مدير المباحث موجود بالمنتدى..

الكاتب : ربينا سوا | المشاهدات : 1,884 | الردود : 17 | ‏22 يناير 2011
  1. ربينا سوا

    ربينا سوا بـترولـي خـاص

    السلام عليكم..

    هذه مقالة إقتطعتها من موضوع لأحد الإخوان من كتاب المنتدى, يقول فيها:

    في المنتدى اداره ومشرفين ( واستخبارات انا قائدهم ) نلقط الشخص واهو يسجل نكه من يكون ووين موقعه وشنو توجهه ( انبطاحي او انتهازي او مصلحجي او تبع او منافق ).

    نطلب من الأخ مدير المنتدى والمشرفين نفي الخبر أو يكون كلام الأخ صحيح,

    فعندها نحذر رواد المنتدى من أن يديروا بالهم من أي كلمة عشان ما يصير فيهم

    مثل ما صار في المغدور به محمد المطيري رحمه الله.

    اللهم إني قد بلغت.. اللهم فإشهد
     
  2. VERSACE

    VERSACE بـترولـي نشيط جدا

    لا يا حجي غلطان انت اساءة الفهم
    قصد الاخ العزيز يبين من الاي بي اذا الشخص هذا مسجل باكثر من نك
    لان في بعض الاخوان يسجلون باكثر من نك عشان يسوون بلبله يكتب موضوع يستفز فيه شريحه من الموظفين
    ويرد بنك ثاني عشان يزيد استفزازهم
    هذا القصد
     
  3. عزرائيل

    عزرائيل بـترولـي نشيط جدا

    212
    0
    0
    اشلون المباحث اللى موجود متلثم او ماسك جريدة مخرومة
     
  4. 123456789

    123456789 بـترولـي نشيط

    83
    0
    0
    عادي يا شباب اشفيكم مستغربين يبى لندن اللي اهية لندن عندهم جيمس بوند والكويت اللي اهيه كويت عندها ............?!
     
  5. co00ol_79

    co00ol_79 بـترولـي نشيط

    66
    0
    0
    لا اله الا انت سبحانك اني كنت من الظالمين
     
  6. خلف الشمري

    خلف الشمري بـترولـي نشيط جدا

    169
    0
    0
    إنزييييييييييين

    إذا فيه خير خله يقول أنا شنو لابس الحين ؟
     
  7. ربينا سوا

    ربينا سوا بـترولـي خـاص

    سألنا المخبر عنك..

    قال مكسر قطنية بيج ..ودلاق أسود.. وفانيلة أم علاق

    وقاعد تفكر بالزيادة.. تبي تسدد الأقساط اللي طايفة..!!​
     
  8. بتروليه حتى النخاع

    بتروليه حتى النخاع بـترولـي جـديـد

    28
    0
    0
    الله يستر .. فيها مخبريييين
    رحنا وطي .....

    يبه احنا نخلي مسؤولياتنا من جميع المواضيع التي كتبت والتي لم تكتب ...

    وعفا الله عما سلف

    بترولية .. خايفة

    لوووووووووووووووولز
     
  9. معشي الجن

    معشي الجن بـترولـي نشيط جدا

    172
    0
    0
    الأخ ربينا سوا تتوقع ان المنتدى بوابة كل واحد يمر منها طبيعي ان الادارة يعرفون من الآيبي ادرس من وين انت شابك والمعلومات المسجل عليها نكك المسأله مو سايبة في كل موقع مو بس المنتدى وهذا حقهم
     
  10. خلف الشمري

    خلف الشمري بـترولـي نشيط جدا

    169
    0
    0
    ممكن أسألك ليش نكك معشي الجن

    لأن نكك ممكن يسببلك مشاكل وإنت ما تدري إذا كنت قليل تحصين لنفسك

    وكذلك ممكن يدل إن عندك مشكله وإنت مو حاس فيها

    فاااا ياليت تنقي نك ثاني إذا إنت مو من النوع اللي محافظ على الصلوات والتحصين صباحا ومساءا

    وإذا عندك مشكله وتبي أي إستفسار أنا حاضر

    أخوك المقاتل ضد الجن ^_^
     
  11. مستر خبره

    مستر خبره بـترولـي نشيط

    125
    0
    0
    ______________________________________

    :) شكلك مخبر نفسي لابس نظاره سوده وطاق اللثمه ولابس جاكيت طويل مرقع وماسك جريده مصوفره ومقضوضه :)

    :) مسى الخير ياااااااااااااااااااااااااا دفعه :)
     
  12. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    الله يهداك ربينا سوا

    وانا راعي المنتدى مادري الايبي مالك من وين واذا بتعب وبركب برامج وحالتي حاله بيقولي من اي دوله فقط وانا اخوك
    الايبيات اليونيك اللي كل يوزر له ايبي في الدول المتقدمه
    عندنا كل الف على ايبي واحد :)

    وصدقني مو من مصلحتنا كإدارة موقع ان حنا نكشف شخصيات اعضاء المنتدى ولا محد بياخذ راحته ويكتب اللي يبيه
     
  13. السـور الخـامس

    السـور الخـامس بـترولـي نشيط

    65
    0
    0
    محشوم يابوعبدالله عن الاموور هذي

    وانا ماادافع عن ربينا سوا بس على ماظن وده يلطف جو المشاحنات في الزيادة اللي ناطرينها
     
  14. ربينا سوا

    ربينا سوا بـترولـي خـاص

    الحبيب بوعبدالله..

    من زمان ونحن في مشاحنات ومواضيع مزعجة.. وحبيت ألطف الجو بهالموضوع..

    ثقتنا فيك وفي الذي نقلنا منه الموضوع(خميس) كبيرة ولا نشك في ذلك..

    ولكن من باب تغيير الجو وتلطيفة طرحنا هالموضوع.​
     
  15. سلومكو

    سلومكو بـترولـي مميز

    563
    0
    0

    وأضيف على كلام الأخ

    بأنه رقم ( آي بي ) يبين بس الدوله فقط , ولايطلع لا منطقه ولا عنوان ولا شي موليه

    وثاني شي اخوي شي طبيعي اصلا اذا تلقائيا المواقع كلها مراقبه من قبل أمن الدوله او المباحث الجنائيه

    اعتقد في قسم أسمه التقنيه او شي من جذي

    يدخلون مواقع عشوائيه ومراقبه دقيقه جدا على مواقع وبالذات مواقع السياسيه وماشابه

    وهم عاد يعرفون طريقتهم شلون يسحبون الشخص اللي يبونه مثل ماأسبحو جم واحد قبل وكانو من النت

    وهذا طبعا حق من حقوقهم كجهاز امن الدوله يراقبون كل شي , السالفه مو سايبه يالحبيب


    والزميل خميس كان قصده انه من مواضيعه ومشاركات العضو بيعرف انه انبطاحي او مادري شنو من اللي قاله
     
  16. برميل النفط

    برميل النفط بـترولـي جـديـد

    48
    0
    6
  17. _khalid_

    _khalid_ بـترولـي نشيط

    105
    0
    0
    الايبي يبين كل شي مو بس الدوله حتى شخصيتك يتم تحليلها عن طريق الايبي
    ويبين اذا انت شابك من البيت او من الجاخور من صوت المعزا اللي يمك :)
     
  18. عزرائيل

    عزرائيل بـترولـي نشيط جدا

    212
    0
    0
    المباحث شنو يسوي بالمنتدى اقول ماعندنا حرامية ولا احد يعذب بعض الناس او يجزهم بالفانات
    لا زم يعروفون وين يراقبون ها يا شباب وين لازم المباحث يراقبون؟
     
جاري تحميل الصفحة...

مشاركة هذه الصفحة