ريحة القريد

الكاتب : ما عندي واسطه | المشاهدات : 1,162 | الردود : 18 | ‏10 أكتوبر 2007
  1. ما عندي واسطه

    ما عندي واسطه بـترولـي جـديـد

    5
    0
    0
    :( ابي قريد حالي حال اللي بالشركه من يساعدني
     
  2. dehen_3ood

    dehen_3ood بـترولـي خـاص أعضاء الشرف



    في البداية اهى وسهلا فيك معانا بالمنتدى
    وحياك الله اخوي
    تشرفنا بانضمامك الكريم وأسعدنا تواجدك الطيب
    مع تمنياتنا لك بقضاء وقت ممتع ومفيد

    أما بالنسبة للقريد !!
    فالكل يطمح يالقريد والرقي والتدرج الوظيفي
    الكل يتطلع لنحو مستقبل أفضل
    بس ليس كل ما يتمناه المرء يدركه !!
    مابي أضيق خلقك اخوي
    بس إنت اسأل نفسك؟ ليش ما خذيت القريد للحين؟
    شنو الأسباب إللي أخرت ترقيتك؟
    بسبب الـ Ranking System
    بسبب التقييم السنوي لك
    بسبب مسئوليك ومرؤسيك بالعمل
    بسبب مالك حظ
    ولا بسبب من صادها عشه عياله والطيور طارت بأرزاقها والله المستعان !!

    حتى انا ابي قريد :eek:
     
  3. Hopeless

    Hopeless بـترولـي جـديـد

    4
    0
    0
    كلنا نبي القريد بس الحظ وماادراك ما الحظ :)

    وبعدين نظام المتبع الحين يظلم الموظفين القدامى عالأقل عطوهم فرصه بس كل يوم بقرار يديد ونظام يديد للترقيات والترشيحات ونظام هالمفاضله الي يبط الجبد

    وبعدين انا اشووف الواسطه فوق كل اعتبار


    ولا واحد اتعين بعدي ب 3 سنوات يوصل تيم ليدر وانا ليلحين موظف على حالي حتى القريد اتحلم فيه بس ارد واقول هذي ارزاق ومحد بياخذ غير رزقه
     
  4. norema-sarto

    norema-sarto بـترولـي مميز

    668
    0
    0
    أنا معاك يا Hopeless

    شنسوي ما باليد حيلة
    الله يعينا عليهم

    بس الظلم ...لين يعطون ويرقون الكل بما فيهم اللي يشتغل واللي ما يشتغل...
    ولا شرايك بكلامي؟؟؟
     
  5. HUMMER

    HUMMER بـترولـي خـاص

    اخوي القريد الكل يبيه بس انت على اي اساس تبيه يعني مطوفين دورك عندك النقابه /
    انت تعتقد انك تستاهله بس في ناس غامته موضوعك عندك التيم ليدر /
    انت شخصيا تبي قريد لازم تقدم اقتراح ويكون تقريرك السنوي امتياز/
    وان شاء الله اتمنالك انت والاخوان وانا بعد وياكم انهم يعطونا قريدات بدون هاللويه
    واتمنى انك تبشرنا بتوقيعك القريد وبالتوفيج ان شاء الله
     
  6. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    :d:d:dيااا جماااعة ساالفة القريد ساالفة وصاار مرتبط علي الراانكنج والراانكنج الله بالخير
    يعني تبي قريد اشتغل بايدك ورجييلك
     
  7. KOC_747

    KOC_747 بـترولـي نشيط

    138
    0
    0
    الحين الزين شنو

    يترقى واحد فاهم وعنده شهاده ولغة ونشيط وملتزم بالدوام أحسن

    ولا واحد طايحه واسطة على كل شي من رخص ، تقارير ، أقدمية مزعومه ( قصدي جاي من دائرة ثانية ) لا لغة ولا شهادة ولا حتى عارف الشغل اللي حتى الليبريه يعرفونه .

    أي منهم أحق بالترقية والجريد ؟

    ونتمنى لصاحب الموضوع إنه يحصل الجريد اللي يتمناه وينتهي عنه الظلم .
     
  8. op2

    op2 بـترولـي نشيط

    126
    0
    0
    ولد جيرانا تيم ليدر
    GC 4
    كلنا نبي قريد


    ونبي نترقا ونوصل


    بس كل واحد يسال نفسه هو يستحق هالترقيه والقريد ولا لا


    يسال نفسه بعمله وشغله والي يسويه يستحق ولا لا


    صحيح ان كثير ناس وصلت بالواسطه والمحسوبيه وهالشي من الله رازقه


    لكن الواحد يشتغل بضمير لوجه الله ثم ليرضي نفسه


    عقبها يفرجها ربك
     
  9. م.محمد

    م.محمد بـترولـي خـاص

    اول شي الاقدميهوبعدين المرضيات
    و الانجليزي والاقتراحات
    و التقارير السنويه و و و و
     
  10. HUMMER

    HUMMER بـترولـي خـاص

    من ضمن الو و و و و حطلك ( واســــــــطه ) لانها فوق كل شي
     
  11. الولدالذهبى

    الولدالذهبى بـترولـي نشيط جدا

    192
    0
    0
    لا والله ظلم
    القريد مو بكل مره يكون للشخص المستحق
    لكن الظلم واضح
    انا موووبى ٌقريد
    :(





    وبس
     
  12. رومانسى

    رومانسى بـترولـي جـديـد

    8
    0
    0
    السلام عليكم اخوى من النك ماراح تشم القريد طبعا اضحك بالعكس تستاهل لكن انت عارف النظام شواغر مو كل سنة حسب النقص وحسب حاجة العمل واللة يوفقك ويوفق الباقين
     
  13. كويتي

    كويتي بـترولـي نشيط جدا

    و حسب طلبات رئيس نقابة العاملين بنفط الكويت؛ الذي فرق بالدرجات بين أقسام الشركة و ذلك لخلق التفرقة فيما بينهم؛

    هذه ليش ما ذكرتها أخي رومانسي ؟ مع إنه من الواضح إرتباطك بالمعتدلة !!

    مجرد سؤال !!​
     
  14. م.محمد

    م.محمد بـترولـي خـاص

  15. مشغل قديم

    مشغل قديم بـترولـي جـديـد

    18
    0
    0
    قريدك اذا تبيه شغل واسطتك
     
  16. ضميان للصحاري

    ضميان للصحاري بـترولـي جـديـد

    29
    0
    0
    مشرف
    الكويت
    يا أخي بالعربي الفصيح عندك واسطه أذا كان الجواب لا عندك معرفه بالمسئولين الكبار أذا كان الجواب لا عندك معرفه بأحد ا‘عضاء النقابه ولد عمك خالك أخوك أذا كان الجواب لا عندك عضو مجلس أمه خالك عمك أخوك ولد عمك جارك وأذا ما عندك عندك أحد يعمل بالجريده يحط على أدارة الشركه ويحرجهم وأذا كان الجواب أيضا لا عندك حلين لا ثالث لهما الاول أنه يتقاعد اللي فوقك وهذي من سابع المستحيلات لأن عندنا بالشركه أكبر نسبة معمرين يخدمون صكينا على الصين ا لواحد يوصل خدمته فوق الثلاثين وما يتقاعد يبي يدخل اسمه بموسوعة جينس للأرقام القياسيه وعمره يطق السبعين والحل الثاني تعرف أحد بالميلاديات والوفيات يستخرج لك شهادة وفاه لأنك راح تنجن ومو بعيده تنتحر ويسجل لك شهادة وفاه وراح يسألون المسئولين ليش فلان أنتحر راح يردون عليهم بأنه مات مقهور فيقوم المسئولين بأعطاء أسرتك من بعد تعويض وقريد مو حبا بك بل الخوف من المسائله ودمتم
     
  17. كلمـ ولو جبر خاطر ـه

    كلمـ ولو جبر خاطر ـه بـترولـي نشيط جدا

    357
    0
    0
    ههههههههههههه يا ضميان خوش حل الاخير حق الوفيات

    وربي انا الظلم متوفر بصوره مو معقوله يعني مو معقوله الواحد اللي يستحي والساكت يدقونه شغل من دون جريد يعني لي متى


    واللي لسانه طويل واسلوبه حلو وجريء يترقى مثل الورد والله حرام
     
  18. BURGAN

    BURGAN بـترولـي نشيط جدا

    181
    0
    0
    اخوي انطر. انا صار لي 9 سنين على قريد واحد :) وكله اقول رب العالمين كريم ورزقه بيي لي بالوقت اللي ربي مقدر لي
     
  19. ثامر الخالدى

    ثامر الخالدى بـترولـي نشيط جدا

    393
    0
    0
    عزيزى انا اللى بحلك اياها تبى قريد

    قولى جم ال koc مالك

    واى قريد


    و

    و

    ومنصجك انت ......

    حبيبى ما لك الا ذراعك ....اشتغل وافهم واتعب

    وبتحصل اللى الله كاتبه لك انشاء الله

    والله يوفق الجميع

    ملاحظه

    بصراحه من ردودكم اخوانى ... تشوف التفاؤل طالع من الشاشه
     
جاري تحميل الصفحة...

مشاركة هذه الصفحة