موظفين الاحمدي

الكاتب : عبدالله البلوشي | المشاهدات : 909 | الردود : 13 | ‏9 ديسمبر 2007
  1. عبدالله البلوشي

    عبدالله البلوشي بـترولـي نشيط جدا

    164
    0
    0
    خدمة الكويت
    الكويت
    بسم الله الرحمن الرحيم

    حبيت اوجه رساله الي كل الموظفين التابعين للقطاع النفطي بشكل عام

    و مصفاة الاحمدي بشكل خاص

    الصراحه المنظر هذا تكرر اكثر من مره جدام عيني وحبيت اقولكم عنه

    بالنسبه لموظفين مصفاة ميناء الاحمدي لمى يدخلون المواقف المخصصه لهم

    ويشوفون السكيرتي واقف عند الباب بهالبرد هذا على شان يشوف تصاريحهم

    حتى ما يكلف على نقسه الموظف يفتح الجام على شان يوريه التصريح

    من ورى الجام يوريه تقول السكيرتي اللي واقف مو بني ادم ما يحس بالبرد بس اهوا مشغل الدفايه ومدفي عمره

    على الاقل افتح الجام يا موظف يا محترم و وره التصريح قوله صباح الخير او الله يعطيك العافيه او عساك على القوة

    ترى والله كلمتك هذي تشجعه وتخليه يدير باله على الشغل ولا يعني لان ما يقدر ياخذ اجراء فيك

    سؤال لكل واحد يسوي الحركه هذي

    تقدر تسوي الحركه هذي مع الشرطه لمى يسوون تفتيش اكيد لأ

    تدرون ليش انا اقولكم

    لان هناك اكيد راج يبهدلك و يزهقك باليوم اللي طلعت فيه من البيت وغصب عن خشمك ولا تقدر تتكلم

    لان هذاك بيدينه يخليك تدفع معاشك كله على المخالفات وغير الواسطات اللي تحطها على شان بس تاخذ

    الاجازة والدفتر هذا غير اذا ما حطو على اسمك بلوك

    صدقوني يا اخوان انا تكلمت من القهر الي اشوفه كل يوم


    ومثل ما قلت كلمة

    صباح الخير

    عساك على القوة

    الله يعطيك العافيه

    كبيره بمعناها مع الموظف اللي واقف لخدمتكم


    و انتو وكيفكم


    واسف على الاطاله
     
  2. brilliant

    brilliant المـراقب الـعـام

    8,477
    0
    0
    Engineer
    Kuwait
    جزاك الله خير كلام جميل

    وصحيح كلام بسيط لكن مثل ما قلت يشجعه ويخليه يدير باله على الشغل
     
  3. الساحوت

    الساحوت بـترولـي نشيط

    104
    2
    18
    عبدالله مبين انك مقهور :)
    بس معاك حق انتو على العين والراس والله يعطيكم الف عافيه
    على العموم دامك فتحت هالموضوع انا عندي سؤال
    مشكورين وماقصرتو حريصين على الامن حتى في المصافط بس ليش يوم انشوفكم واسبوع لا مانشوف احد ؟
     
  4. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    كلامك صحيح اخي الكريم ولكن نعتب على ادارة الشركة

    لماذا لا تصرف بطاقات ممغنطه للموظفين للدخول الى المواقف؟
    بدال ماتحط الموظفين عليها
    بعدين وبوجود رجال الامن الا ان مواقف مصفاة الاحمدي صارت مواقف عامه
     
  5. غيوم

    غيوم بـترولـي خـاص أعضاء الشرف

    7,298
    1
    0
    تسلم يا خوي على هالموضوع

    بصراحة معاك حق .. و هالشباب يستاهلون أكثر من جذي

    بس هم أنا عندي سؤال

    أنا موظفة أدخل البوابه يوقفني علشان يشوف هويتي ... أأبي أعرف الحين يعني الهوية ما تكفي اني ادخل دائرتي

    يعني مثل هذاك اليوم عطيت السيكرتي هويتي جان يقول لي وين تصريح الدخول ... بصراحة انصدمت شنو تصريح

    دخول .. قلت له: أنا موظفة و هويتي بايدك جان يقول لي انت موظفة .. شنو أرد عليه .


    و مثل ما قال الأخ يوم تشدون و توقفونا طوابير علشان الهويات و مرات فلاتي
     
  6. عبدالله البلوشي

    عبدالله البلوشي بـترولـي نشيط جدا

    164
    0
    0
    خدمة الكويت
    الكويت
    بسم الله الرحمن الرحيم


    هذا رد للتوضيح للاعظاء اللي تفاعلو مع الموضوع


    بالنسبه للاخ الساحوت

    احب اقولك ان الموظفين كل يوم موجودين وبدليل ان كل يوم امر عليهم


    والقاهم متواجدين بأماكنهم في ساعات الذروة يعني

    بين 6.30 الي 7.30 و باجي الوقت

    متواجدين داخل البوابه وهذي تعتبر اهم بوابه لان رئيس الضباط يدخل منها

    فا اكيد راح يكونون متواجدين وخصوصا في زام الصبح

    بس الظاهر انت توصل الدوام متأخر وما تشوف احد :)



    بالنسبه للأخ

    Q8ow


    اعتقد ان البطاقات الممغنطه راح تقيد الموظفين اكثر

    يعني ما راح يكون في طلعه من الدوام لان اي حركه منك راح يبين بالسستم

    واكيد إللي بالمكتب الرئيسي حاسين بالمشكله هذي



    بالنسبة للأخت غيوم


    انا راح اعلق على اللي فهمته لان سؤالج مو واضح

    اذا كنتي موظفة بالبترول

    احب اقولج ان في اكثر من هويه اصدرت للموظفين

    وفي نوع ما فيها اماكن الدخول بس اللي موجود فيها

    الاسم واسم الشركة و الدائرة اللي فيها الموظف

    فا يمكن انه طلب تصريح الدخول على شان يشوف مسموح لج

    بدخول المنطقه اللي تبينها ولا لأ

    ويمكن يكون الموظف يديد ومو عارف الاجراءات

    وانشالله تكون ردودي واضحه

    وشكرا على التفاعل مع الموضوع
     
  7. frfosha

    frfosha بـترولـي مميز

    753
    0
    0
    والله الله يعطيهم العافيه شباب السيكروتي والله يستاهلون كل تقدير واحترام وانا لو بيدي ودي اسويلهم ذيج القهوه والعصيد عشان يتدفون بهالصبح
     
  8. الساحوت

    الساحوت بـترولـي نشيط

    104
    2
    18
    والقاهم متواجدين بأماكنهم في ساعات الذروة يعني

    بين 6.30 الي 7.30 و باجي الوقت


    :eek: انت متاكد انك اداوم في مينا الاحمدي ؟؟
    لانه الدوام عندنا يبدا الساعه 6 يعني 5 ونص او 6 الا ربع تكون متواجد في المصافط
     
  9. Euro

    Euro بـترولـي نشيط

    99
    0
    0
    اتوقع اذا كل واحد بطل الجام وصبح وسولف وراه التصريح بتصير زحمه سير .. وبينشف ريج السكيورتي واهو يسلم .. نفس الشي بمصفاة مينا عبدالله بس طبعا الي يدشون بالسيارات يا .. هنود .. او مطعم الشركه .. او شاحنات .. او Suction head وما فوق بس باقي الموظفين خصوصاً المشغلين .. لهم الله يصفط السياره .. ويروح حق الوحده يقعد بهالبرد حاله اردى من حال السكيورتي :eek:
     
  10. عبدالله البلوشي

    عبدالله البلوشي بـترولـي نشيط جدا

    164
    0
    0
    خدمة الكويت
    الكويت
    توضيح

    بسم الله الرحمن الرحيم


    بالنسبه للاخ Euro

    اعتقد اللي يدخلون المصفاة مو اكثر من اللي يمشون الشارع بالنسبه للتفتيش اللي يسونه الشرطه

    ولكن ارجع واقول اهيا مسألة احترام فقط لا غير


    اما بالنسبه للأخ الساحوت


    اي نعم انا دوامي بمصفاة الاحمدي

    ولمى قلت 6.30 الي 7.30 انا قلت وقت الذروة



    انا عارف ان الدوام 6 يبتدي بس الضغط ما راح يكون بالضبط الساعه 6


    عطيتك وقت تقريبي من 6.30 الي 7.30

    وبعدين زام الصبح للسكيرتي يبتدي 6



    ودمتم سالمين
     
  11. كتكوته 82

    كتكوته 82 بـترولـي جـديـد

    6
    0
    0
    الله يعطيهم ألف عافية شبابنا
     
  12. غدير دشتي

    غدير دشتي بـترولـي نشيط

    59
    0
    0
    مساعدة إدارية
    الكويت
    الصراحة ماتقصرون وآنا ساعات لمن أروح مكتب التصاريح أدش من صوب بوابة الشباب والله مايقصرون مساكين واقفين بهالبرد وأبطل الجام وأسلم على واحد واحد
     
  13. engineera

    engineera بـترولـي مميز

    626
    0
    0
  14. nRv

    nRv بـترولـي جـديـد

    31
    0
    0


    أضف الى ذلك ان السكيورتي مو دايما تشوفهم عند بوابة الأفراد ومن تجربة شخصية ما أشوفهم إلا يوم أو يومين بالشهر
     
جاري تحميل الصفحة...

مشاركة هذه الصفحة