يا شباب هل خبر اجازة العيد والوطني والتحرير صحيحة ؟

الكاتب : سفاري الكويت | المشاهدات : 3,218 | الردود : 5 | ‏25 يناير 2011
  1. سفاري الكويت

    سفاري الكويت بـترولـي نشيط جدا

    السلام عليكم
    هل الخبر صحيح عشان نضبط الاجازة من 24 فبراير الى 28 فبراير
    ولا اقتراح من ديوان الخدمة بانتظار الموافقه من مجلس والوزراء؟
     
  2. كي او سي

    كي او سي بـترولـي خـاص أعضاء الشرف

    ديوان الخدمة اعلن ان اجازة المولد النبوي 17 بدل 15

    وبديل عطلتي العيد الوطني والتحرير يومي 27 و 28

    يعني اسبوعين الناس ما راح تداوم بسبب هالعطل

    انزين ليش ما يرحلون العطلة الاولى الى الاحد بدل الخميس ويقدمون عطلتي العيد الوطني والتحرير الى الاربعاء والخميس

    ويعطون الناس عطلة لمدة يومين اضافيين يومي الاثنين والثلاثاء وبجذي صارت الاجازة اسبوع وانتهى الموضوع

    ليش يفتحون باب على نفسهم ويحطون عطلة في كل اسبوع والناس راح تضرب على الدوام والمدارس باقي الاسبوع

    والله ديره ماشية على البركة
     
  3. API 18

    API 18 بـترولـي مميز

    513
    0
    0
    انا اقول خلي يعطونا 20 بدال 15 و 21و 22 هديه من الحكومه و 23 و24 بدل 25 و 26 و جذي نا خذ اسبوع كامل
     
  4. الأستاذ

    الأستاذ بـترولـي جـديـد

    39
    0
    0
    انا اتوقع مجلس الوزارة راح يعلن ان عطلة الاعياد من 24 ال 28 - 2

    يعني
    خمس ايام ما فيه دوام
     
  5. سلومكو

    سلومكو بـترولـي مميز

    563
    0
    0

    وأشفيها أصلا او شاللي يصير لا صار العطله أسبوعين .!!!

    1- الطلاب يرتاحون أشوي عقب الأمتحانات

    2- والموظفين الصباحي الوزارات هم يرتاحون أشوي ومن حقهم يشاركون أفراح وأعياد الدوله

    3- واحنا أهل الشفتات خير ونعمه من الله سبحانه ( أوفر تايم )

    وسالفة الناس يضربون على الدوامات ياأخوي السالفه مو سايبه كل شي محسوب

    تقدر تقول لي وين المشكله الحين ؟؟

    أخوي لاتنسى بعد السالفه سالفة حسبه للأعياد هذي اليوبيل 50 سنه عسى الله يحفظنا ويحفظك ويحفظ البلد وحكامها

    لاتنسى تقريبا نص قادة وحكام العالم يحضرون الأعياد يمكن أكثر من 102 حاكم يحضر وغير العروض العسكريه وأحتفالات مو مثل كل سنه موليه

    يعني زحمه بتصير وشوارع شبه مغلقه وتعال شوف عاد موكب رايح وموكب راد

    أحنا بدون أحتفالات وأعياد ومو مترقعين بالشوارع ودوامات اشلون لو كل هالمواكب

    تبيهم يلغون كل هذا عشان ماتصير العطله أسبوعين .!!!

    والله مادري شقول وإلا شقول... أن وسعوها علينا قلنا لييش وليييش

    وأن ظقوها علينا وضيقوها علينا قلنا أووف أوووف

    أخوي أذا الحكومه بكبرها معطلين والمجلس معطل شهر كامل

    أخوي تقبل مروري وهذا اللي حاصل

    صاحب السؤال ياأخوي اللي بيوصل لك على الايميل حقك هو اللي بيكون ويحصل وغير هالحجي ماكو لاتعور راسك يعني

    وكل عام وانت بخير وعسى دولتنا بأفراح وعساها بخير ومحفوظه بأذن الله
     
  6. 123456789

    123456789 بـترولـي نشيط

    83
    0
    0
    عسى الله يتمم الأفراح دايما
     
جاري تحميل الصفحة...

مشاركة هذه الصفحة