حكومتنا تبي أتكحلها أعمتها

ياحكومتنا الرشيدة اللي سويتيه بندوة الحربش غلط وقلة حيا وقلة أدب و تطبيق القانون مو بالهمجيه وين قاعدين أحنا .... وهذا تعمد منكم لأنكم تقدرون تحلون الأمر سلميا ولكن ماتبونها سلميا كان لكم قصد ثاني ومبيتين النيه ...............
العقل زين ياحكوماتنا مافيه شي بالقوة أحنا مش عبيد عندكم اللي مو عاجبكم أطقونه قلنا يمكن تابوا بعد أحداث الصباحية ولكن أطلعت عينكم قوية و مستضعفين الشعب وشادين حيلكم عليهم ...
الشعب يرفض العنف مع أي مخلوق سواء كان مواطن أو مقيم ولا تعودنا على فرض العضلات على بعض لأن كلنا أخوان ونحب بعض والأختلاف بالراي لايفسد للود قضية
ياحكومتنا الرشيدة هناك وسائل قانونية يجب اللجوء لها من غير همجيه ودفاشه ستكون لها عواقب وخيمه على مستقبل الكويت .... أحنا مش في غابة القوي ياكل الضعيف لا يقصون عليكم البعض أحنا مش مثل بعض الدول شعوبها مثل الغنم لا راي ولا حقوق و مستعبدين طول عمرهم اللهم لاشماته .. أهل الكويت متكاتفين ومتعاونين مع بعض ولا يرضون السوء لبعض مهما كانت أختلافاتهم والغزو الغاشم أثبت للجميع تلاحم الشعب الكويتي وحبه لأرضة وحبه لآل الصباح الكرام
ياحكومتنا الرشيدة لاتخورينها ولا تعدين حدودج وتعلمي من أخطائج دامت النفس عليج طيبه

 

أعتداء همج وزارة الداخلية على المواطنين