هل يتعمد طلال القحطاني تخريب جمعية المهندسين؟

الكاتب : قوس النصر | المشاهدات : 2,486 | الردود : 21 | ‏9 يناير 2011
  1. قوس النصر

    قوس النصر بـترولـي نشيط

    70
    0
    0
    مابي اتكلم عن تفاصيل الزيادة و عوار الراس . لكن اللي يصير حاليا بخصوص المهندسين امر غريب عجيب مايدخل العقل. كل شي قاعد تسويه الجمعيه مؤخرا يكره الناس (والمهندسين خصوصا) فيها اكثر!

    1) صمت تجاه حقوق مهندسين النفط من 2006
    2) مهاجمتهم مهندسين النفط بعد ذلك (مازرعتو عشان تحصدون) !!
    3) الهجوم على اي عمل في صالحهم حتى ولو كان بتأييد اغلب المهندسين!
    4) الهجوم على الادارة بطريقة لا تمت للحكمه بأي صله, و والهجوم باسم المهندسين بعد!!
    5) الهجوم على الاتحاد و النقابات (باسم المهندسين ايضا) وهي الجهة الوحيدة المخوله بالمطالبه بحقوق المهندسين امام الاداره!!
    6) بعد تثبيت اخبار الزيادة العامه لمدة طويله, فجأه في يوم المصادقة عليها يعلن الرئيس انه لايرضى بالزيادة العامه!! الحييين؟؟؟ عقب مالناس تأملو خير بالزياده؟؟ جاي تاخذها من افواههم!! انت من صجك؟؟ على بالك الناس بتخليك!!5) اخر شي الجمعية قامت تلجأ لدفع فلوس اعلانات للناس عشان يؤيدونها؟ لهالدرجه وصل فيك الضعف ياطلال ؟؟ تصيغ البيانات باسم الناس على حسابك؟؟

    يعني خسّرونا الاداره و الاتحاد و النقابات و باقي الموظفين معاهم!!

    السؤال (او بالاحرى الاسئله):

    هل طلال القحطاني يتعمد تخريب الجمعيه؟؟ لان مستحيل شخص بهالمنصب مايعرف يتصرف, و كل التصرفات هذي تصرفات تدل على عدم الخبره... أو.. ان يكون في شي ثاني؟؟

    هل لـ(تعميد) حسام الخرافي .. الرئيس القادم للجمعية في انتخاباتهم اللي بعد شهرين يد في ان طلال يتصرف بهالطريقة العدوانيه والطائشه؟؟

    هل هناك تصفية حسابات داخل الجمعية؟ و طلال بما ان هذا وقته يطلع قاعد يخرب؟

    هل لاشهار نقابة المهندسين اللي سمعنا عنها قبل سنه علاقه بالموضوع؟ هل لطلال طموح اخر فيها؟؟


    صراحة الموضوع غريب بس مايطلع من اثنين.... طلال القحطاني يا اما اثبت فشله بادارة الامور.... يا اما قاعد يخربها لاسباب الله اعلم فيها!
     
  2. مهندس حقاني

    مهندس حقاني موقوف

    55
    0
    0
    والله انا ما ادري شسالفته صراحه بس الكلام اللي قاله عين العقل بخصوص الزياده العامه العشوائيه
     
  3. قوس النصر

    قوس النصر بـترولـي نشيط

    70
    0
    0
    الزيادة العامة العشوائية؟ يعني انت ضد ان اخوانك من غير المهندسين ياخذون زيادة ؟ بس لان معاشاتهم اعلى من الحكومه؟؟ اتمنى تكون شجاع و تجاوب على السؤال :)
     
  4. مهندس حقاني

    مهندس حقاني موقوف

    55
    0
    0
    اخوي انا ضد الزياده العشوائيه و نعم ضد اخواني و ضد نفسي خصوصاً اذا كان الند اهو وطني ومال وطني العام.

    بخصوص الزياده انا قلت لك خل يسوون زياده اذا يستحق عطوووووه حقه وحرام ما تعطونه. اما تقولي بعطي الكل 200 دينار لان المهندس يستحق 200 دينار؟!!؟!؟! نعم انا ضد هالمبدأ والتصرف الغريب هذا. لازم تكون الزياده لكل شخص حقه.وانا ما ادري عن الوظائف الثانيه واللي لي الحين ما شفت احد قال احنا نستحق لان بالحكومه ربعنا ياخذون اكثر منا ويداومون اقل منا...الا محاسب واحد فقط!!!!! اما المهندسين فهذا واقع ملموس وقاعد نشوفه و الدليل على صحة كلامي...عدد المستقيلين من شهر 7 الى اليوم
     
  5. قوس النصر

    قوس النصر بـترولـي نشيط

    70
    0
    0
    زين اهم شي عرفنا رايك انك ضد زيادة اخوانك غير المهندسين ....


    زين مارديت على الموضوع يا حقاني؟؟؟؟
     
  6. مهندس حقاني

    مهندس حقاني موقوف

    55
    0
    0
    قولي شنو تبيني ارد على شان افهمك اكثر والى ما تود الوصول اليه؟
     
  7. قوس النصر

    قوس النصر بـترولـي نشيط

    70
    0
    0
    ولله ياخوك الموضوع فوق اقراه و رد على اللي فيه

    اما سالفة اني اقولك انا شنو ابي و اقعد اسولف معاك ... ترا نا عندي شغل بالفيلد و كل شوي طالع و راد ... مو قاعد بالمكتب و اطالب بزيادة لي بروحي :)

    تحياتي لك و اتمنى تقرأ بتمعن مو تقرا و تقول مادري شسالفه بس أأيد طلال القحطاني مثل اول مشاركة لك !! عفيه منطق

    يلا سي يو شباب الجو حلو و يحلى معاه شغل الفيلد !!
     
  8. kaka22

    kaka22 بـترولـي نشيط جدا

    169
    0
    0
    جبتها يا اخوي قوس النصر

    طلال ماعنده الا واحده من ثنتين مثل ما ذكرت. والحبيب من تصرفاته نواياه مكشوفه للي يعرف يقرا ما بين السطور

    قال يبي حقوق المهندسين قال. اي بلا صدقناكم يا جمعية النشاز
     
  9. الشايب

    الشايب بـترولـي خـاص

    2,818
    0
    36
    مسؤول أد الدنيا
    في قلب المحبين
    طلال القحطاني
    ماله بحياته الا سبع صور نزلت له بالجريده
    مالله عطاني حب المطاوعه اللي اتحسد العالم
    وبعدين يا طلال ما تبي تهدر المال العام بنظرك كل المهندسين يستاهلون
    يا بعضهم ماتسرحهم مع الغنم
     
  10. خميس الخامس عشر

    خميس الخامس عشر بـترولـي خـاص أعضاء الشرف

    ياقوس النصر ..

    طلال يطمع بكرسي المجلس البلدي المخصص لجمعية الحسودين الكويتية اللي افرازاتها وصلت للمنتدى ..

    او عضوية شرفية نفس صلاح المضف او غرفة التجارة او الهيئة العامة للصناعة او عضوية هيئة الإستثمار وشركاتها او مجلس الوزراء ولجانة الــ 9 لأنهم يطلبون من الجمعية ترشيح اسماء 3 مهندسين لكل منصب ويختارون واحد ( طبعاً اختيار الاسم معروف للجمعية بس لذر الرماد في العيون ..)

    وهذا للأسف يجهلة البعض في القطاع لأنهم عبالهم طلال يموت عليهم وتهمه مصلحتهم مايدرون انه يبي يكسب تسجيلهم في الجمعية لزيادة الاشتراكات ومنها زيادة القاعدة الإنتخابية .. وهذا غزل سياسي ..

    وهالمهندسين اللي مشتطين مايقدر واحد منهم يقول لطلال ليش ماقلت هالكلام قبل تحرك الإتحاد ؟؟ وليش ماطالبتوا المؤسسة او الحكومه بالموافقة لما وافقوا على كادر المهندسين ..

    والله الجهل مشكلة ولا يفكرون الا بمصالحهم الضيقة والباجي بجهنم وبئس المصير ..
     
  11. قوس النصر

    قوس النصر بـترولـي نشيط

    70
    0
    0
    اشوف الاخ الحقاني اللي مايبي غيره يسترزق ساكت؟؟؟

    اخاف مشغول تكتب مواضيع ثانيه ؟؟ ;)

    دش بنكك هذا لو سمحت و قولنا طلال القحطاني مايعرف يتصرف ولا قاعد يخرب على الجمعيه؟؟؟
     
  12. قوس النصر

    قوس النصر بـترولـي نشيط

    70
    0
    0
    الحق يعلو ولا يعلى عليه يا... حقاني!!

    اشوفك سكت يوم صار الكلام منطقي .. بس صج ماعرفلك الا الشايب!!!

    خل اطالع سكوب اشوف يمكن في برامج حلوة ؛)
     
  13. مهندس حقاني

    مهندس حقاني موقوف

    55
    0
    0
    والله لا أملك غير هالنك اقدر اشارك فيه بهالمنتدى؟.......قوس ترى انا ما ادري انت شتبي بالضبط شتبي توصل له؟

    انا قلت جمله وحده فقط ( اعطوا كل ذي حق حقه..يعني اللي يستحق ياخذ واللي مايستحق ما ياخذ....واللي زعلانين اكيد مايستحقون وهذا اهو الحق)

    والحق ينصف الجميع واللي بيزعل يزعل
     
  14. Kuwaite

    Kuwaite بـترولـي نشيط جدا

    344
    0
    16
    Production Operation
    Kuwait

    وهل انت تستاهل هالحق ؟؟؟ وليش تستاهل والسبب ؟؟ عطنى شوي من انتاجيتك والسي في مالك لو سمحت ؟؟

    صدقوني مراح يجاوب لانه يتهرب ( ادري ماعندك ماعند جدة واحد من الربع )
     
  15. kaka22

    kaka22 بـترولـي نشيط جدا

    169
    0
    0
    مهندس حقاني
    ممكن تعريف كلمة " يستاهل " على اي اساس حكمت عليهم اذا يستاهلون ولا لا؟
     
  16. قوس النصر

    قوس النصر بـترولـي نشيط

    70
    0
    0
    اي ولله يالحقاني منو اللي يستاهل وعلى اي اساس؟

    يلا تصبح على خير اتمنى أصبح على تفسيرك لكلمة يستاهل :)

    ولاتنسى ترد على الموضوع الاساسي ترا جمهور المنتدى مازالو ناطرينك
     
  17. البيرق

    البيرق بـترولـي نشيط

    80
    0
    0
    يجب اقرار كادر المهندسين:)
     
  18. Eng.Vampire

    Eng.Vampire بـترولـي خـاص



    لا هني ما يصير تقول هالكلام ولا بتطلع حسود وما عندك قناعه وتبي تخرب على القطاع كله وتتأثر حصتنا بأوبيك بسبب المطالبه بتطبيق قرار لنا حق فيه :)

    شوف جم موضوع انفتح وللحين مو خالصين :)
     
  19. النادر

    النادر بـترولـي نشيط

    98
    0
    0
    موظف في شركة البترول الوطنيه الكويتيه
    الكويــــت
    ليش الحسد يا قحطاني

    افا والله عليك
     
  20. High Voltage

    High Voltage بـترولـي جـديـد

    16
    0
    0


    ذبحنا اللي يتكسب على حسابنا


    بصراحة ملينا من التأخير


    ما عندنا مشكلة ننطر اسبوعين


    بس هالشخص لا يتحرش فينا و لو نفتك منه أحسن​
     
جاري تحميل الصفحة...

مشاركة هذه الصفحة