شكوى بخصوص اجازة اداء الاختبارات

الكاتب : Failakawe | المشاهدات : 1,213 | الردود : 6 | ‏11 يناير 2011
  1. Failakawe

    Failakawe بـترولـي نشيط

    96
    0
    0
    السلام عليكم

    بخصوص اجازة اداء الاختبارات المؤسسة تعطي 30 يوم في كل سنة دراسية

    ولكن فريق التطوير الوظيفي مسوي قانون من كيفه وهو : انك تاخذ فقط يوم اداء الامتحان اجازه بيومها

    يعني اذا عندك امتحان يوم الاحد ويوم الاربعا .. تقسم الاجازة اجازتين وحده يوم الاحد ووحده يوم الاربعا !!! علما بأنه حسب علمي ان هذه الاجازة هي للدراسة واداء الاختبارات

    وايضا لايوجد اي قانون او شيئ رسمي يثبت هالشيء الذي يقوله رئيس فريق التطوير الوظيفي

    وملاحظة اخرى : في الكورسات السابقة كنا نأخذ اجازة اداء امتحانات تمتد الى اسبوعين في كل كورس .. يعني كنا ناخذ اجازة قبل الامتحان بكم يوم عشان ندرس ونقدم اختبارات ... وهالكورس تغير هالشي من دون ابداء اي سبب او اعطائنا دليل يثبت هالكلام (هل من المعقول ان يكون للموظف الدارس في الكويت 30 ماده في السنة ؟؟) هذا الشي غير معقول يعني مجموع المواد لايتعدى 8 .. عيل ليش يعطونه 30 يوم ؟؟ يعني لو هالقرار صحيح فكان من الاجدر ان يضعون قانون يقول : ان اللي يمتحن داخل الكويت ماياخذ الا اسبوعين بالسنه كحد اقصى

    اجازة الاختبارات لاتتعدى 30 يوم في السنة يقسمها على فصلين دراسيين .. وهذا حق مكتسب للعاملين الذين يدرسون فلا يحق لأي موظف مهما كان موقعه أن يسلب حق من حقوق العاملين .. وان كان هناك قرار بذلك فيجب عليه التوضيح


    أرجو من كل من لديه هذه المشكله او يعرف احد عنده هالمشكله ان يرسل رقمه او رقم الموبايل عالخاص او هني بالموضوع عشان نجمع تواقيع لعمل شكوى جماعية رسمية على هذه القرارات التي ليس لها اي أساس أو اي قانون كي لاتضيع حقوقنا بسبب المزاجية والمحسوبية
     
  2. Ahmad Alenezi

    Ahmad Alenezi بـترولـي نشيط

    53
    0
    0
    الله يعينكم يارب و يوفقكم

    يوم واحد حق الامتحان بس اجازاه والله جريمه

    بس بصراحه تعجبني والله لانه الحين المفروض اللي يكلمك في اي شي المفروض تساله وين القانون وين الورقه اللي تثبت لانه منتشره سالفه في قانون يقول جذيه و قانون يقول جذيه واهو اصلا مافي قانون بكيفهم الشباب

    وياليت يدزون في البوست ماستر بين فتره و فتره لائحه بحقوق العاملين عشان نتوعى بعد ونفهم شاللي لنا و شاللي علينا

    مشكور على موضوعك اخوي والله يوفقك و يوفق الاخوان اللي يدرسون جميعا
     
  3. Failakawe

    Failakawe بـترولـي نشيط

    96
    0
    0
    اشكرك احمد على تفاعلك

    وكلامك 100 % وايد صارت ان الواحد يقول قانون وقرار واهو لا في قانون ولا قرار ... ويجب ان نتعاون على وصول صوتنا الى اكبر مسئول لمعرفة التسيب والمزاجية في اتخاذ القرارات كل سنة
     
  4. مهموم

    مهموم بـترولـي نشيط جدا

    261
    0
    0
    هالكلام حتى على اداء الامتحانات بالخارج والا بس اللي داخل الكويت
     
  5. Failakawe

    Failakawe بـترولـي نشيط

    96
    0
    0
    سواء بالخارج او الداخل
     
  6. Failakawe

    Failakawe بـترولـي نشيط

    96
    0
    0
    ياريت احد من اهل الاختصاص او من النقابة يفيدنا بهالموضوع ... أو يقولنا شنو الحل مع هالموضوع علما بان التيم ليدر اهو حاليا المدير بالانابة

    يعني نبي نعرف نروح عند منو عشان ناخذ حقنا ؟؟؟
     
  7. memec4

    memec4 بـترولـي جـديـد

    11
    0
    0
    السلام عليكم انا اعاني من هالمشكلة و دزيت رقم الدوام عالخاص
    و شكرا
    تحياتي
     
جاري تحميل الصفحة...

مشاركة هذه الصفحة