يعني شنو نظام عقود بال knpc

الكاتب : ام نواف | المشاهدات : 2,108 | الردود : 13 | ‏18 يناير 2011
  1. ام نواف

    ام نواف بـترولـي جـديـد

    9
    0
    0
    ابي اعرف يعني شنو نظام عقود بال knpc

    نظامهم سبهلله ؟؟

    يوقعون ويمشون ؟؟ولا دوام رسمي ؟؟؟

    وابي شرح وافي عن العقود ؟؟؟
     
  2. الشكوىى لله

    الشكوىى لله بـترولـي مميز

    773
    0
    16
    القطاَع النفطي الخاص
    الكويت
    صباح الخير

    التقديم عن طريق مؤسسة الkpc
    ( أختبآر ,مقآبله شخصيه )
    واختيآرك لأحدى الشركات الخاصه
    التابعه لشركات نفط الكويت
    العقد بيكون 5 سنين او أقل ويتجدد تلقائي
    ومن المميزات ( نظام التكويت )
    http://www.q8ow.com/vb/showthread.php?t=33989
    دوام رسمي يا أم نواف..

    بالتوفيق**
     
  3. ربينا سوا

    ربينا سوا بـترولـي خـاص

    الأخت الكريمة /أم نواف..

    الإخوان في العقود الخاصة هم شباب يحملون شهادات مختلفة ما بين ثانوية ودبلوم..

    مشكلتهم أن الزمن جار بهم (وتصارع الواسطات) (وكسر العظم بين القياديين)

    حرمهم من التوظيف بالشركات النفطية مباشرة وأجبروهم للعمل بالقطاع الخاص للقمة العيش

    وحل بدلهم (كومار ونضير الحق ومدحت وفرناندو)..!!

    هم الآن تحت رحمة التجار وتحت (تشمت الناس بهم) كالذي يقول (نظام سبهلله) و (يوقعون ويمشون)

    (ولا دوام رسمي)..!! عرفتي الآن حالهم يا أم نواف..!!؟؟

    لا بونص.. ولا تذاكر.. ولا رواتب مثل الناس.. ولا إجازات مثل البشر.. ولا قانون يحميهم..

    حتى الطبيات تخصم من رواتبهم.. ويا ويله إذا غاب..

    وبعض الناس عندنا في الشركة تدخل عليه في مكتبه الصغير.. تلقى تحف (بومية فلس) تارسه الطاولة..

    ومسوي نفسه أو (نفسها) وزيرة.. وهي لا شغل ولا هم يحزنون.. مجرد تكملة وبطالة مقنعة..

    أتمنى الآن عرفتي يا أم نواف من هم (السبهلله)..

    على فكرة سوق (طيور الجنة) يايب بضاعة حلوة لا إتطوفج..!!
     
  4. ام نواف

    ام نواف بـترولـي جـديـد

    9
    0
    0


    كل يوم في بضاعه يديده في طيور الجنه لا تطوفك يا حبيبي انته وبعدين انا اسال وابي جواب مابي احد يتفلسف علا راسي
     
  5. ربينا سوا

    ربينا سوا بـترولـي خـاص

    كلمة (على) تكتب هكذا بالألف المكسورة.. وليس (علا) بالألف المرفوعة..!!
     
  6. الحربي_77

    الحربي_77 بـترولـي جـديـد

    10
    0
    0
    انتي ليش موعاجبينج الي بالمقاول من حقنا نوقع ونمشي لانه المسؤوولين موقاعدين يعطونا حقوقنا ومعامله سيئه جدا وشوفي الشكاوي بالجرايد والنقابه قبل لااتذمرين
     
  7. محمد التيسي

    محمد التيسي بـترولـي نشيط

    74
    0
    0
    سبحان الله وبحمدة سبحان الله العظيم
     
  8. محمد التيسي

    محمد التيسي بـترولـي نشيط

    74
    0
    0
    على فكرة الرد في السابق لكي يصل مشاركاتي 50 واصوت بالاستفتاء
     
  9. sami75

    sami75 بـترولـي جـديـد

    5
    0
    0
    CONTROL ROOM OPERATOR
    KW
    الشركة صارت مثل البلدية الكل يبي يشتغل فيها ويستلمون رواتب وهمهم الوحيد وقع وامش وسبهلله ولا يبة زين !!!!!
     
  10. سلومكو

    سلومكو بـترولـي مميز

    563
    0
    0
    لا أله ألا الله عليج

    كل هالأجابه وتقولين أبي جواب .!!

    ياأختي الزميل وضح لج كل شي وبالتفصيل الممل بعد أكثر من جذي شتبين بعد

    بالمختصر المفيد أختي يعني قطاع أهلي او قطاع الخاص بشركات خاصه تاخذين معاش من الشركه ومعاش من دعم العماله

    أنحاشي منهم ولا تشوفينهم مووووليه ناس أعوذ بالله لايرحمون وجذاب اللي يقول ماكو دوام

    الا دوام ويهد الحيل بعد , ( ومحرومه من كل الحقوق ومن أي مميزات كموظفه ) , حتى المرضيه اللي هي مرضيه يخصمونها عليج ترا

    أختي هالكلام اللي قلته مو كلام ناس ولا بطيخ , هذا اخوي ماغيره أكثر من 4 سنوات مداوم معاهم لين زهق حياته وعاف المسكين حتى نفسه

    يعني عادي لاتنصدمين لما يتأمر عليج وافد او وافده ومعاشج بأيدهم ويبطون الجبد بعد

    بحاله وحده بس داومي عندهم , اذا لج احد من قرايبكم او من اهلكم , وتداومين عنده هذا شي ثاني لانه ماراح يخليج طبعا ويخليج ترتاحين أنشالله


    ولكن غير هالكلام , لا أنحاشي منهممممممم ولاتشوفينهم مووووليه

    وبالنسبه للاخ ترا كلامه كله عشانج وفازع لج ترا مو عليج يعني ولكن يمكن مافهمتيه


    والله يرزقج ويوفقج أنشالله
     
  11. ربينا سوا

    ربينا سوا بـترولـي خـاص

    الظاهر فهمت المغزى يا أخ سلومكو..

    الحمد لله.. والتائب من الذنب كمن لا ذنب له.
     
  12. PQC

    PQC بـترولـي جـديـد

    2
    0
    0
    الحمدالله على كل حال عااادي الكلام اللي تقولونه صح بس مفي داعي شوي في كلام صعب أتمنى أن الكل يكون حذر بكلامه احنا اللي بنشتغل بهالقطاع وانا منهم مظلومين وانداوم وشحلاتنا ونشتغل بس ماااافي تقدير انا مادري لي متى بنضل ساكتين على هالظلم سواء كنا وافدين او كويتين وانا والحمدالله وافده أتعب بشغلي وفي كويتين نفس الشي يتعبون ويكدون أكثر مني بعد بس في ناس للأسف تاخذها من منطلق ثاني نفس بعض المعلقين اللي جابو سيرة الوافد ما يقولون ويجمعون ان الكل يتعب ويشتغل وفي ناس طبعاً غير ملتزمة وقاطة كل الحمل علينا طبعا كويتي أو وافد مالا شغل هذا يرجع للشخص نفسه اذا كان يراعي الله بعمله بس اهم هالقطاع مو قاعدين يراعون الله فينا ليييي متى ماندري وهم نسكت ونقول الحمدالله في ناس غيرنا مو لاقية الشغل
     
  13. ربينا سوا

    ربينا سوا بـترولـي خـاص


    يا ليت صاحبة الموضوع تقرأ هذه المقالة الرائعة التي تتسم بالعقلانية

    وبروح المسؤولية وعدم التدخل بشؤون الغير..

    مقالة رائعة أنحني لها إحتراما وتقديرا.. كل الشكر وبارك الله فيك ياPQC
     
  14. المحبه

    المحبه بـترولـي جـديـد

    2
    0
    0
جاري تحميل الصفحة...

مشاركة هذه الصفحة