عضو مجلس اداره جمعيه المهندسين يدفع للناس بيان تاييد له

الكاتب : kaka22 | المشاهدات : 4,210 | الردود : 71 | ‏8 يناير 2011
  1. kaka22

    kaka22 بـترولـي نشيط جدا

    169
    0
    0
    السلام عليكم جميعاً
    اخوكم مهندس معاكم بالنفط ومن المؤيدين للزياده بشكل عام للكل بدون تمييز لاحد وانا ضد ما تقوم به جمعية المهندسين من تخريب واضح لمقترح الزياده لكل عمال النفط، ومن باب الامانه هذه رساله وصلتني بالتليفون وانا مستغرب شلون عضو مجلس اداره جمعيه المهندسين يدفع للناس بيان تاييد له!! والله اني مستنكر هذه التصرفات التي لا تمثل احد منا كمهندسين بالنفط وارجو من اخواننا ان يعلموا ان اغلبية المهندسين بالنفط ضد جمعية المهندسين، هذه نص الرساله ومسحت اخر ثلاث ارقام من هاتف الاخ المذكور واللي يبي باقي الرقم يدزلي رساله على الخاص واعطيه باقي الارقام، وارجوا من الاخوان اللي وصلهم المسج هذا يذكرون ذلك

    السلام عليكم
    إخواني.....
    إنشالله أنا ناوي أنزل بيان بالجرايد مع مجموعه من المهندسين بخصوص نحن ماراح نرضا باي زياده عامه ما تشمل كادر المهندسين او ما تلبي طموحاتهم.
    اللي موافق سوف نضع اسمه بالبيان يدزلي الموافقه Sms علي رقم (***66434) م محمد فضي
     
  2. Eng.Vampire

    Eng.Vampire بـترولـي خـاص

    عزيزي انا ماودي اتكلم عن اشخاص او عن مركزهم ..... نعم نريد زياده عامه لكن بنفس الوقت " عدم ضياع حقوق المهندسين" وذلك من خلال تطبيق قرار الخدمه المدنيه 27 لسنه 2006 الي تم تطبيقه لجميع المهندسين ما عدا النفط !!!!

    شنو المانع انه نطالب بحقنا بالاضافه للزياده العامه واعتقد هذا أنسب وقت للمطالبه!!
     
  3. بوعبدالرحمن

    بوعبدالرحمن بـترولـي مميز

    710
    0
    0
  4. kaka22

    kaka22 بـترولـي نشيط جدا

    169
    0
    0
    Eng vampire
    خل تنزل الزياده العامه وبعدين خل الجمعيه تورينا مراجلها اذا كانو صادقين
     
  5. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    سبحان الله
    ياخي تكلم عن نفسك يا صاحب المسج ومالك شغل بالزيادة العامة
    نحن ندعم مطالبكم بس لا تتعاملون مع القضية بهذه الطريقة يا مهندس محمد
     
  6. Eng.Vampire

    Eng.Vampire بـترولـي خـاص


    عزيزي الموضوع بعيييد جدا عن الرجوله وهالأمور :)

    احنا نناقش قضيه وكل شخص وجهة يقول الي عنده بكل حريه شنو المشكله ... اذا انت مو مقتنع بوجهة نظر الجمعيه او غيرها فانت مو ملزوم تتبعهم
     
  7. kaka22

    kaka22 بـترولـي نشيط جدا

    169
    0
    0
    ليش بعيد عن الرجوله؟ اليس من صفات الرجال الصدق والامانه ؟ تقدر تجاوبني وتقولي وين كانت الجمعيه من سنة 2005 عند بداية الدراسه لكادر المهندسين؟ ليش ما كانو مهندسين النفط مشمولين؟ وين كانت اللجنه من الزياده الثانيه لكادر المهندسين عند الزياده الثانيه ؟ بعد 5-6 سنوات من الفشل وعدم المطالبه لمهندسين النفط للكادر مع مهندسين الحكومه الحين حلتلهم المطالبه بعد ماكانو بالعين لسانهم وكانو في سبات وصمت اهل القبور؟؟؟؟؟؟؟؟؟ ماحلتلهم المطالبه الا لما طلعو شباب متطوعين قامو باخذ تواقيع المهندسين اللي بالنفط للمطالبه بحقوقهم وجمعوا تواقيع اكثر من 1400 مهندس؟ المتطوعين عملو دراسه كامله مشكورين عليها وقدموها للاداره بدون بهرجه اعلاميه وخرابيط مثل الجمعيه التي بدأت تخرب كل ما امامها بطريقه غبيه وعشوائيه لدرجة انهم خسروا النقابات والاتحاد وادارة المؤسسه.
    الجواب واضح للأسئله التي طرحتها عليك وهو بكل بساطه ان اهدافهم انتخابيه بحته لا يهمهم لا مهندس ولا عمات عين
    العمي يعرف ان هدفهم انتخابي وانهم اصبحوا نشاز لمهندسين النفط بعد ماكان صوتهم نشاز

    ارد واقول مره ثانيه خل تقر زياده عامه للكل وبعدين يورونا مراجلهم ان كانوا صادقين

    تحياتي
     
  8. Eng.Vampire

    Eng.Vampire بـترولـي خـاص


    أشكرك على الرد والتعليق وصدقني كل علاقتي بالجمعيه اني عضو فيها فقط ولست بصدد الدفاع عن مواقفها او اتكلم كمحامي عنهم ..... عندهم رئيس وأعضاء يدافعون عن مواقفهم

    وكلامك فعلا صحيح 100٪ بالنسبه للمطالبه المتأخره من الجمعيه عندما تم اقرار الكادر للحكومه .... وهالكلام والنقد قلنا ووصلنا لجميع أعضاء الجمعيه وكان لنا وقفات ضدهم ........ لكن الحين لما يثار الموضوع مع مقترح الزياده ما أعتقد انه نقول " دامهم غلطوا من قبل خلهم يتحملون نتيجة هالخطأ" وبالتالي نضيع حقوق مهندسي النفط والي يقدر عددهم بالآلاف !!!

    الموضوع ببساطه انه الجمعيه كان لهم وجهة نظر بالنسبه للزياده العامه " انه المؤسسه يجب ان تضع بعين الاعتبار تطبيق قرار الخدمه المدنيه 27 لسنه 2006" بالاضافه للزياده العامه وهي مثل ما قلت محاوله لعل وعسى تمشي الامور كما نريد وبالتالي الكل يستفيد :)

    ودمت بود
     
  9. kaka22

    kaka22 بـترولـي نشيط جدا

    169
    0
    0

    اخوي فيصل تطمان وانا اخوك، مهندسين النفط اغلبهم مع الزياده العامه لكن "جمعية النشاز" تحاول ان تخرب صورتنا امامكم وهذه وحده من تخبطاتهم الغبيه، ارجوا من جميع المهندسين عدم السماع لهذه الجمعيه الغبيه التي تريد ان تستغل اسمائكم لتنزيل بيان مدفوع،

    خليتوا الناس تكرهكم الله لا يبارك بتصرفاتكم الصبيانيه*
     
  10. مهندس حقاني

    مهندس حقاني موقوف

    55
    0
    0
    جماعه احنا مالنا شغل بالزياده مو معاهم ولا ضدهم....احنا بس نهتم للكادر ونطالب فيه لان هذا يخصنا
     
  11. Failakawe

    Failakawe بـترولـي نشيط

    96
    0
    0
    انا اشوف ان المفروض ينطرون لمه تنقر الزياده ويوافقون عليها بعدين يطالبون بكادر المهندسين .. يعني شنو بيستفيد المهندس اذا قالوله بنعطيكم زياده حق كل الموظفين 500 دينار .. ولا اذا قالوله بنزيد المهندسين 500 والباجي 200 .. جذي بيستانس المهندس ؟؟

    حب لأخيك ماتحب لنفسك

    كا في غير المهندسين مايعطونهم كادر صارلهم سنين ماسوو جذي .. قانونيين ومحاسبين ,,, الخ ولا بس المهندسين اللي عندهم جمعية ؟؟

    غير جذي جان تشطرت الجمعية على الحكومة لمه زادوا كل موظفين الدولة 170 ماعدا القطاع النفطي 50 .. ماسمعنا منهم لا تصريح ولا شي

    احنا مع المعندسين وبالعكس لو يزيدونهم 1000 دينار عليهم بألف عافيه .. بس مسألة ان واحد يطلع يقول ان الزيادة العامة اهدار للمال العام !! هذا اللي مانرضاه ولا المفروض يكون في اي مهندس يرضى بهالكلام .. لو انت خايف عالمال العام عيل خل الجمعية ماتعترف بشهادات الهندسه اللي تكون مشي حالك من بعض الدول اللي تشتريها مشترى .. بس المسالة تكسبات سياسية وانا استغرب ان مثل هالشخص يمثل جمعية المهندسين
     
  12. مهندس حقاني

    مهندس حقاني موقوف

    55
    0
    0
    يا جماعه ياللي تقولون ينطرون الزياده.........هل انت ترى بأن الزياده يستحقها الكل؟ او انت تبي تعطي اللي يستحق واللي مايستحق وتساوي الكل وهذا لا يجوز لا شرعاً ولا عقلاً...يبه انا كمهندس ما ابي زياده بهالطريقه...اذا ماكو تمييز للموظفين خلاص مو لازم زياده خل يخلونا نروح القطاع الحكومي ولا تهدرون المال العام....مال عيالنا وعيال عيالنا
     
  13. قوس النصر

    قوس النصر بـترولـي نشيط

    70
    0
    0
    هذا الاعلان اللي تكلم عنه الاخ kaka22

    اتمنى من الاخوان اللي انحطت اسمائهم و نزل الاعلان على حساب الجمعيه (وطبعا تمت صياغته من قبل الجمعيه) يجاوبوني على هالاسئلة:

    هل انتم تدرون ان راح يهاجمون الناس كلها باسمكم؟
    هل ترضون ان يتم تلميع الجمعية و تلميع صورة طلال القحطاني (اللي اكبر شي بالاعلان الشكر له) ويكون مذيل باسمائكم

    الجمعية وعدتكم تنزل بيان بخصوص الكادر ... و بعد ماخذت اسمائكم راحت هاجمت الناس و لمعت صورتها باسمكم !!!

    [​IMG]
     
  14. مهندس حقاني

    مهندس حقاني موقوف

    55
    0
    0
  15. قوس النصر

    قوس النصر بـترولـي نشيط

    70
    0
    0
    وانت بعد وياي مستغرب؟ :) ولا انت بعد وياهم تهاجم الامه كلها ؟؟ وخايف على المال العام؟؟ :)
     
  16. مهندس حقاني

    مهندس حقاني موقوف

    55
    0
    0
    ما هاجمت احد!!!!!!!انا قلت الحق والا الحق ماتبونه انتو؟؟؟؟تبونا نسكت


    قلت لك اللي يستحق عطه واللي مايسحق لا تعطيه...بس بمبدئك انت يعني تبي الكل ياخذ...انزين اللي اخذ واهو مايستحق هالزياده بوجهة نظرك شنو؟ اهدار للمال العام والا مو خساره فيه؟ ترى القطاع النفطي فيه موظفين مو كويتيين بشكل كبير اذا ما كنت تدري يعني فوق انه مايستحق الزياده خذيتها من مال الكويتيين و عطيته!!!!!! اذا يستحق انا اول المطالبين له واذا مايستحق انا اول المعارضين
     
  17. kaka22

    kaka22 بـترولـي نشيط جدا

    169
    0
    0
    أخي مهندس حقاني

    اولاً انا اخوك ومهندس بالنفط وللأمانه تصرف الجمعيه غبي لدرجة انه خلط كل شي مع بعض علشان يطلع نفسه من السالفه

    الاسئله اللي حاطينها في بيانهم الغبي المفروض هم اللي يجاوبون عليها لكن من ثوالتهم قاعدين يسألون الناس وين كنتو و وين كنتو. مو يامخدي يا الي كاتب البيان مو جمعية النشاز المفروض هي من تطالب بكادرنا لما اقروا كادرين للحكومه؟ والبيان من كثر ماهو عبيط ما يبي شي أكثر من انه يلمع صورة طلال على حساب المساكين اللي وقعوا بدون ما يدرون شنو اللي كانت الجمعيه تبي تذكره بالبيان. والمبكي المضحك ان في اسامي متكرره يعني يادوب حصلولهم جم واحد وعادوا اساميهم ليكتمل بيانهم التلميعي (شوف جم اسم مكرر) وهذا يعني انهم مو قادرين يحصلون احد يساندهم. مثل ما قلتلك أغلب مهندسين النفط غير راضي عن تصرفات جمعية النشاز.

    ارجوك لا تدافع عنهم بالشكل هذا لانك تشكك القاريء بانك واحد من أعضاء الجمعيه

    تحياتي
     
  18. قوس النصر

    قوس النصر بـترولـي نشيط

    70
    0
    0
    بعد؟؟؟؟ مكررين الاسماء؟؟؟

    لا لا لا .... مو لهالدرجه :)
     
  19. no fear

    no fear بـترولـي جـديـد

    14
    0
    0
    اتفق معاك وياجماعة خلو السفينة تمشى
     
  20. Google

    Google بـترولـي نشيط جدا

    206
    0
    0
    العدل يا نقابات

    صح لسانكم الله مع الحق
     
جاري تحميل الصفحة...
مواضيع مشابهة
  1. المحرر النفطي
    الردود:
    0
    المشاهدات:
    1,768
  2. المحرر النفطي
    الردود:
    0
    المشاهدات:
    1,333
  3. المحرر النفطي
    الردود:
    0
    المشاهدات:
    641
  4. حبه عند اللزوم
    الردود:
    0
    المشاهدات:
    506
  5. المحرر النفطي
    الردود:
    0
    المشاهدات:
    369

مشاركة هذه الصفحة