نصيحه للجميع بخصوص بدل الإيجار

الكاتب : الصريح جداً | المشاهدات : 5,554 | الردود : 17 | ‏10 يناير 2011
  1. الصريح جداً

    الصريح جداً بـترولـي جـديـد

    18
    0
    0
    السلام عليكم جميعا
    حبيت اتكلم عن نفسي انا كنت استلم بدل ايجار 150 من الاسكان قبل الوظيفه
    وبعد ما توظفت بالشركه و طلعت تقرير راتب شهاده تفصيليه يصرف لي بدل سكن 135 وانا توقعت انا هالشيء عادي وانا خذيت لي وقت وينزل في احسابي في بداية اول الشهر بدل الايجار الاسكان وانا جار عليه وطايحن في بطني و استمريت استلم بدل الايجار تبع الاسكان لمدة سنتين ونص وانا مستمر في وظيفتي وعقبها دقو علي وقالو لي راجعنا وانا طنشتهم و وقفو البدل وهم دقو علي مره ثانيه وطنشتهم والمره الثالثه قطيته قري ورحتلهم وقالولي عليك مديونيه ولازم تقسطها و اطلبو مني تقرير راتب تفصيلي و وصورة البطاقه المدنيه ....
    حبيت انصحكم و ابلغلكم في نفس الوقت عن هالشيء اللي يستلم بدل الايجار من الاسكان يوقفه قبل لا يتراكم عليه المبلغ ...
    واتمنى التوفيق للجميع ,,,
     
  2. التكنلوجي

    التكنلوجي بـترولـي نشيط

    105
    0
    0
    الله يجزاك خير يالصريح
    ومشكوووور ع المعلووومه

    ومالك الا الصبر وش وداك له

    وتقبل مروووري,,,,
     
  3. net1

    net1 بـترولـي نشيط جدا

    229
    0
    16
    كلامك صحيح وانا صارت معاي هل العمليه بس الحمدلله ظطبتها من اول يوم وما صارت على مديونيه ولا شي


    المفروض انك تروح الاسكان وتخليهم ينزلون لك فرقيه ال150 يعني الشركه يعطونك 135 والاسكان يعطونك 15
     
  4. Ahmad Alenezi

    Ahmad Alenezi بـترولـي نشيط

    53
    0
    0
    الله يعطيك العافيه على النصيحه بس متاخره نصيحتك وينك عني من زمان تدبسنا فيها و خلصنا من زمان وجاري الدفع للحين هههههه
     
  5. عرين الأسد

    عرين الأسد بـترولـي نشيط

    147
    0
    0
    كلامك صحيح والله يوفقك وشكرا
     
  6. Hamad Al-Hamad

    Hamad Al-Hamad بـترولـي نشيط

    76
    0
    0
    WellSite Geologist
    Kuwait
    أنا نفس المشكله

    بس مو مع الأسكان

    مع دعم العماله

    410 دينار بالشهر

    وبالواسطه علشان أوقف دعم العماله بسبب أهمال الموارد البشريه في الشركه السابقه

    وتراكمت علي وجاري الدفع هههههههه
     
  7. No5etha

    No5etha بـترولـي جـديـد

    22
    0
    0
    عندي سؤال ، عقب ماقريت موضوعكم رحت الإسكان لان تنزلي 150 بدل الاجار من سنتين من اول ما توضفت قالولي راح انطالبك فيها ، بس السؤال اذا وقفتها وانا الحين قريد 13 الشركة اتنزلي منحة السكن ؟ مع العلم أني مطالب من الاسكان؟ وفرضا أني ما وقفت ال150 مالت الإسكان وقدمت على منحت السكن راح اتوافق الشركة!!! طبعا لأ !! وهذا دليل على على انا منحه السكن اهيا نفسها بدل الاجار من الإسكان !!! وليست بدل السكن الي اهيا ميزة من مميزات الشركة ومع العلم انها تصرفلك حتى لو ما كنت متزوج 140 وحتى لو عندك بيت تصرفلك، اما منحة السكن تتوقف عند حصولك على البيت !!! وهذا دليل آخر على انا منحة السكن هي من تقابل بدل أجار الإسكان ؟؟!! يا جماعة فيدوني اذا انا غلطان ؟؟؟
     
  8. Workers

    Workers إدارة المنتدى

    7,767
    30
    48
    ذكر
    الكويت
    غلطان مفروض توقفها باسرع وقت حتى لو كنت اقل من درجة 13
    الاسكان ماتمشي للقطاع النفطي بدل ايجار بسبب بدل السكن !
    انت الأن درجة 13 وهذا من حظك راح يمشي لك منحة السكن 150 بدون أدنى شك
    تقدر تقول تغطي خصم الاسكان اللي انت اخذته في السابق اذا كان خصمهم نفس بدل الايجار 150

    وكلامك صحيح منطقياً بخصوص وضع منحة السكن تصرف بنفس شروط بدل الإيجار
    لكن الواقع يختلف ولانعرف شنو علاقة بدل السكن الدائم في بدل الإيجار المؤقت وينتهي بامتلاك الموظف سكن خاص به
    ونفس الشي بالنسبة لمنحة السكن ..

    المهم ان توقف بدل الايجار ومو من صالحك التأخير انت بالطريقة هذي كأنك قاعد تاخذ سلف 150 دينار من الاسكان : )
    وتخسر 150 دينار الخاصة بمنحة السكن وهي حق لك ..
     
  9. No5etha

    No5etha بـترولـي جـديـد

    22
    0
    0
    يعطيك العافية اخوي workers على الرد ، بس عندي سؤال ثاني ، انا ماخذ القريد من شهر 8 الي فات ، هل الشركة راح اتنزلي منحة السكن في اثر رجعي من تاريخه او من توقف بدل الاجار من الإسكان ، لان من الاوراق المطلوبة ( لمن يهمه الامر من الإسكان ) واذا راح ينزلونلي منحة السكن من تاريخ توقف بدل الاجار هذا يعني انا الإسكان راح اتطالبني الى شهر واحد الحالي وراح اخسر ال 900 دينار (مجموع ال 150 الى يناير)الي من المفترض تنزلي من شهر 8 ، يعني راح ينوكل حقي ؟؟!!
     
  10. Workers

    Workers إدارة المنتدى

    7,767
    30
    48
    ذكر
    الكويت
    الله يعافيك اخوي No5etha والله ماعندي علم بخصوص الأثر الرجعي ولكن الجماعة عوايدهم يحملون الموظف اي خطأ
    يعني المعروف ان درجة 13 يستلم منحة السكن ودائماً يحرصون عليها الموظفين وما ادري اذا أحد مجرب من الأخوان
    إن شاء الله يفيدونك ..​
     
  11. No5etha

    No5etha بـترولـي جـديـد

    22
    0
    0
    نبي توضيح اكثر يا جماعة :

    بدل السكن: ميزة من مميزات القطاع النفطي, للموظف غير المتزوج ,للموظفة غير المتزوجة ,تستمر حتى لو عندك بيت او ماعندك.

    بدل الاجار: 150 دينار, للموظف المتزوج , غير حاصل على قرض اسكاني,غير حاصل على بيت من الحكومة او يملك بيت.

    منحة السكن:تبدأ من 150 دينار لقريد 13 , للموظف المتزوج ,غير حاصل على قرض اسكاني,غير حاصل على بيت من الحكومة او يملك بيت.

    وهذا يعني انا منحة السكن هي بدل الاجار من الاسكان !!!

    وبدل السكن ميزة من مميزات القطاع النفطي سواء للاعزب او المتزوج او المتزوجة او غير المتزوجة او الحاصل على بيت او ماعندى بيت ...

    واذا بدل السكن هو بدل الاجار !!! لماذا لا يقتصر على الزوج فقط او الموظف المتزوج ؟؟؟ يعني اشلون ينزل للموظفة ؟؟

    ابي جواب مقنع واذا في مشكلة في المسمى بين بدل السكن و بدل الاجار ليش ما يعدلون في مسمى بدل السكن بما انها ميزة للقطاع النفطي ؟؟؟!!!!
     
  12. No5etha

    No5etha بـترولـي جـديـد

    22
    0
    0
    الموضوع مهم يا جماعة الخير

    ودنا في رد واضح ...
     
  13. الصريح جداً

    الصريح جداً بـترولـي جـديـد

    18
    0
    0
    الله يعطيك العافيه اخوي نوخذه .... انا نفس مشكلتك بس انا قريدي اقل بس طلبو مني معاشاتي عشان يعرفون متى زاد عندي بدل السكن 150 واحسبو جم سنه كنت استلم 135 والمده اللي كنت استلم فيها 150 والحمدالله طلع المبلغ بسيط و سويت كتاب عند الاسكان عشان اقسدها 50 كل شهر لان مابي اوقع قريد 13 وانا مطلوب ... لان اذا وفقنا و وصلنا قريد 13 يطلبون منك الاسكان تبع الشركه اورقه من الاسكان الحكومي شهاده لمن يهمه الامر انك ما تستلم منهم بدل الايجار 150
    عشان تمشي لك منحه السكن .... والله يعينك وعسا الله يسهل امرك
     
  14. الصريح جداً

    الصريح جداً بـترولـي جـديـد

    18
    0
    0
    بدل السكن هو نفسه بدل الايجار
    لان الاسكان تقول اي شخص يتوظف في اي شركه من شركات النفطيه مها كان متزوح ولا اعزج لا يستحق بدل ايجار من عندهم
    لان انتا تستحق بدل سكن حتى لو تطلع شهادة راتب تفصيليه تبين معاك بدل سكن وعلاوتها 135
    لان قبل كان بدل الايجار 100 دينار وانتا في الشركه تستلم 135
    وبعدين ارتفع بدل الايجار من 100 الى 150 وانتا في الشركه تستلم 135
    وبعدين الاسكان عدلو على القانون عندهم اي موظف في شركه نفطيه يستحف 15 دينار اذا كان يستلم بدل سكن 135
    وبعدين اذا وقعت درجه 11 يرتفع عندك بدل سكن من 135 الى 150 واذا انت تستلم 15 دينار تروح الاسكان الحكومي توقفه
    لان اذا ما وقفته راح يطالبونك فيك
    وانا مشكلتي قبل لا اتوظف في الشركه كنت استلم 150 من الحكومه ومن الشركه 135 وبعدين وقعت قريد 11 وارتفع معاي 150
    ولما رحت للاسكان ابي اوقف بدل الايجار اطلبو مني اوراق اني اثبت اني استلم 135 واوراق ثانيه متى زاد عندي 150
    وبعدين احسبوها لي وعرفت المبلغ اللي مطلوب فيه و سويت كتاب عندهم ما اقدر ادفع كااش و بعد ما توقع كتابي قامو يخصمون من معاشي 50 دينار قسط مديونيه للاسكان

    وهذا كل اللي صار معاي وعسا الله يعينك اخوي نوخذه وكل من يعاني من مشكلتنا ....
     
  15. 123456789

    123456789 بـترولـي نشيط

    83
    0
    0
    والله ذكرتوني ومشكورين اجل انشالله اول ما ارد من السفر اروح أسكر اللي علي بس بالمناسبة اقدر اعطيهم كاش
     
  16. محمد التيسي

    محمد التيسي بـترولـي نشيط

    74
    0
    0
    موضوع مهم ويجب من النقابات حل هذة الازمة ووقف استغلال الشركات النفطية للموظفين او تغيير مسمى علاوة السكن هذة التي اصبحت نغمة علينا غيرنا ياخذ حتى دعم عمالة وحنا محسودين على السكن وغلاء المعيشة !!!

    وشكرا لطرح الموضوع
     
  17. No5etha

    No5etha بـترولـي جـديـد

    22
    0
    0
    اذا بدل السكن هي بدل الاجار .... اذا مافي داعي تنزل للموظفات ولا اشرايكم !!!!

    وخلو منحة السكن تنزل للموضفة المتزوجة من قريد 13 و الموضف المتزوج ايضا من قريد 13 ...

    صدقوني ياجماعة الخير القانون مو واضح ......

    وين النقاباات
     
  18. برميل النفط

    برميل النفط بـترولـي جـديـد

    48
    0
    6
جاري تحميل الصفحة...

مشاركة هذه الصفحة