للمجسمين اللي يبون عيال

الكاتب : bu ali | المشاهدات : 13,288 | الردود : 11 | ‏19 ديسمبر 2010
  1. bu ali

    bu ali بـترولـي جـديـد

    9
    0
    0
    للمجسمين اللي يبون عيال

    ظاهرة تعاطي الهرمونات موجودة في اغلب الأندية الا من رحم ربي.
    وللأسف المدربين عادة يقومون بعمل تجار المخدرات و هم الي يبيعون الإبر و في بعض الاحيان يقزونهم.
    ما في احد من المدربين يوضح إخطار هذي الإبر و غالبا ما يقولون شوفنا او شوف فلان جسمه حلو بس ما يقولون ان كانوا يراجعون عند عيادات العقم و أطفال الأنابيب!!

    الهرمونات المنتشرة تنحصر في مجموعتين:
    1-الهرمون الذكري testosterone ومشتقاته.
    2- هرمون النموgrowth hormone
    *كل واحد منهم قصته طويلة

    مشتقات الهرمون الذكري مثل دكا و سستانون و ونسترول و بريمو و بارابولان و غيرهم تسبب نمو العضلات و لكم في نفس الوقت تسبب ظهور الثدي و ضمور الخصيتين و انخفاض عدد الحيوانات المنوية*
    الفهلوية من الشباب يأخذ اللي يسمونه منظم هرمون مثل برجنيلpregnyl
    اللي اساسا هرمون انثوي يؤخذ من بول الحوامل!!!!!؟
    ممكن يقولون انه يزيد عدد الحيوانات المنوية ولكن تكون ذات جودة متدنية جداً
    مثل انك تحط بدال الكوماندوز كثرهم جيش شعبي
    و البعض ممكن يستخدم كلوميد clomid
    اللي عادة يعطونه لتحفيز التبويض حق الحريم اللي يبون يحملون.
    غيرهم ممكن يستخدم نولفادكسnolvadex المستخدم في حالات سرطان الثدي و العياذ بالله.
    و غيرها من الخلطات اللي ما انزل الله بها من سلطان.

    اما هرمون النمو *
    هناك اعتقاد خاطئ بان بمجرد ان تفحص فحص الخلايا السرطانية *و تجده سليم تقدر ان تأخذه.
    لكنهم لا يعلمون ان اثار هرمون النمو اخطر و اكبر من غيره من الهرمونات.فهو يسبب نمو و ضخامة العضلات بلا استثناء من ضمنها عضلة القلب التي تنمو في حيز محدود(اللي يتذكرون المصارع اندريه العملاق مات بسبب توقف عضلة القلب) مع العلم بانه كان الهرمون اللي عنده طبيعي من جسمه.
    كما ان قد يلاحظ الناس نمو عظام الوجه و الفك السفلي و الكفين و القدمين و تضخم اللسان في الحالة المعروفة ب acromegaly.
    بالضافة الى احتمال الإصابة بالسكري و ضغط الدم.

    هذول الهرمونين نوعين فقط من الكوكتيلات اللي يستعملها الشباب بدون إدراك العواقب.
    في النهاية خلكم على الطبيعي و البروتينات*
     
  2. المنجنيقي

    المنجنيقي بـترولـي خـاص

    1,966
    0
    36
    نفس هذا يعني

    [​IMG]

    أعوذ بالله .. والله لا يبلانا
     
  3. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    مشكور أخوي عالتوضيح

    بالنسبة لي لاعب من ٢٠٠٢ لحد الحين بحياتي ما استعملت هذي الأشياء ولا أحتاجها وآنتقد بشدة من يتجه لها

    شكرا مرة ثانية
     
  4. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    شكـرا علي المعلـومات

    وأنا أقــول خـلك طبيــعي أبــرك
     
  5. العجمـي

    العجمـي بـترولـي خـاص

    1,857
    0
    0
    سـر
    kuwait
    هههههههههههههههههههههه

    انت ما تشوفهم بكل مكان الواحد منهم تقول فيه ضيق تنفس :D
     
  6. فزاع السهلي

    فزاع السهلي بـترولـي نشيط جدا

    بصراحه هذه الشي

    صار بالكويت ظاهره كل واحد يبي يستانس ويبني جسمه ويصير مصك

    يعطيك الف عافيه

    تحياتي

    فزاع السهلي
     
  7. العووود

    العووود بـترولـي مميز

    616
    1
    18
    للأسف (ضحيه) بالقطاع النفطي الخاص
    الخليج العربي

    اعووووذ باالله هذا شنو !!؟؟

    الله لاااايقوله انه يحشرني بزاويه :) :)





     
  8. ام ريما

    ام ريما بـترولـي مميز

    يعطيك العافيه اخوي معلومات جميله
     
  9. porsche996

    porsche996 بـترولـي جـديـد

    46
    0
    0
    لا تصدق كل شي تسمعه او تقراه من وسائل الاعلام !!!

    عمرك سمعت ب steroid effects myth

    يعني الاضرار من الهرمونات مجرد اساطير !!!

    كلام غريب صح !!!

    ردة فعل الحكومات و المؤسسات الاعلاميه وحربها على الهرمونات ردة فعل عاديه و طبيعيه لأن اذا تم التصريح بتعاطيها راح يفتح مجال وباب حق الجميع و يصير سووووء استعمال

    ولكن

    get educated first

    اذا عرفت الكميات المناسبه و المده الي تاخذ فيها الكورس والمده الي تاخذ فيها راحه بالمقابل و الاضرار الي ممكن تحصل اذا انت اسأت الاستعمال

    انا اقولك توكل على الله

    وطبعا بالنسبه انها تسوي عقم هذا كلام مأخوذ خيره وأتحدااااااااااااك تجيبلي حاله ومحده

    يمكن ضعف او عجز بحالات نادره جدا جدا لأن يكون تعاطاها مده طويله وبكميات كبيره جدا

    اي دواء بالعالم اذا ماعرفت كمياته والمده والاجراءات الواجب اتباعها راح تضرك

    panadol

    لو تاكل 6 حبات بانادول راح تنسدح بالمستشفى و يحققون معاك لأنك كنت تنتحر

    بس Dinabol

    لو اخذت 12 حبه سلامااااااااااااااااااااااات مافيك الا العافيه

    اي دواء له أضرار وله فوائد

    ابلع حبتين بانادول وقول حق الصداع باي باي و ابلع 6 واتشطح بمستشفى مبارك

    ترى google وسيع واخذلك فره فيه وتعرف متى تترتب الاضرا من ال steroids ومتى تستفيد من ال steroids بدون اضرار

    هالكلام مو كاتبه من الهوى هالكلام نظير وقت طويل قضيته جدام شاشة الكمبيوتر

    بس مو شرط تلعب حديد و تتعاطى steroids

    انا العب وعمري ما جربتها مو عشان خايف من اضرارها

    لا

    ابساطة لان ماحسيت صار الوقت الي احتاج فيه فوائد الهرمونات

    وسلامتكم
     
  10. bu ali

    bu ali بـترولـي جـديـد

    9
    0
    0
    الاخ العزيز porsche 996
    اشكرك لمشاركتك القيمة.
    بالنسبة لاضرار الهرمونات فانها حقيقة وليست خرافة مثل ما تفضلت.
    و راح اعطيك كلام اسطورة كمال الاجسام ارنولد شوارزنجر عن ندمه لاستخدامها

    ارنولد شوارزنجر في مقابلة مع لاري كنج على شبكة سي ان ان سنة 2003 عن الهرمونات
    يقول:
    "نعم استخدمت ،ولكنها كانت في فترة اواخر الستينات،كان غباء،لاننا في الستينات و السبعينات لم نكن نعرف.
    كنا نستخدم أي طريقة لنصبح ابطال،كنا نستخدم أي شيئ جديد،سواء كان مكملات غذائية،كبائن التسمير للون البرونزي.
    الهرمونات ظهرت في تلك الفترة فجربناها.
    ولكن في فترة السبعينات و الثمانينات تم عمل ابحاث و عرفنا انها ضارة و لديها اثار جانبية و خطر على الصحة.
    ولكني الان طبعا اقوم بالسفر في ارجاء البلاد احذر الشباب في المدارس من اخذ الهرمونات او أي نوع من المخدرات لانني ضدها تماما لانها تعطي اثار مؤقتة لاوضاع مؤقتة.
    تعطيك قوة مؤقتة، طاقة مؤقتة شعور مؤقت بالقمة ولكنه ليس دائم فقط مؤقت.
    لابد ان نطمح بالحصول علي قوة دائمة،تحمل دائم،نشوة وشعور بالقمة دائم.
    و الطريقة الوحيدة للوصول الى ذلك هو بالتمرين المتواصل، كلما زاد التمرين كلما تصبح افضل.
    كلما ركزت اكثر كلما بالانضباط و المثابرة و كلما اصبحت افضل و لمدة اطول "

    “I did, yes. But I mean, there was in a time in the late 60 It was stupid, because it was in the late 60s, early 70s when we didn’t know any better.
    Anything when you want to be a champion, you use anything that comes around. If it is food supplements, if it is a tanning booth that is a new idea to get brown, or – the steroids came around at that time, so we tried that.
    But then in the late 70s and in the early 80s, research was done and you found out that its actually damaging, that it causes side effects and it is bad for your health.
    And now, of course, I am traveling around the country telling all the high school kids, don’t take steroids. Don’t take any drugs, because I’m totally anti-drugs, because drugs are only for a temporary kind of a situation.
    You get a temporary – you get strength maybe a little bit more, energy a little bit more, a high, or whatever is – but only temporary, not permanent.
    What we have to work towards is permanent strength, permanent endurance, a permanent high. And that is – the only way you can do that, if you train hard, the harder you train the better you get. The more you work on your mind – the discipline, the dedication and those things – the better you will get and the longer it will last.So, no drugs. No drugs.”

    http://www.mesomorphosis.com/blog/a...to-anti-steroid-politician/763/#ixzz18dnCeOW0

    اما بالنسبة لقولك(وطبعا بالنسبه انها تسوي عقم هذا كلام مأخوذ خيره وأتحدااااااااااااك تجيبلي حاله ومحده)

    يا اخوي ترى عندنا وايد حالات في الكويت و قاعدين يتعالجون و الله يرزقهم انشالله بس الكثير منهم يستحي يقول عشان لا تاثر على صورته بين الشباب و هذا كلام اقوله عن قناعه تامه
    و اسف للاطالة
     
  11. porsche996

    porsche996 بـترولـي جـديـد

    46
    0
    0
    اول شي كلام ارنولد مردود عليه لأن عندي كتاب مذكراته واخر CHAPTER فيه يقول ان بحياتي ما تعاطيت ال STEROIDS طبعا ما يقدر يصرح علنا ان كان يتعاطى هرمونات لانها ممنوعه وكلها underground labs ومافي اي لاعب حالي شارك او ماشارك ب Mr. Oleympia يقدر يصرح ان يتعاطى ال steroids مع العلم ان جميعهم يتعاطون هذي الادويه وبدونها مايقدر يطلع ربع الجسم الي عنده.

    ارجع اقولك ان الهرمونات لها side effects واي medication له اضرار وايجابيات بس اذا بحثت بالموضوع وعرفت الكميات والمده وال therapy الي لازم تاخذه بعد اي course راح تستفيد وااااااايد بدون اي اضرار انشاء الله

    EDUCATE FIRST
     
  12. bu ali

    bu ali بـترولـي جـديـد

    9
    0
    0
    الاخ العزيز Porsche 996
    بالنسبة الى أخذ أرنولد للهرمونات شئ مفروغ منه بشهادته على نفسه في الكليب التالي:





    هذا بالاضافة الى نص المقابلة اللي ذكرتها في الرد السابق.
    اما ان مثل ما تقول كل مرة (get educated first)
    الحين أنا اقول لك:
    I did my homework ,now it's your turn.
    الهرمونات تستخدم كأدوية لعلاج حالات معينه مثل نقص إفراز الهرمونات او حالات قصور الخصيتين او في حالات العقم الناتج عن نقص الحيوانات المنوية او ضعف الانتصاب الخ.
    اما في حالة لاعبي كمال الأجسام فهم غير مرضى و صحتهم جيدة و ليسوا بحاجة الى هذي الهرمونات و أخذها بدون داعي يخل في التوازن الداخلي و يؤدي الى ظهور الاثار الجانبية مثل توقف الافراز الطبيعي و تحول الهرمون الذكري الى انثوي المسبب لظهور الثدي و ضمور الخصيتين و الضعف الجنسي .
    اما ال therapy او العلاج اللي تقول عنه و اللي يسمونه تنظيم الهرمون أنا تكلمت عنه في اول الموضوع و ممكن حضرتك تتاكد من هذي المعلومات من اي موقع طبي متخصص او فهرس أدوية وراح تتأكد من صحة كلامي.
    يا اخوي شلك بهالسوالف اللي ما وراها الا المضرة.
    خلك طبيعي و استخدم مكملات و بروتين.
    ترى الشباب اللي قلتلك عنهم كلهم كانوا عبالهم انهم صح الى ان اتضح لهم انهم غلطانين بس عقب ما فات الأوان.
    لا تعاند و اخذ نصيحة من اخ كبير يخاف عليك.

    *
     
    آخر تعديل بواسطة المشرف: ‏16 فبراير 2015
جاري تحميل الصفحة...

مشاركة هذه الصفحة