الفيلكاوي: زيادات القطاع النفطي حق مكتسب لا يمكن المساومة عليها

انزين شلون يالفيلجاوي تقول حق مكتسب دون الاثبات للموظفين وللمجتمع الكويتي اي دليل يثبت احقية الموظفين في هذه الزياده؟؟؟؟؟؟؟؟؟؟ والا زيادات القطاع النفطي مشروطه على زيادات المهندسين؟ اذا المهندسين زادوهم الحكومه زادو الموظفين؟ اصلا ماكو شي منطقي على الزياده ولا نعرف طريقة الدراسه اللي الاخ الفيلجاوي درسها او الاداره العليا للقطاع النفطي؟... فهمونا يا جماعه وين الحق المكتسب على شان نوقف معاكم؟

 

الى الاخ حقاني

انزين هذا ريال نائب رئيس اتحاد العمال وفاهم بالكلام اللي يقوله .. انت بالله امسوي روحك فاهم بكل شي وبكل موضوع الاقيك داش تعلق .. انت شنو ماعندك شغل مجابل المنتدى 24 ساعه

لا وتبي زيادة وكادر بعد .. والله مالومك حاط ايدك على خدك وتقول هذا يستاهل زياده وهذا مايستاهل

مارديت علي انت خريج الفلبين ولا خريج بنغلادش ؟؟؟

انا اقول استريح ولاتتحجى وايد بكلام انت ماتفهم فيه .. ماحب اللي يسوي روحه فاهم بكل شي وانت حتى ماتدري ان فيه دراسه صارلهم شهور يسوونها عشان يعدلون سلم الرواتب .. ماقول الا الله يعين البترول اذا فيه مهندسين نفس حالتك

 

من شهر 7 اللي طاف الى اليوم وانا ماشفت واحد بس غير مهندس يطالب بالزياده ويستحقها...كلا تردون علينا بطريقه استفزازيه وللاسف ماعندكم شي بس تبون فلوس الديره وبس...لططططططططططططططططط بالفلوس

شي ماتستحقونه عيب عليكم تطالبون فيه...انا لو مكانكم استحي اطالب صراحه.

اطالب اذا لي حق فقط اما اذا مالي حق اذا جت كان بها ما جت اقول الله كريم...بس اذا مالي حق عيب علي اسوي كل هالبهرجه.... انت رديت علي بكلام غريب عجيب....انا اطلب منك تعطيني وتعطي المجتمع الكويتي كله على قد عقله وتصير انت او اي واحد غيرك يطالب بالزياده تصيرون انتو الكبار......علمونا الزياده اللي تبونها على اي اساس تبونها؟ شنو اسبابها؟ شنو مقاييسها؟...... زيادتكم مالها اي داعي اصلاً...وبيصيرلكم 6 شهور ولا شفنا منكم تصريح واحد يبين لنا احقية الموظفين بالزياده!!!!!!!!!!! يا جماعه ترى الكوادر اللي صارت بالقطاع الحكومي كله لحملة الشهادات الجامعيه وهالشي قاعد يرتقي بالدوله وتشجيع للعمل بالقطاع الحكومي وما عطو كل الموظفين ولكن فقط الجامعيين.........ومحد زعل.............وانتو تبون زياده وتطالبون على شنو بالله؟ مو كافي ان معاشاتكم تشفط لنظرائكم بالوزاره الى الضعف او اكثر؟

 

حسد

الحسد هذا هو السبب الرئيسي المطالبة كانت من المهندسين و خير شاهد توقيع اكثر من 1400 مهندس و بعدين يصرحون نحن مع حق المهندسين بعدين يبون زيادة المهندسين تطبق للكل و ين الحق وين العدالة

 

انا اشهد انك موحقانى ولا انت صوب الحق موليه ياخوى متابع ردودك على الموضوع هذا وغيره اللى يخص الزيادة دايما معارض الزيادة وتبى الشئ لك بروحك،ترى الحسود لايسود

 

دق على الشركات العالميه اللي سوت الدراسه و اسألها, تهقه يابت ارقام من عندها تأليف و قدمتها؟ تهقه لما الوزير و الرئيس يوافقون عليها مبدئياً هذي بس جذي بدون اسباب و بدون ادله؟

حبيبي رجاءً ادخل العقلانيه بطرحك , ترى شركه البترول اكبر شركه بالكويت و مافيها لعب يهال و سلق بيض

المعاشات في القطاع النفطي الكويتي هي الأقل مقارنه مع الشركات الخليجيه و هذاا واقع

اضحك لما تقول مالها داعي

 

يخوي انا ما حسدتكم قلت لك الله يوفقكم ولا عندي مانع اذا تستحقون زياده تفوق زيادتنا والله يرزقكم دنيا واخره...انا كل اللي قلته ان ما ابي الزياده تكون عشوائيه والكل ياخذ....انا ابي الاداره تعطينا زياده مدروسه والكل ياخذ حقه وبإنصاف والا ليش حاطين لنا اداره اصلاً اذا ماعندها استعداد تسوي دراسه وتتحكم بالمعاشات؟

لا للزياده العامه العشوائيه

نعم للزياده المدروسه والتي تنصف الموظفين وتعطي كل ذي حق حقه

 

الشركات سوت دراسه على العالم...مو مقياس ان اعطيك زياده على شان معاشك 1000 بالكويت وبمكان اخر ياخذ 1200 ويدفع 400 ضرايب وغلاء معيشه. هذا كلام ماخوذ خيره

مع المعاشات الخليجيه اقولك اوكي في مجال نتناقش واقولك اوكي سوو دراسه نفس ما المهندسيين سوو و اعروضها على الاداره وبعدين ازعلوا...بس عطونا زياده نفس المهندسين والا بنزعل هذا مو حجي وهذا اكبر غلط. وبعدين اللي اعرفه ان المعاشات وحده ويمكن الكويت احسن ولكن البدلات الخليجيه اكثر وذلك نظراً لوجود المصافي والحقول البتروليه بعيده جداً للناس. وانا اعرف اجانب حصلت لهم الفرصه بزياده اكثر بعمان وقطر ولم يذهبوا واهم اجانب وليس خليجين وعند سؤالي لهم لماذا لم تذهبوا؟ قالوا ان الكويت حلوه وكل شي قريب اما هناك مقطوطين بالخلااااااااااااااااا...فالدراسه الاولى لها ان تكون مع القطاع الحكومي شوف جم يستلم اصحاب الوظائف اللي نفس المستوى التعليمي راح تلقى الكل معاشاتهم اعلى من الحكومه الا المهندس!!!!!!!!!!!!!!

 

كلامك اللى فوق يالمهندس المتعلم فيه طعن بقدرات غير الجامعيين يعنى الديرة ماترتقى اللا بالجامعيين والباجى عاله على البلد والتاريخ يشهد مابنى الديره اللا يدى ويدك وماكانو متعلمين يعنى انت تظن المصافى ماشية على الجامعيين بس واللا الكل يادى واجبه.
شوية تعقل بالردود ولاتهمش دور اصحاب الخبرة من غير المهندسين .

 

نعم الدول ماترتقي الا بالعلم.انا اسف اذا جرحتك ولكن هذه هي الحقيقه

 

مايصير تقول عيب عليكم لان هذا اذا دل دل على انك قليل (..........و........)
بعدين الله يعين الشركه اللي فيها عقليه ناقصه وشخصيه كلش موشي مثلك
(بايسب )مهندس مالاحظت ان مافي احد ايدك.
الكل معارضك
ثاني مره اقدملك نصيحه اسمع شرايك تحفظ اللي بقالك من ماي ويهك وتسكت دام ان ان رواد المنتدى ماعرفو اسمك
ترا مافي نصيحه ثالثه الثاله راح يكون اسمك مكتوب بالمندى + اطروحاتك الغ......
ماادري ليش كل ماشوفلك مشاركه اتذكر سعود الورع

 

ما الومك زعلت لان صج شي يفشل صراحه..... انزين ليش ما جاوبت شنو اللي يثبت انك تستحق الزياده والا ماعندك الا انك تهاجم الناس؟ على الاقل استح واسكت واستر على نفسك ليش تشاطرني الراي وانت ماعندك راي

 

لا تخاف ماخذين كل شي بعين الاعتبار , صدقني القائمين بالموضوع مو أغبيه

سلم المعاشات معرووووف بالشركه , ماهو على مسميات الوظائف , بل على القريدات, و هذا شي تفتخر في الشركه
لا اهي نبي نفس المهندسين لا شي, هذا غير ان الزياده اكثر من الكادر مالكم!! فانا للحين موفاهم ليش كل هالهيصه

كان المفروض تعرف هالشي قبل لا تقدم اوراقك عالشركه....

 

اذا هذا اسلوب تعلمته من الهندسة الصراحـــه شي يفشل واكيد انك خريج بالتزوير او تغش بالاختبارات او حدك خريج الفلبين او الهند ووايد عليك بعد .. ارتقي بالكلام يا اخ المهندس .. الزيادة مانبيها واهم شي لا تمشي للمهندسين بعد خلكم على هالحال وأردى ... خابنا مهندس ومهندس وحتى قاري او بطارية ماتعرف شنو داخلها ( الحين يروح لقوقل ويعطيني مواصفات البطارية ) ماتعرف تصنعهم روح شوف شغلك مو مجابل المنتديات والشات مالت على هيك مهندسين يفشلون لا اسلوب بالطرح ولا ارتقاء بالمسؤولية اقول روح قدم شهادتك للقطاع الخاص علشان يقضبونك الباب .لانهم اهم الي يعرفون من وين جايب هالشهادة ام طقه .. مو الحكومه الله يعزها ترقع لكم شهايدكم الي كلها مقبول ومن دول ارتاح بالفندق ونعطيك شهادة .

الله المستعان على هيك ناس .

 

انصحك تتعلم الدين لانه الدين يعلم الاخلاق والتسامح وعدم القذف والاهانة والبعد عن الحسد .. يا مهندس عدل اسلوبك وارقتي بالكلام هذا منتدى وكلنا اخوان . والحقيقه الي لازم تعرفها اني عندي دراسات عليا احسن من شهادتك بس احترم اخواني واحترم طرحهم ومواضعيهم ..

الله المستعان على هيك بشر .​

 

اول شي بخصوص الزياده اللي اكثر من الكادر...منو قال لك ان انا هامني المبلغ شكثر راح استلم وايهو احسن؟ انا مو نفسك افكر بلططططططط الفلوس..انا حالياً ابي كل شخص ياخذ حقه ولا همني المبلغ جم..سواء الزياده العشوائيه اكثر او اقل....اما بخصوص ليش قدمت على الشركه فهذه رغبة الوالد قبل لا تكون رغبتي و انا كنت ناوي اقدم استقاله حتى قبل الكادر الحكومي ولكن لم اقدم على هالشي و لأسباب خاصه احب احتفظ فيها لنفسي لان من الصعب على شخص مثلك يفكر بتفكير بس يبي زياده و بس انه يفهمها

 

امنيتك انت و غيرك ان ما نتكلم واحنا سكتنا عنكم وايد صراحه...ولكن حبينا ان ندش المنتدى ونثقف افكاركم بالزياده لا اكثر ولا اقل....واعتقد الانسان العاقل اللي عنده احساس الكرامه والنباله ما يطلب شي مو حقه ولا يقلل من قيمة غيره واهو مايعرفه ولا يقول عطونا عطونا عطونا واهو مايستحق..............اين صفات الفرسان منك يا اخي الكريم؟ اين الشجاعه في اتخاذ الرأي؟ للاسف ما لقيت شخص واحد شجاع بهالمنتدى يتحلى بأخلاق الفرسان....وبدال ما تقول هالكلام يا ليتك قايل لنا عن الظلم اللي تواجهه وعن الزياده اللي تنصفك وتعطيك حقك الضايع؟......... مالك حق وتغلط على الناس ........الا نامت اعين الجبناء

 

ما شاء الله عليك...يا اخوي يا ليتك تطبق نصف ما تقول....اما من ناحية الدين صدقني ولله الحمد اني اخاف الحرام ولا احب ان اسكت عن الحق والساكت عن الحق شيطان اخرس...ياخوي انت انصفنا بدينك عن موضوع الزياده هل يستحقه كل الموظفين؟ واذا اعطيت هذه الامانه بإتخاذ القرار هل ستعطيهم مالا يستحقونه؟ انا كل اللي قلته ان لا تعطون موظف مبلغ لا يستحقه لان هالمال مو من جيوبنا هذه اموال الدوله وللمواطنين ولا يجوز العبث او التخبط فيها ويجب دراستها دراسه صحيحه...اما بخصوص الشهادات فلا داعي يا اخي الكريم بأن اذكرلك شهاداتي او خبراتي الهندسيه او انجازاتي التخصصيه لان هذا موضوع مختلف كل الاختلاف عن موضوع الزياده العامه العشوائيه.

انت بمنهجيتك وطريقتك تبي توصل لنا ان عطو الكل اللي يستحق واللي مايستحق وانت ساويت بين اللي يعلمون واللي مايعلمون...وينك و وين الدين يالطيب........والا تشغل الليتات على اللي يعجبك وتطفي الليتات على اللي مايعجبك؟

 

انا وياك ان المتعلمين يرتقون بالبلد بس لازم ماتبخس حق الغير والمهندسين الجدد ماقصروا وياهم اصحاب الخبرات اللى انت واشكالك ماراح توصلون ربعهم وبعدين مثل ماقالك الاخ اللى قبلى كون مؤدب بالرد ولا تقول عيب عليكم لانك ماتعرف ال...