من هو الاحق بالدرجة 15؟ قانونيا

الكاتب : KuwaitBoy1 | المشاهدات : 1,923 | الردود : 19 | ‏21 يناير 2011
  1. KuwaitBoy1

    KuwaitBoy1 بـترولـي نشيط جدا

    393
    0
    0
    موظف قديم من سنة 1981 وحصل علي درجة 14 قبل 6 شهور .
    او موظف جديد حاصل علي درجة 14 من قبل سنه .
    نرجوا الاجابه للافادة وشكرا
     
    آخر تعديل: ‏21 يناير 2011
  2. عين الراصد

    عين الراصد بـترولـي جـديـد

    5
    0
    0
    على حد علمي وبحسب اللوائح فإن أقصر مدة زمنية تفصل بين درجتين هي سنة على الأقل ..
     
  3. ربينا سوا

    ربينا سوا بـترولـي خـاص

    ما هي شهادة الموظف اليديد.؟
     
  4. جابر

    جابر قــلــم بــتــرولــي أعضاء الشرف

    المنطق:
    فى حالة عدم وجود أسباب تمنع الترشيح لكل منهما ...
    مفروض تسوى مفاضله
    وحسب مؤشرات يتم الأتفاق عليها مع HR..
    وتجمع البيانات ..
    واللى رقمه أعلى يأخذها
    وهذا يرفع الحرج عن الإداره..ويحقق العدل
     
  5. الخالدي

    الخالدي بـترولـي جـديـد

    45
    0
    0
    30 سنه خدمه اعتقد انك كفيت و وفيت .. عطوا مجال حق الموظفين الجدد ..
     
  6. SULPHUER

    SULPHUER بـترولـي نشيط

    63
    0
    0
    اعتقد والله العالم اختبار شفوي + الاولويه للاقدمية
     
  7. واحد من الناس

    واحد من الناس بـترولـي نشيط جدا

    417
    0
    0
    السلام عليكم
    اصلا اذا كان الموظف لم يتعدى سنة مايدخل المفاضلة من اساسه
    ولو فرضنا المفاضلة وتجاوزنا القوانين راح يكون عدة اشياء ماذكرتها انت ممكن تفصل بالموضوع مثل العلاوة السنوية والغياب
     
  8. معشي الجن

    معشي الجن بـترولـي نشيط جدا

    172
    0
    0

    القانون في نيروبي يقول البيت لها !

    أخي العزيز ،، بعطيك مثال واقعي حصل معاي

    معايير المفاضله كالتالي :

    1- الأقدمية ( الخبرة بالقسم نفسه أولاً )
    ثم الخبرة بالدائرة ثم القطاع النفطي كله
    100 نقطه

    2- المؤهلات الدراسيه ( جامعي- دبلوم - ثانوي )
    50 نقطه

    3- التقييم السنوي ( الSOP )
    100 نقطة

    4- اللغة الانجليزية ( المطلوب لفل 5 Level5)
    واذا اعلى تكون الأولوية له طبعا
    50 نقطه

    5- ( المرضيااااات ) والحضور والغياب
    ملاحظه مهمه : كل يوم مرضيه زاد عن 5 مرضيات خلال 6 شهور
    ينقصك 10 نقاط ! وعليك الحساب

    6- المسؤول المباشر أو التيم ليدر بيده 100 نقطه !
    حاول تعرف أي فخذ هو يرجع له ( من غير مايدري انك عارف التفاصيل)
    وطيح له قصايد عن الغزوات وحاول تستخف دمك مثل حسينو عبدالرضا
    يوم يتكلم عن تاريخ بو الحصاني ( بس لا تقول له يدك كان يبوق دياي )

    هذي ياطويل العمر ال6 معايير للمفاضلة ، تجمع النقاط بكل ( نزاهة ) اذا وجدت

    واذا كان خصمك عروقه بالماي ومصوقر بالواسطات ،

    لا تحرق نفسك ، حرام ومايجوز !

    شب تاير ( تريله ) داخل مكتب المنجر ودش عليهم ونت لابس كمام
    ومعاك ( واير ولا هوز قديم )
    وقول وين اللي يوجعك بأعلى صوت
     
  9. KuwaitBoy1

    KuwaitBoy1 بـترولـي نشيط جدا

    393
    0
    0
    اشكر الجميع

    مشكورين
    والظاهر الامل بالله
    اما الغياب 6 ايام فقط
    واما الشهادة هو الاعلي
    واما للقبيله فهو الاقرب
    وبالباقي عليكم
    وشكركم جميعا علي تعاونكم ونخليها علي الله
     
  10. KuwaitBoy1

    KuwaitBoy1 بـترولـي نشيط جدا

    393
    0
    0
    معشي الجن الظاهر تبيني اعشيهم معاك وتوديني وري الشمس
    ههههههههههههه
     
  11. عزرائيل

    عزرائيل بـترولـي نشيط جدا

    212
    0
    0
    انا مع معشي الجن
    روووووووح دربك خضر ادخل عليهم بعجرة قووووووووول فيها وبعد متخلص جهز الواسطة تطلع منها وتاخذ الدرجة
    وبعدين يحسبون لك الف حساب
     
  12. yaqoub banyan

    yaqoub banyan بـترولـي نشيط

    92
    0
    0
    مشغل حقل
    كويت
    انا اقول الله كريم انشاللة تاخذة حق
     
  13. العجمي1

    العجمي1 بـترولـي نشيط

    66
    0
    6
    اخي العزيز الاحق بالدرجة هو الشخص اللي يبولش للمسؤول ويصير عنده مندوب وجاسوس عل ربعه
    هذا المستحق اما البقية مايفهمون شي :eek:
     
  14. بن شير

    بن شير بـترولـي نشيط

    83
    0
    0
    ربك كريم ان شاء الله تاخذ الدرجة
     
  15. معشي الجن

    معشي الجن بـترولـي نشيط جدا

    172
    0
    0
    ها بشر ؟ شصار عالدرجه ؟؟
     
  16. sha100man

    sha100man بـترولـي نشيط جدا

    263
    0
    16
    SUPVR
    KUWAIT
    ياجماعه خلوا عنكم ال 15 شوفوا ال 16

    المصيبة يا جماعه مو ال 15
    المصيبه الأكبر الدرجه 16 ليش حق مراقبين العمليات بس
    بالنسبة حق مراقبين الهندسة والصيانة مو محسوبين من الشركة
    يا جماعة مراقبين الصيانه أغلبهم أو 85 % منهم دبلوم (( لا والبعض من بريطانيا ))
    ليش ما يوصلون الدرجة 16 !!!!!!!!!
    علشان مو من النقابة ولا ما يفهمون
    أنا شخصيا مستعد لمناظرة مع أي مراقب من العمليات على الدرجة 16
    (( من ناحية المعلومات الميكانيكية واللغة الانجليزية وخبرة العمل )) مع العلم أني أقل من 15 سنة بالشركة
    استريحوا يا جماعة العمليات مع إحترامي للجميع
     
  17. عزرائيل

    عزرائيل بـترولـي نشيط جدا

    212
    0
    0

    يا بطل يا قوي اشعلية منو الى يقدر عليك
    ما شاء الله عليك تتحدى من اي ناحبة ميكانيكية خل اقولك شغلة وحدة الله يخلي الهنود اللي يشتغلون عنكم
    وعلشان تعرفون ان القسمكم ما فيه فايدة وانكم نايمين ولا تعرفون شيئ بان مافي موظفين جدد تم تعيينهم
    وانت شنو تعرف من ناحية العمليات يا الحبيب الله يرحم والديك لا تطعن في ربعك بالعمل عيب
    وبعدين على ما اعتقد بان رئيس النقابة من قسم الصيانة
     
  18. بن شير

    بن شير بـترولـي نشيط

    83
    0
    0
    ماله داعي الكلام هذا يـــا sha100man
    كل واحد في القسم اللى تابع له من الشغل
    وبدون حسد على الدرجات والله يرزق الجميع
     
  19. DSM

    DSM بـترولـي جـديـد

    38
    0
    6
    DRILLING SUPERVISOR
    KUWAIT
    الواسطه هي الفيصل
     
  20. _khalid_

    _khalid_ بـترولـي نشيط

    105
    0
    0
    1- حسب الاتفاقيه بين النقابه والشركه في موضوع الترقيات يجب ان تكون المفاضله
    بين 3 موظفين على الاقل.. بعني 2 مايصير

    2- قانون الدرجه الاساسي لدى شئون الموظفين... ان فرصة الترقيه لاتنتظر الموظف
    بمعنى ان لم تكن اكملت السنه الكامله على الدرجه14 فالاوليه ليست لك ولاتدخل المفاضله اصلا

    3- معايير المفاضله تكون للمتكافئين بالاقدميه ...
    واذا كان احد الموظفين اقدم بالتعيين والاقدميه
    يكون المطلوب منه ( الاقدم بالتعيين) فقط ان يجتاز الاختبار وبنسبة 60% لكي يحصل على الدرجة
     

مشاركة هذه الصفحة