فضيحة الاعلام الفاسد في حادثة ندوة السعدون!!!!!

الكاتب : bo-saleh | المشاهدات : 610 | الردود : 1 | ‏23 ديسمبر 2010
  1. bo-saleh

    bo-saleh بـترولـي مميز

    شوفوا ياهل الكويت مايفعل بكم بالاعلام الفاسد وشوفو يامن رفعتوا شأن هذا الساقط اللاقط اشلون ضحك عليكم


    لنبدأ


    بوفهمي: صج يا بومشكل إحنا عندنا إعلام فاسد ..؟

    بومشكل: خلف الله على عقلك يا بوفهمي يعني إنت ما تدري ..؟

    بوفهمي: لا مادري يا بومشكل نوري ..

    بومشكل: إنت تبي تودينا في داهية بس مو عارف اشلون ..!
    إنزين خلني أنورك .. والله يستر من اللي إينا من وراك يا بوفهمي ..!

    بوفهمي: ليش كل هالخوف يا معود ترى كله سؤال وكلمة .. وها يا كلمة ردي مكانج ..!

    بومشكل: عقب شنو عقب ما خربتها يا بوفهمي ..!
    أنا أقول خلك معاي أحسن وطالع هالصورة وقولي شرايك فيهم ..؟



    [​IMG]



    بوفهمي: صورة عادية ما فيها شي ..!

    بومشكل: أصبر شوي على رزقك لا تستعيل ..
    شوف الصورة الثانية ..


    [​IMG]


    بوفهمي: هم صورة عادية ما فيها شي ..!

    بومشكل: إنت ليش مطفوق يا بوفهمي ..؟
    إصبر ولا ما تقدر تصبر يعني ..؟
    خلاص شفتهم وقلت ما فيهم شي مو جذي ..؟

    بوفهمي: إيه ما فيهم شي ..

    بومشكل: شرايك في هذي الصورة مركبة ولا لأ .. ثبت أنا أقول ثبت وبقق عويناتك أحسن من الكلام الزايد


    [​IMG]


    بوفهمي: أوخ .. شنو هذي الصورة .. ؟
    تصدق ما انتبهت لها ..!

    بومشكل: شرايك باللي قاسمين ويهه قسمين ولازقين عليه الصورة ..؟
    لا تستغرب .. تراك بعد ما شفت شي ..!
    شوف أنا أقول شوف أحسن ..


    [​IMG]


    بوفهمي: شنو هذي يا بومشكل ..؟

    بومشكل: يعني شنو شايف نخلة ولا بعد ما تعرف تقرا ..؟
    شوف مكانها وين ودقق عدل في الصورة الأولى وشوف وين صارت في الصورة الثانية المركبة ..!
    كمل شوف ولا تتكلم ..


    [​IMG]


    بومشكل: وهذول الأشخاص اللي يم النخلة ..!
    كمل وشوف إعلامنا المو فاسد ..!


    [​IMG]


    بومشكل: ها شرايك ..؟
    أكمل ولا بس شبعت ..؟

    بوفهمي: ليش أهو في شي بعد ..؟
    كمل .. كمل خلنا نشوف ..!


    [​IMG]


    بومشكل: شفت شلون بقدرة قادر النخلة قربت يم سور البيت ..!
    وصارت قريبه من مكان الحادث ..!


    [​IMG]


    بومشكل: شوف التركيب اللي على أصوله ..!
    الريال المتلثم واقف يم باب البيت ..
    والصورة الثانية خلوه يم الحادث ..!


    [​IMG]


    بومشكل: بالله عليك شلون تركب هذي ..؟
    الناس نصها يطالع تحت مكان الإعتداء ..
    والباجين يطالعون جدامهم باتجاه الطوفه وخاصة بو عصايه ..!
    إنزين تبون تلفقون تهمة تركبون صور وتتهمون الناس اتهموهم عدل مو بهالطريقة الغبية ..!

    بوفهمي: لا بالله خوش إعلام عندنا .. إنت من صجك والله ..؟
    صدتمني يا خوي يا بومشكل ..

    بومشكل: وعشان أصدمك أكثر خذ هالصورة فيها الشامل كله ..


    [​IMG]


    بومشكل: وفوق البيعة هالمتحرك لك بعد يمكن يسرك أو يسر غيرك ..!



    [​IMG]


    بوفهمي: لا حول ولا قوة إلا بالله .. ليش هالتبلي على عيال خلق الله ..؟

    بومشكل: هذا إعلامنا المو فاسد ..!
    إلا لو كان إعلامنا فاسد جان شنو يسوي أكثر ..؟




    قوووووووووووووووووووية ...
     
  2. Mr.nO

    Mr.nO بـترولـي نشيط جدا

    450
    0
    0
    fire fighter
    q8



    تحليل مميز تتميز به هذه الجريدة الإلكترونيه التي غالباً وبنسبة 98% ماتكون تحاليلها تمثل الحقيقه

    وتلامسها بطريقة صحيحه خاليه من النفاق , وهذا يدل على أمرين :


    مصداقية هذه الجريدة الإلكترونيه ووقفتها مع الشعب وعدم تزييفها للحقائق وعدم وقوفها مع جانبٍ ضد الآخر ,

    كما تفعله الأغلبيه العظمى من الوسائل الإعلاميه التي بدورها تسخر جميع وسائلها لطمس الحقائق وتظليلها

    وزرع الفتن بطريقة فنيّه تريدها هذه الحكومه التي سخرت جميع ما يعارضها بالمال , ولم تسخرهم بالرأي , التي تعلم

    هذه الحكومه بأنها على خطأ وتتمادى به .




    وكذلك يدل على أن فساد الإعلام الكويتي وهذا ماتطمح هذه الجريدة لعرضه أمام القراء

    وذلك ليس للمنافسه بل لعرض الحقائق .




    ولكن الدور الأكبر هو للحكومه التي تسبب هذه الأمور والدور الثاني للإعلام الذي يطمس هذه الحقائق ويظللها ,

    وهذا ماتوده الحكومه .





    فعجباً لحكومة هذه سياستها في التنميه .
     
جاري تحميل الصفحة...

مشاركة هذه الصفحة