قسم الامن في منطقة الاحمدي

الكاتب : MR-General | المشاهدات : 1,272 | الردود : 10 | ‏29 يناير 2011
  1. MR-General

    MR-General بـترولـي جـديـد

    24
    0
    0
    السلام عليكم ورحمة الله و بركاته
    انا حبيت اتكلم عن قسم الامن في منطقة الاحمدي اخواني احنا عددنا بالشفت يوصل الى عشرين موظف وما عندك الا بوابتين و 3 دوريات ومع كل هذا اذا وصل وقت التقييم السنوي يكون التقييم نازل ولما نسألهم يقول لنا شنو العمل الجبار اللي قمت فيه انزين انتا عطنا شي عشان انسويه غير افتح باب ونزل باب قمنا نضطر ان نسجل تقاريرنا ان باب البوابه خربان والا دورت المياه يبيلها تصليح يا ريت اخوانا في النقابه يشوفون لنا حل حق هالموضوع وانا عارف انهم ما راح يقصرون يعني بالاحرى يا ريت يكلمونهم ان يكنسلون الاحمدي ويخلونها حق المقاولين وحنا على باقي المناطق وشكرا
     
  2. k.n.1984

    k.n.1984 بـترولـي نشيط

    64
    0
    0
    السلام عليكم
    اخوي جينرال والله خوش اقتراح
    انتمنى صوتنا يوصل للمسؤلين
    واخوانا بالنقابه
     
  3. MR-General

    MR-General بـترولـي جـديـد

    24
    0
    0
    مشكور اخوي n.k.1984 على مشاركتك وانشالله نفتك منها ومن قريد 8 ":)
     
  4. MR-General

    MR-General بـترولـي جـديـد

    24
    0
    0
  5. Juventus

    Juventus بـترولـي نشيط

    اخوي من ردات التيم ليدر الي عندكم صدقني

    وبعض الي تحته مو الكل !

    والله يعينكم والله
     
  6. MR-General

    MR-General بـترولـي جـديـد

    24
    0
    0
    كل اللي قلته اخ يوفونتس عين العقل
    لكن ارد واقول الله المستعان
     
  7. سفاح المصفاة

    سفاح المصفاة بـترولـي جـديـد

    4
    0
    0
    السلام عليكم
    بوابتين و3 دوريات ......... وعددكم 20 ههههههههههههه

    يعني اللي يستلمون 5

    وطبعا الخمسه 3 منهم يردون من الدوريه و2 واحد نايم والثاني لاب توب
    و15 قاعدين بطاليه رخص وايفون والعاب
    واغلب الشفت يجوون متأخرين
    وطبيات
    وكل واحد يحفر للثاني
    احمدوا ربكم واشكروه على النعمه والراتب المجزي
    غيركم عندهم 7 اطفال وما يوصل راتبه الف دينار
    ومع ذلك انت لم تذكر الحقيقه
    وهي
    بوابة السلفر
    بوابة هيونداي
    بوابة الجنوبي
    الاداره
    الرصيف الشمالي
    كيمز
    mog
    المشاريع
    بوابة الافراد
    البوابات الداخليه
    الدوريات
    الطوارئ والحرائق
    بوابة المواقف
    التصاريح بعد دوام الصبح
    -------------------------------------------------------------------------------------------------
    وكم ضبطيه عندك ؟؟؟-- ضبطيات لها معنى
    وهل انت مبدع والا درو ؟
    تجي متأخر والا على التايم؟
    وكم طبيه عندك ؟
    تزرق والا ماتزرق ؟
    تترك موقعك والا ما تتركه ؟
    تنام والا ما تنام ؟

    لو كنت ايام اول -- ايام االتعب 8 ساعات متواصله لا رخصه ولا بديل
    ما اعتقد انك بتم بالوظيفه يومين
    وبدال ما تتحلطم شد حيلك واعلم باتك تاخذ اجر على عملك ومطلوب منك 8 ساعات عمل
    وبالنسبه للتيم ليدر بصراحه انا ما اعرفه شخصيا
    ولكن سمعت انه فزاع مع موظفينه -- ولو كنت لحقت على بعض الناس اللي كانوا رئيس ضباط في ميناء عبدالله لعرفت الفرق
    اسأل القدماء
    كم واحد تفنش على ايد حسين وكم واحد استقال بسبب حسين وكم واحد تقاعد مجبرا بسبب حسين
    ذلك الديناصور الرابض في جحره ((((( سماههم في وجوههم )))) شوف وجهه ترى الظلمات ودعوات الابرياء
    واعلموا بانه مطلوب التصفيه بالنسبه لرجال الامن وانهاء خدمات الغير منضبطين منهم
    في كل الشركات سواء في النفط والا بالبترول وغيرها
    وذلك بسبب دورات وشيكه سوف يتم الاعلان عنها قريبا بالتعاون مع اللجنه الامنيه
    ونصيحه لكم
    كل واحد ينظر لمستقبله وذلك الراتب الفائق الذي يجعلك من اصحاب الدخول المرتفعه
    واتركوا عنكم المهاترات الفاضيه اللي مالها معنى
     
  8. ممــــيز

    ممــــيز بـترولـي نشيط جدا

    420
    0
    0
    [/B]
    اعتقد ان الرجال يتكلم عن الامن الاحمدي koc مو knpc
    اصبر علي الرجال وتأكد يقصد اي شركة
    عطيته محاضره طويله عريضه
    عموما مشكور وما تقصر
    ولكن اعتقد واجزم انه عن الاحمدي koc
     
  9. عبدالله البلوشي

    عبدالله البلوشي بـترولـي نشيط جدا

    164
    0
    0
    خدمة الكويت
    الكويت
    بسم الله الرحمن الرحيم

    ياريت من الاخ التوضيح اذا كان يعمل في

    الــــkoc

    او

    الـــknpc

    وشكرا
     
  10. MR-General

    MR-General بـترولـي جـديـد

    24
    0
    0
    السلام عليكم ورحمة الله وبركاته
    مشكور اخوي سفاح المصفاه على مشاركتك اولا انا من قسم الامن بشركة نفط الكويت وثانيا الله يعينك على مشاكلك انا ما طلبت منك تشكي همك عندي اذا انتا متظايق من ظلم بعض الاشخاص وحاس انك مظلوم الله لا يهينك عندك العلاقات الصناعيه وان شاء الله انهم راح يفصلون بالحق وعلى العموم مشكور على مشاركتك ومرورك ..... و أرد و اقول الله المستعان على التسرع :)
     
  11. MR-General

    MR-General بـترولـي جـديـد

    24
    0
    0
    و شكر خاص للاخوان ناصر وعبدالله البلوشي على مشاركتكم وتفهمكم للموضوع
     
جاري تحميل الصفحة...

مشاركة هذه الصفحة