مؤهل للزواج ماديا ولا مجرد مصاص دماء يبي ينسدح بالبيت ويخلي زوجته الكويتيه وحكومتها تعيل أسرته؟
     
  17. DiverQ8

    DiverQ8 بـترولـي جـديـد

    40
    0
    0
    والله انا اتمنى انكم اتشوفون الي تزوج الاجنبيه هل اهيه الاولى او الثانيه
    واغلب الي تزوجو اجنبيه اتكون الثانيه

    انا اشوف انه البنت الكويتيه يا انك اتروضها وطبعا ترويضها صعب شويه لانه شايفه نفسها وهذا اخرها يا الطلاق يا الاستمرار

    او انك اتحط الحبل حول رقبتك

    صاحبي تزوج كويتيه ثلاث شهور وطلقها ويقول انها مدلعه اكثر من الازم طق وطقها كلام حلو وقالها ماكو شي الا وجربه معاها وماكو فايده

    الحين متزوج من اجنبيه والله العظيم انه مرتاااااااح نفسيا وجسديا وكل شي

    وبالنسبه للفراش مثل ما قالت الاخت ترى على الريال مو على البنت اهوه الي يصنعها براحته

    وبالنسبه للدلع اغلب الكويتيات مدلعات حييييييييل اكثر من الازم وهذا اكبر غلط

    انا عندي سؤال وابي اجابه ضروريه عليه

    وين راحو حريم اول !! امي امج امك ؟؟

    ليش ماكو حريم مثلهم ؟؟

    ليش لازم الواحد كل شهر سفره واذا ما سافرت الله يعينه بالبيت

    ليش اغلب المغازلجيه كبار بالسن ؟؟
    يعني فوق ال 25 سنه والمفروض انه يكون عاقل ومتفهم انه الشي هذا غلط ؟؟

    ومشكورين
     
  18. TITO

    TITO بـترولـي جـديـد

    4
    0
    0
    كثير من الشباب في السابق يشتكون من ندره الجمال في بنات الديره و كلنا نعرف انه ذكر في الحديث النبوي انه من اسباب النكاح الجمال و الدين و اذا اضفنا ندره الجمال و الحياه المترفه اللتي تعيش فيها معضم بنات الديره اضف عليهم انعدام الثقافه و سطحيه الشخصيه جميع ما سبق يخلون بعض الشباب يتجهون للزواج من خارج الكويت

    من الردود اشوف انه في ناس يخافون من اختلاف العادات و التقاليد و هالشي غير موجود عن اهلنا بالخليج فعاداتنا وحده بل يوسفني اقول انه بعض اهل الخليج متمسكين بالعادات اكثر من بعض اهل الكويت

    اخيرا و ليس اخرا الزواج توفيج من الله و الكثير من الاصدقاء متزوجين من الخليج و لله الحمد مرتاحين و حياتهم مستقره و انا من الناس اللي اويد الزواج من اهلنا بالخليج خاصه اذا ما عانا الشباب من شروط مزعجه .*
     
  19. الشكوىى لله

    الشكوىى لله بـترولـي مميز

    773
    0
    16
    القطاَع النفطي الخاص
    الكويت
    يازيـن الكويتيه زيـنآآه :d
     
  20. الشكوىى لله

    الشكوىى لله بـترولـي مميز

    773
    0
    16
    القطاَع النفطي الخاص
    الكويت
    أحبْ اقول الحلا حلا القلب والروح
    مو الويـه بـآجر البنيه بتكبر وبتعجز
    وكله شعره براسها بيصير أبيض
    ومردك بتكرهـآآ حلاتها تكوون ...
    بنت حلال وتخاف الله فييييييييك
    وتحب كل ... شيء فيهـآ حتى
    لو كبرت وراح الجمـال ... شفايدته ؟!
     
جاري تحميل الصفحة...

مشاركة هذه الصفحة