سعد زنيفر ( إحترم شيبتك ) .!!

الكاتب : bo-saleh | المشاهدات : 1,142 | الردود : 2 | ‏22 ديسمبر 2010
  1. bo-saleh

    bo-saleh بـترولـي مميز

    هذا المقال ياخوان من منتدى العوازم وجدا عجبني لواحد اسمه سيف القراشي معروف عنه الصراحه في مقالاته وحبيت انقله لكم واقولكم ياخوان عيال عطا ماهم راضين على الوضع الحالي في اعضاءهم المتخاذلين ماعدا الصواغ


    بيض الله وجيهكم ياعيال عطا يارجال






    .. بسم الله الرحمن الرحيم ..
    .. وبه نستعين ..


    السلام عليكم ورحمة الله وبركاته ,,
    تحية طيبة وبعد ,,


    مقــــدمة :

    تعلمنا من شيبانا إن إحترام الكبير واجب , و تعلمنا من ديننا الحنيف إن إحترام الكبير واجب كما رحمة الكبير بالصغير واجبه .

    يعلم الله - عز و جل - إنني أرفض أن أتحدث بلهجة قاسية و لم أبدأ بالقسوة في النقد إلا بعد إن بلغ السيل الزبى و خلاص ما عاد ورا و الدستور تم تفريغه من محتواه و الإعلام تم مصادرة حريته و النواب تم ضربهم و المواطنين كذلك فما عاد ورا .



    - يا " سعد زنيفر "إحترمناك فأحترم شيبتك :

    لما نجحناك ووصلناك كرسي العز ..!!


    رحت و سويت عشاء لــ " أحمد الفهد " رغم إنه كان منظم و داعم لتحالف لأجلكم اللي كان يهدد العوازم في وقت حرج صار فيه إنشققات عن التشاورية .

    و إحترمناك عشان سنك و سكتنا ..!!


    لما سحبوا عيالك و الشيبان بالباصات و طقوا عيالك و إخوانك هقيناك بتوقف ضد الوزير على الأقل لرد الإعتبار أمام الحكومة ..!!

    رحت و عطيت الثقة للوزير مرتين رغم إنه كان مزور بشان التحويل للنيابة بدون صيغة إتهام , و رغم إنك تدري إن الوزير متورط بشكل ما " بالخمس ملايين " .


    و إحترمناك عشان سنك و سكتنا ..!!


    لما صار إستجواب بشأن تلـــوث " ام الهيمان " و هالمنطقة لها خير عليك و أنت عارف شنو أقصد , و يكفي وصلتك هالمنطقة لمجلس إدارة جمعيتها و أعطتك ثقتها بيوم من الأيام , و بهالمنطقة 45 ألف مواطن حياتهم يهددها التلوث ..!!

    رحت و صوت على السرية ؟!

    ليش السرية يا " بو راشد " ..؟!


    و مع هالشي ..!!


    إحترمناك عشان سنك و سكتنا ..!!



    يا " بو راشد " ,,


    عقب كل هذا لا زلنا نقول ترانا نحترمك كشايب من شيبانا لكن إحترم شيبتك و سنك ترا الناس يقولون إنك من النواب اللي "إقبضوا " ..!!

    و قالت عنك جريدة " السياسة " إنك خذيت ( رشوة ) و ما رديت و سكت ..!!

    و بصراحة ! حتى تثبت عكس هالشي و تقولنا ليش تصوت مع الحكومة بحجة منطقية وواقعية ..!!


    تبقى هالتهمة عليك ثابتة و عشان هالشي يا " أبو راشد " ..!!

    أقولك إحترم شيبتك و إحشم عيالك عن السمعة الشينة و ( أثبت العكس )..!!


    وترانا إن إحترمناك ما يعني إننا راح نسكت عن بيعك لنا ..!!


    لأن سنك ما يعطيك الحق إنك تبيعنا بمقابل مصالحك و معاملاتك .!!

    و راح نواجهك في كل مكان ولك في أخونا " د.مشعل أبو ذراع " خير مثال على المواجهة و الصدق و المرجلة و كلنا راح نصير " د.مشعل أبو ذراع " في كل مناسبة ..!!
    وبالنهاية يا "سعد زنيفر" ( إحترم شيبتك ) .!!



    ملاحظة :

    يا " أبو راشد " الشيوخ ماراح يبقونلك و لابتك و عزوتك عيال عمك و إخوانك هم اللي باقينلك و هم اللي حطوك على كرسي العز ..!!


    دمتم بخير و عافية ,,

    تقبلوا خالص و عميق تحياتي ,,
     
  2. مؤشر برنت

    مؤشر برنت بـترولـي نشيط جدا

    178
    3
    18
    ذكر
    مهندس ميكانيكا
    الكويت
    الشيب والشباب

    أصلا اللي يحترم شيباته ما يفكر بالمجلس لأنه مساومات وتنازلات وأهانات والفحل اللي يصمد أمام تلك المغريات
     
  3. m6y000r

    m6y000r بـترولـي جـديـد

    30
    0
    0
    ماقول الا وصمت عار في جبين الكويت

    واهل الدائره الخامسه الي امثال سعد زنيفر

    في مجلس الامه

    سعد شهاده متوسطه يعني حرام واحد مثله

    يمثله الامه رجال ما يعرف يتحدث

    وعلى ما سمعت انه كان يشتغل في المطار

    تاكسي.......!!!:eek::eek:

    هذا مجرد رايي فيه يا جماعه لحد يزعل

    هذي الصراحه:
    mad::mad:
     
جاري تحميل الصفحة...

مشاركة هذه الصفحة