الزنكي والهاجري وبن شرثان .. قصة حزينة

الكاتب : خميس الخامس عشر | المشاهدات : 2,660 | الردود : 22 | ‏31 يناير 2011
  1. خميس الخامس عشر

    خميس الخامس عشر بـترولـي خـاص أعضاء الشرف

    مساكم الله بالخير بوحمد وبوضاري ...

    قصة حزينة ليست من خيال بل هناك عشرات الحقائق المشابهة.. اقيم لكم فيها سرادق العزاء .. قصة حقيقية .. لايوجد فيها ادنى شك .. كانت هناك محاولات لرسم بسمه على شفتيها .. لكن تغييرات القطاع والعواصف الادارية فيه .. بعثرت اوراقها بين الاقسام ..

    بوحمد شلونك من قريب .. مشكور على السعي في الزيادة مع الإخوان والمصداقية اللي ارتسمتها لنفسك في منصبك .. ما ازكيك على الله بس احس انك نسبة الخبث في شخصك منعدمه تماماً افضل ممن سبقك ...

    بوضاري شخبارك عساك بخير ونعمة .. حبيب وهادي وخلوق وخايف الله .. تتذكر كلمة قلتها لك في الاصنصير واحنا صاعدين بعد صلاة الظهر ( بس مخك ماكان معاي كنت مشغول بشئ اكبر وانا اعرفه عشانه يمس شخصك ) عموما ماعلينا تعال ندردش انا معاك قبل التعيينات الجديده ..

    تعرف نظام TPL او تتذكره بوضاري ؟؟ اتمنى انك تشرحة للأخ بوحمد وتقوله نفس الكلام اللي قلتة انه يعطي كل صاحب حق حقة ..

    الموضوع باختصار .. هو الحل ، ولكن للترقيات .. والله يابوحمد ويابوضاري ملينا وطفشنا تصدق فيه واحد سبع سنوات تقاريره مابين جيد وجيد جداً ومايترقى .. تدرون ليش ؟؟ لأنه فقير حضري ماعنده نائب يداوم بالتزام ويخاف يسمع له كلمه تمس كرامتة .. والا اقولك بدوي وعنده نائب من قبيلته بس مو نفس فخذه ومايحلب معاه صافي يروح يتوسط له مجاملة له ويترجى المسؤولين نص ترجي .. ويكون رد المسؤول يهمك يابوفلان يقول نص ونص فيطنشونه ، والا شوف الشيعي ياعيني .. عمره ماشاف سيد القلاف بعيونه كل بسكوب او الجرايد .. ومسؤولة من قندهار وعنده اعتقاد عقائدي ان هالشيعي من كفار قريش واهو من المهاجرين الانصار .. حاط علية يقوله ولائك لإيران .. وهالشيعي صامد في الغزو واشتغل في خباز الجمعية .. وشال الوصخ بايده ومعلق صورة الأمير على دريشة بيتهم يوم التحرير ..

    اللي ذكرتهم .. لاهم شقيق نائب ولا ابن نائب ولا سكرتير نائب ولا ينتمي لحدس ولا يعرف السلف ولايمون على صالح عاشور عشان يفزع له فزعه طائفية ولايعرفون لعبة الحسابات السياسية ولا عمره قابل الوزير ولا الزنكي ولا الهاجري بس يشوفهم بالصحافه ويبتسم اذا شافهم يحس بشعور انهم راح ينصفونه .. بس للأسف مايدرون عن هوى داره ..


    اخوي بوضاري .. نتمنى منك قرار بعد دراسة بمشاركة جهة محايدة او هيئة استشارية وممثلين من اتحاد العمال أن تضعوا قرار صارم لايوجد فيه مجال للمراوغة بالنسبة للترقيات .. حتى وان كانت بدون مناصب ..يعني ليش بس المدير هو من يحصل على درجة 20 ليش مايحصل عليها واحد مو شرط يكون مدير ولكن يكون مرؤوس من المدير .. ليش ماتكون الترقية بمدة واضحة وصريحة وسقف اعلى لكل مؤهل دراسي .. يعني الثانوية قريد 15 والدبلوم قريد 17 والجامعي مفتوح للدرجة 20 مو شرط الدرجة تكون بمنصب او مسمى بس يكون شرط معين انه يترقى خلال مدة معينة .. مو يحطون في شروط 3 شركات نفطية وان توفرت الشروط فان الترقية غير مستحقة ( على الفئات اللي ذكرتها لكم في السابق ) بس الترقية مستحقة لغيرهم .. ليش ماتكون الترقية من الشؤون الإدارية بدون ان تشترط موافقة المسؤول اللامسؤول والترجي او التملق والنفاق اللا معقول ناهيك اذا كانت موظفة حليوه والمسؤول قلب خضر ويحب الحموضه .. يالطيف شلون تترقى اذا كانت شريفة عفيفة وماعندها واسطة ..

    الأخوان فاروق الزنكي .. على الهاجري .. عبدالعزيز بن شرثان .. نتمنى منكم وانا اعرف مصداقيتكم الاهتمام والدراسة المستفيضة ومن ثم القرار ولاتجعلوا الترقية بيد شخص ينتظر مقابل غير الأداء العملي .. تكفون فكوا هالعالم من رحمة المسؤول اللامسؤول عن ضميره ...

    على فكرة انا موقع درجتي قبل شهر عشان مايقول احد خميس يبي ترقية .. والحمدلله فوق الدرجة 16 .. فلا لايفتي احد ...
     
  2. بوعبدالرحمن

    بوعبدالرحمن بـترولـي مميز

    710
    0
    0
    يا ستير يا الله استر على عبادك
     
  3. Workers

    Workers إدارة المنتدى

    7,767
    30
    48
    ذكر
    الكويت
    احسنت ياخميس والله الموظفين يبون ترقياتهم تمشي حتى لوكانت بدون مسمى
    والثانوي 15 والدبلوم 17 والجامعي 20 مافي اعدل من هالكلام
    وفعلاً اخوي خميس ليش ماتكون الترقية من الشؤون الإدارية بدون خطوات المسؤول والترجي او التملق اللا معقول
     
  4. الملك السادس عشر

    الملك السادس عشر بـترولـي نشيط

    57
    0
    0
    نتمنى ان يكون هناك اهتمام في هذا الجانب

    شكرا اخ خميس
     
  5. API 18

    API 18 بـترولـي مميز

    513
    0
    0
    الحين خلي نخلص من الزياده و بعدين نطالب بمطالب ثانيه. ندري في مطالبات وايد بس الحين يقولون هذيل ماكو فكه منهم مايلحقون يستانسون بمكسب اللا الزقو فيه طلب ثاني. ماكو فكه اذا صاحبك حلو لا تلحسه كله.
     
  6. bo3ali

    bo3ali بـترولـي جـديـد

    33
    0
    0
    خميس تفكيرك واسلوبك وطرحك وفكرك ذهب
    الله يكثر من امثالك وخليك لعيالك
     
  7. خميس الخامس عشر

    خميس الخامس عشر بـترولـي خـاص أعضاء الشرف

    بإذن اللي ماتنام عينه خالصة الزيادة ...لاتحاتي ارقد وآمن .. الزيادة بايادي أمينة ...

    مشكور على هالدعوه يابوعلي .. وهذا حق اذا الله وهبنا عقول نفكر فيها نطرح الفكره والباقي على الله ... نتمنى التوفيق للجميع ..
     
  8. خميس الخامس عشر

    خميس الخامس عشر بـترولـي خـاص أعضاء الشرف

    والله يابوعبدالله هالموضوع اكبر من الهم اكبر القلب .. وطرحته للتنوير وانا واثق ان كل واحد طرحت اسمة قلبة نضيف ويحب الخير سواء الزنكي او الهاجري او الشرثان .. ولكن التفكير بصوت واضح افضل من انتظار المبادره من اطراف اخرى ..


    الانسان بطبيعته يحب الافضلية لوضعه كمثال اللي ساكن ببيت حكومه يتمني موقع راس واللي موقع بيته راس يتمنى قسيمة وصاحب القسيمة يبي موقع على ثلاث شوارع .. وهذا حق مشروع اذا توفرت الظروف ..


    انا اقول للجميع .. ان التعنت والمزاجية اصبحت عادة في رؤوس بعض المسؤولين وان لم يكن الموظف موالي لإهوائه وميولة الشخصية فإنه يصبح زنديق فاجر .. يقيم علية الحد بحرمانه من الدرجه .. قسماً بعزة الله انني اكتب هذا الموضوع وفي النفس غصة من رسائل وصلتني بكثرة .. فهناك زميل لنا في احدى الشركات تقديره السنوي لايمنع ترقيتة .. ولكن لأن مسؤولة مناصبه العداء فعشمه بالدرجة عشم ابليس في الجنة لأنه لايعرف اي نائب او مسؤول نفطي ومسؤول عن اسرة واطفال وام ثكلى لايعينها غيره ، وهناك زميلة في شركة اخرى في ادارتها مسؤول ملعون جد يمتاز بالنظرات القذرة ويعتقد في نفسه ان الموظفة مستعده لأي شئ مقابل الدرجة فلقي الصد منها وعاملها بالصد من الدرجه وكلما صعدت وجدت السفاله بكل انواعها .... ولو علم زوجها لمنعها من الذهاب الى عملها وهي عليها قرض .. عطونا حل يا جماعه اللي فوق حلو مشاكل هالنوعيات ماعندهم الا دعوة الله والصبر .. ولاتنسوا كلكم بلا استثناء انكم محاسبون وكلكم راع وكلكم مسؤول عن رعيتة ..فهؤلاء الناس برقابكم فلا تسلطوا عليهم الحزبي والطائفي والقبلي ..

    هناك من يقول ( وانا للأمانه قلت لمن اشتكوا لي ) اذهبوا للمحكمة ولاتنتظروا فضل من ليس له فضل .. ولكن في نفس الوقت انظر بعين اخرى اننا ننعم اليوم بقيادة عادلة من وزير انسان ورئيس تنفيذي يعادل السحاب بالاحترام للذات .. ويوجد هناك عضو منتدب يخاف الله ورئيس اتحاد لديه قبول من الجميع .. فلماذا نشوه صورة المؤسسة وشركاتها في دهاليز القضاء وفضائح اكثر من فضائح الاحوال الشخصية .. لماذا لانضع نظام يضمن الحقوق والواجبات وآلية معينة للترقيات ..

    سؤال صغير والله صعقت لما قرأته في ثلاث شركات نفطية .. وان اختلفت الصيغة ولكنه يعطي نفس المعني .. اكرر في لائحة 3 شركات نفطية .. يقول انه لايوجد الزام للترقية وان توافرت الشروط .. طيب ليش هل بينقص معاشك اذا اعطيت الشخص حقة ..

    السيد فاروق الزنكي او عبدالعزيز الشرثان اطلبوا من المؤسسة والشركات كم موظف لم يترقى من خمس سنوات وأكثر .. وانا واثق انكم ستصعقون من الاجابة .. او اسألوا كم موظف بقي على درجتة اكثر من 5 سنوات .. والله اني صدمت من كثر مانقل لي من الشركات .. واذا شخص لايوجد بينه وبنه الادارة العليا اي رابط ..تلاقيه يطحس على بطنه ليما يحصل الدرجة ( ولنا أسوه في سكرتيرة الست هانم في الشركة إياها تم ترقيتها في سنة واسبوع والكويتين لهم مرض يزيلهم عن بكرة ابيهم )

    ارجوكم ضعوا حلاً لترتاحوا وتريحون البشر .. فلن نجد النواب في دهاليز الشركات ومكاتب الاعضاء المنتدبين او نوابهم للإدارية للسعي بدرجة س او ص من الناس .. الا اذا كانوا يستمتعون بمذلة البشر ويشبعون عقدة النقص ..

    ملاحظه .. أنا على استعداد وهذا وعد مني اني لأوصل للزنكي وللشرثان أسماء شركات استشارية في العلوم الإدارية واذا مايبون يقدرون يستعينون في دكاترة الجامعه المختصين في الادارة والله ماكثرهم لوضع دراسة معينة .. وعطوه ان شاء الله 10 آلاف دينار بس يرتاحون البشر واحسبوها نص بونص لإحد الهوامير في القطاع.. واذا فيه احد عنده فكره معينة يقدر يطرحها وانا ادرس افضل الحلول لها ...
     
  9. API 18

    API 18 بـترولـي مميز

    513
    0
    0
    السالفه اذا يبون يطبقونها ماكو اسهل منها لا يروحون بعيد شركة شيفرون بالوفره مطبقه هالشغله والناس وايد مرتاحه. الواحد ما يحاتي في بوست فاضي واللا لا و لدرجات المعينه بتعميم ترى مو كل واحد يصلح يصير مسؤل و بنفس الوقت ما احرمه من الترقي. و بعدين احنى لازم يكون عندنا خبرات كويتيه وهذا ما يتحقق اللا اذا اتطبق tpl الحين الكويتي يوصل درجه17 وتلقاه عينه على رئيس فريق علشان ياخذ درجه 18 . ال tpl حل بكثير من المشاكل بالقطاع.والله اعتقد الشركه الوحيده اللي مطبقه الtpl بحذافيره هي الkoc والموظفيين مستانسين ياخذ درجاته اسرع من العاده و بنفس المزايا.
     
  10. Mr.Ahmad

    Mr.Ahmad بـترولـي مميز

    تسلم أناملك :)

    الله يعطيك العافية ويوفقك
     
  11. الصامت

    الصامت بـترولـي نشيط جدا

    171
    0
    0
    قواك الله يا استاذ خميس على الطرح الراقي وكلامك 100% صحيح
    ولنا الله
    والامثله اللي طرحتها مليون بالمئه صحيحه
    وربي يوفقك
     
  12. NAFTQ8

    NAFTQ8 بـترولـي جـديـد

    4
    0
    0
    بارك الله فيك وبطرحك المنصف الراقي اخي خمس حبيت اضيف او ان تضيف اصحاب الخبره والخدمة الطويلة المجمدين علي درجاتهم سنوات بحجة هذا حدك الاعلي من الدرجات حسب ما يردده عليهم المسؤلين الي ذكرتهم في طرحك للعلم تري هذه الناس المجمدة من احسن العاملين اصخاب كفائه وخبرة وانتاجيه عاليه بشهادة المسؤلين الي عليهم ويفضلونهم دائما للمهمات الصعبه لانهم خريجي معاهد الشركات مثل KOC-KNPC
    والان هم مجمدين علي درجه 15 وموضوعهم صارله سنوات عند النقابه ومسماهم SUPERVISOR MAINT وبنفس الشركات تم التغاضي عن بند الشهادة لدائرة الانتاج حيث تم اعطائهم درجة17 اللهم لا حسد يستاهلون بس وين العدل في ذلك ونحن نعلم ان في منهم من هم بس تحت بند الخبره تم ترقيتهم وسد الباب علي الاخرين من دائرة اوخري وبنفس ظروف وطبيعة العمل ويمكن هناك مسميات وناس مظلومة وبنفس الوضع في دوائر وشركات ثانية محد يدري عنهم.
    اما TPL"ما استفاد منه الا قليل من ابناء البلد الاكثريه المستفيدة هم الاجانب بعد ما كانو مهندسين او فورمنيه تحت الفئه المظلومه صاروالحين سبشلست علي درجه 17 عليهم بالعافية و شلون تم ذلك طبعا بكل سهولة وبساطة شهادة من احدي الدول ومباركة ومساندة من مسؤل عندة عقدة الاجنبي وهذا ليس بحلم ولا افتراء بل واقع ولا نقول الا الله المعين وهو خير الرازقين ادري طولت لا تلومني بس حبيت انقل ما في قلب مجموعة مظلومة لك ولك تبحث وتتآكد ودمت سالم انت والمخلصين للكويت والكويتين الله يحفظك ياكويت من كل شرتحت ظل ال الصباح والخيرين من اهلها قولو امين امين يا رب العالمين.
     
  13. خميس الخامس عشر

    خميس الخامس عشر بـترولـي خـاص أعضاء الشرف

    مشكورين الاخوان .. بس ال TPL اذا ينفع مايمنع يطبق في كل مرافق المؤسسة ولكن مو بالضرورة نربط انفسنا نقدر فيه ناخذ اللي نقدر نطبقة على ارض الواقع وينصف الناس .. وفيه مليون نظام اداري .. يعني لازم يسعون الاخوان في الاتحاد او المؤسسة لوضع آلية ترقية واضحه وشفافه تربطك بنظام معين يعرف كل شخص ماله وماعلية ومتى بيحصل ترقيتة ..

    شنو خربطة تثبيت يقعد الواحد سنة ؟؟ وحده حملت ماثبوتها ليش الحمال صار حرام ؟؟ الانتقائية في الترقيات تقتل الابداع حطوا للمناصب نقاط معينة ..

    يا اخي رئيس فريق او مدير شيل يد الإدارة منه خلهم يرشحون اسماء والمؤسسة تشكل لجنة معينة وسرية لإختيار الشخص المعين .. واحد يصير لرئيس مجلس ادارة يوصل مدير والباقين البقعه تخمهم شنو !! لا يبا تعال انت ياعضو منتدب ورشح اسماء واطرحها حتى مو من نفس الدائرة وخلي المؤسسة تختار ... يحطون نظام points system ويحطون اختبارات بمركز التدريب ويشكلون لجنة تتبع الرئيس التنفيذي او العضو المنتدب للإدارية و يحلون مشاكل العالم ..

    هذا الموضوع المقصود فيه الحد من ضلم البشر والمزاجية واستعباد البشر .. خلصونا يا مؤسسة واتحاد .. وهذا نظام البوينت سستم بكل سهوله ..

    [​IMG]

    I'm trying to explain the concept using the numbers in the chart:

    •1 - We have users (members) that influence the system.
    •2 - We have content, submitted by our users that infuences the system.
    •3 - Users can trigger different kind of events. These events make an impact on the content and are also used by the userpoints module to calculate user points. It is important to me, only to use events that can be tracked retroactive.
    •4 - Userpoints are calculated by the Userpoints module by counting the user's gained points for different events. Users are gaining points but are also loosing them, when the event is undone. That's why events have to be retroactive.
    •5 - Content consists of different kind of attributes that are stored and updated depending on the user impact.
    •6 - Content points are calculated by a new Content Points module: This module is going to introduce a new db table to store content points and will display it on all nodes that are configured for it. A special function will be used to calculate dynamic points for content. This should be the most flexible part of the module. Website owners should be able to customize this function like some blackbox. They don't need to know what the math is exactly doing. They need to be able to adjust the weight that is given to different attributes of the content by this blackbox. What's special about it: After calculating the point values for different attributes and adding/multiplying them "somehow" together this value will be divided by the age of the content. This will make points for content very dynamic. If user impact reduces due to the "freshness" (age) of content, points are going to drop very fast. Imagine how easy you can make dynamic TOP 10 Views sorted by content points now! For different Content Types we are also able to use different attributes e.g. play count for audio nodes. Our blackbox handles this by some internal "subfunctions" for different content types. Introducing a new hook for this should be a sufficient solution.
    •7 - Now that we have dynamic content points, we are going to use an excellent new extension module to the userpoints module, that allows us to sum up all points of the content one user has submitted and add an adjustable percentage of these content points to the user's points. Now user points are going to reflect the whole "value" of the user to the community in our system. Once we only rewarded the quantity of submissions when we gave user points. Now we are rewarding the QUALITY of the content, too!
    needed modules:
    - userpoints

    needed new modules:
    - content points
    - userpoints extension module for content points

    useful modules
    - rating modules (up/down, jrating..)
    - actions

    OK, I hope you will understand the main concept and give me some feedback. Maybe some of you guys are using a similar system already?
     
  14. خميس الخامس عشر

    خميس الخامس عشر بـترولـي خـاص أعضاء الشرف

  15. الصامت

    الصامت بـترولـي نشيط جدا

    171
    0
    0
    بارك الله فيك استاذ خميس
    استر على ماوجهت
    مع خالص تمنيتنا لك بالتوفيق


    رسالتي بالخاص لك لاني التمست فيك روح الايثار وارجوا انها لم تزعجك
     
  16. tired

    tired بـترولـي جـديـد

    4
    0
    0
    السلام للجميع،
    الظاهر القطاع النفطى كله يعانى من هالموضوع...انا من كوفبك، وعندنا موظف صار له 22 سنة بالشركة ليلحين على جريد 15...والرئيس الفاضل مانع اي ترقيات بدون موافقته، حتى مندوبين الجوازات وهذي مو مبالغة والله العظيم....مهمش دور النواب، وللاسف ما في احد قادر يتكلم عن هالتجوازات اللى تصير من استلم عين ربعه وحبايبه، والبونس 10,000 بالسنة!
    ناهيك عن التعيينات بالواسطة، وصلنا مرحلة المدير يقول للموظف تبى درجة ييب واسطة، ويعطونك..
    مرات افكر....هالناس تعرف الله؟
    اتمنى يكون في قانون يطبق على جميع شركات القطاع النفطى يضمن للموظف حقه في كل شى، ومحاسبة من لا يطبق هذا القانون عشان يكون في رادع للمسؤلين والقياديين يمنعهم من اكل اموال الناس بالباطل...

    وهذي الكويت صل على النبي
     
  17. Black shadow

    Black shadow بـترولـي نشيط

    دائما مبدع يا اخ خميس


    تحياتي لك




     
  18. engnera

    engnera بـترولـي جـديـد

    45
    0
    0
    فلا ياريت يكون من الشؤون الاداريه والله لايحوجنا لمسؤوول ظالم اناني بس حق نفسه
     
  19. خميس الخامس عشر

    خميس الخامس عشر بـترولـي خـاص أعضاء الشرف

    مافيه الا كل خير ولاتخاف اخوك ستر وغطاء .. وسع صدرك وارتاح على الآخر ..


    هذي مو من الكويت وصل عل النبي وان شاء الله مصلين على النبي ...

    الأمر هو رفع المظلومية عن البشر وعدم احتكارها بيد من لايخاف الله او من ينظر لصلة القرابة او من ينتظر مقابل من الموظف غير الاداء العملي ..

    يعني باختصار اذا تم حل مشكلة الترقيات .. انا واثق ان المشاكل راح تقل بنسبة 70% ولا نحتاج نترجى كائن من يكون عشان يسعى بدرجة حتى النقابات تلتفت لعملها الاصلي .. مو تقدم تنازلات مقابل ترقيات ..

    اخوي تايرد وان شاء الله وبإذن اللي ماتنام عينة راح تحل هالمشاكل ... وكلنا أمل بالاخوان في المؤسسة والاتحاد .. بس صبراً آل ياسر ..
     
  20. خميس الخامس عشر

    خميس الخامس عشر بـترولـي خـاص أعضاء الشرف



    شكراً اخوي بلاك .. ولك التحيات ..
     
جاري تحميل الصفحة...

مشاركة هذه الصفحة