صادق قاسم مخترع العرب 2010 سوف يهاجر لدولة قطر

الله يسامحه يهاجر قطر
الصراحه عرف يرد جميل الكويت والكويتيين له

 

على طول صدقت اخوي ؟

يبه حجي جرايد

الا اذا كان يخطط من ورى اهله

بالتوفيق

 

يعطيك الف عافيه على النقل

نعـم هذا خبر صحيح وقد اعلن الاعلامي المذيع في برنامج تولليل عبدالوهاب العيسى انه صادق كان في البرنامج قد اخبره بين الفاصل

ان سوف يتجهه لقطر واعلنه المذيع عبدالوهاب واحزنه هذا الخبر جداً

وقد تبنيته شركه في قطر لذالك سوف يقيم في قطر

نتمنى ان يتراجع وان تتبناه شركه للحفاظ على شباب الكويت المميزين في مجالهم

كل التوفيق يا صادق

تحياتي

فزاع السهلي

 

والله مالومه اذا في قطر شركة بتبناه وتعطيه احسن الرواتب واطور الموهبه ويستفيد منها ويفيدون فيها البشريه ليش يقعد

الكويت بيقعد على وظيفته او بينطر الديوان يقطه بوزارة الاشغال وبيقتلون المواهب الي فيه

الله يوفقه والكويت وقطر دوله وحده شدعوه رايح اسرائيل

 

صدقت اخي الكريم قطر والكويت دولة واحدة وراح تهتم فية وباذن اللة يفيد دولنا الخليجية؟

 

ترى عاديه بالكويت

يقطون الأخ كاشير محطه

ولا بالشؤون _ قسم التفتيش بالفروانيه

 

شتبيه يسوي أذا محد تبناه واخذ بيده ودعمه شاف فرصته بقطر وهو ماراح لبعيد راح حق أخوانه واخوانا الله يوفقه لخدمه الوطن والامه العربيه والاسلاميه والعالم

 

يا جماعه شفيكم

اقولكم كلام جرايد تقولون صحيح ؟؟

يبه مو صحيح الولد قريب لي حيل واعرفه

بالتوفيق

 

اذا راح معاه حق .... اهو يت على هذا الولد

عيالنا مقططين ببريطانيا وامريكا .....

موفقيين

 

ألف مبروك للأخ صادق قاسم بس في شي حز بخاطري والله و محد ذكره ...... والله و أنا قاعد أشوف الأخبار انصدمت عند وصول المخترع الكويتي اللي شرفنا بمشاركته و فوزه بالمركز الأول إن المسقبلين أي الجمهور في المطار ينعدون على الأصابع و الله لو واحد من عيال الطبقه المخمليه جان الإعلام قام و قعد من أجل إرضاء أهله بس جان شفت أكبرها و أسمنها كلهم في المطار .. والفارق بين استقبال المخترع الكويتي و أبطال الرقص و المصخره في استار أكاديمي و لا المصيبه الكبيره عند وصول بشار الشطي ألغت الطيران المدني رحلتين عشان خاطر المبدع بشار و العالم قبل 6 ساعات رايحين المطار عشان يستقبلون ملك الغناء و الرقص و المسجات اللي دزوها المواطنين من الكويت حق البرنامج اليهودي و التي تقدر 18 مليون دينار ...... بس أنا ودي من كل واحد يقارن الصور بين الإستقبالين و لكم جزيل الشكر .

 

كان معاي ايام الدراسه..

الله يوفقه ,,, زين سوا و راح لقطر ,, يقولك كان مخترع اختراع لشركة النفط بالكويت و الشركه حاطته بالدرج...

يشوف مصلحته احسن له...

بس في رد ضحكني ,,, يقول هذا جزا الكويت و الكويتيين؟؟ امانه شنو سويناله ,,, اذا احنا ما درينا عنه الا بعد ما فاز ...


حسيتك عايش الدور