عيب يا مهندسي القطاع !

الكاتب : المحرر النفطي | المشاهدات : 3,615 | الردود : 30 | ‏26 يناير 2011
حالة الموضوع:
مغلق
  1. المحرر النفطي

    المحرر النفطي فريق الإعلام

    3,466
    224
    63
    ذكر
    الكويت


    ان ما يحصل حاليا بين مهندسي القطاع النفطي من انقسام واختلاف وتراشق بينهم عبر الرسائل النصية والايميلات والبيانات الصحافية والبرودكاست هو أمر غريب لغرض مشترك. فالتراشق الحاصل حاليا لن يفيد في حل المسألة العالقة والحصول على الكادر وتعديل الرواتب. فكثرة الجهات المطالبة لكادر المهندسين والتي تشمل النقابات النفطية ولجنة مهندسي القطاع النفطي المنبثقة من جمعية المهندسين واللجنة التطوعية لمهندسي النفط شتت الآراء وقللت من قوة المطالبة بدلا من ان تكون مصدر قوة وضغط وذلك كله من أجل الحصول على الأسبقية على كادر المهندسين والصاقه للجهة التي تظفر به أولا. فمجددا نكرر النصيحة، للحصول على كادر المهندسين العاملين في القطاع النفطي لن يأتي الا بتوحيد كلمة ورأي المهندسين واختيار ممثلهم أمام الجهات الرسمية وذلك لن يحدث حتى يتم اجتماع الجهات الثلاث المطالبة بالكادر والجلوس مع بعضها البعض والاتفاق على المطالبة سواءا بالحوار أو بالقضاء. فأنتم من تقودون القطاع وأنتم من ترتقون به في فكركم وأنتم من تحلون المشاكل وأنتم أكبر من ان تتراشقوا فيما بينكم فهذه ليست من أخلاق المهندسين.
    - قامت النقابات النفطية بتهديد القيادات النفطية بالتصعيد والاضراب في حال عدم اقرار الزيادات المالية على الراتب. حيث سيكون اللجوء الى الاضراب وشل الانتاج النفطي مكلفا للكويت وسيجعلها تتكبد خسائر باهظة نحن في غنى عنها أي مايقارب 200 مليون دولار في اليوم. فلغة الحوار الحضارية والتفاهم (كما فعل اتحاد النقابات النفطية مع الوزير) هما كفيلان بحل المشكلة بدلا من اللجوء الى الاضراب أو ربما الى الشارع...!!!


    م. أحمد حسن كرم
     
  2. melano

    melano بـترولـي جـديـد

    14
    0
    0
    اي والله عيب يالمهندسين
    لما كانت الاخبار ان الزياده عادله قومتو الدنيا وما قعدتوها كأن الزياده حاشت بعض الموظفين وهم ما جاهم شي
    واليوم لمن اكلو حقنا وحطوه لهم تذكروا الله وقامو يقولون احمدوا ربكم
    ودي اعرف اذا صار شي ما تحبونه تصيرون شياطين وتنسون ربكم الا تسوون اللي تبون
    واذا صار اللي تبون آمنتو وتبون الباقي يآمنون باللي آمنتو فيه غصب
    واللي كتبته يا اخي اكبر دليل على حسدهم وجشعهم وعلى عقلهم الصغير
    غريب امركم يا مهندسين وياخسارة هالكلمه فيكم
     
  3. DSM

    DSM بـترولـي جـديـد

    38
    0
    6
    DRILLING SUPERVISOR
    KUWAIT
    محد ياخذ غير نصيبه
     
  4. العنزي koc

    العنزي koc بـترولـي نشيط

    139
    0
    0
    كلام طيب الرزق عند الخالق عز وجل
     
  5. Kuwaite

    Kuwaite بـترولـي نشيط جدا

    344
    0
    16
    Production Operation
    Kuwait
    شتبي يطلع من بعض المهندسين خريجة الفلبيين ومادري من وين اذا شهاداتهم كلها غش ولعب .. أكيد يطلع منهم العيب وقلة الحيا .. ترى انا قلت البعض
     
  6. KNPC10

    KNPC10 بـترولـي نشيط جدا

    214
    0
    0
    الفلوس تغير النفوس
     
  7. مهندس صريح

    مهندس صريح بـترولـي نشيط

    61
    0
    0
    عيب!!!!!!! اي تصدق ان ما نستحي على شان نطالب بحقوقنا...تصدق ان ما نستحي لأن لما طالبنا بحقوقنا وجمعنا التواقيع رحنا وعطينا النقابه هالتواقيع اللي بدال لا تطالب لنا لعبت علينا وطالبوا بزياده عشوائيه...تصدق ان ما نستحي لان لي الحين ناطرين هالزياده...انا كل يوم ادعي اقول عسى محد ياخذ زياده الا اللي يستحقها
     
  8. Kuwaite

    Kuwaite بـترولـي نشيط جدا

    344
    0
    16
    Production Operation
    Kuwait
    تسلم اخوي مهندس صريح على الدعاء ويارب يستجاب ومن فمك لباب السمااااء

    اي والله ادعي للي يستحقونها بالضبط

    ادعي للناس إلي تشتغل بالسناتر ( بين النفط والغاز والمواد الكيميائية السامة والضارة ولا ليلهم ليل ولا نهارهم نهار وشفتات 12 ساعه )

    ادعي للناس إلي تشتغل بالحقول النفطية بين عيون النفط ( بالشمس والحر ويتعامل مع الغازات السامه )

    ادعي للناس إلي تشتغل بالمصافي ( الغازات والحرارة والنار والمواد الكيميائية السامة )

    بس ياليتك هم تدعي ضد بعض الناس إلي قاعدين بالمكاتب لا شغل ولا مشغله وسوالف و لابس بلسوت نظيف ويلمع وطايحله جاي وقهوه واخر شي يقول انا مهندس ( وأهو على الله وثم على الهندي الي يعلمه الشغل )

    تنويه : انا قلت البعض من المهندسيين .. وشكرا
    مع اني من الناس الي يحب الخير يعم الجميع ( ولا احب الحسد ) ويكفينا شر أهل الحسد .
     
  9. مهندس صريح

    مهندس صريح بـترولـي نشيط

    61
    0
    0
    ياخوي انتو ماخذين حقوقكم وزياده قول الحمدالله وخاف ربك.. ما ودنا ندعي عليكم ان تاخذون حقكم فقط..لانه مو خوش دعوه... ربعي بالسناتر اللي تقول عنهم يقولون دوامنا لو نصوره لك تقول فندق وتلفزيون وانام والشغل خفيف جداً لو انك قايل عن اللي بالمصافي جان حسيت فيك صراحه....اما السناتر وتقولي تعب؟ ما عندك سالفه في ناس عندك يشربون شيشه بالدوام وما نبي نبطل عيون الناس عليكم خلنا ساترين عليكم ....وخلكم في نعيم بس حرام انك عقب كل هالنعيم تقول انك مظلوم بالمعاش ترى الله ما يرضى. ومن ناحية اخرى...يا خوي انت مظلوم طالب منو قالك ما تطالب بزيادة معاشك او اخذ حقك اللي بوجهة نظري مالك حق اصلا.....المهندسين يطالبون بكادرهم ما قالوا لا تعطون الموظفين...انتو غصب تبون تحشرون الموظفين كلهم مع المهندسين وهذا اكبر غلط...هالنظام فاشل وقديم ويحتاج لتطوير كامل...والا شنو هالمعاشات اللي ما تزيد الا اذا زادت كوادر المهندسين بالحكومه؟!! بصراحه فشل ذريع هذا
     
  10. naf6

    naf6 بـترولـي جـديـد

    10
    0
    0
    سلام عليكم

    بالنسبة للزيادة ، العيب هو الحسد بين الناس

    المهندسين بعضهم يستاهل وبعضهم لا
    والعمال بالسناتر بعضهم يستاهل وبعضهم لا

    وكل دائرة فيها اللي يشتغل بضمير و فيها اللي نايم على ودنة ! وانا عارفهم اللي هناك واللي هناك

    الحمدلله على الأرزاق واحنا في نعمة حتى لو الحكومة احسن منا ماديا شوي !! ولكن انتو عندكم ميزات مو كلها لازم فلوس وبس وانتو عارفينها اكتر مني !

    والله يكتب اللي فيه الخير لنا ويحمي بلدنا من كل الشرور .
     
  11. Kuwaite

    Kuwaite بـترولـي نشيط جدا

    344
    0
    16
    Production Operation
    Kuwait
    وهذا خبر لك عن ربعك الي تطنز على عملهم

    شب حريق في خزان النفط التابع لمركز التجميع 17 بالمناقيش أمس بالليل

    اعتقد الحين تعرف شنو يتعرضون له ربعك بالعمل مو انت ومن على شاكلتك بالمكاتب ولا عندك غير سوالف جاي الضحى .***************
     
  12. مهندس صريح

    مهندس صريح بـترولـي نشيط

    61
    0
    0
    يعطيكم العافيه الظاهر الاخوان مشيشين فوق الخزان ما يدرون عنه...واخر شي تقولون المهندسين اهم السبب في هالانفجارات....نسيتوا ان الانفجارات والمشاكل ما صارت الا لما صارت العماله كويتيه بنسبه كبيره بوظائف لا تصلح لكويتي. بعدين جم تبي؟ كل ما صار انفجار يزيدونكم والا جم بالضبط تبي....قول لنا جم معاشك وجم تبي؟ وجم تشوفه حق لك وانت ما خذيته؟ خاف ربك
     
  13. Kuwaite

    Kuwaite بـترولـي نشيط جدا

    344
    0
    16
    Production Operation
    Kuwait
    ( اقتباس : نسيتوا ان الانفجارات والمشاكل ما صارت الا لما صارت العماله كويتيه بنسبه كبيره بوظائف لا تصلح لكويتي ) اشفيه الامريكي !! والله ما صارت المشاكل الا من اشكالك بالكويت حسد وفتنه وكلام جهال .

    ( اقتباس : بعدين جم تبي؟ كل ما صار انفجار يزيدونكم والا جم بالضبط تبي....قول لنا جم معاشك وجم تبي؟ وجم تشوفه حق لك وانت ما خذيته ) لا يكون من حلالك او من جيبك !! لما تصير شركتكم تعال منن علينا يابوو جم تبي .. الله يعز الكويت و ال صباح وبس ولا يعزك علينا.

    مهندس مزور صريح <<<------------ كلموه بالهندي يمكن يفهم :d
     
  14. Online

    Online بـترولـي نشيط جدا

    374
    0
    16
    تعوذو من بليس ترى هذا الكلام ما منه فايده
    وما له داعي المزايدات على بعضكم
    كلكم فيكم البركة ان شاء اللة
     
  15. abdularahman

    abdularahman بـترولـي جـديـد

    19
    0
    0
    دام أن الوظيفة ماتصلح لكويتي اطلع من القطاع شمقعدك ؟ روح شوفلك ورشة بالنادي العلمي درس اليهال هناك....
    تكلم عن نفسك رجاءً ولا تعمم لأن لو مو الأيادي الكويتية جان قطاعنا ماوصل للي واصله الحين ولله الحمد..
    وعلى فكرة..العمالة الكويتية موجودة بالقطاع من أول ما طلع :)
     
  16. عبدالله

    عبدالله بـترولـي نشيط

    110
    0
    0
    Q8
    اطلب من الشركة ومن نقابه شركه نفط الكويت التالي........
    صرف عدد 4 بلسوت ******حتي يتميز المهندس في القطاع النفطي وشكرا"[/[/COLOR]SIZE]


    :)
     
  17. عزرائيل

    عزرائيل بـترولـي نشيط جدا

    212
    0
    0
    بلسوت ******** لماع علشان يبين من بعيد
     
  18. مهندس صريح

    مهندس صريح بـترولـي نشيط

    61
    0
    0
    :) الصراخ على قدر الالم...ما ألومك

    معطينكم حقكم و زياده خافوا ربكم...........وماعندك جواب منطقي غير الهمز واللمز وعلى بو انك تنكت. احمد ربك وعن الطمع لانه مو زين
     
  19. مهندس صريح

    مهندس صريح بـترولـي نشيط

    61
    0
    0
    حبيبي انا ما اقصد وظيفه المهندس........اقصد وظيفة الفني اللي بالمصافي والا بالسناتر.....ما تصلح لكويتي لانه ما يجيك على طول ونايم بالعسل وكلا يبي يزرق ويبي اوفات.....فهذه تولد مشاكل وانفجارات واهمال بالشغل... والسبب؟ التكويت.......وظايف ما تصلح لكويتيين صراحه

    اما بخصوص المهندسين فأنا اشوفها تصلح وبكل قوة للكويتيين ولازم اقتصاد البلد يكون بيد وعقول عيالهم.

    الامور الاداريه فعلاً تحتاج لكويتيين والقليل من الاجانب.......اما الامور الفنيه اليدويه تحتاج لعماله اجنبيه والقليل القليل من الكويتيين.....و راح نشوف مشاكل بالمستقبل القريب بسبب التكويت العام وعدم طلب اجانب للشركه الا بالعقود.

    اما بخصوص العماله الكويتيه موجوده بالقطاع من اول ما طلع......اتمنى تكون معلومتك صحيحه...واتمنى انه ادارة الشركه تطبق استراتيجية التوظيف القديمه للمحافظه على ثروات البلد
     
  20. مهندس صريح

    مهندس صريح بـترولـي نشيط

    61
    0
    0
    عبدالله و عزرائيل....المهندسين اهم اللي لبسوكم البلسوت للمحافظه عليكم. نتمنى الاحترام منكم على شان نحس انكم تردون المعروف
     
جاري تحميل الصفحة...
حالة الموضوع:
مغلق

مشاركة هذه الصفحة