مكافأة الموظف الذي ليس لديه طبيات

الكاتب : الكويت وبس | المشاهدات : 2,278 | الردود : 16 | ‏22 نوفمبر 2010
  1. الكويت وبس

    الكويت وبس بـترولـي نشيط جدا

    231
    0
    0
    شباب ليش شركة نفط الكويت ما تصير مثل البترول الوطنية بتمييز موظفينها اللي ما ياخذون طبيات لهم مكافأة طبعا خلال 3 شهور يعطونه كوبونات بنزين واجازة يختارها باي يومين حتى لو عطلة رسمية او عيد ويحسبوله انه مداوم حتى لو كان عيد وحتى الموظف اللي يغطي مكانه بالعيد هم يستفيد من الاوفرتايم ويميزونهم بعد بالكورسات الخارجية ليش شركتنا مو مثل البترول
     
  2. Lag

    Lag بـترولـي نشيط

    94
    0
    0
    لأن الموظف اللي ما ياخذ طبيات اما
    1- رجل آلي
    2- متعود على التزريق
    3- يجهد نفسه في العمل اثناء المرض مما يسبب انتكاسة صحته وسوء انتاجيته

    منو اللي خلال سنة ما يحوشه صداع قوي او حرارة او ضرس او انسومنيا ( ارق وعدم قدرة على النوم ) اوعوار ظهر او املاح في الكلية او عوار اذن الخ الخ من الامراض اللي الله يبعدها عنا وعنكم وعن جميع المسلمين
     
  3. officejet

    officejet بـترولـي جـديـد

    13
    0
    0
    في نوع ما ذكرته أخوي،،

    بعد 14 سنه خدمه كنت من نوع الأول و هو رجل الآلي ،، بس أكتشفت أني غلطان ما في أحسن تطنيش

    شكرا
     
  4. SonMubarak989

    SonMubarak989 بـترولـي خـاص أعضاء الشرف

    2,062
    98
    48
    ونا موظف عمليات الخفجي ما كان عندي طبيات
    خذيت مكأفأة 400 ريال بس مره وحده تصرف بالسنه
    :)
    يعني حده ما تسوى
     
  5. skipper

    skipper بـترولـي مميز

    587
    5
    18
    الحمدلله على الصحه والعافيه
    والله يعطيك طول العمر
    بس على فكره الطبيه من حق الموظف
    اذا كان تعبان او مريض عادي ياخذ طبيه وشنو المشكله اذا اخذ الموظف طبيه
    يعني لايستحق مكافأه عشان طاح مريض
    ؟؟؟؟
    نرجع ونقوول الحمدلله على الصحه والعافيه
     
  6. bozzkoc

    bozzkoc بـترولـي نـشـيط

    126
    1
    18
    أخصائى أمراض معدية بالمستشفى
    Kuwait
    عدم أخذ طبيات مو انجاز للموظف !!!
     
  7. الكويت وبس

    الكويت وبس بـترولـي نشيط جدا

    231
    0
    0
    سبحان محد عاجبه مكافأة لموظف حريص على بلده قبل عمله وأعتقد الاخوان اللي عارضوا الفكره اللي قال رجل الي واللي قال ما تسوى واللي قال مزرق هالمشاركين مستحيل ما يكونون من اهل المرضيات لانهم لو غير جذي ما أعتقد أنه بيرفض والحين راح افندلكم الاعتراضات اللي من الاخوان

    اولا اللي يقول رجل الي انا بقولك نقطه وصايره معاي شخصيا فعلا انا امرض ومافيه احد ما يصدع ولا يمرض طول السنه بس سبحان الله مرضي غالبا ما يكون بالاوف ولو فرضا انه صادف اثناء دوامي فاعتبره بوحده من هالثلاث شهور يعني ما استفدت ولكن باقي 9 شهور ممكن استفيد منها

    واللي يقول من حق الموظف ارد عليك واقولكم ومن قالك مو من حقه من الاساس بالعكس حق ومشروع بعد ولكن اعتبر انك ما احتجت لهالحق والشركة بتجازيك فوق هالحق بعد شالمانع؟؟؟؟

    اللي يقول متعود عالتزريق اقوله هالشغله فيها حلال وحرام ومو عشان انه ممكن راعي الحرام انه يستفيد من هالميزة نقوم ونحرم منها الشريف واللي حريص على شغله

    وموضوع انه يجهد نفسه اعتقد هالكلام خالي من الصحة ولا يدش العقل شنو يعني يجهد نفسه لا يبه لا يجهد نفسه ولاغيره خله على طبيعته ولمجرد انه انسان طبيعي ومو راعي طبيات زيادة عن اللزوم له مكافأة شنو المانع



    الاخ الكريم اللي يقول بعد 14 سنه مجرب ومافيه احلى من التطنيش الرد اهو ليش ما يساوونا مع البترول الوطنيه عشان ما نوصل لهالمرحلة ونفكر بالتطنيش بالعكس خل يكون فيه دافع وتشجيع للعمل

    بالنسبة لاخوي اللي بعمليات الخفجي فعلا يمكن المكافأة اللي عندكم مو مجزية ولكنها بتكون بحسابك وانت قايم بشغلك مو زيادة يعني اسمها مكافأة وانا قلت فوق المبلغ يشجعون الموظف على انهم يجازونه بيومين راحة وهالشي ما اعتقد انه بسيط بالعكس

    بالنهاية الحمدلله عالصحة والعافية واتمنى تكون المشاركات اكثر منطقية والموظف الحريص يستاهل تمييز عن غيره وهالقرار ما تنفذ بالبترول الا بعد دراسة طويله عريضة واكيد كان لها ايجابيات اكثر من سلبياتها
     
  8. Lag

    Lag بـترولـي نشيط

    94
    0
    0
    اولا

    انا شخصيا ما تتعدا مرضياتي يوم واحد في السنة ,, وكله اطيح مريض بالاجازه وهذا امر الله وراضي فيه :)

    ثانيا

    يا اخي الكريم هذي رخصة قانونية في كل دول العالم من استفاد منها فله حق ومن لم يستفد منها ماله حق يتميز بشيء

    طيب شرايك باجر في موظفين راح يقولون احنا بنجيب سندويشات من البيت وما نطلب من الشركة عشان نوفر عليها ويطالبون بمكافآت من باب القياس مع المرضيات

    او يقولك انا بجيب كبت ومكتب وكراسي واوفر على الشركة

    او بطبع التقارير من بيتنا وبستخدم الطابعة مالت البيت

    او اجيب اقلام ودفاتر او صابون حق الغسيل

    او المسؤول جاب لك كرسي مريح وانت قلت لا بقعد على الكرسي الخشب

    ترا كله نفس الشي من باب القياس

    وانت اذا وافقت على هذه المكافئة ,,, يعني اقريت بأن هذه المكافئة والرخصة المرضية اصبحوا بدائل ولا يمكن ان يجتمعون

    اذن قانونيا لا تصبح المرضية رخصة وانما خيار
    اي شي من مستحقاتك كموظف لك حق تاخذه ,,, لذلك مالهم حق يحرمونك من امتيازات بديلة عن الرخصة

    وشكرا
     
  9. الكويت وبس

    الكويت وبس بـترولـي نشيط جدا

    231
    0
    0
    وجهة نظر ولكن يا اخي الكريم انا ما ألفت اقتراح هذا اقتراح ومطبق واكيد تمت دراسته وعلى اساس هالدراسه تمت الموافقة عليه يعني اسمحلي ما تقدر تقيسه بالسندويشه والمكتب لانه كلام مو منطقي وللعلم بس ومن وجهة نظري الشركة اهي اللي بتكون مستفيدة اكثر من الموظف وكأنها تعطي جزء من فايدتها للموظف بتقولي اشلون بقولك بهالطريقة حلوا مشكلة الاوفرتايم ووفروا مبالغ عالشركة ومنها عالبلد وبنفس الوقت جازوا الموظف وكافؤوه وين العيب بالموضوع بصراحة كلس استغراب من مشاركاتكم يعني هالكلام ما حلمت فيه هالشي مطبق باكبر منشأة بالديرة وتمت عليه دراسات من قبل اختصاصيين وعلى اساسه تمت الموافقه وانا كل طلبي انه يكون مطبق عندنا وبس
     
  10. King-fahed

    King-fahed بـترولـي نشيط

    85
    0
    0
    العمل عباده ارض الله عز وجل في كل شي حتي يبارك لك في كل شي
     
  11. بلاوي

    بلاوي بـترولـي نشيط جدا

    185
    0
    0
    Free Kuwait
    الكويت
    لوووووووووووول

    ياخي يمكن يداوم .. والشباب ما يقصرون وياه .. يعني يشيلون الشغل عنه
     
  12. hamad_cba

    hamad_cba بـترولـي جـديـد

    42
    0
    0
    انا من الناس اللى ياخذون طبيه
    بس عند الضروره لكن فيه ناس ياخذون الطبيه لاى سبب تافه من ظمن الاسباب عشان
    ماتخرب عليه النومه عشان جذي لازم الشركه تشجع النايم يقوم يداوم ويوخر عن الطبيه
    تحط له حافز معنوي
     
  13. الكويت وبس

    الكويت وبس بـترولـي نشيط جدا

    231
    0
    0
    هذا اللي ابي اوصله يالغالي بس عاد تعال اشرح عشان يستوعبون البشر
     
  14. bandar10

    bandar10 بـترولـي جـديـد

    27
    0
    0
    موظف اخذ مرضية ستة اشهر
    تتوقعون شنو سوت الادارة فيه
    الموظف ممكن يكون آنسة و ممكن يكون رجل
    و القصة حقيقة للاثنين - بعد اجازة مرضية ستة اشهر
    هى اصبحت رئيس فريق عمل
    و هو اصبح مستشار - وينك يا بو " ما عندى طبيات " تبى نكمل و لا نسكت يا الحبيب
     
  15. الشايب

    الشايب بـترولـي خـاص

    2,818
    0
    36
    مسؤول أد الدنيا
    في قلب المحبين
    في هالشركه محد مشكور يعني بالعربي كلن يحافظ علي عافيته

    انا كل شهرين اخذ اجازه يومين ويطلع لي ست ايام وان ما عطوني خذيت طبيه يومين وريحت فيها

    لان الظلم موجود والا تقييم لي اللي خلاني معاد اعترف في شي اسمه الطبيات اتاثر علي الموظف

    معطيني تقيييم نفس تقييم الي ماخذ كوشن والي عنده طبيات وانا ولا يوم تاخير ولا طبيه
     
  16. Free_Kuwait

    Free_Kuwait بـترولـي نشيط

    115
    1
    18
    تصدقون

    اول ماقريت الموضوع صابني احباااااط ونويت باجر اخذ طبيه .........
    يعني الحين اللي ماياخذ طبيات بنظر الاداره انه شخص غير طبيعي

    او انه راعي تزريق وفي ناس تغطي عنه .. بالعربي يعني مسجلينه حضور واهو نايم ببيتهم

    لاحول ولاقوة الا بالله

    يعني مافي هالشركه واحد يعطي الدوام حقه ويراقب الله في عمله ... من صجكم

    انا اقول لا تخلطون الزين مع الشين

    اعرف ناس ماشاء الله عليهم اكثر من خمس سنين ماخذوا طبيه ... بصراحه هو شخص واحد يعني مو ناس:)

    ماشاء الله عليه
     
  17. الكويت وبس

    الكويت وبس بـترولـي نشيط جدا

    231
    0
    0
    بصراحه الموضوع اخذ منحنى ثاني واخاف ارد على بعض التعليقات واخسر من وراها بعض الاعضاء والسبب انه الاستيعاب عندهم جدا محدود بالتالي ارجوا من المشرفين الكرام اغلاق الموضوع لوجود بعض العقليات المحدودة وشكرا لكل من فهم وجهة النظر وكان تعليقه بالسلب او الايجاب ولكن بعقلانية فقط
     
جاري تحميل الصفحة...

مشاركة هذه الصفحة