دق خشم الوزير ..

الكاتب : خميس الخامس عشر | المشاهدات : 6,489 | الردود : 44 | ‏18 يناير 2011
  1. خميس الخامس عشر

    خميس الخامس عشر بـترولـي خـاص أعضاء الشرف

    نعم اكسرت كلمتة ودقت خشمة .. هو والزنكي وقراره فوقه .. وقامت تطق اصبع

    من فتره لإنشغالي ما اشبك الا قليل .. وكل ما اشبك الاقي رسائل على الخاص .. بس لفت نظري شخص في كل مره يحط لي رقم نقاله .. وصراحة انا حسيت ان هالشخص من عناصر ابو جودت اللي يدورون شباب حارة الضبع ..

    مصخت السالفة وكل مره يقولي اتصل فيني لو سمحت .. عقدت اجتماع طارئ بيني وبين نفسي قلت هذا شيبي ؟؟ حضرت جميع اركان الحرب في احشائي وتسلحت بنباطتي ماركة فيلب شارل والعجرة من قوتشي .. وشحنت تيلفون حاطه لإتصالي المخطورة لأنه بأسم بنقالي مسفر .. وقلت يلا خنشوف .. قمت ودقيت رنه ( تخبرون كرت بودينار) وانا اقول بنفسي اكيد هذا من جواسيس ابو النار .. ومدبر لي مصيده بس على مين تلعبها .. والله ماكو دقيقتين دق .. الو منو .. قلت انت اللي منو ( سر الليل ) .. طلع رئيس فريق في شركة نفطية تترأسها ملكة البحار السبع اللي اغدرت فيها الحكومه .. آمر شتبي قال يا أخي .. قال انا عندي مشكلة .. انزين خير انشاء الله قول وانشاء الله انك مو حامل سفاح وتبي اضبطك بموعد مع طبيب نساء وولادة .. ترى انا اخاف الله .. قال لا ..

    انا قلت اكيد هذا مشخطه فيه الحرمه ويبي ينتقم منها عن طريق المنتدى .. وسألته ليش ماتقدمت بشكوى .. قالي انا مسكين تقلب الطاولة علي قبل لا انطق بحرف ..

    كانت بيدي ورقة وقلم اشخبط فيه على الورقة بتواقيع وبعض المرات اقول ياربي يغلطون بالمنحة اللي عطاني سمو الامير الله يحفظه ويزيدونها ثلاث اصفار واذا مافي احراج خليهم 4 اصفار كلنا اهل ، عشان اقدر افسق واشتري لي آيباد مستعمل من اكسترا سوق الجمعه افنيوز.... واتسمع لصاحبنا ومشكلة .. وفجأه بلعت ريجي .. وقلتله ممكن تعيد كلامك .. صراحة انصعقت .. شنو من صجة هذا !! لا بالله من صجة .. حسيت بشعور المصداقية منه وقلت له عندك مايثبت كلامك قال لي نعم ومستعد اطرشة لك .. عطيتة فاكس فرع الغاز اللي يم بيتنا .. وقلت له طرش لي على الفاكس .. ( جذبت عليه وقلت له هذا بغرفة المكتب بالسرداب ) واتصلت من تيلفوني الثاني على حنفي اللي انا مضبطه عن طريق نائب المنطقة ومشغله العضو المنتدب في فرع الغاز ... ووصل الفاكس وطلبت منه يمهلني نص ساعه ويدق على ما اتفحص البلاوي اللي بالفاكس ..

    معالي الوزير .. تصدق من الفاكس عرفت انها دقت خشمك .. وقامت تعفط لك انت وقراراتك وتعاميم الزنكي فوقك .. بتقولي انت جذاب .... تعال اقولك انت ومايطلبه المستمعون من بلاوي الست هانم ..

    انت ياوزيرنا .. مو حفيد مبارك الكبير ؟؟ مو اخوك مبارك العبدالله احد اهم واشرس اركان القرار السياسي في الاسرة والبلد ؟؟ لما تسافر حسب اللائحة ( مع العلم اني ادري انك مو محتاج نفسي المنحة بس يلا خذني على قد عقلي ) ، جم مخصصاتك باليوم ؟؟ لا تقولي ماله داعي انا عارفها من زمان .. شرايك بواحد صومالي قبل الغزو وتجنس بعد الغزو وياخذ مخصصات يومية في دورة قضاها في شركة داو للمبيدات الحشرية قسمتها طلعت 550 دينار .. اتحداك وانت وزير تاخذ نفسه والله لأشوفك صالبينك على شعار المؤسسة اللي بأعلى مبني المجمع النفطي ... تصدق انها تصلح لإستجواب بس انا احبك والله احبك واحب العطر اللي سألتك عنه ووعدتني انك تعطيني وطنشتني لليوم بس انا مو محللك.. ورب الكعبة مخصصات مدير قبل الغزو صومالي واليوم كويتي 550 دينار دينار ينطح دينار بما فيها العطل لمدة 45 يوم بالتمام والكمال ..المدير مكتبة على ثلاث شوارع تحت مكتب الست هانم .. أسال واللي يسأل مايتوهش..

    انزين خذ عندك .. قبل انتهاء الفترة القانونية للأعضاء المنتدبين رضوان الله عليهم ..( من صحيح اللائحة ) صار كرنفال بس مو كرنفال جنيف اقوى منه بعشر مراحل.. صارت مهرجان امسح واربح العائلي في هالشركة التي ترأسها الست هانم .. واللي يحب النبي من اهلها وانسابها يمسح .. وانت وحظك رئيس فريق بدون موظفين او مدير يانائب عضو منتدب والا فلوس لعقد الأوراكل واذا تحب السفر مكتب خارجي.. انزين باقي الموظفين ..لهم مرض يخمهم من اولهم لآخرهم و اعتقد انها تظنهم طراثيث واهي من بنات الطوفه اقصد السور وان كان بعض الظن سوء.. كانت تخطط بالهدوء اللي يسبق تسونامي الترقيات العائلية فقط لاغير .. تسحب الأنساب من الشركات الصديقة والزميلة وحتى شركات دول الضد وتنقلهم لشركتها يقولون اسمها PIT وتركبهم باص المناصب..وين رايحة يا ام الشباب شسالفة تكفين ركبيني الباص معاهم واصب لهم شاي بس ضبطوني بحملة ترقيات حملة هذا من اهلنا .. قالت هش ولا كلمة بضبط الأهل بس وانت خلك بعيد وبجج لنا اذا احد وصل من المؤسسة .. قمت وحطيت الدربيل ولا شفت الا ورقة يتيمة مكتوب فيها وقف التعيينات والترقيات للوظائف القيادية من الزنكي بناء على تعليماتك ياطويل العمر .. تعال اقول لك سر تصدق ان في الشركة سابقة ماصارت لا قبل الميلاد ولا بعدة لسكرتيرة وافدة ( تشتغل عند الست هانم ) تمت ترقيتها في سنة (واسبوع عن الحلال والحرام) كانت معاهم في آخر باص الترقيات و بقولك تراهم ماسكين حارة اليسار على الخط السريع .. سألت صاحبنا وقلتله يعني شنو مافي احد يترقى خلال سنة ؟؟ قال مافي ولا كويتي ترقى لا في السابق ولا في المستقبل الا بمطالبة جماعية لشباب في التشغيل درجاتهم صغيره يفرحون بزيادة 30 دينار كانت فيها ضغوطات نقابية بهدف انجاح البعض من امثال حامي حما الوطن سعد سنيفر ، وانت يامعالي الوزير اخبر مني بسالفة لكل شئ ثمن .. ماعلينا .. شرايك ياطويل العمر تنزل للمؤسسة وتطق فره وتسأل عن رؤساء الفرق كم عدد موظفينهم .. عمرك بحياتك العملية سواء ايام البنوك والا ايام الوزارة سمعت مسؤول يحمل مسمى رئيس فريق ماعنده ولا قطو في فريقة ؟؟ قسماً بالله رئيس فريق بدون موظفين تدري ليش لأنهم الأحبة السابقين والأولياء الصالحين الطاهرين في الشركة ويمكن في نظرها في الارض قاطبة .. سحبت زوج الأخت من شركة بوظيفة مراقب وقامت تناقز فيه ليما حطته في الصبح مدير ولادار على اليوم الا وصار نائب عضو منتدب ..ورب الكعبة واسال باقر السلفي السابق لأنهم نسايب واهو مايحب هدر المال العام مع مجموة 26 اجرب هو تراسهم ..والا وحده موظفة في شركة نفطية تنقلها عندها وتحطها مستشارة وقعدة شاي ضحى تحطها مدير والشركة مافيها ولا واحد فيه خير يصير مدير غير اللي من مواخذينا.. واسال هناء ( مرتك ياجميل الحمصي ) منو اصغر مديرة في الاسلام صارت في القطاع النفطي من طلع او قطرة نفط الى يومنا هذا .. بتقولك انها عند الست هانم ومن اهلها.. المرأة في العادة تعشق رجل او زوج او حبيب او بوي فرند بس الست هانم تموت على تذاكر الدرجة الأولى بصورة شهرية وتضبيط النسايب بصورة اسبوعية ، والميزة في نسايبها فور ويلز ماتعطل ترقياتهم المصحوبة بمناصب ..

    المهم كل كلامي اللي قريته قطه بحر وتعال ياطويل العمر وشوف شلون دقت خشمك وانت تشوف ووقفت بآخر الكولودور تعفط لك والزنكي وراك .. وزين ماسوت حركة بايدها لك انت وحكومتك اللي غدرت فيها ...

    باقي باللسته العائلية 3 اسماء حرمهم تعميم الزنكي من المسميات .. قامت تكت الفال مع يوسف كبير عدس في القطاع وتطلب منه يعمل لها عمل او سحر عشان تقدر تضبط زوج بنت اختها اللي كان موظف على قد حالة في المؤسسة وبقدرة قادر صار رئيس فريق بشركتها .. شلون ياشرشبيل نظبطه والزنكي الله يحسبي عليه قطع ارزاقنا و مانع الترقيات لعيالنا .. قام يوسف واشار عليها تروح للسالمية ( طبعا مو للقز ) راحت السالمية لأجل خاطر النسيب الثاني واجتمعت مع يوسف وحمد .. ولقوها المخرج الشرعي والدستوري للمشكلة واضافوا له الفتوى الشرعيه اللي تحطها بعينك .. تصدق المخرج اللي لقوه وانت وزير وشيخ تعجز ستين مره تقدر تسويه .. خل اقولك تقدر انت وزير ترقى رئيس فريق لدرجة نائب عضو منتدب ؟؟ انت يا شيخ اصلي ويا حفيد مبارك ويامن قد يكون في سدة الحكم في يوم من الأيام تقدر ترقى ( الحبيب) فيصل جابر الأحمد الصباح ولد امير البلاد السابق وعمه امير حالي وجده امير لو فرضنا انه رئيس فريق تقدر ترقيه لنائب عضو منتدب؟؟ انا اقولك ماتقدر او اخلاقك ماتسمح لك تعرضه او تعرض اسمائكم للتجريح وبعدين والله ليعلقون لك المشانق من بوابة بوالحصانية الى مكتبك في المؤسسة ..ما اعتقد انك بتحلم في احلام اليقظه انك تتهور وتسوي جذي .. موظف المؤسسة الأسبق ورئيس الفريق السابق .. فجأة يصبح نائب رئيس في شركة تابعه لشركة الست هانم .. براتب يعادل ضعف راتبة السابق وزيادة حبتين ..

    تصدق ياطويل العمر اني اشك ان هالشركة حكومية او تتبع المؤسسة او من هيئات الحكومه اللي غدرت فيها .. انا عندي شعور انه كانت من ورث المرحوم والدها وفي وصيته قالها ضبطي الأنساب من منطلق القول المأثور كن نسيب ولا تكن ابن عم .. وقولي للناس كلمتين وارباح وما ارباح وكلام معسول يونس الكبار .. وتشغل لك اغنية بتونس فيك وانت وزيرنا ... وانت مصدق ياحرام ... كسرت خاطري الله يجبر الخواطر

    وليما الحين الباص ماسك الحارة اليسار في طريق الملك فهد وباقي اثنين اولهم في ام قلوبال في دبي في برج العطار ووافق مبدئياً بس يطالب بشروط معينة ( وانا اقوله طلبك مجاب يالنسيب ) 0097143326688 ودق على هالرقم واسال عن موظفين المكتب وانتظر فتره ودق مره ثانية وبتعرف صاحب الحظوة .. من النسايب لو كان بعيد شوي .. بس يظل ريل بنتنا ..

    والثاني ( الست هانم تحبة أوي ) وحبيب وشقردي ولسانه ينقط كلام معسول بدون فعل سيتم تعيينه ي منصب مهم في اكوابولمرز في جنيف ورقمهم عشان اختصر دربك 0033859809140 ،

    وبصراحة هذي اللي مهر حريم عائلتها مو خسارة مو براميل الشحم اللي عندنا ...

    بتلحق ياطويل العمر والا استانست على دق الخشم من ... الست هانم !! القرار لك
     
  2. Mr.Ahmad

    Mr.Ahmad بـترولـي مميز

    قريت

    ودشيت جو بالبداية

    بس بعدين ضعت !

    مادري شقول !

    الله يعطيك العافية يا خميس الخامس عشر :)
     
  3. عامل كويتى

    عامل كويتى بـترولـي نشيط

    111
    0
    0
    حكومه داخل حكومه
    انت عارف بكل بواطن الامور بكل شئ عارف
    افضح واستمر
    حتى يبنشر الباص ويقلب ولا يترقع
    افضحهم اكثر واكثر
    الشوق عوووود
    سلمت اناملك
     
  4. ربينا سوا

    ربينا سوا بـترولـي خـاص

    يا بوسعود.. أنا عندي إستعداد أن أشب في نفسي النار..

    درام الكيروسين متروس والولاعة جاهزة ..والآن أنا جاهز للإنفجار..

    بس عشان تطيح هالرؤوس وتحيا المؤسسة حرة أبية.
     
  5. واحد فاهم

    واحد فاهم بـترولـي مميز

    762
    4
    18
    كومبيوترشي
    درة الخليج
    الى الاخ العزيز والله يعلم انك عزيز حضرتك وكل من قاعد يتعب لمنفعة وفايدة إخوانه
    اخوي كلمة ان شاء الله هكذا تكتب والغلط انشاءالله وسامحني عل الإطالة والله يوفقك دنيا وآخرة
     
  6. جمران

    جمران بـترولـي جـديـد

    23
    0
    0
    ****************************
    نسمع قرقعة فناجيل وما شفنا قهوة
    أنا اشهد لك بصف الكلمات لكن ما عندك الشجاعة لتقديم ما لديك من أوراق تدين الست هانم على الاقل ***** أسد المجلس مسلم البراك، تدري ليه ؟
    جوابي لك في القادم من الايام أن كان في العمر بقية.
     
  7. blackberry

    blackberry بـترولـي نشيط جدا

    302
    0
    0
    عشان تروح النار وهم يروحون الجنه .. مو زين هالكلام حاول تنسى كل المشاكل .. شرم الشيخ زينه ترى :)
     
  8. شنووووووووووو ؟؟؟؟؟


    يعني خلاص ماكو زيااااااااااده ؟؟؟؟؟


    مافهمت شي بس تفكيري كله زياده


    خلاص بااااااااااااح يعني ؟ ماكو شي
     
  9. kaka22

    kaka22 بـترولـي نشيط جدا

    169
    0
    0
    بوسعود حبيبي منو الهانم واي شركه هذي فيدنا بارك الله فيك وماني خابرك تخاف من احد الا رب العالمين سبحانه

    ياريت تذكر لنا الاسامي طال عمرك واكشفوهم جدام الناس علشان الكل يعرف خماجيرهم ولعبهم

    بارك الله فيك ومشكور مقدماً
     
  10. sporty196

    sporty196 بـترولـي نشيط

    105
    0
    0
    انا اللي اعرفه (من موظف صغير صديقي) ان الشركة هذي لها مسميات غير عن سلم الشركة الموحد بمعنى ان نائب عضو منتدب يقصدون فيه مرتبة تيم ليدر في شركات القطاع و التيم ليدر عندهم اهو سوبيرفايزر في شركات القطاع ... فوالله ما ادري هل انت تعلم المعلومة هذي و ما ذكرتها لسبب ما .. هل ما تعرفها ؟ ... هل المعلومة هذه خطأ اساسا ؟؟ الله اعلم بما بالنفوس

    ثانيا انا عندي تساؤل برئ (والله انه برئ) هل بالصدفة انك قررت تتجاهل هذه الرسائل اللي تجيك عالخاص الى هذا التوقيت بالذات اللي يترقب فيه التعيينات ؟

    و اخيرا ارفع لك القبعة احتراما لاسلوبك
     
  11. خميس الخامس عشر

    خميس الخامس عشر بـترولـي خـاص أعضاء الشرف




    الساعه 5 وقرب انتهاء الشفت .. والبرد يجمد الأطراف وبروح الفحص الفني تامين الفانتوم انتهى ... والدرب للبيت طويل في هالبرد اللي يجمد الأطراف ..

    لكن .. برد على واحد نكه جمران او حران.. لايهم

    اخ جبان ... ماحب اللي يكتب بالموضوع عن شي ويدش بالرسائل الخاصه ويكتب شئ يناقضة ...

    اذا عندك شي ضدي لا تعطل نفسك حطه في السي ان ان ، في كل مواضيعي تدخل تقط لك مهاجمه لي وتنحاش .. اذا انت تملك ذرة شجاعه ( واعتقد من اللي حطيته عنك انك تفتقدها ) حط اللي ببطنك لا تقعد تراوغ وتزابد من ورى الشاشه .. انا عندي مسؤول اسمة وزير اوصل له المعلومه اللي توصلني وموثقة ... ولا اعترف بمجلس البصامه ... واعرف ان الشيخ احمد ماعنده يمه ارحميني ..

    ولمعالي الوزير .. تتذكر في يوم استجواب وزارة الصحة .. رجعت للوزراة وقطيت عقالك على المكتب امام شخصين وقلت لهم اغدروا فيني من وثقت فيهم ويعملون معاي .. هل ستنتظر حتى تغدر فيك هذي النوعيه من المسؤولين ؟؟ هل ستنتظر حتى تقرأ بيان مثل البيان الكاذب الذي غرر في جابر الخالد فيه ونتفوه العالم ؟؟ هل ستنتظر حتى يطلب منك الإستقاله ؟؟

    مخلفات الغزو لازالت في القطاع .. والأمر بيدك وليس بيد غيرك

    اذان الفجر ينادي على الصلاة .. نروح نصلي وندعي الله ان لايؤاخذنا بما فعلت الست هانم ...

    لاتخاف ياعزيزي ماراح انشر شي في المنتدى بناء على طلبك ... وجمران مايهمني لاهو ولا اللي اكبر منه واحنا عارفينه من يكون ( وللأسف كم عمره ) بس مشكلة الواحد اذا زاد عمره وصغر عقلة ماله علاج .. بناخذه على قد عقله مايعرف ان في المنتدى اداره ومشرفين ( واستخبارات انا قائدهم ) نلقط الشخص واهو يسجل نكه من يكون ووين موقعه وشنو توجهه ( انبطاحي او انتهازي او مصلحجي او تبع او منافق ) بس الله يهدي من اخذ من العمر حقة واتمنى يلتفت ( لآخرته قبل فوات الأوان ) ...

    والأخ حران يعتقد في قرارة نفسه انني شخص ما اطلع من اسمين واحد مو موظفينة وواحد من قسم الإطفاء .. وانا بجاوبة .. انا ابعد ما اكون عن خيالك الوردي .. اذا تحب بدق عليك ولا عندي فيها بس اتدلل في الخاص


    .
     
  12. خميس الخامس عشر

    خميس الخامس عشر بـترولـي خـاص أعضاء الشرف

    بسم الله عليك

    لاتخاف احمد العبدالله بسوي اللي ماسواه غيره وانطر وراح تشوف ..
     
  13. خميس الخامس عشر

    خميس الخامس عشر بـترولـي خـاص أعضاء الشرف

    آسف ...

    وهذي تجربة ...انشاء الله
     
  14. خميس الخامس عشر

    خميس الخامس عشر بـترولـي خـاص أعضاء الشرف

    والراتب يتضاعف ؟؟ اذا جذي باجر بروح اقدم عندهم على مساعد نائب رئيس ..



    تساؤلك في محله ...

    لأن احنا ملينا من هالدينصورات اما آن الاوان لها ان تلحق بعصورها البائده ..
     
  15. jamabdulla

    jamabdulla بـترولـي نشيط جدا

    ماهمني ضعيف راي وقيل وقال .. امشي حافي بزمن كلة جزم ..
    i love this............. way to go khamees
     
  16. خميس الخامس عشر

    خميس الخامس عشر بـترولـي خـاص أعضاء الشرف

  17. بوسلمان

    بوسلمان بـترولـي نشيط جدا

    261
    20
    18
    ذكر
    مشغل
    الكويت
    خميس الخامس عشر



    عسي الله يكتب الخير لهالبلد . . .


    ويفضح كل من يحابي قرايبه وربعة علي المصلحه العامة .. ويظلم الناس


    وربي يحاسبهم علي كل فلس حراام . .




    مشكووور ياخوي !!!
     
  18. جمران

    جمران بـترولـي جـديـد

    23
    0
    0
    خميس، والله أني أشفق عليك، لأنك صاحب فرقعات لا تسمن ولا تغني من جوع.
    ذكرتني بسمير القلاف مع إبراهيم الصلال في مسلسل الأقدار، يوم إبراهيم الصلال يقص قصة راكان أبن حثلين مع الأتراك، حين كان مأسوراً لدى الأتراك، وسمير القلاف منصت لابراهيم الصلال ومحول هيدروليك أشدوقه Manual ، وفجأة ينطق القلاف لا لااااااااااااااااااا، وبعدين.
    يا أخي حرام تتهم لك شخص برئ، بأن تدعي انه بدون قبل الغزو وكويتي بعد التحرير، ولم تبين للإخوة القراء، هل كان بدوناً خلال الفترة ما قبل الغزو وبعد سنة المطاقة (البطاقة) ؟ أم قبل سنة المطاقة أيضاً ؟
    الشيء الثاني لا يكون مقطع السمكة وذيلها يوم حطيت نسخة من الخبر الصحفي لشركة أيكويت بتعيين السيد/ صلاح الخرجي نائبا لرئيس ايكويت للشؤون المالية.
    تقصد هذا الخبر
    ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

    خلفا لعبدالكريم مبارك
    تعيين صلاح الخرجي نائبا لرئيس ايكويت للشؤون المالية

    الكويت، 8 يناير 2011 -- أعلنت شركة إيكويت للبتروكيماويات عن تعيين صلاح الخرجي في منصب نائب الرئيس للشؤون المالية.

    وخلفا لعبدالكريم مبارك الذي تولى دفة الشؤون المالية في شركة ايكويت منذ عام 1999، يشغل الخرجي هذا المنصب بعد اكثر من 17 عاما في المجال الوظيفي حيث تقلد مجموعة من المناصب في مؤسسة البترول الكويتية وشركة صناعة الكيماويات البترولية التي تولى فيها رئيس فريق المالية.

    وخلال حفل تكريم مبارك بحضور العديد من قيادات قطاع البتروكيماويات، قال الرئيس التنفيذي لشركة ايكويت حمد التركيت "تم اختيار الخرجي بناء على معايير الخبرة والكفاءة والمؤهلات المهنية التي تمثل قيمة مضافة ذات فائدة مباشرة لمؤسسة عالمية مثل شركة ايكويت التي تتعامل مع موظفيها بصفتهم اهم اسس النجاح وتعيين الخرجي بمثابة اضافة ايجابية لجهود استقطاب الكفاءات الوطنية التي تبذلها شركة ايكويت".

    وعبر التركيت عن خالص الشكر والتقدير لعبدالكريم مبارك "لدوره الحيوي في تطوير ونمو الشركة منذ انضمامه اليها في عام 1996، حيث ساهم في العديد من المجالات الهامة التي منها تمويل وتاسيس شركة ايكويت وشراكة ايكويت 2".

    وتضمن حضور الاحتفالية رئيس مجلس إدارة شركة ايكويت يوسف العتيقي، ورئيسة مجلس الإدارة العضو المنتدب لشركة صناعة الكيماويات البترولية مها ملا حسين، وكوكبة من قيادات قطاع البتروكيماويات في دولة الكويت.

    تمثل شركة ايكويت للبتروكيماويات التي تاسست سنة 1995 شراكة عالمية بين شركة صناعة الكيماويات البترولية وشركة داو للكيماويات وشركة بوبيان للبتروكيماويات وشركة القرين لصناعة الكيماويات البترولية. وبدأت شركة ايكويت عمليات الإنتاج في شهر نوفمبر 1997، وهي حاليا المشغل الوحيد لمجموعة متكاملة من المصانع ذات المواصفات العالمية التي تنتج أكثر من 5 ملايين طن سنويا من المواد البتروكيماوية عالية الجودة التي يتم تسويقها في الشرق الاوسط وآسيا وأفريقيا وأوروبا.
    ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
    بابا هذا خبر صحفي منزل بالجرايد، شنو الجديد اللي جايبه أنت ؟ أفرك عيونك عدل، هذا مو خبر سري، يعني الكل عارفه.
    والله أني أشفق عليك، لأنك إما توهم نفسك أو توهم الآخرين بأن لك خط ساخن مع معالي الوزير، يا أخي لا صرت لهالدرجة تمون على معالي الوزير، إلى درجة أنك تطلبه يقول لك نوع العطر اللي حاطه، مدري تطلبه العطر نفسه !!
    تكفى والله يرحم والدي والديك، عطه الإثباتات اللي عندك عن الفساد اللي مستشري في القطاع النفطي، وبالخصوص اللي بشركة الست هانم، وبيض الله وجهك إلا عيونك.
    إلا على طاري شركة الست هانم، وش أخبار الغداء اللي مسويه لـ (س.م.ش) و (ع.ن.ر) نقدر نفهم منه إنه عربون طيحت الحطب اللي بينكم ؟
     
  19. LaRambla

    LaRambla بـترولـي خـاص أعضاء الشرف

    2,041
    3
    38
    الحين عقب ما فضحك جاي تتكلم عليه
     
  20. عامل كويتى

    عامل كويتى بـترولـي نشيط

    111
    0
    0
    ابو سعود احسبك عند الله انك رجل نظيف وانت
    كذلك انشاءالله وانا اشد على ايدك فى فضح ديناصورات القطاع النفطى
    واللى قالوا عنها الكثير ان المافيا فى هذا القطاع مترعره ومتشبعه بالنفط الخام
    واللزوجه نحن لا نريد الا الحقوق للعمال واعطاءه للمستحقين
    ليس بغريب على الله يتغير الحال للاحسن ومثال حى تونس حكم استبدادى لمده 23سنه
    راح فى شهر
    لانريد الا الاصلاح فى هذا القطاع الحيوى
    مع انه عندى امل نهايه الديناصورات ليست ببعيده
     
جاري تحميل الصفحة...

مشاركة هذه الصفحة