Fdp-1 و انتفاع الناس من وراها :)

الكاتب : Bomesh3al | المشاهدات : 1,130 | الردود : 8 | ‏20 ديسمبر 2010
  1. Bomesh3al

    Bomesh3al بـترولـي جـديـد

    48
    0
    0
    سلام عليكم يا اخوان

    اليوم نبي نشوف ردود افعال و اراء الناس اللي تشتغل بالشركه و تحس انها مظلومه ....

    اف دي بي مشروع مكلف فلوس الى ما شاء الله .. اكو كورسات على ميزانيه المشروع للموظفين ... و شغل عدل فيها بيزات طيبه حق اللي يدورون بيزات و سفرات ...


    السؤال اهو .. كيف الشركه او بالعربي الدفجن او حتى مدير الدائرة يوقع على كورسات لناس ( جونير ستاف ) ( و اكو منهم مهندسين ولا يعرف يتكلم او يسوي بريزنتيشن بالانكليزي ) في دول اجنبيه اوروبيه الخ و هما حتى فهم ما يفهمون باللغه الانكليزيه !!! :D

    يعني اصرف فلوس على واحد ما يعرف انكليزي و ادزه دوره لدوله اوروبيه مثلا ....الكورس فيها بالشرح الانكليزي و ليس عربي .. ؟؟ عشان اقول راح يفهم ...

    شلون تصيبر ؟؟؟ هل هي سفره راحه و استجمام و اخذ فلوس و تقديم ناس على ناس و سافر و تعال وانت ما تدري شنو السالفه ؟؟ او حتىكلفوا على نفسهم يقولون تعال يبه احنا عطيناك فلوس عشان ترجع فاهم على الاقل سو لنا بريزنتيشن فولنا حظرتك شنو فهمت !!!

    و ناهييييييييييييييييييييييييييييك عن سالفة اخوك ولد عمك فلان يصلي معاك و لا كل صبح مارك المكتب يرفعلك !! وقت الاختيار للكورس .. عادي يعني يحطون واحد شهادته متوسطه على بو انه فورمن لازم يروح و اوبريتر شهادته دبلوم من التطبيقي لغته ما شاء الله يقوله استريح ماكو مكان مصلحة العمل تقول لازم الفورمن حتى لو ما يفهم لغة انكليزيه :) ههههه ..


    ناس تروح و ترجع و يعطونهم فوق ال 2500 دينار كويتي لمدة خمس ايام و لا هو موووووووووووووفاهم شى اثناء الشرح في الكوس لانه ما مؤهلاته ما تسمحله !! وين نصرفها يا اللي تعرفون الله و صلاة جماعه و لحيه و قرآن ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟:cool:


    تحياتي لكم و ترقبوا الموضوع القادم باذن الله الواحد الاحد ..
     
  2. API 18

    API 18 بـترولـي مميز

    513
    0
    0
    ممكن نعرف شالسالفه والا الزبده و الا الموضوع...ترى ما فهمنا شي.حتى عنوان الموضوع ما ندري شنو. على قولت القايل..الكتاب باين من عنوانه
     
  3. حاطب ليل

    حاطب ليل بـترولـي نشيط جدا

    213
    0
    0
    يا بو مشعل مبين من كلامك إنك مستغرب من اللي قاعد يصير
    بس أحب أطمنك
    هذا شغل الشركة من زمان
    ولا راح ينتهي
    الشركة باختصار بعثييييييييييييييييييين بعضهم يصلون
    نصيحة لا تشوف غير الراتب
    وخلك مثل الناس الزينين
    لا تحط ايدك بوصاختهم
    واشتغل باللي يرضي رب العالمين
    ترى هال................... ما وراهم إنصاف ولا عدالة ولا مساواة
    هالكلام مكانه عندهم بقواميس اللغة
    على أرض الواقع
    ولا شي
    ولا يمكن تحاول تفهم
    لا تتعب نفسك
    مجربينهم من زماااااااااااااان
    كلهم أقصد اللي بيدهم القرار
    مثل الخربانه اللي ما تحلف إلا بشرفها
    تحياتي
     
  4. العوضي

    العوضي بـترولـي خـاص

    1,054
    3
    0
    شي طبيعي بالشركة لان في مقوله لو حبتك عيني
     
  5. OND

    OND بـترولـي جـديـد

    46
    0
    0
    اولا FDP-1 هذا مشرع الغاز والمشرع ابشركم اكتمل وشغالين في تشغيلة انا بتكلم عن الجزء الخاص في ال onshore
    اللي اكل الكورسات هم المهندسين مع العلم انة كورسات فنية يعني على المعدات اللي راح يشتغل عليه مباشرة المشغلين مع الصيانة والاخوان يروحوون للكورس وعقب يقولون الكورس ما يستاهل ان العالم تروح برا جيبو الفندر ونعطيهم الكورس ان هاوس مع العلم ان ميزانية التدريب ضخمة جداً لاكن مع الاسف الظاهر العملية فيه حسد
     
  6. صريح

    صريح بـترولـي جـديـد

    46
    4
    8
    صراحه انا مدري وش دخل اللي يصلي الصبح واللي يعرفون الله وصلاة الجماعة واللحية والقران ... ( على حسب كلام كاتب الموضوع )

    انت تتكلم عن سياسة شركة وعن دورات لدول اوربية واجنبية .. !؟ على حسب ما فهمت من كلامك ..

    الظاهر ان الكلام له مغزى ثاني مافهمته للأسف

    يا ليت فيه تفصيل الكلام ويكون واضح للقارىء
     
  7. Bos3ayd

    Bos3ayd بـترولـي مميز

    523
    4
    18
    اخوي بو مشعل ولله كلامك %100 صحيح ، انا اتكلم عن نفسي اول شي عدد الفنيين الي طالعين اكثر من المهندسين.. هذا 1 ، ثاني شي انا شفت بعض الاسماء الي طالعه دوره "London" ، الي قسم بالله البعض من الي رايحين الكورس مايعرفون شلون يكتبونها و يكتبها بقووقل عشان يصححها له ، وتكلمنا بنفس الموضوع مع مدير الدائره على اساس انه في ناس ماعندها المؤهل الي يسمح لها بفهم الكورس او حتى محتواه ، لكن قد اسمعت لو ناديت حيا لكن لاحياة لمن تنادي...

    عموما الي طاحت ب بطونهم حلال عليهم و الاسامي خلاص طلعت والموضوع صار فيه تعتيم شوي ، وماني مستغرب من سالفت التعتيم لان هالموال شفته كثير بالشركه...
     
  8. وفرة الخير

    وفرة الخير بـترولـي جـديـد

    36
    0
    0
    بلا حسد

    السلام عليكم
    موضوع نابع من الحسد ارضى باللي كاتبه الله لك وخل مني الحسد والكلام الفاضي اذا حاس انك مظلوم روح عند العلاقات الصناعية وتكلم اذا ما خذية حقك تعال اكتب بالمنتدى او روح عند سمير البلوشي الا اذا كانت عليك ملاحظات من قسمك فا هذى شأنك ولا تتكلم بشي انت مو عارف ظرره النفسي عليك
    واسف على .....
     
  9. OND

    OND بـترولـي جـديـد

    46
    0
    0
    احب اوضح للاخوان ان دورة لندن كانت عن الترباين وكانت الدورة عبارة عن كيفية تشغيلة وصيانة يعني الدورة تكون للمشغلين و الصيانة والمهندسين في المشروع عددهم بسيط لايتجاوز 10 طبعان انا اتكلم عن الcommissioning team الجزء الخاص في الonshore لان الدورة ما تتعلق في الofshore نهائياً جميع من ذهب للدورة هم من اهل الاختصاص لاكن اللغط اللي صار ان عدد قليل من حضور الدورة كان على منطقة اخرى غير المشروع يعني مثلاً بعض الinstrument كان من الجنوبية مو مفروز للمشروع
     

مشاركة هذه الصفحة