قصيدة مدح للقبايل بعد الاحداث الاخيره

الكاتب : bo-saleh | المشاهدات : 1,445 | الردود : 1 | ‏15 ديسمبر 2010
  1. bo-saleh

    bo-saleh بـترولـي مميز

    قصيده تجمع اسماء القبائل

















    يالله يـاخالق اراضيــن وابـحار **** الواحد المعــبود رازق عبـيده


    الخـالق الغــفار علام الاسـرار **** وفرق شعوب الارض في كل يده


    وابدي واسولف من عذيبات الاشعار **** ابــيات شعر والمعـاني وكيده


    اشري وابيع واعرف كيـف بـختار **** واختار من جزل البيوت الـفريده


    واذكر تـراث وعز وامـجاد وافخار **** قبائل تومن بديــن و عـقيده


    وصلت حضارتنا على سطح الاقمار **** عيال الكويت بلادنا المــجيده



    في ظل حكام لهــم فعل واشـوار **** آل الـصـبـاح الـلي تفك الضهيده


    حتى اصبحت حره وحنا له انصار **** في ظل اخو مريم هنوف سعيده


    وصارت لـ ابو ناصر بطوله وتذكار **** والفخر والامجاد تبقى شهيده


    واخوانه شيوخن لهم فعل واخبار **** الشعب واحد والقياده رشيده


    والامن بانينه على ساس وجدار **** وقرو على العابث عقوبه شديده


    وحنا حماة الدار من كل غدار **** وما همنا بطشه وخبثه وكيده


    قبائل مالحقناهم اوعار **** وعشنا بهذي الدار عيشه رغيده


    والحمد لله نحمده سر واجهار **** شعب تكاتف من سنين مديده


    ودون الوطن جيش على كل معبار **** لارفرف البيرق ونادى عقيده


    بشرق البلاد وغربها دوم حضار **** وارض الشمال اللي نفوده مديده


    وارض الجنوب اللي تخيضر بالاشجار **** جزيرة فيها القبايل عديده


    ارض بها قحطان وافين الاشبار **** وياعز منهم بالشدايد بسيده


    واذكر عتيبه يوم للطيب مغوار **** لا ثارت الهيجا وقرب ضديده


    وشمر هل الطولات والجود مقدار **** اهل الكرم واهل الفعول الحميده


    وقوم اعنزه مروين الاخصام الامرار **** اولاد وايل من عصور عهيده


    ومطير قوم تكرم الضيف لا زار **** وياويل خصم في حراهم وعيده


    واذكر قبيلة حرب يانعم الاخيار **** وتاريخهم يحكي سطور مجيده


    وسبيع نعم القوم ووجيه الاسفار **** زبن الدخيل ليا زبن من طريده


    واذكر قبيلة يام والطيب يندار **** اهل العلوم الوافيه والرشيده


    ثم الدواسر تجعل الخصم منهار **** عيال زايد عز منهم سنيده


    ثم السهول اللي لها الطيب مدرار **** وعن منهج العادات ماهي محيده


    ثم اذكر العجمان حماية الجار **** والمرجله والجاه فيهم عتيده


    واذكر بني مره طويلين الاعمار **** ما ينقد المري ولا له نقيده


    ثم الهواجر لابه تقدح النار **** اهل الركاب اللي خطاها بعيده


    واذكر بني خالد قبيلة وامار **** قوم لهم في المجد قول ورصيده


    وبني تميم اللي لها الطيب مصدار **** بني تميم وكل فعل تجيده


    ثم الزعوب اللي بها الخصم يحتار **** شجعان ماترضى سوا ماتريده


    العازمي وافي وفي الطيب بيطار **** روحه على كل المصاعب صميده


    ثم الظفيري في المصاعيب جبار **** والطيب والامداح باصله وطيده


    ثم اذكر الاشراف بجلال واكبار **** اهل الحجاز اللي تفك الزهيده


    ثم الفضول اللي لهم مجد وآثار **** ومهما حسبنا من كلام نعيده



    ثم الرشيدي في الصعيبات صبار **** على علوم الطيب فعله يزيده


    وقبيلة العدان وافين الاشبار **** قومن علي الاخصام نارن وقيده


    واهل الحضر اخواننا وقت الامرار **** نفداهم ويفدوننا بالشديده


    وهرشان معروفه ليا صار ما صار **** في موقف اهل الطيب يبذل جهيده



    وكل الصلب طيبين يذكرهم الجار****يحمون حد الدار من اللي يريده


    ثم الشراري والكرامه له اشعار **** ثم الشراري له فعول مفيده


    وامشي مع الساحل مع جمله افكار **** رسمتها والطير زان تغريده


    وارجوا العذر واهل المواجيب عذار **** الي نسيته مانذكر في القصيده


    حبيت ابين موقفي بين شعار **** وارجوا سموحتكم على ذا النشيده


    ماحب انافق واتعنصر تعنصار **** ولا ني باطيع اهل العقول البليده


    ما كل من طب البحر قيل بحار **** وما كل من شل الفشق جاب صيده


    فالشعر بستان به ورد وازهار **** واللي تعداها بيوته فقيده


    واقولها في الشعر تكرار وامرار **** ظرف بلا عنوان يلغى بريده


    وبعض السوالف له مواقف ومحضار**** وشعر بلا معنى لزوم نبيده


    وصلوا على المرسول شفاع الابرار**** محمد الهادي وقدوة عبيده











    منقول ..






    ***









    اللهم اجمعهم علي المحبه والخير ولا تفرق شملهم
    اللهم اجمعهم علي المحبه والخير ولا تفرق شملهم
    اللهم اجمعهم علي المحبه والخير ولا تفرق شملهم

    اللهم اجمعهم علي المحبه والخير ولا تفرق شملهم




    اللهم امين




    --------------------------------------------------------------------------------

    اللهم اطفئ الفتنة واخمد نارها
    اللهم احمي الكويت وشعبها من كل مكروه
    اللهم قوي الكويتيين بوحدتهم الوطنية
    اللهم اكثر من شعبها الخير واخرج منهم الحكماء والعقلاء
     
  2. شكرا لك ويبقى الكويتيين ايد وحده ان شاءالله
     
جاري تحميل الصفحة...

مشاركة هذه الصفحة