ودك تصير مدير ولا نائب مدير؟؟؟

الكاتب : kuf-1 | المشاهدات : 1,043 | الردود : 14 | ‏11 ديسمبر 2007
  1. kuf-1

    kuf-1 بـترولـي نشيط

    86
    0
    0
    ودك تصير مدير ولا نائب مدير او تاخذ اي منصب؟؟؟ شنو المواصفات الى لازم يتمتع فيها الموظف علشان يترس عين " طال عمره" ؟؟؟ و شنو الصفات المشتركة بين مدراء كوفبك ؟؟ نترك مجال للمناقشة علشان نعرف طر يجنا حق فوق :confused:
     
  2. KingLear

    KingLear بـترولـي نشيط

    ماحب انزف، ابي تقاعد طبي
     
  3. KingLear

    KingLear بـترولـي نشيط

    وأبي بيت حكومة ونائب معاملات يضبّطني
     
    آخر تعديل: ‏11 ديسمبر 2007
  4. scout leader

    scout leader بـترولـي نشيط جدا

    370
    0
    0
    موظف
    الكويت

    والله أنت أنسان قنوع

    أنا ودي أصير مدير ... بس بشخصيتي أقدر أمشي أمور إدارتي مو بالأعصاب ولا بطأطأت الرؤوس :)
     
  5. KingLear

    KingLear بـترولـي نشيط

    سكاوت،

    طلعلك رخصة قهوة بخيطان، وجيبلك 30 اقامة وبيعهم على الف دينار بمصر.

    دام هذا طبعك، دوّر ربعك

    بهالزمن محّد يبي مدير جذي الا القطاع الخاص
     
  6. Kufpec Employee

    Kufpec Employee بـترولـي نشيط جدا

    372
    0
    0
    ودك تصير مدير؟ أنا ودي ولكن ماحصلي
    أم ودك تصير نائب مدير؟ إيى صراحة عشان لو يقولون لي عن خطأ اقطها براس المدير :p
     
  7. BlueMan

    BlueMan بـترولـي جـديـد

    13
    0
    0
    ما ودي اصير مدير ... للاسف المدراء زفتهم ابيزه مساكين .. و مهتزه صورتهم بعيون موظفينهم .... ماكو قرار.. في ضغط عليهم ... وايد اشياء بس ماني حاب اتعمق بعدين تقولون ممنوع ما ممنوع .........خلوني نائب مدير .. علشان الزف و التحلطم ايي ابويه المدير و انا اكون محبوب الموظفين
     
  8. scout leader

    scout leader بـترولـي نشيط جدا

    370
    0
    0
    موظف
    الكويت



    على فكره مشروع القهوه وايد مربح عن دراسه

    بس خيطان ؟؟ شوي فيه صعوبه بالربح :p

    بس إذا أنت قلت جذي وأنا قلت مثلك وغيرنا قال نفس الشي

    متى راح نتطور ونصير عالم ثاني !!؟؟
     
  9. The^Queen

    The^Queen بـترولـي نشيط جدا

    288
    0
    0
    ودك تصير مدير؟
    شستفيد؟
    ودي براحه البااااااااااااااااااااااااااااااااااااااااااااااااال
    وعشترعش الف علي بالعافيه اصرفهم علي جناط واشياء غير مفيده
     
  10. Kufpec Employee

    Kufpec Employee بـترولـي نشيط جدا

    372
    0
    0
    الوظيفتين ثنتينهم فيهم مسئولية كبيره،،، نائب المدير إذا غاب المدير فيعتبر مدير الدائرة لين يرجع المدير ،،، إن صار شي بالدائرة كلاهما مسئولين مثل مافي وزراء إذا صار شي بقسم صغيرونو في وزارتهم على طول يابو الوزير بكبره سووله استجواب وهو ماله شغل مسكين.
    لالا خلاص هونت مابي اصير نائبه مدير
     
  11. scout leader

    scout leader بـترولـي نشيط جدا

    370
    0
    0
    موظف
    الكويت


    هدفك بالحياه؟؟

    أكيد الآخره والفوز برضى الرحمن

    بس شنو راح تفيد الكون وأنت موظف عادي

    وشنو راح تفيد لو أنت متخذ قرار

    شنو الفرق بين اللي يشتري جنطه ويكشخ فيها

    وشنو اللي يقول عن المنصب " تكليف مو تشريف"

    في فرق بين الأنهزامي والعصامي

    في فرق بين الضعف والقوه

    لكن بالنهايه الهدف واحد

    نعبر في هالحياة :)
     
  12. The^Queen

    The^Queen بـترولـي نشيط جدا

    288
    0
    0
    سكاوت
    ماشفت توقيعي؟ ماقريت شمكتوب فيه؟؟؟؟؟
    طموحي مو شرط دوامي
    تميزي مو شرط بثمن الساعات
    الانسان اللي مايلقا طموحه بشغله مو معناته نهزامي
    في مجالات ثانيه لي ابدع فيهم
    في شي اسوه هوايه
    في شي اسمه احتراف
    في شي اسمه طموح
    والطموح ماينحصر بكرسي او دوام
    المهم اني قاعده اادي واجبي ارضي ضميري
    ومومعناته اني اله تتحرك بروتين وتمشي بنظام
    الحمدلله عندي نجاح افخر فيه وارفع راسي فيه ويحسدني غيري عليه
    مو ظروري يكون كرسيي ولو ان بعمري اللي انا الحين فيه وصلت شي غيري مايوصله وشغلي قاعده اعطي فيه وماقصرت
    ولكن قاعده اركز وابني في مجال اخر ومو المطبخ علشان ماتقولون حريم حريم لان سيدا هذي فكرتهم
    في هوايه ولهوايه حمايه
    في نجاح بس مو شرط يكون كرسي صح والا لأ!
     
  13. scout leader

    scout leader بـترولـي نشيط جدا

    370
    0
    0
    موظف
    الكويت
    كلامج صح 100%

    من جهه

    ومن جهه اخرى

    إذا كلنا حطينا في بالنا الهوايات والامور الثانية وتركنا التكيز على الترقي الوظيفي
    ماراح يكون عندنا بالمستقبل قياديين وهني راح نحتاج خبرات أجنبيه ((والله يستر منها)) :)
     
  14. بنت القطاع النفطي

    بنت القطاع النفطي بـترولـي جـديـد

    17
    0
    0
    صح كلامك والله ،

    ما نبي الكرسي ، لان الانسان بطبعة طماع ، واخاف اذا وصلنا للكرسي نظلم ، ونسى كل شيء ، المهم نفسنا ،



     
  15. scout leader

    scout leader بـترولـي نشيط جدا

    370
    0
    0
    موظف
    الكويت
    إذا كان الهدف الكرسي مشكله
    لكن إذا كان الهدف الرياده فهذا الإنجاز بعينه :)
     
جاري تحميل الصفحة...

مشاركة هذه الصفحة