درجة 10 والي متي الانتظار

الكاتب : أبو حسين | المشاهدات : 1,366 | الردود : 11 | ‏26 يناير 2011
  1. أبو حسين

    أبو حسين بـترولـي جـديـد

    2
    0
    0

    يا جماعة الخير ويا نقابة ويا رئيس العمليات المشتركة
    والله ملينا من الانتظار الي متي ننتظر الدرجة 11 كملنا 9 سنوات
    واكثر وحنا ننتظر ومواعيد علي الفاضي اللي بعدنا توظفو تعدونا
    وحنا لا زيادة سنوية ولا ترقية ولا شي خافو الله فينا
    أبو فجحان واعدنا قال انه راح تنتهي المشكلة وتنحل في شهر خمسة
    من العام 2009 وقلنا خير ننتظر والان طاف علي وعدة شهور وسنيين
    يا جماعة تراء الظلم ظلمات والله لا زيادة سنوية من سنيين ظلم
    نبي يوصل صوتنا لابو فجحان ولجميع الؤساء التنفيذيين كويتيين وسعوديين
    لان المشكلة فيها بعد اخواننا السعوديين
    نبي نشوف منهو الشجاع ويحل مشكلتنا وأتوقع والله أعلم ما يحلها الا
    الا الدكتور الملحان
     
  2. Bos3ayd

    Bos3ayd بـترولـي مميز

    523
    4
    18
    يالغالي ، شاللي مأخر الدرجه؟؟ شنو الاجوبه الي قاعدين يعطونك اياها ؟! ممكن مسماك الوظيفي يوقف على هالدرجه ولازم يتغير المسمى الوظيفي عشان ينفتح لك القريد؟! :)

    يعطيك العافيه وعساك على القوه
     
  3. وفرة الخير

    وفرة الخير بـترولـي جـديـد

    36
    0
    0
    أنا في رأيي المتواظع اقولك يا خي أرحل من قسمك يمكن هذي اعلاااا درجة عندهم
     
  4. جابر

    جابر قــلــم بــتــرولــي أعضاء الشرف

    الله يعينك يابوحسين ..

    وإن كانك تضع فى الملحان أمل ...أكثر من أبو فجحان ...تراك ياخوى ...بدون زعل ..مضيّع الجّاده :)

    المشكله كلها بمشروع الوصف الوظيفى ومدى الدرجات لكل وصف..
    وأعتقادى الشخصى ...إن ابوفجحان ماقدر ينفذ وعده لك لأن كل شى توقف بإنتظار هالمشروع اللى حيييييل طوّل

    الشباب يقولون إن المشروع خلّص ..وناطرين بس إجتماع ال JOC حتى تتم الموافقه عليه ...
    يعنى ما أعتقد يطوّل ...أكثر من شهر ..

    ومتى ماوافقوا عليه ...طير للشباب اللى بال POD وأسال عن وصفك الوظيفى ومدى الدرجات المحدده للوصف ..

    فإن تم نمديد مدى الدرجات الى 11 أو 12 ...ماراح يصير عندك مشكله ..وتأخذ درجتك بمجرد مايرفعلك ..
    أما لو مدى الدرجات الجديد ..لم يتغير ...فالله يعينك ..لأن هذى تعتبر ترقيه ..وصعبه ..لأنها ترتبط بالشواغر بدائرتك ..
    وبالتوفيق ..
     
  5. ابوسعووود

    ابوسعووود بـترولـي نشيط جدا

    222
    0
    0
    هاذى مشكلتنا بالخفجى تعطيل على الفاضى وبدون سبب على الاقل تعويض الموظف حرام الموظف يداوم وشاد حيلة وبالنهاية لا تقيم ولا درجة القطاع النفطى كل سنتين واحنا كل اربع سنوات واذا كلش كلش 6 سنوات بالكثير مو حرااااااااااام
     
  6. أبو حسين

    أبو حسين بـترولـي جـديـد

    2
    0
    0
    أشكركم أخواني علي تفاعلكم

    أنا موضوعي ان مديرنا رافعلي تغيير مسمي مع درجة وكل اسبوع يقولون الاسبوع الجاي يجتمعون
    بس للاسف اشغالهم كثير الظاهر ههههههه
    وبنفس الوقت يقولون ان فتحو قريد 11 للجميع وضعنا صار لنا 3 سنوات الزيادة صفر بدون زيادة علي الاساسي
    بس هالسنة جاءنا 149 ريال زيادة بنغالي ظلم ولا بعدة ظلم اللي عندة واسطة بسرعة يسنعونة ويضبطونة
    واللي ما له واسطة ينتظر رحمة الله
     
  7. عذبي

    عذبي بـترولـي نشيط

    121
    0
    0
    مع احترامي لك مديرك حتى لو كتب الف ورقه ما راح تنفعك ولا تتعب نفسك معاه ..

    الشى الثاني اخوي الغالي بوفجحان ما يقدر يمشي هالموضوع و لا تلومه لان مو اهوا الوحيد اللي يتخذ القرار لا تنسى ان اكو جانب سعودي بالموضوع و العراقيل كثيره ..

    و ذكرت ( ملحان) تراك ما تدري انه ساس البلى كله ..

    الله يعين الجانب الكويتي عليه .... :)

    ملاحظه ( الشباب اللي دخلوا بعدك الشركه و خذوا قريد او راح ياخذون قريد و يتساوون مع اللي عنده خبره 15 سنه هذا بسبب التوجه الجديد للشركه انها ما توظف حاملين شهادات المتوسطه او الثانويه مثل السابق .. اللي حديثي التوظيف اقل شى يكون مساعد مهندس حامل شهادة دبلوم هندسه .. فعليك الحساب .. الحسبه كبيره و حاملي الشهادات هم اللي راح ياخذون موقع في الشركه و الاخوان اصحاب الخبره راح يكونون في محمل اخذ راتبك و علاواتك الى ان تتقاعد .. و قريدك ( او موقعك الجديد) تاخذه لو كنت الاكفأ ...

    هذا النظام الجديد اللي يشتغلون عليه دائرة التدريب بالتعاون مع كل دوائر الشركة في تقييم كل العاملين من مدراء وانت نازل .

    اتمنى اكون بينت لك بعض الامور اللي تكون تعرقل موضوع الترقيات في الشركه ... و على فكره السينير ستاف مصيبتهم اعظم من الجونير ...

    الله يوفقك
     
  8. ابو هاني

    ابو هاني بـترولـي نشيط

    146
    0
    0
    انشاء الله يحلون مشكلة المتاخرين فى القريدات ناس صارلهم 5 سنوات ما خذوا ظلم واجحاف
     
  9. $ al hajri $

    $ al hajri $ بـترولـي نشيط

    97
    0
    0
    انا صارلى 6 سنوات على قريدى مو حرام ويقولولى عندك طبيات شنو الواحد ما يمرض
     
  10. العنيد1

    العنيد1 بـترولـي جـديـد

    20
    0
    0
    الظلم بالشركه عندنا ماله حد والناس صارله فتره


    تنتظر القريدات والترقيات والتنقلات


    وللحين ويقولون انتظر اجتماع JOC


    ومدري متى بيجتمعون مدري حنا


    بشركه ولا وين مع احترامي لهم
     
  11. جابر

    جابر قــلــم بــتــرولــي أعضاء الشرف

    حسب علمى ..الجانب السعودى هو المسئول عن التأخير الأخير ..كان مفروض بشهر نوفمبر اللى طاف ..
    طبعا أى تأخير فى الترقيات من صالح الجانب السعودى ...

    الجانب السعودى ... يملك الغالبيه فى المراكز من ناظر و أقل .. كما إنه بدون أى جهه رقابيه فعليه ..يعنى يقدر يسوى اللى يبيه .
    بينما الجانب الكويتى ...مضغوط حبتين ..يبى يوازن هالمراكز بأسرع وقت ..كما إنه مايبى مشاكل مع الموظفين الكويتيين لأنهم شكّايه :D

    قد يكون التأخير .إستراتيجية للتفاوض من الجانب السعودى ..لضغط الخصم ..(الجانب الكويتى)
     
  12. $ al hajri $

    $ al hajri $ بـترولـي نشيط

    97
    0
    0
    ما صار تفاوض اخاف بيردون حسنى ميارك وانا ما ادرى ولله تعبنا نبى قريد نبى دورة نبى اى شى ابى أحس انى ادوام بشركة ابى أحس انى موظف بالنفط حالى حال الربع كلى رابعة ثانوى راتبى صارله 6 سنوات ما تغير
     
جاري تحميل الصفحة...

مشاركة هذه الصفحة