متى يصرفون السيارات للخفجي؟

الكاتب : desalter | المشاهدات : 1,653 | الردود : 16 | ‏8 يناير 2011
  1. desalter

    desalter بـترولـي نشيط

    135
    0
    0
    خفجاوي
    الكويت
    1-هل خلال 2011 أو ميزانية 2012؟

    2-وهل هي من الاحمدي أم من الخفجي يتم الصرف؟

    اللي عنده اخبار لا يبخل علينا :)
     
  2. ابوسعووود

    ابوسعووود بـترولـي نشيط جدا

    222
    0
    0
    اشدعوة 2012 ليش من كثرهم كلهم 50 سيارة و الصرف عن طريق الخفجى .
     
  3. العوضي

    العوضي بـترولـي خـاص

    1,054
    3
    0
    في شهر ابريل القادم
     
  4. desalter

    desalter بـترولـي نشيط

    135
    0
    0
    خفجاوي
    الكويت
    مشاركة مكررة..نفس الرد اللاحق
     
  5. desalter

    desalter بـترولـي نشيط

    135
    0
    0
    خفجاوي
    الكويت
    انا سمعت المناقصة في ابريل وتسكر مايو ويتم الصرف في اخر السنة أو بداية 2012؟؟؟!!!
    يا ريت احد يجيب العلم الاكيد
    لان الكلام كثير واحتمال بعد الانتخابات النقابية يصير الشغل عليها؟!!!
    وهل الميزانية مرصودة وموافقين عليها؟ والا كالعادة قرارات واخرتها مافيه ميزانية موافق عليها!!
     
  6. القرناس

    القرناس بـترولـي نشيط جدا

    153
    0
    0
    صراحة ظلم سالفة السيارات الحين مو ينطبق قانون القطاع النفطي علينا؟ ليش يطبقون اللي يشتهون واللي ما يشتهون يحطون شروط يديده؟ بمعنى قريد 16 بالقطاع النفطي واللي يعادل 24 بالخفجي ياخذ سيارة وبالنسبة الوفرة اقل من قريد 16 يمكن 13 واحنه بما يعادل قريد 17 ليششششش؟ ولحد يقولي صرف السيارات حسب تقدير الشركه جذي تصير السالفة مزاج مو قانون.
     
  7. اللهم عليك بالظالمين

    اللهم عليك بالظالمين بـترولـي نشيط جدا

    273
    13
    18
    حسب اللي سمعتة ان النقابة رفضت السيارة حق قريد 24 لان الدارة قالت ناخذ منك ال1000 ريال "77 دينار" بدل طريق او مواصلات "ما اذكر شنو بالظبط" بينما الوفرة يقصون منهم بس 54 دينار
    او انهم يعطونها حق قريد 25 و ما تنقص منهم فنقابتنا وافقت حق قريد 25 الحين و بعدين بترد تناقش قريد 24

    بصراحة قرار غير موفق من النقابة لان "بنزين السيارة + السيرفس يكلفك اقل شي 100 دينار شهريا" غير السيرفس الرئيسي 200 دينار وفوق والتواير وانت رايح...
    و لو كنت مكان النقابة وافقت حق قريد 24 لان بالنهاية يكون اختياري للموظف يبي سيارة او يبي ال80 دينار

    ارد اكرر حسب اللي سمعته... اتمنى نسمع الكلام الصحيح
     
  8. AZIZ77

    AZIZ77 بـترولـي نشيط

    135
    1
    18
    والله اذا كلامك صحيح فهذه مصيبة
    ليش ما يكون فيه مناقشة واجتماع ما بين النقابة والموظفيين لمناقشة الامور الحاسمة والمهمة
    بالنسبة لي لو ادفع 200 دينار بس ارتاح من سالفة التصليح والصيانة والبنزين
    يعني دوامنا بالخفجي وترجع البيت الساعة 4 ونص وين يمدينا نروح نغيير تواير وصيانة وسفايف وهيئة امامية وخلفية شغلات غريبة عجيبة.
    اتمنى يكون في وقفة من قبل النقابة
    على اقل تقدير المساواة مع باقي الشركات
    قريد 16 = 24 ولو انه فيه ظلم بعد اذا نبي نحسب عدد السنوات للوصول الى الدرجة 24 وهي 12 سنة
    بينما تقدر توصل لقريد 16 خلال 8 سنوات فقط !!!!!!!!!!!!!!
     
  9. جابر

    جابر قــلــم بــتــرولــي أعضاء الشرف

    الله يعين ..وأتمنى إن هالكلام مو صحيح ...
    لأنه إذا صحيح ..
    فالشباب (فضلوا) يعطون قريد 25 سياره + 1000 ريال ...
    بدلا من إعطاء الجميع (24 وفوق) سيارات وخصم الف ريال ..وهذى ضربه كبيره للجميع


    وبالذات للشباب اللى درجاتهم 23-24 وهم أكثر بكثير ....من اللى درجاتهم 25 .. ..
     
  10. desalter

    desalter بـترولـي نشيط

    135
    0
    0
    خفجاوي
    الكويت
    أبشركم،، نزل تعميم اليوم موقع من العدساني بصرف السيارات للدرجة 25 و 26 و 27
    ألف مبروك ويستاهلون والفال للدرجات اللي بعدها.
     
  11. desalter

    desalter بـترولـي نشيط

    135
    0
    0
    خفجاوي
    الكويت
    بس للاسف راح يقصون الالف ريال 84 دينار،، والموضوع اختياري اللي ما يبي سيارة لا يوقع على الفورم
     
  12. ابوسعووود

    ابوسعووود بـترولـي نشيط جدا

    222
    0
    0
    وصل الاميل مبروكين ويعطيهم العافية النقابة على هالميزة ويستحقون الشكر وانا اعتب على بعض الزملاء فى مشاركاتهم ان النقابة رفضت المطالبة لغريد 24 وهذا الكلام موصحيح بالعكس بس مشكلتنا من ربعنا اللى فى الخفجى ( الادارة العليا ) وياليتهم سكتوا وخلو الامور تمشى على الاتفاق الاول الله يهديهم بس ما يضيع حق وراه مطالب ونقول ونكرر بيض الله وجيهكم وما قصرتوا
     
  13. desalter

    desalter بـترولـي نشيط

    135
    0
    0
    خفجاوي
    الكويت
    ما فيه أحد جاب العلم الأكيد في اجابة السؤال!!!
    متى تتوقعون يصرفون السيارات
    هل قبل الانتخابات أو بعد الانتخابات؟؟؟!!!
     
  14. بوراكان

    بوراكان بـترولـي نشيط جدا

    281
    0
    0
    عاد وصلونا معاكم

    لا تسوقون السيارات بروحكم

    اخاف تنعسون ولا تصيبكم عين
     
  15. عمليات الخفجي

    عمليات الخفجي بـترولـي نشيط جدا

    349
    13
    18
    السيارات تصرف من وين
    والزملاء السعوديين يخقلهم ولا
     
  16. ابو هاني

    ابو هاني بـترولـي نشيط

    146
    0
    0
  17. desalter

    desalter بـترولـي نشيط

    135
    0
    0
    خفجاوي
    الكويت
    آخر الاخبار..
    السيارات راح تجي طلبية من أمريكا عن طريق الوكيل اللي بالسعودية أعتقد ( العيسى )
    وكلهم 37 سيارة كابرس ال اس!!
    يعني معقولة السعودية بكبرها مافيها هالعدد من السيارات؟!!!

    أعتقد الموضوع فيه ان!!
    وتوفير بالمواصفات!!

    وشكل الموضوع مطول
     
جاري تحميل الصفحة...

مشاركة هذه الصفحة