أجمل ماقيل في الشعر ...!

الكاتب : Safety First | المشاهدات : 1,479 | الردود : 10 | ‏7 ديسمبر 2010
  1. Safety First

    Safety First بـترولـي خـاص أعضاء الشرف

    سلامٌ من الله عليكم ورحمةٌ منهُ وبركاته

    أثناء تصفحي في الشبكة العنكبوتة جرتني قصيدة جميله للشاعر الكبير مفرح الضمني رحمة الله علية

    وأحب ان أتطرق في هذي الصفحة لأجمل ماقيل في الشعر من غزل وحكم وفكاهه ...الخ, واللي في جعبته من الشعر النبطي الجميل فاليدلو بدلوه :) .



    واليكم هذي القصيدة :-


    ياليتني مهري وابيع النفانيف = وادخل على الخفرات ما يمنعني
    وأليا دخلت اشوف حلو التواصيف = ارخص لهن فالبيع ويعاملني
    لأمشي واشيل الخام لو حالي اضعيف = ومن اتكلم ( خام خام) اسمعني
    والله لأجيب لهن ثياب على الكيف = وابيعهن برخيص لو خسرني
    يلومني خبلٍ دفوفه مهاديف = ما لوعنه مثل ما لوعني
    بطنه كبير ولا جرا له صواديف = ما هيّضه صوت الغناء والمغني
     
  2. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    حلوة و صح لسان الشاعر

    و إنتقاء طريف يا مراقبنا :)
     
  3. Safety First

    Safety First بـترولـي خـاص أعضاء الشرف

    الشاعر سليمان الهويدي رحمة الله علية :-


    لا واهـني الي رصـيده ملايـين = وامضاه في راس القلم يقبلونه
    وبواخره تمشي بكل البلادين = ومصادره من كل شكلٍ نمونه
    وعنده عيالٍ صالحين ورشيدين = لا غاب والدهم هم يمثلونه
    بيته يعانق شاهقات الضلاعين = تلقى الحمام مبيضٍ في ركونه
    وديوانه اكبر مابنى بالدواوين = مفتوحٍ واجواد العرب يدلونه
    فيه الخدم متكاملين ومطيعين = من جاء لهالديوان بيباشرونه
    ولا صارت الريضان مثل البساتين = ماطاب من ريضانها ينزلونه
    تلقى الخزاما والنفل والرياحين = تطرب له الورقه وتزعج فنونه
    مع لابةٍ تنطح وجيه الشياطين = عزٍ لهم وهم يتفادون دونه
    هذي الحياة الي لها الناس شفقين = من غر منها يا حياة المهونه
    اشوى من الي ياخذ الدين بالدين = وطّلابته راس الشهر يبلشونه
    ومع الفقر عنده بزور ونساوين = يبون حاجتهم ولا يعذرونه
    يقضي معاشه مامضى الشهر يومين = الفقر شيبّه وشيب عيونه
    عايش ولكن عيشة الفقر مسكين = كنّه مصخن وهو مابه صخونه
    يا الله ياقابل صلاة المصلين = انك تقوم بعوننا ثم عونه




    ماعاد به بدو


    عشقت القمر حيث القمر ينبعث به نور = وأخـص الليالي البيض تزهاه ويزهنه
    وأحـب الهوى لاهب من خايعٍ ممطور = وريـح الـنفل حيث النفل طيب الخنه
    وأحـب الجمالة والجمالة عمل مبرور = وأحـب الـغناه واعز نفسي عن المنه
    وأحب الصراحة والصراحة بها مسرور = حيث ان الصراحة تقطع الشك والظنه
    وأحـب الكريم اللي يفرج عن المعسور = الـلي من عطى حتى اهله مادروا عنه
    وأحـب الرجال العارفة وأكره المغرور = مـن اغـتر في بعض المظاهر يغرنه
    سـقا الله لـيالٍ ماضية قبل هدم السور = نـحفر العدود ونشرب الماء من الشنه
    نشوف البنات اللي اوردن كنهن الحور = مـهـارٍ مـشاويلن بـالأعياد مـعتنه
    عـلى الماء تشوف بيوتهم كنهن القور = كـثير الـقبايل تـقطن الـعد بـالكنه
    عـلى البال ذكراها ياليت الليالي ادور = يـالـيت الـلـيالي مـاخذنه يـجيبنه
    تـذكرت شـيبانٍ لـنا يـوم حنا بزور = يـحثوننا بـالطيب والـفرض والسنه
    لـو عاشوا حياةٍ قاسية في بحر وبرور = عـسى الله يـعوضهم بما فات بالجنه
    لو دورٍ مضى من بينهم وين ذاك الدور = زمـانٍ مـضى لـه ذكرياتٍ ....يحلنه
    يـوم الـذهب مايلبسونه بدون خصور = وجـمال النسا ماهو من السوق يشرنه
    فـقدنا حـياة البدو مع شوفة المظهور = ولا عـاد بـه بدو ولا الطرش له حنه
     
  4. Safety First

    Safety First بـترولـي خـاص أعضاء الشرف

    وهذه قصيدة للشاعر مسلم البحيري جميلة بمعانيها :-


    حل الفراق وفتـك الجـرح لجـروح
    راع الهوي يامـن يـداوي جروحـه
    عقب الطرب صرت أقضي الليل بالنوح
    والدمع حّرق محجـر العيـن فوحـه
    بأمر الوحيد المعتلي منشـي الـروح
    كلٍ يجيـه اللـي كتـب لـه بلوحـه
    أثر النصيب وماكتب لي على اللـوح
    فرقا الذي روحـه لروحـي نصوحـه
    الجـادل اللـي بالتواصيـف مملـوح
    قبل أمس جاني نور عينـي بروحـه
    يقـول دربـك مالنـا فيـه مصلـوح
    عطنـي مكاتيبـي بنفـسٍ سموحـه
    صح الخبر ماهـو هرابيـد ومـزوح
    أثرك علي غيري تسـوق الصبوحـه
    ولاتحسبٍ أنك ياهوي البـال مسمـوح
    خليـت قلبـي كـل طـاري يشوحـه
    ودنق وحلفنـي عـن السـد لابـوح
    وأقفا كما تقفي عـن الحـي روحـه
     
  5. reznama

    reznama بـترولـي مميز

    خووش موضوع ..!
    ويعطيكم العافيه على هالاختيارات الموفقه ..
    وآنا عندي جم بيت من كتابات الشاعر عبدالرحمن بن مساعد .. يقول فيها :




    تعبت أنزف جراحي حبر و أدور للألم أسباب

    لجل أكتب شعر يحكي بعض أصغر معاناتي

    قفلت من الأسى بابي وسجنت الكون خلف الباب

    وعصتني دمعةٍ فيها سؤال لكل اجاباتي

    ملل أخبار حسّادي أحد صادق وأحد كذاب

    و أحد ما طال تجريحي و أحد عايش لزلاتي

    ..

    وسلامتكم ..
     
  6. Safety First

    Safety First بـترولـي خـاص أعضاء الشرف

    شاكر مرورك اخي عبدالله

    وقصيدة جميلة يارزنامة

    ولكم كل الشكر ع المرور
     
  7. PIANO

    PIANO بـترولـي مميز

    803
    0
    16
    عضو مجلس الشعب
    sweet KUWAIT
    قصيدة / لعب عيال
    للشاعر / فهد عافت



    هنا نجلس أحسن أو هنا؟ وين ماتبغين
    أنا احب هذا الركن لكن على أية حال
    هنا أحسن ،، أرمي معطف الفرو ، للتخمين
    وفيه تعرفين إن انا احب هذا الشال
    علامك ، علامك ساكته ،، ليه ماتحكين
    تبين أبتدي؟ حاضر ، على امرك براحة بال
    على نفس هذي الطاولة ، من ثلاث سنين
    رمت بنت دبلتها الذهب ، وانكسر رجال
    تمسك بها حاول وحاول ، لين بلا لين
    كان يحاول بكافة الأشكال
    وشدّت ايديها ، وارتفع صوتها وبعدين ؟
    أنا لازم امشي ، وأنت يكفيك لعب عيال
    على حر من قلب انهدم حاول المسكين
    وعلى قل من مهل الندم ، باعدت تختال
    هنا ، مات حب و، يبس قلب و ، تملت عين
    من الملح ، وأندفنت حكاية فرح وآمال
    وجيتي تبين انرجع اللي مضى هالحين
    أنا من ثلاث سنين بطّلت لعب عيال ​



    ملاحظه : قصيدة جميلة وليست الأجمل ! لأن الأجمل لن يأتي طالما هناك شعراء مبدعون !
     
  8. المنجنيقي

    المنجنيقي بـترولـي خـاص

    1,966
    0
    36
    أنا عندي مشاركه بس مشاركه سياسيه :)

    هذه قصيده قالها الشاعر : ناصر بن بتال الهاجري في النائب مسلم البراك :)







    نص القصيده


    بتمثل يوم زان لي المثل والقافي ..... ان مشت بالعد ولا جبتها مواله
    اسمعوني وافهموا ماقول ياعرافي ..... كل رجال ن يقول اللي يصير فباله
    ماكذب منهو يقول ان الرجال اصنافي ..... وتنعرف لاركبت العده على المحاله
    وكل هرج ن في المواقف يعرف ان له قافي ..... ومايفيدك كون من ترد الطويل حباله
    لاتوهق في الرديني والردي والهافي ..... عندك اللي من قديم ن قد مظن افعاله
    وخل منك اللي اليا من جاء اللزوم يفافي ..... عندك اللي ذاك فنه واترك العذاله
    ونزل المغرف ليا حولت ياغرافي ..... وارهج الماء لين تظهر طينته وحثاله
    لين تظهر لك عيون الماء وتشرب صافي ..... لاصفا عقب الكدر ماحلا شروب ازلاله
    وين ذاك اللي يناوي نجع ابن حلافي ..... لا لقي رجلي ولاعين مع الخياله
    كل ماقالوا تقدم قال انا لي كافي ..... كلها خوف ن على رجله من المحباله
    وقال انا بصد لايكشفني الكشافي ..... والعلوم الغانمه تلقا لها حلاله
    علم ابوي يقول يامبختك يامتعافي ..... لاتوهقلك بشي ن وانت ما تقواله
    ذيك للي لاقدم ماينوي المحرافي ..... صافي ن فعله ولا من راد شي ن قاله
    مثل ابن براك ينسفها على الاكتافي ..... وينقل الصعبه على المتن اليمين لحاله
    اشهد ان مسلم البراك رجل ن وافي ..... مايقدم كون وصف مسلم ن وامثاله
    ياسلام الله على اللي موقفه ينشافي ..... ولحضر وقت المواقف مانشرب فنجاله
    العلوم الغانمه شرف بها المشرافي ..... ماخذن المدح من جده وابوه وخاله
    ماخذها بالثمن بالدين والاسلافي ..... متعب ن نفسه على كسب الجميل وناله
    وانت ياللي تنتخب معاد يخفي الخافي ..... لاتقدم واحد ن يزمل من ام عياله
    كل ماسمع المفاحل صار فيه خفافي ..... وضيع اللي كان بيقوله وبلش بحاله
    وقال انا ابقى الدرب هو قدامي او اخلافي ..... وارتهق والله خذا عقله وزاد جفاله
    وخل منك اللي ليا سمع الصفير يخافي ..... وصله منهو ظلم نفسه وهو سلاله
    وصله دفع المبالغ للغبي والحافي ..... ولا وصل ماهوب يشكرهم يشكر ماله
    ويعرف ان من باع حظه مال شقه رافي ..... ظالم ن نفسه ولا فال الصديق بفاله
    وفيه ناس ن بس مقصدهم طمع واهدافي ..... باقين يوصل بينهب من حلال الدوله
    بس عينه للبراد وللمكان الدافي ..... وذاك قد حطه وراءه وقايلن هذا له
    مايهمه كون نفسه جعلها الاتلافي ..... مادرى ان عاده وراءه القبر هو واهواله
    مايعرف انه على قبره بيسفي السافي ..... ومايحسب انه وراءه محاسب ن بيساله
    كل منهو في الامانه ناوي ن الاسرافي ..... احتمل ذنب ن على ذنبه ولا الله سواله
    طول عمره هابي ن وجهه ونوره طافي ..... كلها من سرق اماناته وخبث اعماله
    وان بقوا يستجوبونه صار فيه ارجافي ..... قام يرجف مثل طبلن في يد الطباله
    واستراب وزاد خوف وصارله لف لافي ..... وهج قد هو خابرله واحد ن يلجا له
    له شريك في البضاعه له ذرا ولحافي ..... كل ماضيق عليه يصير تحت ظلاله
    وله يقول انهب وخشخش قبل ماتنشافي ..... والمعلم حط عنده شنطتن تملا له
    مايعرف ان الله مايخفي عليه الخافي ..... الله اللي كاتب رزق الملا واجاله
    الله اللي رازق ن خلقه وستره ضافي ..... وكل رجال ن يكرم لحيته وسباله
    وذا انا ما اقصر رجال ن يكرمون الافي ..... كل منهو بان علمه والوفاء يهئ له
    الرجال اللي يخلون الثقال اخفافي ..... كل شغموم اليا جيته يعنز جاله
    ذا وياما كل رجال ن وفي وسنافي ..... ينطح الكايد وليا كلف بحمل ن شاله
    الرجال الرجال ولا ان الضعاف اضعافي ..... مايفيدونك اليا صعبت عليك القاله
    وتم ماب اقول والغازي وراءه انكافي ..... وجعلني وفقت في قول المثل وارساله
    وبذكر الله عد من زار المقام وطافي ..... وعد منهو حج بيت الله ومن صلى له
    والرسول محمد اللي تتبعه الاسلافي ..... عد ماهب السحاب وما همل هماله



    وسلامتكم :)
     
    آخر تعديل بواسطة المشرف: ‏16 فبراير 2015
  9. @al-qrsh@

    @al-qrsh@ بـترولـي نشيط جدا

    372
    0
    0
    مثل ابن براك ينسفها على الاكتافي ..... وينقل الصعبه على المتن اليمين لحاله
    اشهد ان مسلم البراك رجل ن وافي ..... مايقدم كون وصف مسلم ن وامثاله
    ياسلام الله على اللي موقفه ينشافي ..... ولحضر وقت المواقف مانشرب فنجاله


    صح لسانك ويستاهل البراك
     
  10. ربينا سوا

    ربينا سوا بـترولـي خـاص

    للشاعر المبدع/ حمود البغيلي


    ياكثــر ماقلت أبسوي وأبسوي.. ولا فيه شي من القلت سويته

    راحت حياتي وانا اطري وانا انوي.. واللي بغيته نسيته يوم خليته

    انا احسبني صغير و بالعمر توي.. لاشك شيبت وأحلى العمر عديته

    ياليتني ياحمد يومه صفى جوي.. هاك الزمن ياشريف البيت خاويته
     
  11. العجمـي

    العجمـي بـترولـي خـاص

    1,857
    0
    0
    سـر
    kuwait
    في النائب فيصل بن مسلم

    والله إني ما قدحتك يا زنادي
    لجل تمسح جوخ فرعون وجنوده
    كان ضربك ما يجي بين الثنادي
    شاعرك لا بارك الله في زنوده
    جوهم هادي،،، وجوي غير هادي
    والصحافه سلعةٍ من غير جوده
    المشرع ما يشرع فالمبادي
    والمهندس ماتهندس في عموده
    والقياده ما تبي غير القيادي
    والهوى ما شاقني ياكود نوده
    عز دستورك يعزك يابلادي
    مارضينا بالتلاعب في بنوده
    ينطق الصعلوك بلسان الفسادي
    يا زمان الصعلكه صفحتّك سوده
    والحكومه لو تعز السندبادي
    سد مأرب،، فار،،، من دمر سدوده
    سندباد القوم وش عنده ينادي
    نعرف الدستور ونشجع قيوده
    شخص قاضي ،، بس قاضي غير عادي
    قاضيٍ بإسم الخنا يرسل وفوده
    خبروه إن التمادي،، بالتمادي
    ينتج إفرازات ماهي بمحموده
    دارنا ماهيب،، دار أحمد نجادي
    وش بلا القلاف ما يلزم حدوده
    مجلس الأمه ترا ماهوب نادي
    يالدفاع اللي سماسرته تقوده
    صعلكوك،، وجيت متصعلك وغادي
    سلعةٍ للسوق في حالة ركوده
    من تخلف حولوه إمن الشدادي
    دام لاهوب البلد جرّح خدوده
    والخروف اللي على المقصب يقادي
    وش نبيبه،،؟ والمعزه في فهوده
    فيصل المسلم ليا حان الجهادي
    فارسٍ ماكاد غيره ما يكوده
    من زرع يجني ثمر وقت الحصادي
    لا يهزك حشد من جمع حشوده
    يالجواد ابن الجواد ابن الجوادي
    شب نار العز لو حنا وقوده
    لو نعيش وقوتنا تمر وزبادي
    ما مسحنا جوخ فرعون وجنوده

    الشاعر: ناصر الحبيشي العجمي
     
جاري تحميل الصفحة...

مشاركة هذه الصفحة