قسم تطوير الحقول F . D .

الكاتب : خالد | المشاهدات : 5,859 | الردود : 67 | ‏28 ديسمبر 2010
  1. خالد

    خالد بترولي خاص أعضاء الشرف

    404
    10
    18


    إشتكالي أحد مهندسي هذا القسم وبث لي همومه منه

    وعليه حبيت أفاتحكم باالموضوع لعل وعسى أن نتوصل لحل أو يسمع القائمين على هذا القسم ويتنبهوا للأمانه التي بين يديهم وسيسائلون عنها يوم القيامه بلا شك ولا ريب

    فهل يغقل أن يكون الأوفر تايم محتكر لشخص واحد بقسم غرب الكويت

    وهل يعقل أن يطلب موظف هندي ترقيته للدرجه 15 حيث هذه الدرجه فارغه حاليا ونفس الموظف هذا يتمتع بسياره وبيت بالشركه والطامه الكبرى أنه يسافر بمهام خارجيه ولمدة ستة شهور كل سنه والحسابه بتحسب وباقي السنه يستكمله بالعمل الإضافي

    يعني هذا القسم أصبح طارد للكفائات وأبناء البلد

    هذا مانقل لي والكثير لم أذكره لعدم التجني بما أنه لايعقل بقسم بالكويت أن يحدث كل ماسمعت

    أرجوا ممن لديه معلومه أن يفيدنا ولا تكون إفتراء فقط

    وكذلك أرجو من المسؤلين الإنتباه بمن يتلاعبون بهم ويستغلونهم ويمصون دماء أبنائنا ووطننا

    والله أعلم
     
  2. dejavu

    dejavu بـترولـي نشيط

    66
    0
    0
    يا جماعة الخير

    الربع ما يبوون الا هنود ليش!!!!!!!!!!!!!!!!!!!

    لانه الهندي بكل بساطة يقوم بشغله و الي ماله شغل فيه يعني تملق, الى ان يدمن المسؤول دلع هذا الهندي و بحكم حب التقاعس يصير الهندي الكل بالكل لانه اهو الي قاعد يسوي كل شيي.
    انت بتيي و تقول هذا صح و هذا غلط فمايبونك!


    عرفت المعادله شلون قايلة!!!
    يا امه انك تقول Yes Sir ولا لا تفكر باي ميزه

    حسبي الله عليكم جميعا ياللي ظالمين الشباب, و اسال الله لكم الهداية

    الله يعيين الكويتيين و الله و اخر يقولك الكويتي ما يشتغل !!! و الشباب ذبحهم المرض و التعب و هل ما يشتغلووون


    الله المستعان
     
  3. bea2614

    bea2614 بـترولـي جـديـد

    14
    0
    0
    يا معود احمد ربك على النعمة اللي انت فيها في الوست على الاقل العدل في الظلم حلو (على الاقل بين الكويتيين)، تعال شوف تطوير الحقول في النورث، يقوللك في شغلة اسمها (OJT) تعتبر من حق كل موضف قريد 14 و ما عليه مشاكل (من ناحية الانجليزي و التقييم) فى 7 اندزو خلال السنتين اللي طافت اغلبهم قريد 14 و 15 مع انه في 8 موضفين قريد 16 و 17 مو سائلين عنهم!
    و الادهى من هالشي صاير عندنا شغلة جديدة ينقالها سبشل ديوتي (ديوتي فترة شهرين تقريبا) درزوا 3 في السنتين اللى طافت و اللي ملاحظينة كل الموظفين ان كل اللي راحو موظفات(عليهم بالعافية) يو دي (قريد 12 و 13)! و عذر الاداره اللي عندنا ان ما في موظفين نقدر ندزهم او جي تي لذلك فهم مضطرين يدزون يو دي و يحسبون ال او جي تي على انه ديوتي لان ال kpc ما ترضى UD يروح OJT (اداراتنا حدها قانونية :)). و لو قلتلهم في كثير من الموظفين تنطبق عليهم الشروط يكون الرد جاهز: فلان ما نقدر تستغني عنه لفتره طويلة، و فلان هذا المشروع بالذات ما راح يستفيد تدريبيا منه!
    شرايكم بامبراطورية تطوير حقول شمال الكويت؟؟!!!
     
  4. مؤشر برنت

    مؤشر برنت بـترولـي نشيط جدا

    178
    3
    18
    ذكر
    مهندس ميكانيكا
    الكويت
    نفس الألم والمعاناه ولكن وين دور النقابه بمثل هالمواضيع وين دور العلاقات الصناعيه ووين دوركم أنتم كموظفين تسكتون على هكذا ظلم وين كذلك نواب الأمه اللي وصلتوهم للبرلمان ووين ووين الى مالا نهايه فالساكت عن الحق شيطان أخرس تحركوبكل حدب وصوب وأفضحو هالممارسات ولا شاطرين بالتحلطم والتشكي والنفاق للمسؤول بالطلعه والنازله ولما يطيح الفاس بالرأس تلمون غيركم لومو أنفسكم فهالمسؤول لو وجد أسود ما تجرأ يحط هالهندي عليكم حنا ببلد قانون ومؤسسات المجتمع المدني وصدق المثل لما قال (أيش قواك يا فلان قال منهو نهاني )وللمسؤولين أقول الدنيا دواره وبكره ما سويته بغيرك يسوونه بولدك ويامالك وبتشوف ولا تسكتون عن أي حق أنتو أبناء الوطن أنتو أولى ولا شاطرين على الضعاف من الموظفين الأقل منكم ومخلين التماسيح (أسد علي وبالحروب نعامة) وعجبي.
     
  5. nsfd

    nsfd بـترولـي جـديـد

    7
    0
    0
    اللي سامعينه عن اقسامكم انكم ما تداومون عدل يمكن اللي ما راحو دوامهم طناش
     
  6. خالد

    خالد بترولي خاص أعضاء الشرف

    404
    10
    18
    السلام




    أشكر مشاركتك

    والحين نلوم الهندي الي يدور رزقه ولا نلوم المسؤل الي يجبره على كلمة يس سير
     
  7. خالد

    خالد بترولي خاص أعضاء الشرف

    404
    10
    18
    السلام



    والله لو يبون يطلعون قوانين يطلعونها ولو بيتجاوزونها يقدرون وبكل سهوله ولمصلحة العمل

    يعني القوانين تفصيل وكل واحد ومقاسه

    وشكرا لمشاركتك
     
  8. خالد

    خالد بترولي خاص أعضاء الشرف

    404
    10
    18
    السلام



    النقابه مسيسه

    يعني بالعاميه مديوس على رقابهم

    ولكن هناك طرق قانونيه تجيب الحق لراعيه

    وأهمها والي تخوف المخطي دائما وعن نفسي إستعملتها مرتين وجابت حقي وزود مع إعتذار

    والطريقه إن المظلوم يرفع إيده لله أولا ويدعي

    ويدعم دعائه بالعمل ويكتب كتاب تظلم ويوجهه للسيد رئيس مجلس الإداره عن طريق التسلسل

    حيث هو الشخص الوحيد الذي يستطيع توجيه التظلم للعلاقات الصناعيه للبت فيه

    والله الموفق
     
  9. خالد

    خالد بترولي خاص أعضاء الشرف

    404
    10
    18
    السلام



    الظاهر إنك أحد هالمسؤلين إياهم

    وسالفة إن الشباب مايداومون هذه عيبه على المسؤل وليس الشباب

    فهل تصدق غن بعض المسؤلين يتراخى ويرخص مخصوص لكسر عين الشباب وكسب ودهم وهو يدفن لهم الشر ويطلع عليهم أنهم غير ملتزمين بالدوام

    ياخي نبه وإتخذ إجرائك وخلك حازم وشوف مدى إلتزام الشباب

    لكن تخلي القرعه ترعى والهدف إسائة السمعه لاحقا فهذا ما لا يقبل

    وحياك الله يامسؤل
     
  10. bea2614

    bea2614 بـترولـي جـديـد

    14
    0
    0
    ما استبعد يكون مسؤول لان دفاعه و منطقه مو طبيعي...........
    و اتمنى يكون مسؤول علشان يعرف راي الموظفيين بقدرات مسؤولينا في ادارة الاقسام و الادارات في الشركه!
     
  11. بيومي الطلطعشر

    بيومي الطلطعشر بـترولـي جـديـد

    5
    0
    0
    اخوي كلامك هذا فيه شي من الصحه و اللي مخليتك انت و نسبه لا يستهان فيها من زملائك متذمرين من سالفة السفرات الطويلة اللي يحصل عليها بعض الموظفين بدون مراعاة الشروط و الاقدمية.
    ابشرك وصلني كلام من صديق عزيز و انشالله ثقه ان مديركم ناوي يصحح الاخطاء اللي حاصلة في ادارته "و هو حاليا يجهز او معشم نفسه لمنصب مدير تنفيذي في السركولر اليديد" و يفتح باب السفرات الطويلة لمهندسين البترول و اللي كان مغلق من 5 سنوات و حكر على مهندسين المخازن النفطية و الجيولجيين فقط.
    البرامج بتوصل خلال 4 اسابيع و بيكلمون المهندسين حسب الاقدمية في القريب العاجل.
     
  12. خالد

    خالد بترولي خاص أعضاء الشرف

    404
    10
    18
    السلام



    عزيزي ليته يكون مسؤل ويوصل لمكمن المشكله ويصلح في موقع مسؤليته

    وكتابتنا هنا نوع من إيصال الصوت لمن يهمه الأمر وليس تحلطم وتشكي بلا فائده

    وشكرا على مرورك
     
  13. خالد

    خالد بترولي خاص أعضاء الشرف

    404
    10
    18
    السلام

    الحج بيومي إزيك

    من مشاركتك ورقمها أعتقد إنك شاركت مخصوص لترد

    وهنا أستنتج بأن كتابتي بدأت تؤتي أكلها بإصلاح الخلل

    وهذا شيء يشرفني ويشرف المسؤل بما أننا خطائون ولسنا بمنزهين

    وليس العيب بالخطأ بل التمادي والإصرار به

    أما إذا معشم نفسه فما لنا دخل بالنوايا وخفاياها لعلنا نظلم هذا المسؤل

    عموما جزاك الله خير على البشاره هذه

    وشكرا لمرورك
     
  14. API 18

    API 18 بـترولـي مميز

    513
    0
    0
    للاسف اكثر المسؤولين بالشركه ماعنده علم اداره ولا تدرج التدرج الصحيح للوصول الي المنصب الاداري فتلقاه توهق ..و المنقذ هو الموظف الاجنبي اللي مايقول لا لاي مهمه تعطى له من مسؤوله فهنا ينحط الموظف الكويتي ضد الموظف الاجنبي بكفتي الميزان وانتو ادرى من الفايز .وطبعا هذا الحال مو بس بالشركه و بالدوائر الحكوميه الاخرى لازم تلاقي اجنبي اصلع مشدخ اهو اللي امشي الشغل.. للاسف حتى نشوفهم بكثره بلجان مجلس الامه .انا برايي نقدر ان نقضي على هذه الظاهره الغير صحيه:

    1- تكويت الوظائف
    2-مو كل موظف يصلح يصير قيادي لازم يكون في شروط و مهارات والا ناس وايد و مصلحة الشركه راح تكون في خطر و هني يجي دور اعطاء الموظف درجات من غير ربط مع مسمى وظيفي
    3-يصير في تقييم موظفين لمسؤولينهم_اخ لو تصير هالشغله
     
  15. nsfd

    nsfd بـترولـي جـديـد

    7
    0
    0
    الله يهداك اخوي. شوي شوي. داش علينا بشراع و ميدار مسؤؤل و مسؤؤل.
    يبه لاني مسؤؤل و لا شي. بس حبيت اوضح شغله معروفه عن تطوير شمال الكويت ان دوامهم كلش مو منظبط لدرجه ان واحد من مهندسينهم قاللي شغله ما صدقتها في البداية و بعدين تاكدت منها و هي ان زؤساء الاقسام مو قادرين يسيطرون على التسيب لدرجه ان المدير بنفسه صار يشيك على الموظفين الساعه 7 .
    انا لما قلت ان اللي ما راحو اكيد من المو منظبطين مو معناته ان اللي سافرو من المنظبطين. بس كشغله بيد المدير اذا بغى عذر.
    علشان ابينلك ان الحظورو الدوام عندهم مشكلة أخوي: تعرف ان مديرهم موقف درجة 2 من الموظفين الكويتيين عنده على درجه 14 مع ان اللي توظفو معاهم في نفس الدفعة درجاتهم الحين 17 و للعلم و للامانه ان اللي انذكرلي ان هالاثنين دوامهم لا يعتبر الاسوأ بين الموظفين . اصدمك اذا قلتلك (والعهده على الراوي)ان عندهم موظف مادري موظفه حاشهم انذار على الدوام و هم خذا اوت ستاندنق و سافر.
    فالزبده ان المسؤؤل يقدر يستخدم حجة على ناس و لا يستخدمها مع ناس ثانيه لتبرير بعض قراراته
    و شكرا على شكك فينا يا بو وليد
     
  16. bea2614

    bea2614 بـترولـي جـديـد

    14
    0
    0
    بيومي ما ادري انت منين مألف سالفت 4 أسابيع، و صدقني حتى بعد 4 شهور ما راح يصير أي شي.
    و هم سالفت المدير اللي بيصحح اخطائه، برايك تصحيح الخطأ بانه يدز مهندسين البترول Ojt ؟؟؟!!!
    يالحبيب تصحيح الخطأ يكون المساواه بان يدز الناس سبشل ديوتي مو بس مهندسين البترول ، يدز حتى اللي راحو ojtمن مهندسن المكامن (مو المخازن اللي انت كاتبها:d) و الجيولوجيين من باب رفع الظلم عنهم.
    و سالفت ترقيه المدير الى مدير تنفيذي هذي ما نتمناها بعد التخبط اللي سواه في ادارته لتطوير حقول شمال الكويت، الريال وايد عليه قسم ال Water Handling اللي كان ماسكه كرئيس قسم بمساعدة المهندس حسين عرب اللي كان مشي القسم و يعتبر رئيس القسم الفعلي.
    و سلام مربع لك يا استاذ بيومي:)
     
  17. mishmish

    mishmish بـترولـي جـديـد

    5
    0
    0
    للأسف الشديد يستمر التخبط في قسم تطوير الحقول شمال الكويت

    آخر الأخبار

    هناك ثلاث أشخاص تم ارسالهم للـ Ojt منهم شخصين يستحقون الذهاب بمعني ان قريدهم 14 أو أكثر والشخص الثالث قريد 13

    تم ارسال الشخصين على أساس Ojt لمدة 3 أشهر تقريباً 9800 دينار اذا ماني غلطان
    والشخص الثالث (قريد 13) على أساس ديوتي لمدة 50 يوم تقريباً 10,000 دينار

    وين الانصاف يا مدير المجموعة ناس تروح شهر ونص وتقريباً وياخذون أكثر من الناس اللي راح تروح 3 اشهر

    اقل مده واكثر فلوس !!!

    ومع هذا الشخص الثالث رايح ديوتي :)

    يعني يحق له يروح Ojt بالمستقبل

    قوووووووووووويه والله
     
  18. بيومي الطلطعشر

    بيومي الطلطعشر بـترولـي جـديـد

    5
    0
    0
    اذا اردت ان تطاع اطلب المستطاع.
    تبيهم يدزون كل الناس سبشل ديوتي! ترى ميزانية الشمال كلها ما راح تكفي:confused:
    زين ان المنجر صار يفكر يدز مهندسين البترول بعد ما كان الموضوع حلم بالنسبه لهم.
    صراحه انتو محظوظين ان عندكم مدير اسمه بو عبدالله يفكر ان يعدل الاخطاء اللي يتسبب فيها رؤساء الاقسام اللي تحته اللي رشحوا الموظفين ووصلوله فكره ان ما في احد يبي يسافر لفترات طويلة.
    ترى بو عبدالله من اكثر الناس الحقانيين اللي قليل ممكن تلاقي لهم مثيل في الشركه، علشان هالشي اعتقد ان من حقه يطمح للترقيه و بيكون الشخص اللي يشرف المنصب و مو العكس.

    و اصبر كم اسبوع و بتشوف اذا السالفه اوهام مثل ما تقول و الا صج

    و الميه تكدب الغطاس
     
  19. بيومي الطلطعشر

    بيومي الطلطعشر بـترولـي جـديـد

    5
    0
    0


    ليش ما عندكم الجرئه، شلون تلومون المدير ، ترى المدير ما له علاقه بالسالفة كلها، بدر السعد حب يحجم رؤساء الاقسام الثانيين و يكبر بعين موظفينه على حسابهم

    المدير و قع على الترشيح مثل ما هو بدون لا يتدخل و انا متاكد من المعلومه

    اتمنى يكون عندكم شو ي شجاعة و ما تتهمون الناس بالباطل
     
  20. mishmish

    mishmish بـترولـي جـديـد

    5
    0
    0
    المسأله يا اخي العزيز مسألة انصاف وعداله

    أنا شخصياُ قريدي 14 ويحق لي أروح قبل اللي قريده 13

    بالأساس ليش يوقع على شخص قريده 13 ان يروح !!! يعني بتقولي رئيس القسم تمشي كلمته على المدير !!! معقوله !! المفروض وعلى حسب القوانين اللي أكيد هو يعرفها لأن مو معقوله أنا أعرف القوانين وقريدي 14 وهو ما يعرفها !!

    القانون يقول الديوتي حق قريد 14 وفوق

    لا تكسر القوانين عشان لا يكثر القيل والقال

    وهذا للاسف ثاني مره تصير والشاطر لا يقع في الخطأ مرتين
     
جاري تحميل الصفحة...

مشاركة هذه الصفحة