ألف مبروك الزياده والزعلان يمشي

الكاتب : الرأي الحر | المشاهدات : 1,916 | الردود : 11 | ‏27 يناير 2011
حالة الموضوع:
مغلق
  1. الرأي الحر

    الرأي الحر بـترولـي جـديـد

    8
    0
    0
    بسم الله الرحمن الرحيم

    فالبدايه احب اباركلكم الزياده اللي حصلت او اللي ان شاء الله راح تحصل....واللي مو عاجبته الزياده يا جماعه سواء كان مهندس او محامي او طبيب او محاسب او اللي يكون خل يزهب جنطته ويتوكل على الله ويقدم استقاله والقطاع النفطي مو على منته.. وانا اتحدى الزعلانين بتقديم الاستقاله.

    الزياده منذ البدايه مبنيه على كادر المهندسين ومطالبة المهندسين بالزياده ولكن صارت للغير خيره و زادوهم وبدال لا يقولون الحمدالله يقولون شنو هذا قريد 7 ياخذ 200 و قريد 20 ياخذ 1000.....دون التفكير في ان الفرق بين قريد 7 و 20..13 درجه وظيفيه...وما ادري انا اللي يقول هالكلام يعني شنو يبيهم يعطونه حاله حال ابو قريد 20؟ والا شنو يبي بالضبط؟ وهقوتي لو يعطونه بنفس الزياده يبي يقول شنو هذا معاشي جذي و الوزير معاشه جذي؟ شنو هالفرق

    يا جماعه انتهينا من هالموضوع ولله الحمد والزياده آتيه ان شاء الله شهر 4 واللي مو عاجبه مثل ما قلت خل يقدم استقاله ويمشي وبعدها المؤسسه بتفكر وتعيد النظر برواتبهم واحتمال تزيدهم...حالهم من حال المهندسين اللي قدموا استقالات واجبروا المسؤولين على الزيادات.


    لله دركم يالمهندسين اللي خليتوا الكل ياخذ زياده.
     
  2. santafe

    santafe بـترولـي مميز

    717
    3
    18
    هذا الكلام عين العقل ولا احد يحسد الثاني والحمدالله على الزيادة
     
  3. koc-76

    koc-76 بـترولـي مميز

    591
    0
    0
    هذا الحجي السنع - اذا على كلامهم عيل بيطلع الفراش ويقول ليش قريد 7 ياخذ 200 وانه 70 ومانخلص
     
  4. ossc

    ossc بـترولـي نشيط

    110
    0
    0
    انت نايم بالعسل
    و شركتك

    عسل

    معك انا بالشي هذا
    بس مو كل الشركات سوي
    ياخي الكي ان بي سي ناس ادش ثانويه و خدمه خمس سنين داشين بقريد سبعه قريداتهم الحين 12
    اما شركة اوسكو انا داش قريد سبعه
    وخدمتي اربع سنين لي الحين طاحس بالانتقالي و قريدي 8
    بعدين ياخي عليهم بالعافيه
    بس الفرق انا زيادتي 300 و فرقي عن 13 و فوق اكثر من 700
    مع اني يمكن في بعض الحالات في قريد 13 داش بقريد سبعه و خدمته 8 سنوات
    يعني فرق بيني وبينه اربع سنوات خدمه يصر فرق الزيادة عنه 600
    اقرب مثال انا امن بس اوسكو ووياي امن كي او سي
    فرق قريدات عنه انا 8 و اهوا 11 ليش قريده ماشي و اهوا سابقني بسنتين فقط وداش بالثانويه
    عرفت وين الظلم ياخووك ؟
    وانا مهما يكون لو بريفسور مخترع الذرة ابو قريد عشرين مايكون فرق الزيادة بيني وبينه 1500 دينار اذا مو اكثر

    واحنا ما حسدناهم و لا قلنا شي بالعكس الله يزيدهم
    بتقولي احمد ربك انت ثانويه وهذا معاشك
    هم الجامعي بقوله احمد ربك شوف كم الفرق بيني وبين الجامعي الف دينار
    بس انا ابو قريد 8 معاشي اكثر من معاش الجامعي بالحكومه يعني هم انت يا الجامعي احمد ربك
    و يا القيادي بعد احمد ربك
    منجر بالنفط معاشه اكثر من معاش وزير هم يحمد ربه
    منجر مو دي ام دي ولا جيرمن
    كلن يحمد ربه و ع كل حال
    واحنا راح نعيش بزيادة او من غير زيادة

    بس انك تكتب موضوع للمهندسين بكيفك صح اهما غلطانين
    اما بموضوعك هذا تكتب فيه بعد و تستحقر راي صغار الموظفين واذا مو عاجبهم ولا عاجبهم
    كانك تقول طاحت ببطني
    وانتو يالله طيرو

    عدل اسلوبك و اسلوب طرحك لو سمحت
    ويمكن الزيادة اللي مستانس فيها و هاضم حق غيرك فيها
    تموت قبل لا تجي
    تحمد الله و قول الله يرزقنا و يرزقكن و يزيدنا ويزيدكم
     
  5. Zez_q8

    Zez_q8 بـترولـي جـديـد

    13
    0
    0
    السلام عليكم ورحمة الله وبركاته

    زملائي / موظفي القطاع النفطي

    أولا وقبل كل شي حبيت اوضح وضعي بالشركة انا من اصحاب القريد 11 والشهادة جامعية

    في رضا تام عن زيادة قريدي


    ولكن ....

    أقول إحقاقا للحق بأن هذا الجدول فيه اجحاف لزملائي القريدات الصغيره وظلم وغبن وااضحين لا يمكن لاحد انكاره
    إن أصحاب القريدات الصغيره هم من يشتغلون تحت أشعة الشمس أو البرد وعلى مدار 12 ساعه ( نظام شفتات ) ، وفي أجواء التلوث ، بالأضافة الى انهم من أجل العمل مقصرين بمواجباتهم الاجتماعية

    إن هذا الجدول هضم حقهم وظلمهم أن كان من حقنا الزيادة لطبيعة عمل القطاع النفطي وانا لا انكر هذا فهم لهم نفس الحق واكثر لان طبيعة عملهم أصعب وأرهق من عملنا فهم عصب هذا القطاع

    زملائي لكم مني كل التقدير والاحترام لما تبذلونه ، وارجو ان يتم انصافكم يوم الاحد بتوزيع عادل لنا ولكم .


    تحياتي ،،،
     
  6. مزاح

    مزاح بـترولـي جـديـد

    7
    0
    0
    مانقول الا حسبنا الله علي الظالم والساكت عن الحق شيطان اخرص
     
  7. مزاح

    مزاح بـترولـي جـديـد

    7
    0
    0
    مانقول الا حسبنا الله علي الظالم والساكت عن الحق شيطان اخرص
     
  8. jambi

    jambi بـترولـي نشيط

    105
    0
    0
    لحد يقارن زيادته بزياده غيره

    في ناس شهاده ثانويه و ماشالله مجموع معاشهم 1000 , وين تصير بأي دوله هذي؟

    قريدي 12 , و الحمدالله الزياده منصفه للجميع و فيه كرم زايد بعد
     
  9. koc-76

    koc-76 بـترولـي مميز

    591
    0
    0
    بصراحه جدول الزياده المقترح فيه عداله للعاملين والسبب انك تكل ماتاخذ درجه يزيد الراتب بفرقيه جيده عكس زياده ال500 للكل لان الموظف ياخذها مره وحده واذا اخذ درجه ماراح تفرق معاه الا القليل وهالشي راح يرضي الجميع
     
  10. almostishar

    almostishar بـترولـي مميز

    567
    5
    18
    هههه الف مبروك والزعلان يمشى ..
    شركة ابوكـم ..ماادرى والله ابتلشنا بعقليات خريجي الجامعات المزوره ..الفلبين والاسكندريه ..
    قليلا من العقل فى الطرح .. فالناس اللى تدخل تضحك وتشفق عليكم ههههه
     
  11. نقطة نظام

    نقطة نظام بـترولـي جـديـد

    32
    0
    0
    اولا نبارك للجميع ولو ان الزيادة كانت اقل من ما كان يروج له بعض الاخوة في النقابات !

    غير هذا اخي الكريم صاحب الموضوع اسجل تحفظي على كلمة اللي موعاجبه يمشي ومنطق " اقضب الباب اذا موعاجبك" ... فهذا منطق اقصائي !

    يعني هل كنت انت شخصيا ستمشي ان لم تقر الزيادة على سبيل المثال !

    المطالبة هي حق مكتسب للجميع وليست حكرا على احد..

    ومن حق اي فئة ان تقارن اوضاعها مع المؤسسات والهيئات الحكومية الاخرى ...وهناك قوانين تنظم هذه العملية حتى تتحقق العدالة للجميع..

    واثقا ً من سعة صدرك في تقبل رأيي..

    تحياتي لك،،
     
جاري تحميل الصفحة...
حالة الموضوع:
مغلق

مشاركة هذه الصفحة