طلب نقل !! شنو الحل.؟!

الكاتب : صافي | المشاهدات : 956 | الردود : 8 | ‏21 نوفمبر 2010
  1. بسم الله الرحمن الرحيم

    سؤال بسيط و بدون مقدمات... انا اعمل في مؤسسة البترول و بودي ان انتقل الي قسم اخر وخصوصا بان القسم الذي انا فيه حاليا لا تناسب مع شهادتي ولا قدراتي ولا اظن انني في المكان المناسب لي.. (ورحم الله امرء عرف قدر نفسه) و المعادله بسيطه فانا لا احب الواسطات ولا اجيدها..

    ما الحل يا جماعة الخير؟؟ ابي انقل من دائرتي .. افيدوني؟!


    و الشكر موصول لكل من يتفاعل مع الموضوع بصدق
     
  2. سلومكو

    سلومكو بـترولـي مميز

    563
    0
    0


    وعليكم السلام


    أنت بنفسك أختصرت على نفسك وعلينا الردود ..!!

    تقول ماتحب الواسطات .!!!


    عيل خلك في مكانك ولاتحلم بالنقل أبدا


    اسف يمكن حبطتك بردي ولكن هذا الصج


    والله يوفجك انشالله
     


  3. ليش هالاحباط!!

    يا خي والله مابي شيء الا ان اعرف الطريقه القانونية للطلب النقل..

    اما عن الواسطه فربك موجود و يغنينا عن طلبة الناس..


    شكرا
     
  4. brilliant

    brilliant المـراقب الـعـام

    8,477
    0
    0
    Engineer
    Kuwait
    تكلم مدير الدائره المراد النقل لها وتقنعه ليش تبي تنقل لدائرتة واذا اقتنع راح يطلب من مديرك الحالي اذا كنتوا تحت نائب عضو منتدب واحد اما اذا مختلفين الاعضاء المنتدبين لازم تقنع العضو المنتدب الي تبي تنتقل عنده
     
  5. يعني اروح بنفسي حق مدير دائره و اكلمه!

    و تالي اكمل مدير دائرتي!

    و تالي الاعضاء المنتدبين!

    واذا واحد من كل هل الاربعه مارضى راحت علي و لا شنو؟


    مافي طلب او فورمه او طريقه واضحه للنقل؟


    ماعليه بس ابي افهم اكثر... استحملنا ياخوك
     
  6. brilliant

    brilliant المـراقب الـعـام

    8,477
    0
    0
    Engineer
    Kuwait
    مافي شي رسمي او فورمه تعبيها

    كل هالامور اتم بقرارات يصدر من نواب الاعضاء المنتدبين من غير اي فورمات او طلب نقل
     
  7. خلف الشمري

    خلف الشمري بـترولـي نشيط جدا

    169
    0
    0
    يعتمد على نوع تخصصك

    ونوع الإداره الأخرى

    وكل هالأمور تعتمد على الأعضاء المنتدبين

    لأن في كثير من المرات يكون ما في بوكس وإذا مضبط نفسك يتم نقلك مع بكسك اللي إنت فيه مع تغيير المسمى الوظيفي إذا إختلفت الوظيفه

    الموضوع سهل جدا إسعى وتوكل على الله وأكثر الدعاء دائما

    وراح تشوف شيء عجيب إذا ألحيت على الله سبحانه بالدعاء
     
  8. الله كريم..

    تسلم يا الطيب
     

  9. ما اشوفه سهل... لكن شكرا على النصيحه و مالينا غير الدعاء..
     
جاري تحميل الصفحة...

مشاركة هذه الصفحة