اســتفسار مهــم وضروري وياليــت تفيـدوني

الكاتب : عذب الكـ،ـلام | المشاهدات : 583 | الردود : 5 | ‏11 ديسمبر 2010
  1. عذب الكـ،ـلام

    عذب الكـ،ـلام بـترولـي جـديـد

    3
    0
    0
    بسم الله الرحمن الرحيم


    شباب بس بغيت استفسر عن شغله انا موظف في شركه خاصه نفطيه وصارلي سنه تقريبأ بس انا بسجل بالهيئه العامه للتطبيقي وبدرس بس سويت كتاب ودشيت فيه على مدير الشركه ورفض الكتاب بحجه انه لايقبل احد من موظفيه يدرس ولا يوقع على ورقه مع انها ماعليها مسؤليه ولا شي مجرد عدم تعارض وقت الدوام مع الشغل وبس
    ورفض الحين الكتاب بس بغيت استفسر هل في طريقه ثانيه او لي حق اني اطالب بالورقه عشان اكمل دراستي ؟ وياليت تفدوني واسف على ازعااااجكم
     
  2. الشكوىى لله

    الشكوىى لله بـترولـي مميز

    773
    0
    16
    القطاَع النفطي الخاص
    الكويت
    السلام عليكم أخوي (سعد)..

    نموذج موافقة جهة العمل على الجمع بين االدراسة والعمل
    http://was2.paaet.edu.kw/was/site_approval.pdf

    مدير الشركه يلزمك أداوم 8 سآعات ,نعم من الـ8:15 ص الى 4:00 م
    وأتوقـع معاهد التطبيقي فيهآ نظام (المسآئي) فـ ماله إي حق !!
    أن حضرته يحرمك من دراستك .... فهذا كلام مايجوز .....
    سوو كوبي على النموذج ... ويوم الأحـد لكل حــــــــــــــــآدث حديث
    ننتظر من الأخوان الافاده إكثر ...

    تقبل مروري/
    فيصل الفـآرس
     
  3. سالم bj

    سالم bj بـترولـي مميز

    805
    1
    0
    مدير العلاقات العامة
    الكويت
    السلام عليكم

    مرحبا اخى الفاضل عذب الكلام بخصوص موضوعك ماله حق يرفض صاحب الشركه طلب الدراسه اذا كان لا يتعارض مع عملك ومثل ماقال اخوى الشكوىى لله سجل الطلب وإن شاء لله مايصير الى الخير وممكن تكلمنى بعد اذن اخوى الشكويي لله وانا اروح معاك لصاحب الشركة واشوف شلون بيرفض التوقيع وشكرا ....
     
  4. العووود

    العووود بـترولـي مميز

    616
    1
    18
    للأسف (ضحيه) بالقطاع النفطي الخاص
    الخليج العربي


    اخوي / سالم ... اقسم بالله انك قدها ولو بكيفي دشيت المنتدى وحبيتك على راسك على اللي قريته
    بمشاركتك بهالموضوع :)

    واخوي / عذب الكـ،ـلام ..
    نفس مااذكرو اخواني قبلي واهو مو من حقه يرفض انك تكمل دراستك وانا شخصيآ اعرف شباب
    موظفين بالكهربا والماي صارلهم سنتين وحاليآ قاعدين يكملون دراستهم سنه ثالثه
    بالمعهد التطبقي" دوام مسائي " ,,


    والله يوفقهم ويوفقك انشاءالله بس لاتخلي حقك ,, ومادام معاك الذيب ( سالم bj ) تطمن ولاتحاتي :)






     
  5. IMeCH-E

    IMeCH-E بـترولـي جـديـد

    45
    0
    0
    اخوي توكل على الله و القانون يحميك و انشالله الشباب يكونون في عونك ...

    انا مريت بالشغله هذي و توظفت بعد الثانويه .. و فجاة حبيت اكمل دراستي ... واجهت شوية مصاعب بتنسيق الوقت و لكن الحمدالله كملنا و خذيت شهادة الهندسة

    و اقولك شغله ... صدقني احلى احساس انك تنجز شي لنفسك!! توكل على الله!!! و اذا في شي اقدر اساعدك فيه انا حاضر

    بالتوفيق انشالله لك و لغيرك من يفكر انه يكمل دراسته
     
  6. سالم bj

    سالم bj بـترولـي مميز

    805
    1
    0
    مدير العلاقات العامة
    الكويت
    مبروك المولود الجديد يالعوود

    مشكور يالعوود واخوى عذب الكلام كلمنى وبكره مواعده ان شاء الله الصبح ويصير خير بس ابى اعرف شنو سميت المولود الجديد على شأن نغير اسمك من العوود الى اسم ابو فلان
     

مشاركة هذه الصفحة