حادث أختي!! لمتى؟

الكاتب : Bent_Abooha | المشاهدات : 1,899 | الردود : 23 | ‏29 يناير 2011
  1. Bent_Abooha

    Bent_Abooha بـترولـي نشيط جدا

    السلام ياجماعه

    شلونكم شخباركم انا اكتب موضوعي هذا وحدي منقهره من بعض الناس

    اليوم اختي لما كانت راده البيت داحرها واحد على الخامس وكل ماتطلع من وراه يطلع ويروح جدامها يعني تفلسف زياده عن اللزوم!!
    واخر شيء لما شاف انها ماعطته ويهه داس بريك قوي جدامها وخلاها تدش بالصبه وطار حسبي الله عليه
    لولا عيال حلال نزلولها وواحد منهم قال حق الدوريه انه كان يداحرها من برج التحكم للغزالي واخر شيء سوه حركته البايخه!!!
    والله من القهر قاعده اكتب هالموضوع وودي اعرف ليش بعض الشباب وحرام فيهم كلمت رياييل يستانسون لما يخرعونخلق الله ويخلونهم يدعمون!!!
    هل هذا دليل على رجولتك مثلا؟؟ انزين دامك ريال وقوي ليش ودي اعرف ليش ينحاااااااااااش !! خلك واقف دامك بطل!!
    والله شيء يحر الواحد مايقول الا حسبي الله ونعم الوكيل حسبي الله ونعم الوكيل ليوم الدين وماراح ابطل اقولها.

    سؤالي اللحين ليش هالحركات وبليز لاتقولون الريال مايسوي جذي الا اذا شاف شيء من البنت

    لان ولد خالي دعم لان واحد قعد يداحره
     
  2. واحد فاهم

    واحد فاهم بـترولـي مميز

    762
    4
    18
    كومبيوترشي
    درة الخليج
    ان لم تستحي ففعل ما شئت
    والأشكال هذي الحيا متبرئ منهم
     
  3. العجمي1

    العجمي1 بـترولـي نشيط

    66
    0
    6
    حسبنا الله ونعم الوكيل
    ماتشوفون شر
     
  4. Black shadow

    Black shadow بـترولـي نشيط

    اول شي الحمد لله على السلامه

    والسياره تتعوض اهم شي صحه الواحد

    بالنسبه لسؤالج هذي النوعيه مالهم شغل البنت عطتهم وي والا ما عطتهم

    تلاقينه لاصق ما يفج ويهه منجب

    ياخي فج روح لو البنت بتعطيك وي جان عطتك ليش لاحق البنت ويوم سحبت عليك حشرتها بالصبه !!

    وبيله يوم يمرون اهله والا خواته والا بناته بمثل هالمواقف والجزاء من جنس العمل وكما تدين تدان






     
  5. الصامت

    الصامت بـترولـي نشيط جدا

    171
    0
    0
    الحمدلله على سلامتكم
    وخطاكم السوء
    اختي العزيزه وايد شباب مستهترين ولا يعرفون المسؤوليه
    انا نفس حالتج
    زوجتي وولدي مكسرين من هالتصرفات الصبيانيه من بعض الشباب
    والشي اللي يحير شلون يقدر ينام بالليل واهو تسبب في اصابات وعجز وعاهات
    ما اقول
    الا حسبي الله ونعم الوكيل
    والله يصبرنا والحمدلله على كل حال
     
  6. مزيون

    مزيون بـترولـي نشيط جدا

    328
    0
    0
    مكانيكي بالقلب
    في أي قلب طيب
    أختي العزيزه ... الحمدلله على سلامة أختك
     
  7. Nz`3H

    Nz`3H بـترولـي جـديـد

    17
    0
    0



    الحمدلله على السلامه



    الغريب بالأمر أن بعض الردود يتكلمون عن المغازل بشكل عادي ؟؟؟؟؟

    لكن هذه الأمور ليست لديننا الحنيف ولا لمجتمعنا الإسلامي



    وهذا الشي لايُختصر على الرجوله فقط لأن اللي سوى هالأمر مايعرف العرض والشرف




    الله يبعد مجتمعنا عن هالأمور الدخيله علينا​
     
  8. الطرقي

    الطرقي بـترولـي جـديـد

    44
    0
    0


    الامر عادي


    يرجع للضمير الداخلي للانسان

    اذا مات ضمير الانسان الداخلي تساوت معاه كل الامور الصح والخطأ



    الله يرفع عن اختك وما تشوف مكروه
     
  9. Bent_Abooha

    Bent_Abooha بـترولـي نشيط جدا

    يعطيكم العافيه وماقصرتوا :)
    الله يحفطلكم كل عزيز ويبعد عنكم عيال الحرام ان شاء الله
     
  10. Bent_Abooha

    Bent_Abooha بـترولـي نشيط جدا



    مايشوفون شر ان شاء الله والله يقومهم لك بالسلامه ان شاء الله :(
    عادي هالاشكال ينامون ويكبرون المخده بعد
    ماكو احسااس بس لما ينقطوون بالنظاره
    يبوسون الريول عشان تسامحهم
    حسبي الله عليهم
     
  11. محمد المذن

    محمد المذن بـترولـي مميز

    694
    0
    0
    انا عندي الحل
    كل بنت ينصرف لها شوزن من وزارة الداخليه او كلاش على حسب الطلب
    اعتقد وقتها الريايل اساسا ماراح يسوقون وراح يستخدمون النقل العام
     
  12. ام سليمان

    ام سليمان بـترولـي جـديـد

    8
    0
    0
    الحمد لله على سلامة اختك

    وفعلا ان لم تستحى ففعل ماشئت
     
  13. ALQAYSER

    ALQAYSER بـترولـي نشيط جدا

    189
    0
    16
    بصراحه من غير زعل الشباب ماعاد شباب قبل..... يعني لا مبالاة ولا مسؤوليه مافي قانون يردع هالشباب الطايش لو في قانون جان هالحشرة ماتجاوز الأدب ولحق بنات خلق الله وسوى فعلته .....مااقول حسبي الله ونعم الوكيل لو هالبنت راحت من جيس أهلها هل الشاب المتهور يقدر يحط راسه وييخمد؟؟؟؟؟؟؟؟؟؟؟ المهم حمد الله على سلامة اختج وربي سلمها
     
  14. SOS_KW

    SOS_KW بـترولـي خـاص أعضاء الشرف

    2,252
    0
    0
    عزيزتي Bent_Abooha أولا ألف الحمد لله على سلامة اختك

    وانا بصراحة يعجز لساني عن التعبير عن الوضع المأساوي الذي نعيش به حاليا ، فلقد تعرضت شخصيا لمثل هذا الموقف

    ولكن كان مأساويا أكثر مما جئت به

    كنت في صباح أحد الأيام بطريقي إلى مكان عملي في الشعيبة ، وعلى الطريق السريع جاء واحد سخيف طبعا يستعرض وكنت حينها أسير على الحارة اليسارة وتجنبا للمشاكل حولت للحارة الوسط فسار ورائي في الحارة الوسط ومن ثم توجهت أقصى اليمين ، ولكنه كان مصر على ايقافي ، وعندما لم أدر له أي انتباه حاول أن يحد سيارتي على الصبة وكدت أدعم ولكن الله ستر فأسرعت للحارة اليسار حتى أنحاش منه وفعلا سبقته ولم يستطع اللحاق بي لمدة دقيقة تقريبا ، والرعب يتملكني ، ولكنه سار على حارة الأمان حتى يلحق بي وفعلا حاول أن يدعم سيارتي من الخلف لكي أتوقف ولكنني كنت قريبة جدا من مكان عملي فحمدت الله أنني وصلت بالسلامة ، لأنني اذا وصلت الى مواقف الشركة لن يتجرأ الدخول ورائي ، ولكن رجل الأمن لم يكن متواجد والحاجز كان مفتوح ، فدخل ورائي ونزل من السيارة وحاول فتح الباب ولكن باب سيارتي كان مغلق وعندما رفضت الانصياع له بدأ بالضرب على الجام ويصارخ لكي أفتح الباب فاتصلت بزوجي وأنا أرتعد ولكونه يعمل في منطقة الخفجي طلب مني الاتصال بالشرطة وعندما اتصلت بـ 777 أوصلتني الموظفة بالدورية ورددت قائلة حالة تهجم .. حالة تهجم .. حالة تهجم أرجو المساعدة بسرعة ، ورد على الشرطي ببرود قائلا يعني انتي وين أجبته أنا الآن بمواقف شركة (.....) في الشعيبة فرد علي قائلا وهذي وين الشعيبة ؟؟ وأنا في حالة رعب شديد حتى لاحظ هذا المعتوه بأن هناك سيارة دخلت المواقف فعاد لسيارته مسرعا واستطعت التقاط رقم سيارته واعطائها لـ 777 ؟؟ ولم أستطع معادرة السيارة من الخوف الشديد ، وتخيلوا وصل زوجي من الخفجي قبل الدورية ، فأصر حينها عمل بلاغ في مخفر الشعيبة ، ولا أريد الاطالة أكثر من ذلك فلم نأخذ حقنا وتستروا على صاحب السيارة ، ونصحنا المحقق ألا نقيم دعوى حتى لا يقوم هذا المعتوه بتوجيه تهمة لي بأنني كسرت جام سيارته وجاء ليتفاهم معي !!!!؟؟

    فمن أمن العقاب أساء الأدب

    والمضحك المبكي حين سألني وقال ليش ما وقفتي وعرفتي شنو يبي؟؟!! واذا سوا أي شي نقدر نسويله قضية بس الحين شنو تهمته !!؟؟ وأكمل قائلا حمدي ربج انه ما صار فيج شي ذاك اليوم مسكينة واحدة رشيدية كانوا لاحقينها شباب واهي رايحة الدوام بالشعيبة من الخوف طافت الاشارة الحمرا فاندعمت وماتت :(

    فأجبته وأنا في غاية الحزن والدهشة اذا ليس أمامي إلا أحمل سلاح لأدافع به عن نفسي

    فأجابني قائلا لا إختي هذي ديرة فيها قانون ما يصير ؟؟؟؟؟؟

    طبعا زوجي كان وايد معصب وقال له اذا كانت زوجتك والا اختك والا بنتك بنفس الموقف راح يكون هذا رايك؟ فلم يجب وضيع الموضوع.

    هزلت

    وآسفة على الإطالة بس من حرتي لما قريت القصة
     
  15. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    كنت أظن ان هالأشياء انقرضت بسبب العولمة

    بعد موضوعك هذا بدأت باعادة حسباتي

    سلامات لأختك
     
  16. Bent_Abooha

    Bent_Abooha بـترولـي نشيط جدا

    الله يسلمك من كل شر يارب
    والله للحين في شباب ماشاء الله فيه نخووه ورجوله
    بس الشين يكون اكثر شيء الي واضح
    والي اهم من القانون اهوا الدين بصراحه الي مايخاف من ربه مايرده قانون
    حسبي الله على هالنوع من الناس
     
  17. Bent_Abooha

    Bent_Abooha بـترولـي نشيط جدا




    سلامات وماتشوفين شر :(
    بصرااحه انصدمت!!
    ليش شالسالفه الي يصير كل هذا وين قاعدين بغابه!!
    والله كان لازم تكملون بالموضوع وترفعون قضيه وتحطون محامي شاطر لان هالنوعيه الرديه لما يصير الموضوع جد يذل نفسه بس عشان يطلع من السالفه

    بس الحمدالله على سلامتج وحسبي الله عليه ان شاء الله
     
  18. Bent_Abooha

    Bent_Abooha بـترولـي نشيط جدا


    الله يسلمج ام سليمان
    المشكله هذه ارواح ناس يعني مو لعبه
    الله يعين
     
  19. Bent_Abooha

    Bent_Abooha بـترولـي نشيط جدا


    الله يسلمك يارب
    لاوالله مانقرضوا شووف عيني عالملك فهد وانا رايحه الدوام
    يتفننون بتخويف الناس مو بس البنات حتى الشباب
    صاروا يتعمدون يلفون عليهم وياذونهم يعني شوفني انا اقوى!!
    والله العقل نعمه الحمدالله
     
  20. SOS_KW

    SOS_KW بـترولـي خـاص أعضاء الشرف

    2,252
    0
    0
    والله يا اختي دوخو زوجي العشر دوخات ولا قدرنا ناخذ لا حق ولا باطل

    وسلام على القانون
     
جاري تحميل الصفحة...

مشاركة هذه الصفحة