دوام البحر

الكاتب : عذبي | المشاهدات : 4,587 | الردود : 36 | ‏25 نوفمبر 2010
  1. عذبي

    عذبي بـترولـي نشيط

    121
    0
    0
    السلام عليكم و الرحمه

    ابي شوية معلومات للدوام بالبحر طبيعة العمل حق المشغل و كم ساعه الدوام و شلون المسؤولين ؟؟ سمعت اخبار ماهي طيبه عن الاداريين بشكل عام و عندي غالي يبي يحول للبحر ...

    اتمنى تردون على السؤال بصراحه .
     
  2. Bos3ayd

    Bos3ayd بـترولـي مميز

    523
    4
    18
    ابعد عن الشر وغنيلووو ، البحر شرباكه ان دشيته ماتطلع واسمع الكلام من اخوك :)

    دوامك 6 ب 4 ، 6 على البووت و 4 بالديره ، الفورمنز انت وحضك لكن السوبرفايزر وصلني كلام طيب عنه للذمه :) .
     
  3. Bomesh3al

    Bomesh3al بـترولـي جـديـد

    48
    0
    0
    هلا بالحبيب اخوي دوام البحر ابعد عنه

    دوام 6 ايام

    و اربع راحه

    صح تاخذ بيزات اكثر شوي على راتبك بس ما تسوى التعب اللي فيه

    مع احترامنا الاخوان في البحر بس ياخوي انا اداوم بالبر و اشوف اهلي كل يوم و لايعه جبدي من ديناصورات الشركه احنا شباب دبلوم هندسه و للاسف مسؤولينا شهادة متوسطه ما ودك حتى ترد عليه .

    ماكو مهندسين بالبحر يعني ناس بروفيشينال ماكو ... التعامل راح يكون مع فورمنيه شهاداتهم متوسطه و ثانويه اذا فلتة زمانه ... الله يعين فما اعتقد البحر راح يكون مكان مناسب والله الا اذا حطوا ناس مثقفه دارسه عندها على الاقل دبلوم مو واحد صارله 30 سنه شهادته متوسطه شايف حاله على الامه ..

    اكرر ابعد عن الشر و غنيله
     
  4. Bomesh3al

    Bomesh3al بـترولـي جـديـد

    48
    0
    0
    كلامك عن الشر صحيح يا الغالي .. اعرف هناك 5 كويتيين شباب مثل الورد معرفتي فيهم سطحيه ماكو واحد مدح بالبحر ... للاسف سمعت البحر ماهي زينه بسبب كثير امور ..


    الفورمنيه مالهم كلمه امشيهم اسشوبر فايزر و المشكله اثنين منهم كويتيين يقولون واحد اخلاقه زينه و تعامليه طيب بس ماله كلمه و السوبر فايزر (سعودي) اللي شايف نفسه على العالم شهادة متوسط و الجانب الكويتي ما يشتهونه و التيم ليدر ( كويتي )بعد اللي للاسف يقولون مهندس من امريكا و كلمتين انقليزي ما يعرف يتكلم جدام الاداره العليا ! !


    الي ناقلي هالاخبار واحد اشتغل معاهم اكثر من 10 يقول بالحرف الواحد البحر شغل عصابه واحده يقودها السوبر فايزر اذا تبي تصير من ربعه و تظربله بروش روح و اذا انت مو مال هالسوالف ابعد عن الشرررررررررررررررررررررر
     
  5. عذبي

    عذبي بـترولـي نشيط

    121
    0
    0
    يعطيكم العافيه اخوان جزاكم الله خير ..
     
  6. offshore

    offshore بـترولـي جـديـد

    6
    0
    0
  7. offshore

    offshore بـترولـي جـديـد

    6
    0
    0
    بسم الله ارحمن الرحيم

    انا سجلت عشان بس ارد على الموضوع هذا اخوي ما عليك من القايل والقال او من يقوولك انا سمعت او قالي فلان او فلنتان انا لي 13 سنه في البحر واعرفه وابخصه اكثر من اللي سبقووني وتكلمووا عنه .. اول شي البحر قسمين فيه operation و feild service وكلهم دوامهم 4 ايام في 6 ايام بالنسبه للمعلوميه تاخذ 4 ساعات يوميا وعلاوات بحر من غير الاوفرتايم بالنسبه للشاهادات يعني شنوو يبوون يبووون مهندسين فورمنيه كل اقسام الانتاج فورمنيتهم شهاداتهم متوسطه اما السوبر فايزريه انظف ناس ولا يفرقون بين المشغلين اللي يستاهل يعطوونه اكثر من حقه واللي ما يستاهل حاله حال اي موضف مستهتر يتعاملون معه بقوانين الشركه لما يضبط حاله اما التايم ليدر فهو فعلا كويتي احسن ما شفت منه كمسؤول متعاون وحبيب الى اخر درجه والظليمه شينه يا جماعه ابي اسأل اللي فووقي اذا البحر بهذا الشكل اللي انت تقول عنه ليش ما ينقل رفيجك اللي قال لك الكلام مع العلم ان النقل وخاصه في الانتاج البحري سهل جدا اخوي اللي تسأل البحر زين واللي فيه صعبه الواحد منه ينقل والله يعين كله يرجع الى وضعك الاجتماعي اذا يسمح او لا اذا فيك شده على 6 ايام روح ولا تخاف في شباب كويتيين هناك ومرتاحين ما عليك من اللي يتكلم بس هنا اقسم بالله ما فيهم واحد يقدر يقوول شي هناك

    تحياتي لكم
     
  8. العوضي

    العوضي بـترولـي خـاص

    1,054
    3
    0
    ابعد عن الشر وغنيلوو
    و

    داومت فيه 17 سنه وماصدقت وطلعت من البحر
     
  9. barry_q8

    barry_q8 بـترولـي نشيط

    84
    0
    0
    عفوا أخوي العوضي انت داومت في Boat والا في Gathering ؟؟
     
  10. Bomesh3al

    Bomesh3al بـترولـي جـديـد

    48
    0
    0
    السلام عليكم يالغالي ...

    من صجك انت ؟؟ مادام كتبت رد ... رد على كل شى واثبت ان كلامي غلط

    اقولك البحر فيه فورمنيه مالهم كلمه ! يعني السوبر فايزر السعودي اللي موجود بالبحر هو صاحب الكلمه الاولى و الاخيره

    اي فورمنيه شهاداتهم متوسطه بس اكو منهم مثقفين ووعين و اكو اللي الله لا يوريك !! خلني ساكت على الاقل لو كان حامل شهاده جان بلعته و قلت فلان عنده شهاده و خبره بس لا شهاده ولا حتى skills على شنو هذا فورمن قولي تكفه !!!!

    اما كلامك عن السوبر فايزر طبيعي راح تمدحه يالغالي فهو معروف اكثر منك بالشركه و هو رئيسك لازم تمدحه ولا يوريك نجوم الظهر :) خلك صريح لا تحابي ولا تغطي عليه . كل الناس عارفته مدحك او ذمك فيه مجروح جمله و تفصيل .. صح ((طيب)) بالظاهر ولكن عنده (((أساليبه))) بعد في التصيد بالماء العكررررر :) ..... عشان جذي ما شاء الله الفورمنيه اول الناس اللي يحصلون على ال A لتقديمهم السمع و الطاعه له حتى في الغلط والباجي نثار السفره ينقط على الاوبريتر المسكين شوف عاد يحوش كويتي ولا سعودي هالنثار :) الموضوع عندكم يا حبيبي لا حبتك عيني و الشمس ما تغطيها بمنخل .. اذا انت من حزب انت من حزب و شلة السوبر فايزر تاخذ و وايد تاخذ بس تكون مطيع و اذا مو من شلته تاخذ حقك و بس و بطلعة العين احيانا .. من غير ذكر اسامي الناس المظلومه بالبحر انت تعرفهم زين . و الدليل موجود ماله داعي نكبر ناس كلنا عارفين حجمها ..

    اكو ناس عندكم ياخذون اوفر تيم بالهبل لان السوبر فايزر يبيه و يحبه و اكو ناس ما ياخذون الا الاربع ساعات و احيانا بالمللي يتحاسب لا عطيتوه ساعه اكثر او ساعتين تراها مو منه لان في ناس تاخذ اكثر منه بوايد .. اقل شى اشغل اللي احبه اوفر تايم اذا كان يسوى و اللي ما احبه اخليه يرتاح :) بالعربي مو الكل سواسيه مثل ما قلت تره لا تعيدها ارجوك ماهي مقبوله منك :)




    اما التيم ليدر يالغالي خلها على الله مهندس كلمتين انقليزي ما يعرف لمن الاداره العيان تحضر البحر و يبونه يتكلم يخلي واحد من الشباب اللي اقل منه يتكلم لان ما يبي يفشل نفسه ناهيك عن انه ما يتخذ قراراته بنفسه الا لمن يصدق عليها اللي تحته يعني الامبريتر اذا يبي يشتكي على اي احد ماله حق لان الكلمه بيد هالسوبر فايزر ...

    اللي يبي يروح البحر لازم يعرف ان هناك حزب يا تكون معاه يا لا ترروح .. و غير هالكللام ماخوذ خيره بالحبيب ...

    السالفه لاهي شغل و لا علاوات بحر ... السالفه ناس ما تعرف الا نفسها مالك كلمه بينهم حالك حال العامل شيل حط و انت ساكت

    ملاحظه : مابي اذكر شلون الشباب يشتغلون اكثر من شغلهم احيانا و تنسونهم بالمحطات من غير اكل ولا شرب ولا حمامات اجلكم الله ..

    خلها على الله يبه انت دافع على كيفك بس الناس عارفه شنو البحر ....

    :D
     
  11. العوضي

    العوضي بـترولـي خـاص

    1,054
    3
    0
    انا داومت في Gathering والصراحة ابعد عن الشر وغنيله .
     
  12. enazi

    enazi بـترولـي نشيط

    90
    3
    8
    كم رواتبهم الي بالبحر ، مهندس حديث تخرج ، ...
    وهل يحتاجون لمهندس كيميائي ?
     
  13. Bomesh3al

    Bomesh3al بـترولـي جـديـد

    48
    0
    0
    انت مهندس ؟؟ كويتي ؟؟؟ روح الله معاك يبه الراتب يجيك اللي يقر عيونك و ابشرك اذا انت مهندس و يعطونك سوبرفايزر انت اعلى واحد فيهم تصير حتى لو حديث تخرج ..

    روح دربك خضر ارفع راس الكويت في ذاك المكان اللي ما فيه ولا كويتي مهندس يديره ...
     
  14. القرناس

    القرناس بـترولـي نشيط جدا

    153
    0
    0
    أنا قريد 21 هندسة ميكانيكية جم الزيادة على الراتب اذا رحت بحر؟؟؟
     
  15. offshore

    offshore بـترولـي جـديـد

    6
    0
    0

    السلام عليكم

    اخوي انت شفيك ليش زعلان شوف لا في حزب ولا فيه شي انت بالبحر مو بألمانيا بعدين انت تبي فورمن مثقف >> مثقف والله ما ادري وش تبي بالمثقف شرايك بعد انجيب لك فورمن طويل واشقر بعد ..... ما ادري من وين جبت الثقافه هذي اخووي كل الفورمينه اللي في الشركه كلها شهاداتهم مو اكثر من متوسط او ثانوي يعني جنير هذا نظام الشركه او تبي فورمن دكتوور يعني ... المهم ما علينا طلبك شوي غريب..... خليني امشي معك حبه حبه

    السوبر فايزر.....

    مثل ما قلت هو اللي ماسك البحر والبحر بدونه ما يميشي لا فنيا ولا اداريا وراعي حق يعطي كل واحد حقه وما عمره ظلم احد واذا انت مظلووم لا تتكلم هنا ما ادري شلوون انت مظلووم وساكت يا اخي روح واتكلم وقوول انك مظلووم او بس هني وباسم مستعار تتكلم هذي مشكلتك ما عندي حل لها ... على فكره هو مو رئيسي ولا له علاقه فيني بس كلمه الحق تنقال.... شوف اخوي البحر مثل اي قسم في الشركه اذا انت مضبووووط تاخذ حقك واكثر واذا انت راعي لف ودوران تتعامل مثل ما يتعامل اي موظف غير منتظم في اي دائره في الشركه تطبق عليك لوائح الشركه>> اعتقد اني اكرر كلامي السابق يعني افهم..

    بالنسبة لتقسيم الشغل هذا راجع للفووورمن السوبر فايزر ما له اي شغل على فكره في فورمنيه سعوديين وكويتيين اربع فورمنيه اذا كلهم يشتغلووون عليك بالشغل اذا المشكله عندك اخووي شووف انت شنو مسوي ولا تذكر السلبيات وتترك الايجابيات في كل دوام بالعالم سلبيات واجابيات نسيت الدورات نسيت الاربع ساعات اليوميه اخوي انت بالقليل يوميتك بالبحر 300 ريال ( 300 = اربع ساعات + بدل ازعاج + بدل شفت + بدل بحر )

    يعني بالشفت 1800 ريال في ثلاث شفتات بالبحر 5400 ريال هذي حسبه بسيطه وعلى السريع 5400 ريال من غير الافرتايم واللي يبي يشتغل اوفر تايم مفتووح له بس اخوي انا اقول لك شي المشكله من الابريتر هو اللي يعموون على ربعهم يعني ما في تعاون بينكم يا الابريتر اخوي نسيت ايام الراحه 4 ايام من غير يوم النزله مو احسن من انك تطق الطريق والجوازات يوميا بس 3 مرات بالشهر هذي الايجابيات اللي انت ما ذكرت منها شي لاخوي السائل اللي يبي يعرف شنو الزين وشنو الشين انت ذكرت الشين واغلبه غير صحيح هو ما سألك عن شهادات الفورمنيه او ان التايم ليدر يعرف يتكلم انجليزي او لا الرجال يعبي يعرف شنو البحر وكم علاواته وشنو طبيعة عمله......

    التايم ليدر....

    اللي ماسك البحر تايم ليدر كويتي وهو جدا متفهم ولا عمره رد احد دخل عليه ومعروووف ولا يهضم حق احد ويخاف الله ابي اسألك سؤال الافضل هو او اللي كان قبله يا اخي احمد ربك كنا وين وصرنا وين اما بالنسبه لأنجليزيته وثقافته انت ما تحدد هذا شي راجع للمدير والاداره العليا على فكر هو مفرووض على البحر من قبل الجانب الكويتي غصب والرجال ماسك البحر له سنه ويتعامل مع الاداره العليا وهم ابخص فيه ..... انا ابي اقوول الحق الرجال راعي فزعه وما عمره رد احد دخل عليه ولا يضغط على الموظفين مثل غير ولا يسوي ازعاج اخوي انت تذكر قبل شنو التايم ليدر كان اربع وعشرين ساعه عندك بالقذرنق ما يخليك تتنسم البحر الحين احسن من قبل والامور ماشيه مثل الساعه بعدين من قال لك انه يخليلي احد من اللي اصغر منه يتكلم عنه ما عمرها صارت خاف الله لا تدلس على الناس اذا ما تدلس اذكر حادثه ومن خلا يتكلم عنه.....


    المحطات اللي نسو الناس فيها....


    اول شي ردا على كلامك المحطات فيها غرفة نوووم وفيها دورة مياه وبعدين وش عندكم يا الابريتر غير المحطات الابار وانتقلت الى قسم السي لاين ما عندكم غير اربع محطات وكل شي فيها في مثل يقووول ما كل منسي فيه خير اذا في احد نسووه في محطه مشكلته مع خوياه هم اللي نسووه يعني لا السوبر فايزر ولا التايم ليدر نساه ربعه الابريتر هم اللي نسوووه او تناسوووه عشان كذا تحصل من السوبر افايزر قرارات شوي صارمه بخصووص هذا المضووع على الافورمنيه الابريتر وهذا الشي ما يعجب احد .......


    انا ما ادافع عن احد اقسم بالله لو فيه شي كان قلته وما يهمني لا بحر ولا غيره اهم شي اقوول الصراحه....

    اخوي انت تقول ما عندك راي بس تشيل وتحط صح هذا راجع لشخصيتك في ناس بالبحر عندهم راي ويتكلموون ...


    انا ابي اسألك سؤال بس وجاوبني بصراحه.....

    انت ليش لما الحين قاعد بالبحر اللي يقرأ كلامك يقوول هذي مو عيشه شنو اللي مصبرك على البلاوي هذي كلها ليش ما تنقل وترتاح يا اخي ....؟؟؟ ترا ما في احد مغصووب على شي حتى اللي يسأل عن البحر مخير مو مسير...


    اخوي اذا انت تعرف البحر انا اعرفه اكثر منك واقدم منك فلا تقول كل الناس تعرفه ما تقدر تحكم احد ولا تقدر تمشي الناس على رايك ....

    اخوي السائل ....... روح للبحر روتيشن يعني تجريبي ما في احد راح يقول لك لا ذا عجبك الوضع اقعد واذا ما عجبك اطلع كل انسان له نظام في حياته يمكن ما يضبط معك

    ملاحظه : البحر على حسب وضعك الاجتماعي يعني بيتك ( عزوبي - متزوج ) بسبب طول ايام الدوام 5 ايام والسادس نازل...


    قد اختلف معك بالرأي ولكن تبقى الموده والمحبه بيننا

    تقبلبوو تحياتي واسف على الاطااااااله
     
  16. Bomesh3al

    Bomesh3al بـترولـي جـديـد

    48
    0
    0
    شنو يعني تايم ليدر يالحبيب ؟؟ انا اعرف تيم ليدر ما اعرف تايم ليدر !!

    عموما كل من له رايه بالموضوع و كل اللي دخلوا على الموضوع قالوا ابعد عن الشر و غنيله و انا ماني من اهل البحر و الله لا يقولها :)

    الغرف اللي بالمحطات انت تقصد الجديده اما المحطات القديمه حتى التي بوي يدري ان مافيها شى ..خل كلامك دقيق انا مالي مصلحه اكذب على الاخ اللي سال و طلب الحقيقه

    و ( التايم ليدر ) مو مسؤولي ولا السوبر فايزر الدكتاتور ( ف س ) مسؤولي و لا عمره راح يصير ...بس انقل الواقع ... واذا تقول مو في المانيا اقولك بلى البحر اكثر ما النازيه و الفاشيه .. بس من تحت لي تحت


    انت يمكن قاعد بالبحر ما تدري شنو الحقيقه لان مبين انك من محبين الفورمنيه و ال( تايم ليدر) و السوبرفايزر .. والله يهنييك فيهم

    الفورمنيه اللي بالشركه شهاداتهم متوسطه كانت او ثانويه و يحترمون الشباب الجدد ( الاوبراتر) اللي عندهم شهادات اعلى منهم على العين اما غيره فما يشوف شر الايام جايه و تشوف ماكو واحد شهادته متوسطه او ثانويه بالشركه .. انتهى هذلك الزمان يالغالي و كل واحد يعرف حدوده ...

    مو السوبر فايزر مال البحر تكفه هذا اللي تقول ما يمشي الشغل بلياه شهادته متوسطه و لسانه طويل حتى على المهندسين على بو انه خبره .. والله لو يقولون له سو بريزنتيشن او اشرح لنا دياقرام اب مانيوال يبط على ويهه :) ولا تقول راعي حق والله لا شاف الحق ولا عرفه يمكن حق ربعه بس اما على اللي ما يحبه يوريه الويل ...

    خلها على الله يالغالي اخذ راتبك و علاواتك عليك بالف عافيه بس لا تاخذ الناس بالطوشه بروحك تره ماشي عكس التيار في دفاعك المستميت .. و كلامك مجروح لان من اهل البحر ..



    سلام
     
  17. Bomesh3al

    Bomesh3al بـترولـي جـديـد

    48
    0
    0
    بو الشباب توني اشوف كلمة تدلس ؟؟؟ ليش ادلس يبه تعرفني ولا اعرفك لا سمح الله ؟؟
    هالكلام مو عدل منك كلمة تدلس ما تنقال هني يالغالي ... حاول تحكم اعصابك ...

    الناس كلها دشت الموضوع و قالوا ابعد عن الشر و انت يايب بضاعه بايته الله يهداك محد راح يشتريها منك ..

    و انا ما ادلس ولا ربوني اهلي اني اكذب ..


    تعيش و تكبر و تتعلم ..
     
  18. مهندس انتاج

    مهندس انتاج بـترولـي نشيط

    51
    0
    0
    السلام عليكم,

    شباب البحر هم فعلاً أبطال وأكن لهم كل إحترام على صبرهم واجتهادهم العجيب... العمل متواصل و شاق... كنا أحياناً لا ننام لأكثر من يوم ونجتهد لنتم العمل بأكمل وجه

    الفورمنية هم أصحاب خبرة و ممارسة تعادل شهادة مهندس وإذا كان المهندسين تعلموها في الجامعة فالفورمنية تعلموها في الواقع والخبرة الميدانية

    السوبرفايزر هو أحد أعمدة الدائرة وفخر للشركة وهو صاحب خبرة وإنجازات كثيرة لايمكن إنكارها... وأنا أشهد أنه يتفوق على المهندسين في كثير من الأحيان

    زبدة الموضوع الشغل في البحر صعب ويحتاج واحد صبور وصامل ويعيش مع ربعة كأنهم أهله. العمل يتوقف عليك و على زملائك... مافي نظام ولا معايير يمكن أن تتبع. إذا تلف وتدور راح تتعب ربعك بشكل كبير لآن الوضع مايتحمل

    لا تتوقع إنصاف بالميزات و تقدير للجهود لأن النظام في الشركة مايسمح و النسب محدودة للمتميزيين
    الميزات ما تسوى التعب الي راح تمر فيه
    الإدارة..."قل خيراً أو لتصمت" وأنا أختار الصمت
     
  19. مهندس انتاج

    مهندس انتاج بـترولـي نشيط

    51
    0
    0
    يحتاجون لمهندسين... والنقص شديد والشغل كثير
     
  20. القرناس

    القرناس بـترولـي نشيط جدا

    153
    0
    0
    بما انه لك بالبحر يريت تخبرني عن الفرق بالمعاش بين البر والبحر
    واذا كان البحر شفتات جم بجم يوم(وهل فيه تنسيق بين الموظفين) علما بأني​
    مهندس يديد يعني قريد 21 ويعطيك العافيه​
     
جاري تحميل الصفحة...

مشاركة هذه الصفحة