ظلم التقييم السنوى من من..؟؟؟

الكاتب : jemi | المشاهدات : 2,483 | الردود : 22 | ‏16 يناير 2011
  1. jemi

    jemi بـترولـي نشيط جدا

    239
    0
    0
    السلام عليكم

    اخوانى لا يخفاكم الظلم الذى وقع على موظفين الخفجى من خفض التقييم من درجة B الى درجة C وخصوصا للناس الى تداوم وليست محسوبه على احد من احزاب الدائره المتنفذه بالقرار التقييم وغيره من الامور نريد حل وفضح من وراء هذى العمليه ومسائلته لانه اوقع ظلم كبير على فئه كبيره موظفين مما ادى الى احباط فى المعنوياتهم.
     
  2. اللهم عليك بالظالمين

    اللهم عليك بالظالمين بـترولـي نشيط جدا

    273
    13
    18
    انا اطالب التقييم لل B يكون 50% للكويتيين و 50 % للسعوديين لان صارت من نصيبهم اكثر "لا تقولون لي على الكفائة والاداء لانه بالاساس على المحسوبية واذا هذي طريقتهم افضل تكون بالنصيفة بينا و بينهم
     
  3. king99

    king99 بـترولـي نشيط

    56
    0
    0
    صح كلامك بحيث انه في قسم من دائرة معروفة يرأسها سعودي الكويتي مايطول الb مع العلم الكويتي مع إنه كفاءة ولكن المحسوبية فوق كل شيئ. الله المستعان.
     
  4. بوراكان

    بوراكان بـترولـي نشيط جدا

    281
    0
    0
    اسئلوا المجادي عن هالقرارات الحلمنتيشيه

    عيل مهندس حفر ,, يقضبونه الاتش ار ؟؟

    حفر معنوياتنا حفر
     
  5. جابر

    جابر قــلــم بــتــرولــي أعضاء الشرف

    هلا بوراكان ..الله يعينا ...

    إشاعه : يقولون التعليمات من الكويت والقصد منها (خفس) قيمة المشاركه بالنجاح
     
  6. هدار

    هدار بـترولـي جـديـد

    42
    0
    0
    شرايكم الدوائر اللى مديرها كويتى يأخذ الكويتين الb واللى مديرها سعودى يأخذ السعوديين ال B والله هالشركة خير ونعمه لكن لا الكويتين عاجبهم الوضع والا السعوديين كثير منهم يبى كل شىء بدون تعب ولا عمل.
     
  7. Engr q8i

    Engr q8i بـترولـي نشيط

    57
    0
    0
    ياجماعة الزيادة السنوية كانت وفق نسب على كل دائرة وهي على النحو التالي:
    أ: 5 ٪ من جميع موظفين الدائرة من غير المدير
    ب: 30 ٪ من جميع موظفين الدائرة من غير المدير
    ج: 50 ٪ من جميع موظفين الدائرة من غير المدير
    ه : 15 ٪ *من جميع موظفين الدائرة من غير المدير
    انا اول مرة اشوف شركة تقيم نفسها من الشركاة الرائدة في انتاج النفط اغلب موظفينها يدوب انتاجهم متوسط وأقل والله تناقض بس ولا يهمكم بو ناصر عوضنا خير عن حسبة الجعصنة هاذي وعسى عمره يطول.
     
  8. جابر

    جابر قــلــم بــتــرولــي أعضاء الشرف

    ياباش مهندس هذا يسمونه bell curve appraisal system أو forced ranking وهذا متعارف عليه ..وإن كانت أحيانا النسب تختلف ..

    يعنى المفروض بهالنظام ..فرز الموظفين فى كل قسم من الأفضل إلى الأسوأ وبناء على النسب ..يطلع التقييم ..

    وهذا مو أحسن النظم ..لكنه يظل فعال نوعا ما ..

    على كل حال ..

    المشكله مو بالنظام .. المشكله باللى يطبقونه ....

    المشكله بحجم الدوائر والشغل الموزع عليها ...وحتى الشغل بين الأقسام ..توزيعه غير عادل ..

    وممكن ينتهى الأمر بشخص شايل قسم كامل والباقين يلعبون ..إنه يأخذ C ..مثله مثل اللى مايشتغل ... لأن هالقسم برأى المدير مو بأهمية الأقسام الباقيه ..

    الله يعين ..وربك كريم ..وحقك اللى ما تأخذه اليوم ..يعتبر دين لك ..تأخذه يوم الحساب
     
  9. فوركسي

    فوركسي بـترولـي نشيط

    53
    0
    0
    اقسم بالله مسخرة وظلم ناس تداوم وتشد حيلها وناس ماتفهم اقل الاشياء المطلوبه وياخذون نفس التقييم
     
  10. AZIZ77

    AZIZ77 بـترولـي نشيط

    135
    1
    18
    اكثر دائرة انظلموا هم قسم الامن الصناعي وانا واحد منهم
    دائرة المدير سعودي
    ورؤساء الاقسام سعوديين
    والظلم واقع علينا عيني عينك
    واذا طالبت بحقك قالك شوف لك دائرة ثانية
    شغل عصابات ومحسوبية
    والكويتي برة الحسبة
    بس ما نقول الا حسبنا الله ونعم الوكيل
     
  11. Engr q8i

    Engr q8i بـترولـي نشيط

    57
    0
    0
    والله النسبة فيها شغل حساوية ومن اختراعات مهندس الحفر المذكور وبعدين لما رفعوا سقف الراتب تغير نص المربوط الي يعتمد عليه التقيييم السنوي راحوا وغيرو الطريقة وحطو الزيادة رقم ثابت وليس مضروب بنسبة والله كريم وماجدد حق رئيس الشركة بالكويت مو كافي عليه 100 الف ريال راتب اكثر من معاش وزيره
     
  12. عذبي

    عذبي بـترولـي نشيط

    121
    0
    0
    ما اعتقد الكلام صحيح اخي جابر .
     
  13. khafji gangsta

    khafji gangsta بـترولـي جـديـد

    5
    0
    0
    والله المسخرة صج إن دائرة الفرضة والبحرية مافيها ولا كويتي ماسك منصب رسمي

    فيها واحد سوبر فايزر تعميم داخلي

    والسستم ess حاطينه ترانزيشنال

    بمعني والله إذا ماثبت نفسه بواسطة والله يشيلونه ويحطون سعودي

    ويوجد موظف عندهم أذوه أذية العالمين

    شوية معدان وهكرة

    لأنه كويتي ويغارون منه

    وللأسف لانقابة نفعته ولا كويتيين غيرهم

    والي يضحك زيادة إن عصابة علي بابا قزروها على سفرات شرق آسيا

    ويقولون للأخ المظلوم مالك حق حتى بالدورات الي تعقد داخل الشركة

    أنت ما تحتاج أنت موظف زين

    خافوا ربكم يانقابة والتفتوا لمصيبته

    اليوم حط إعلان يبي أحد ينقله

    أخوكم بو عبدالرحمن المطيري


    http://www.q8ow.com/vb/showthread.php?t=35038
     
  14. AZIZ77

    AZIZ77 بـترولـي نشيط

    135
    1
    18
    والله الحال من بعضه
    شوفوا دائرة الامن الصناعي
    الحال من سيء الى اسوأ
    الغرض منه تطفيش الكويتيين
    من قبل المسؤولين الهيلقية
    شغل عصابات وواحد يحفر للثاني
    جعلهم يطيحون بحفرة ما يطلعون منها
     
  15. جابر

    جابر قــلــم بــتــرولــي أعضاء الشرف

    صدقت . وأنا نوّهت إنها إشاعه ..الله يعين :)
     
  16. جابر

    جابر قــلــم بــتــرولــي أعضاء الشرف

    شد حيلك وجيب الشهاده ..وقب من هالدائره ..لأن الوضع عمره ماراح يتغير هناك :eek:
     
  17. Bomesh3al

    Bomesh3al بـترولـي جـديـد

    48
    0
    0
    والله و نعم فيك يا بوعبدالرحمن

    أي والله صادق ياخوي ابتلشنا فهالأشكال !!

    الله يفكنا من اخلاقهم النتنه و التعامل الشين مالهم ... قوتهم لا تجمعوا و لا كان واحد فيهم بروحه ربعه مو معاه تلاقيه يدور رضاك ... و مابي اكمل اقول شنو يسوي .. اعتقد تعرفون قصدي ..

    النفاق شين ماهو رجوله
     
  18. أبو الوليد

    أبو الوليد بـترولـي جـديـد

    49
    0
    0
    تسلم يابو عبدالرحمن

    صادق والله

    وأنت بعد صادق بو مشعل
     
  19. q879

    q879 بـترولـي نشيط

    73
    0
    0
    لا تضيعون وقتكم الدعوة محسوبيات وبس ، ولكن للتحمل عمليات الخفجي المشتركة التراجع في أداء العمل خصوصا عند الكفاءات ، وأصبح التقييم في عمليات الخفجي المشتركة مثل السحوبات في الشركات التجارية حض يا نصيب وليس للكفاءات ، وليعلم رئيس اللجنة التشغيلية المشتركة م . نزار العدساني انه سوف تسجل هذه الإخفاقات في فترة توليه المسئولية إن لم يسارع في حل هذه المهزلة ، ألم تلاحظ يا ابوفجحان كثرة الشكاوي التي عرضة عليك هذا العام خلافا للسنوات الماضية ، يا ابو فجحان أختم رآستك للعمليات بالذكر الحسن ، وخير ما يختم الرجل رآسته بالذكر الحسن .
     
  20. khafji gangsta

    khafji gangsta بـترولـي جـديـد

    5
    0
    0
    لا والله الدعوة مو محسوبيات يا q879

    الدعوة سعودي وكويتي وأنت تدري وأنا أدري والكويتيين يدرون والسعوديين يدرون

    في دائرة قذرة بالشركة فيها 3 أقسام أعتبرهم صرف صحي أو ما يشبه ذلك

    مافي ولا كويتي طلعوه كورس خارجي السنة الي فاتت إلا اثنين

    وهالسنة مو مسجلين أحد منهم

    ونص السعوديين مطلعينهم على اسبوعين


    المشكلة في الشركة إن أقلية حقيرة من إخواننا السعوديين يتعاملون معانا كأننا أعدائهم
    وللأمانه الأغلب رجال

    ولكن هالأقلية ***** من ***** الي يحملون الجنسية السعودية يبيلهم أحد يغسل قلوبهم من الغيرة من الكويتيين

    هذي المشكلة


    محسوبيات مافي


    أرجوا أن لا يظن أحد أني أقصد الأغلبية الساحقة من السعوديين الشرفاء


    أقصد ***** بس


    بو عبد الرحمن
     
جاري تحميل الصفحة...

مشاركة هذه الصفحة