طبيب آنف وأذن وحنجره

الكاتب : Eng.Vampire | المشاهدات : 10,778 | الردود : 19 | ‏20 نوفمبر 2010
  1. Eng.Vampire

    Eng.Vampire بـترولـي خـاص

    السلام عليكم ....

    اخواني واخواتي اذا في أحد مجرب طبيب أنف وأذن وحنجرة ويكون شااااطر مو أي كلام يدليني عليه ولكم الشكر

    (ما عدا أطباء السلام والهادي لاني جربتهم بحدود 6 زيارات ولازالت المشكله مستمره)
     
  2. bozzkoc

    bozzkoc بـترولـي نـشـيط

    126
    1
    18
    أخصائى أمراض معدية بالمستشفى
    Kuwait
    6 مرات زيارة لنفس المشكلة و مافيه حل !!!

    بس أكيد انت ما جربت نفس الطبيب 6 مرات ...صح !!!
     
    أعجب بهذه المشاركة worior
  3. فزاع السهلي

    فزاع السهلي بـترولـي نشيط جدا

    اي نعـم انا مجرب عياده انف واذن وحنجره بمستشفى المواساه الدكتور صديق هارون

    وانشاء الله اتمنى لك الصحه والعافيه

    تحياتي

    فزاع السهلي
     
  4. Eng.Vampire

    Eng.Vampire بـترولـي خـاص


    جربت 3 أطباء بثلاث عيادات ..... كل طبيب زيارتين وكل علاج أسبوعين تقريبا

    مستشفى السلام والهادي والراشد ..... ما طلعت بنتيجة للأسف وصراحة مستواهم ما عجبني ولا ارتحت منهم ... تصور استشاري انا الي كنت اقترح عليه انه يسويلي أشعه مقطعية وغيرها
     
  5. Eng.Vampire

    Eng.Vampire بـترولـي خـاص


    الله يعطيك العافيه فزاع وان شاء الله بجرب هالطبيب وربك يسهل
     
  6. alawadhi80

    alawadhi80 بـترولـي نشيط

    91
    0
    0
    صبحك الله بالخير اخوي فامباير ، بالنسبة لاحسن دكتور تعاملت معاه اختصاص اذن وانف وحنجرة عندك الدكتور عبدالعزيز عطية وعندة عيادة خاصة في العيادة الالماني الي خلف مخفر السالمية
     
  7. فزاع السهلي

    فزاع السهلي بـترولـي نشيط جدا

    تـوكل على الله

    موفق انشاء الله

    تحياتي

    فزاع السهلي
     
  8. Eng.Vampire

    Eng.Vampire بـترولـي خـاص


    هلا بالغالي العوضي ..... بس سؤالي انت جربته شخصيا ؟ وشلون شغله ؟؟
     
  9. alawadhi80

    alawadhi80 بـترولـي نشيط

    91
    0
    0
    اي نعم اخوي فامباير كان عندي صداع والتهاب دائم بالجيوب الانفيه راجعت هل الدكتور بناء على توصية احد من الاصدقاء وسوالي اشعة وطلع عندي انحراف بالحاجز الانفي مع لحمية زايدة وقالي لازم عملية علشان نعدل الانحراف مع ازالة اللحمية وتنظيف الجيوب من الالتهاب المستمر ، وخيرني بين العملية او علاج مؤقت اعيش على البخاخ والمضاد الحيوي !! وتوكلت على الله وسويت العملية اب مستشفى السلام تحت اشرافه والحمدلله افتكيت من آلام الجيوب الانفية وغير الصداع النصفي الي كان دايما مأذيني . وسلامتك
     
  10. Eng.Vampire

    Eng.Vampire بـترولـي خـاص


    الحمدلله عالسلامه وقواك الله
     
  11. alawadhi80

    alawadhi80 بـترولـي نشيط

    91
    0
    0
    الله يسلمك قلب ويقويك واتمنى اني فدتك ولو بشي بسيط
     
  12. VERSACE

    VERSACE بـترولـي نشيط جدا

    اخوي الفاضل
    اذا تبي نصيحتي روح للدكتور سند الفضاله بطيبه كلينك وهو راعي المستشفي وللامانه الريال معروووف بانه احسن دكتور انف واذن وحنجره بالكويت
     
  13. Eng.Vampire

    Eng.Vampire بـترولـي خـاص


    ومنكم نستفيد يا العوضي
     
  14. Eng.Vampire

    Eng.Vampire بـترولـي خـاص


    عدل كلامك اخوي وكثير من الاخوان انصحوني بالدكتور سند بس انت جربته شخصيا ؟

    ومشكووور عالرد حبيبي
     
  15. VERSACE

    VERSACE بـترولـي نشيط جدا

    اخوي انا كان عندي الغده اللمفاويه متضخمه والصراحه كانت مشتغله فيني وموسوس ورحت حق اكثر من دكتور بدار الشفا و السلام وبالنهاية رحت له وقالي باختصار اهيا كانت متضخمه عشان تغير الجو وصغرت بس العيب فيني انا لانني موسوس فحسيت انها ما صغرت وللامانه الوالده كانت تراجع عنده من فتره طويله قبل لا يسوي المستشفي
     
  16. Eng.Vampire

    Eng.Vampire بـترولـي خـاص


    الحمدلله على سلامتك وقواك الله عالرد الكاافي والواافي
     
  17. hassankoc

    hassankoc بـترولـي خـاص

    ابي دكاترة اطفال اذن انف وحنجره بالمنقف او الفنطاس او قريب منها الفحيحيل يكون مجرب وكم رقمهم عاجل يا اخوان
     
  18. Eng.Vampire

    Eng.Vampire بـترولـي خـاص



    للرفع والاستفاده
     
  19. العوضي

    العوضي بـترولـي خـاص

    1,054
    3
    0
    لازم تطرح نوع المرض لان هناك امراض كثيرة تراجع فيها دكتور خطا لازم تعرض نفسك على دكتور العام علشان يحددلك المرص والدكتور الى لازم تراجعه والصراحه ماكوا احسن من المستشفيات الحكومة .
     
  20. hassankoc

    hassankoc بـترولـي خـاص

    انزين افضل دكتور او دكتورة اطفال؟
     
جاري تحميل الصفحة...

مشاركة هذه الصفحة