للاخوان المسجلين شهر 9 الي مقابلينهم

الكاتب : طموحي نفط الخليج | المشاهدات : 621 | الردود : 5 | ‏25 نوفمبر 2010
  1. طموحي نفط الخليج

    طموحي نفط الخليج بـترولـي جـديـد

    32
    0
    0
    السلام عليكم

    ارجو من الاخوان الي تم معاهم المقابله يذكرون ماحصل معهم بالوصف دقيق جدا

    لتعم الفائده للخوانكم الباقين الي جاري مقابلتهم وامتحانهم


    وشكرا
     
  2. Q8Geo2010

    Q8Geo2010 بـترولـي نشيط جدا

    173
    0
    0
    السلام عليكم
    اول شي طبعا امتحان الانجليزي .. راح يكون جدامك جهاز كمبيوتر تدخل اسمك ورقمك المدني ويبلش الجهاز يعطيك اسأله
    الاسئله متنوعه لكن اغلها استماع وصور
    مثال :

    مذيح يتحدث عن جائزه افضل لوحه ويقول ان لوحه البحر كانت من اجمل اللوحات ولوحه الالجبال كانت بالنسبه لي افضل لوحه لكن الفائز بالجائزه اهيا لوحه الغروب .. ويحطلك سؤال من هو الفائز بالجائزه الخ...

    مثال :

    يحطلك صوره بوستر ويقولك هاذي الصوره تعبر عن شنو .. ويحطلك اختيارات

    يعني باختصار الامتحان سهل لكنه يعتمد على قدرتك على الاستماع وانك تكون فاهم الي سمعته لكنه بسيط وسهل

    في بعض الاسئله تكون عباره عن اختيارات معاني كلمات هني شوي ممكن في صعوبه لان الكلمات اغلبها متقاربه

    -----------------------------------------------

    بالنسبه للمقابلات احنا سألونا متى متخرج وكم معدلك وين تشتغل وشنو تعرف عن تخصصك وعن النفط بشكل عام وشنو تعرف عن الشركه وليش تبي تطلع من دوامك وجم معاشك بالدوام الحالي او ليش تبي تطلع وتي عندنا .. ايضا شنو المواد الي تحبها وتكلم عنها .. في شباب اسألوهم بالانجليزي الخ ... لو تلاحظون كلها اسئله عاديه ..
    لكن انت لازم تكون مرتاح وانت تجاوب ولا تتوتر وحاول انك ترد عليهم بالانجليزي ( مو كل شي لكن حاول تبينلهم ان اللغه تمام عندك)
    شغله ثانيه حاول توجه الاسئله حق الشغلات الي انت فاهمها يعني تخلينهم يسالونك بالي انت متمكن منه

    ---------------------------------------------------------------------------
    هذا طبعا بالنسبه للاختبار والمقابله عليهم نسبه عاليه
    ---------------------------------
    اخر شي المعدل طبعا الي معدله اعلى له الاوليه بالقبول

    والله يوفق الجميع انشالله ونكون من المقبولين
     
  3. طموحي نفط الخليج

    طموحي نفط الخليج بـترولـي جـديـد

    32
    0
    0
    بارك الله فيك ورحم الله والديك وماقصرت وبميزان اعمالك على المعلومات الزينه


    هل الي بلمقابله موظفين كويتيين اما اجانب وشنو جو المقابله هل وانت تجاوب يقاطعونك
     
  4. Q8Geo2010

    Q8Geo2010 بـترولـي نشيط جدا

    173
    0
    0
    كويتيين وسعوديين اعتقد بالعكس ما يقاطعونك ويخلونك على راحتك واذا قاطعوك يكون بسبب شي قلته ويبون يعرفون عنه اكثر ... نصيحه مني شد حيلك وحظر. للمقابله وكون لك نبذه عن نفسك وموفق انشالله
     
  5. طموحي نفط الخليج

    طموحي نفط الخليج بـترولـي جـديـد

    32
    0
    0
    الي فهمته منك المقابله من الاف الي الياء بلانقلش؟
     
  6. Q8Geo2010

    Q8Geo2010 بـترولـي نشيط جدا

    173
    0
    0
    لا يسالونك سؤال تجاوبه بالانجليزي .. وفي ناس ما كلموهم بالانجليزي ابدا
     

مشاركة هذه الصفحة